ᒠᓐ 3:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᓇᒪ ᒪᒃ ᐊᐛᓐ ᐅᒋ ᐅᐱᔪᐤ ᒋᒋᒋᓯᑯᒡ ᐃᔅ ᒥᒄ ᐃᔪᐤ ᐅᑯᓯᓴᓐ ᒋᒋᒋᓯᑯᒡ ᑲ ᐅᑐᑕᑦ᙮”

ᒠᓐ 3:13 Iomraidhean Croise

ᒪᑎᔪᐤ 28:20

ᑭᔭ ᒐ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”

ᒪᑎᔪᐤ 8:20

ᐊᑯ ᒋᓴᔅ ᐊᑕᑦ, “ᒪᒐᓱᐅᒡ ᑎᑯᓂᔪᐛ ᐅᐛᑎᑯᐛᐛ, ᐱᔭᓯᓯᒡ ᑭᔭ ᑎᑯᓂᔪᐛ ᐅᔅᑎᓄᐛᐛ, ᒥᒄ ᒪᒃ ᐃᔪᐤ ᐅᑯᓯᓴᓐ ᓇᒪ ᐊᔭᐤ ᐊᓐᑕ ᒐᒋ ᐛᐛᔨᓯᓐᑦ ᒐᒋ ᐊᔅᑕᔭᔅᑯᓯᑦ᙮”

ᒠᓐ 1:18

ᓇᒪ ᓂᑕ ᐊᐛᓐ ᐅᒋ ᐛᐱᒪᐤ ᒋᓴᒪᓂᑐᐛ, ᒥᒄ ᐊᓂᔭ ᑲ ᐸᐃᑯᓯᔨᒋ ᐅᑯᓴ ᑲ ᓴᒋᐊᑦ ᒋ ᐃᑐᑕᑯᐤ ᒐᒋ ᒋᔅᒐᔨᒪᑭᓄᐅᑦ᙮

ᒠᓐ 13:3

ᒋᓴᔅ ᒋ ᒋᔅᒐᔨᑎᒻ ᐅᑕᐎᒪᐛ ᐊᒋ ᒥᔨᑯᑦ ᓱᐧᑲᑎᓯᐅᓂᔪᐤ ᒥᓯᐛ ᒐᒂᔪᐤ ᒐᒋ ᐃᑐᑕᐧᒃ, ᑭᔭ ᒋ ᒋᔅᒐᔨᑎᒻ ᒋᓴᒪᓂᑐᐛ ᐊ ᑕᔨᒋ ᐊ ᐅᒋᑦ ᑭᔭ ᒥᓐ ᑲᐤ ᐊᓐᑕ ᒋᓴᒪᓂᑐᐛ ᐊ ᑕᔨᒋ ᒐ ᐃᑐᑕᑦ᙮

ᒠᓐ 17:5

ᓄᑕ, ᒋᔅᑕᔨᑕᑯᐃ ᒧᔭᒻ ᐊᓐ ᑲ ᐃᔅᐱᔅ ᒋᔅᑕᔨᑕᑯᓯᔭᓐ ᐊᔅᒄ ᐊᒋ ᑕᔭᓐ ᐊᓐᑕ ᐊ ᑕᔨᓐ, ᐊᔅᒄ ᐊᑲ ᐅᒋ ᐅᓯᑕᔨᓐ ᐅ ᐊᔅᒋᔾ᙮”

ᒠᓐ 3:12

ᓇᒪ ᒋ ᑕᑈᑐᐅᓇᐛᐤ ᐊ ᐎᑎᒪᑎᑯᒡ ᑕᓐ ᐊ ᐃᔅᐱᔨᒡ ᐅᑕ ᐊᔅᒋᒡ᙮ ᑕᓐᑕ ᒪᒃ ᒐᒋ ᐅᒋ ᑕᑈᑎᒪᒄ ᐎᑎᒪᑎᑯᒐ ᑕᓐ ᐊ ᐃᑕᔨᑕᒂᒡ ᐊᓐᑕ ᒋᒋᒋᓯᑯᒡ ?

ᒠᓐ 3:31

ᐛᔅ ᐊᓐ ᐃᔅᐱᒥᒡ ᑲ ᐅᑐᑕᑦ ᐊᐅᒄ ᐊᓐ ᐊᑐᐎᔅ ᐊ ᐃᔅᐸᔨᑕᑯᓯᑦ᙮ ᐊᓐ ᐊᔅᒋᒡ ᑲ ᐅᒋᑦ, ᐊᔅᒋᒡ ᐃᓯ ᐱᒪᑎᓯᐤ, ᑭᔭ ᐊᔅᒋᔪᐤ ᐊᔨᒧᑎᒻ᙮ ᐊᓐ ᐊᐛᓐ ᒋᒋᒋᓯᑯᒡ ᑲ ᐅᒋᑦ ᐎᔾ ᓇᔅᒡ ᐃᔅᐸᔨᑕᑯᓱᐤ᙮

ᒠᓐ 6:33

ᐊᓐ ᒪᒃ ᐸᒂᓯᑭᓇ ᒋᓴᒪᓂᑐᐤ ᑲ ᒥᔨᐛᑦ ᐊᐅᑯᓐ ᐊᓐ ᒋᒋᒋᓯᑯᒡ ᑲ ᐅᒋᐱᔨᑦ, ᑭᔭ ᐊᐅᒄ ᑲ ᒥᔭᑦ ᐊᐛᔪᐛ ᐅᑕ ᐊᔅᒋᒡ ᑲ ᑕᔨᒋ ᐱᒪᑎᓯᐅᓂᔪᐤ,” ᒋ ᐃᑕᐤ ᒋᓴᔅ᙮

ᒠᓐ 6:38

ᐛᔅ ᓂᒋ ᑎᑯᓯᓐ ᒋᒋᒋᓯᑯᒡ ᐊ ᐅᑐᑕᔭᓐ ᒐᒋ ᐃᑐᑎᒧᒡ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ, ᐊᓐ ᑲ ᐸᒋ ᐃᑎᓴᐅᑦ᙮ ᓇᒪ ᓂ ᐅᒋ ᑎᑯᓯᓐ ᐅᑕ ᐊᔅᒋᒡ ᒥᒄ ᓂᔾ ᓂᑦ ᐃᑕᔨᑎᒧᐅᓐ ᒐᒋ ᐃᑐᑎᒪᓐ᙮

ᒠᓐ 6:42

ᐊᑯ ᒂ ᐃᔅᒋᔄᒡ, “ᓇᒪᔭᐤ ᐊ ᐅ ᒋᓴᔅ, ᒍᓯᑉ ᐅᑯᓴ ? ᓂ ᒋᔅᒐᔨᒪᓇᓂ ᐅᑕᐎᔭ ᑭᔭ ᐅᑲᐎᔭ᙮ ᒐᒂᔪᐤ ᒪᒃ ᐛᒋ ᐃᔅᒋᔄᑦ ᒋᒋᒋᓯᑯᒡ ᐊ ᐅᒋᑦ ?”

ᒠᓐ 6:46

ᓇᒪ ᐊᐛᓐ ᐅᒋ ᐛᐱᒪᐤ ᐅᑕᐎᒪᐛ ᒥᒄ ᐊᓂᔭᔪᐛ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ ᐊᐅᑯᓐ ᐊᓐ ᑲ ᐛᐱᒪᑦ ᐅᑕᐎᒪᐛ᙮

ᒠᓐ 6:51

“ᓂᔾ ᒪᒃ ᐊᓐ ᐱᒪᒋᐃᐛᐤ ᐸᒂᓯᑭᓐ ᒋᒋᒋᓯᑯᒡ ᑲ ᐅᒋ ᐱᔅᑎᓇᑭᓄᐅᑦ᙮ ᐊᐛᓐ ᒪᒃ ᒐ ᒧᐛᒂ ᐅᔭ ᐸᒂᓯᑭᓇ ᑲᒋᒡ ᐱᒪᑎᓯᐅᓂᔪᐤ ᒋᑭ ᐊᔭᐤ᙮ ᐊᓐ ᒪᒃ ᐸᒂᓯᑭᓐ ᒐ ᒥᔨᐛᔭᓐ ᐊᐅᒄ ᐅ ᓂᔭᔅ ᐊᓐᑕ ᒐᒋ ᐅᒋ ᐊᔭᒡ ᐊᐛᓐᒋ ᐱᒪᑎᓯᐅᓂᔪᐤ᙮” ᐊᔪᐅᒄ ᐅᔭ ᒋᓴᔅ ᑲ ᐃᔅᒋᔄᑦ᙮

ᒠᓐ 6:62

ᑕᓐ ᒪᒃ ᒐ ᐃᑕᔨᑎᒪᒄ ᐛᐱᒪᒂ ᐃᔪᐤ ᐅᑯᓯᓴᓐ ᐊ ᐅᐱᔨᑦ ᐊᓐᑕ ᐃᔅ ᑲᒋ ᑕᑦ ᐊᔅᒄ ᐊᑲ ᐅᒋ ᐸᒋ ᐃᑎᓴᐛᑭᓄᐅᑦ ᐅᑕ ᐊᔅᒋᒡ᙮

ᒠᓐ 8:42

ᐊᑯ ᒋᓴᔅ ᒂ ᐃᑕᑦ, “ᑕᑈ ᒋᓴᒪᓂᑐᐤ ᐛᑕᐎᐛᒂ, ᒋᐸ ᓴᒋᐃᓇᐛᐤ ᐛᔅ ᒋᓴᒪᓂᑐᐤ ᐊ ᑕᑦ ᓂ ᐅᒋᓐ ᑭᔭ ᐅᑕ ᐱᔭᒋ ᑕᔭᓐ᙮ ᓇᒪ ᓂᔾ ᓂ ᐅᒋ ᐸᒋ ᐃᑎᓴᐅᓱᓐ, ᐎᔾ ᒋᓴᒪᓂᑐᐤ ᓂᒋ ᐸᒋ ᐃᑎᓴᐅᒄ᙮

ᐊᑈᔅᑕᓇᒡ 2:34

ᐛᔅ ᐊᓂᔭ ᑎᐱᑦ ᓇᒪ ᐅᒋ ᐅᐱᐱᔪᐤ ᐎᔾ ᐊᓐᑕ ᒋᒋᒋᓯᑯᒡ ᐃᔭᐱᒡ ᒪᒃ ᒋ ᐃᔅᒋᔄᐤ, ᐅᑎᐸᔨᒋᒐᐤ ᒋᓴᒪᓂᑐᐤ ᒋ ᐃᑕᐤ ᐊᓂᔭᔪᐛ ᓂᑎᐸᔨᒋᒐᓯᒪ ᙭ᑕ, ᐅᑕ ᓂᒥᔪᐅᓂᒡ ᐸᒋ ᐊᐱᔾ,

ᐊᑈᔅᑕᓇᒡ 20:28

ᓱᒃ ᒪᒃ ᓂᓇᑭᑐᐛᔨᒥᓱᒄ ᑭᔭ ᓱᒃ ᐎ ᒥᔪ ᑭᓄᐛᔨᒪᐧᑯᒡ ᐊᓂᔭᔪᐛ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᑕᒄ ᒐᒋ ᓂᓇᑭᑐᐛᔨᒥᒪᑯ᙮ ᐃᔭᒂ ᐃᓯ ᑭᓄᐛᔨᒪᐧᑯᒡ ᒪᒧᐤ ᑲ ᐊᔭᒥᐊᐛᑎᓯᒡ, ᐛᔅ ᒋᓴᒪᓂᑐᐤ ᐎᔾ ᒋ ᑎᐸᐊᐛᐤ ᐅᔭ ᐃᔅᐱᔅ ᐅᑯᓴ ᑲ ᐱᔅᑎᓇᑦ ᒐᒋ ᓂᐸᐊᑭᓄᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:6

ᒪᐅ ᒪᒃ ᐊ ᐃᓯ ᐊᔨᒧᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑕᑈᑎᒧᐅᓂᒡ ᐊ ᐅᒋ ᑯᐃᔅᑯᑕᑎᓯᐊᑭᓄᐅᑦ ᐊᐛᓐ, ᐊᑲᐎᔾ ᒋᑭ ᐅᒋ ᐃᑕᔨᑎᒻ ᐊᐛᓐ ᒋᒋᒋᓯᑯᒡ ᒋᑭ ᐃᑐᑕᐤ ᐊᐛᓐ ᒐᒋ ᐸᓱᐛᑦ ᙭ᑕ ᒐᒋ ᐊᔨᒧᑎᒪᑯᐅᐛᐧᒄ ᐱᒪᒋᐃᑯᓯᐅᓂᔪᐤ᙮

1 ᑯᕆᓐᑎᔭᓇ 15:47

ᐊᓐ ᓂᔅᑎᒻ ᓇᐸᐤ ᐊᑕᒻ, ᐃᔅᐱ ᑲ ᐅᓯᐃᑯᑦ ᒋᓴᒪᓂᑐᐛ ᐊᓯᔅᒋᒡ ᒋ ᐅᒋ ᐅᓯᐃᑯᐤ᙮ ᙭ ᒪᒃ ᒋᒋᒋᓯᑯᒡ ᒋ ᐅᑐᑕᐤ ᐎᔾ᙮

ᐃᐱᓯᔭᓇ 1:23

ᐅᔭ ᒪᒃ ᐅᒪᒧᐊᔭᒥᐊᐛ, ᐊᔪᐅᒄ ᐊᓂᔭ ᙭ ᐎᔪᐤ᙮ ᐊᓐᑕ ᒪᒃ ᐅᐱᒪᑎᓯᐅᓄᐛᒡ ᓇᒪ ᒐᒂᔪᐤ ᓄᑕᐱᔪᐅᒡ ᐛᔅ ᙭ᑕ ᒥᔨᑯᐅᒡ ᒥᓯᐛ ᒐᒂᔪᐤ ᑕᓐ ᐊ ᐃᓯ ᓄᑕᐱᔨᒡ᙮