ᒠᓐ 21:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᓂᔍᐤ ᒪᒃ ᒥᓐ ᒋᓴᔅ ᒋ ᐃᑕᐤ, “ᓴᐃᒥᓐ, ᒠᓐ ᑲ ᐅᑯᓯᑐᑕᔅᒃ, ᒋ ᓴᒋᐃᓐ ᐊ ?” ᐊᑯ ᐱᑕᕐ ᓇᔅᒡ ᑲ ᒥᒐᔨᑕᐧᒃ ᐛᔅ ᐊᑯ ᓂᔍᐤ ᑲ ᑯᒂᒋᒥᑯᑦ ᒋᓴᓴ ᐊ ᐃᑎᑯᑦ, “ᒋ ᓴᒋᐃᓐ ᐊ ?” ᐊᑯ ᑲ ᐃᑕᑦ, “ᐅᑎᐸᔨᒋᒐᐤ, ᒥᓯᐛ ᒐᒂᓐ ᒋ ᒋᔅᒐᔨᑕᓐ, ᒋ ᒋᔅᒐᔨᑕᓐ ᐊ ᓴᒋᐃᑕᓐ᙮” ᒋᓴᓴ ᒪᒃ ᒋ ᐃᑎᑯᐤ, “ᓂᓇᑭᑐᐛᔨᒥᒡ ᓂᒪᔭᑕᓂᓯᒥᒡ᙮

ᒠᓐ 21:17 Iomraidhean Croise

ᑎᐱᑦ ᐅᓂᑭᒧᐅᓇ 17:3

ᔅᒋ ᑯᒂᒋᑕᓐ ᓂᑕᐃ; ᔅᒋ ᓇᓯᓐ ᒪᒂᒡ ᐊ ᑎᐱᔅᑲᒡ; ᔅᒋ ᑯᒂᒋᐃᓐ, ᓇᒪ ᒐᒂᓐ ᒪᒃ ᒋᑭ ᒥᔅᑲᓐ: ᓂ ᒐᔅᒋᓇᔭᔨᑕᓐ ᓂᑐᓐ ᒐ ᐊᑲ ᒋ ᒥᒋ ᐊᔨᒥᒥᑲᒡ᙮

ᒪᑎᔪᐤ 25:40

ᐊᑯ ᒋᓴᐅᒋᒪᐤ ᒐ ᐃᑕᑦ, ‘ᒋ ᐎᑎᒪᑎᓇᐛᐤ, ᐊᓂᔭᔪᐤ ᑕᓐ ᑲ ᐃᓯ ᐃᑐᑐᐛᒄ ᐸᐃᒄ ᐊᓐ ᓂᐧᑲᓂᔅ ᐊᑲ ᓇᔅᒡ ᐊᐱᑕᔨᑕᑯᓯᑦ ᑲ ᐃᑕᔨᒪᑭᓄᐅᑦ, ᓂᔾ ᔅᒋ ᐃᑐᑐᓇᐛᐤ᙮’

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:72

ᑎᐛᒡ ᒪᒃ ᒥᓐ ᒋ ᐅᒋ ᐸᑕᑯᓱᐤ ᓇᐸ ᐱᑲᒂᓐ, ᐊᑯ ᐱᑕᕐ ᒂ ᒋᔅᒋᑦ ᑲ ᐃᑎᑯᑦ ᒋᓴᓴ, “ᐊᒺᔭ ᓂᔄᐤ ᐸᑕᑯᓯᑦ ᓇᐸ ᐱᑲᒂᓐ ᓂᔍᐤ ᒋᑭ ᐊᓏᑕᓐ ᐊ ᒋᔅᒐᔨᒥᔨᓐ᙮” ᐃᔅᐱ ᒪᒃ ᒥᔭᒥᑐᓇᔨᑕᐧᒃ ᐅᔭ, ᐊᑯ ᒥᔭᑦ ᐊ ᓂᓇᐧᑲᒋᒧᑦ᙮

ᒠᓐ 12:8

ᒧᔅ ᒋᑭ ᑕᐅᒡ ᑲ ᒋᔅᑎᒪᑎᓯᒡ ᐅᑕ ᐊ ᑕᔭᒄ, ᓂᔾ ᒪᒃ ᓇᒪ ᒧᔅ ᓂᑭ ᐅᒋ ᑕᓐ ᐅᑕ ᐊ ᑕᔭᒄ᙮”

ᒠᓐ 13:38

ᒋᓴᔅ ᒂ ᐃᑕᑦ, “ᑕᑈ ᐊ ᓴᔅ ᒋᑦ ᐊᔭᔅᑯᐎᓐ ᒐᒋ ᐱᔅᑎᓂᒥᓐ ᒋᐱᒪᑎᓯᐅᓐ ᓂᔾ ᐅᒡ ? ᑕᑈ ᒋᑦ ᐃᑎᓐ, ᐊᔅᒄ ᐊᑲ ᐛᐛᒡ ᐸᑕᑯᓯᑦ ᓇᐸ ᐱᑲᒂᓐ, ᓴᔅ ᓂᔍᐤ ᒋᑭ ᑭᑭᒋᔭᓐ ᐊ ᐃᔅᒋᔄᔨᓐ ᐊᑲ ᒋᔅᒐᔨᒥᔨᓐ᙮”

ᒠᓐ 14:15

“ᒧᔭᒻ ᓯᔭᒋᐃᐛᒂ ᒪᒃ ᒋᑭ ᓂᓇᐃᑕᓇᐛᐤ ᐛᔅ ᑕᓐ ᑲ ᐃᑎᓯᒥᑎᑯᒡ ᒐᒋ ᐃᑎᔭᒄ᙮

ᒠᓐ 15:10

ᐛᔅ ᓂᓇᐃᑎᒪᒂ ᓂᑦ ᐃᑎᓱᐛᐅᓇ ᒧᔅ ᒋᑭ ᒋᔅᒐᔨᑕᓇᐛᐤ ᐊ ᓴᒋᐃᑎᑯᒡ ᒧᔭᒻ ᓂᔾ ᑲ ᐃᓯ ᓂᓇᐃᑐᐅᒃ ᓄᑕᐎᔾ ᑕᓐ ᑲ ᐃᑎᓱᒥᑦ ᓂ ᒋᔅᒐᔨᑎᒺᓐ ᐊ ᓴᒋᐃᑦ᙮”

ᒠᓐ 16:30

ᓂ ᒋᔅᒐᔨᑕᓇᓐ ᒪᒃ ᒥᓯᐛ ᒐᒂᓐ ᐊ ᒋᔅᒐᔨᑎᒥᓐ, ᓇᒪ ᓂᑐᐛᔨᑕᑯᓱᐤ ᐊᐛᓐ ᒐᒋ ᑯᒂᒋᒥᔅᒃ ᒐᒂᔪᐤ, ᐊᐅᒄ ᒪᒃ ᐅ ᐛᒋ ᑕᑈᑎᒪᒡ ᒋᓴᒪᓂᑐᐤ ᐊ ᑕᑦ ᐊᒋ ᐅᑐᑕᔨᓐ᙮”

ᒠᓐ 18:27

ᒥᓐ ᒪᒃ ᐃᔭᐱᒡ ᐱᑕᕐ ᒋ ᑭᑭᒋᔭᐤ, “ᓇᒪᔭᐤ ᓂᔾ,” ᒋ ᐃᑕᐤ᙮ ᑎᐛᒡ ᒂ ᐅᒋ ᐸᑕᑯᓯᔨᒋ ᓇᐸ ᐱᑲᒂᓇ᙮

ᒠᓐ 18:4

ᒋ ᒋᔅᒐᔨᑎᒻ ᒪᒃ ᒋᓴᔅ ᒥᓯᐛ ᑕᓐ ᒐ ᐃᔅᐱᔨᑦ ᐊᑯ ᒂ ᐸᒋ ᓂᒥᑕᐛᑲᐳᑦ ᒂ ᐃᑕᑦ, “ᐊᐛᓐ ᑲ ᓇᓂᑐᐛᐱᒪᒄ ?”

ᒠᓐ 21:18

ᑯᐃᔅᒄ ᒋ ᐎᑎᒪᑎᓐ, ᐊᔅᒄ ᐊᒋ ᐅᔅᒋᓂᒋᓱᐎᓐ ᒥᒄ ᑕᓐ ᐛ ᐊᐃᑎᔨᓐ ᔅᒋ ᐃᑎᓐ ᑭᔭ ᒥᒄ ᑕᓐᑕ ᐛ ᐃᑐᑕᔨᓐ ᐊᑯᑕ ᑲ ᐃᑐᑕᔨᓐ᙮ ᐃᔅᐱ ᒪᒃ ᒋᓴᐃᔪᔨᓇ, ᓱᐅᓂᔅᒐᔨᓇ ᒪᒃ ᒋᑭ ᒪᑯᐱᑕᑭᓄᐛ ᔅᑎᒋᔭ ᐊᑯ ᒐ ᐃᑐᑕᐃᑯᔨᓐ ᐊᓐᑕ ᐊᑲ ᐎ ᐃᑐᑕᔨᓐ᙮”

ᒠᓐ 4:16

ᒋᓴᔅ ᒂ ᐃᑕᑦ ᐊᓂᔭ ᐃᔎᐛ, “ᒪᒋ, ᓂᑐᐛᐱᒻ ᒋᓇᐸᒻ᙮ ᐸᓱᐤ ᐅᑕ᙮”

ᐊᑈᔅᑕᓇᒡ 1:24

ᐊᑯ ᑲ ᐊᔭᒥᐊᒡ ᐊ ᐃᔅᒋᔄᒡ, “ᐅᑎᐸᔨᒋᒐᐤ, ᒋ ᒋᔅᒐᔨᒪᐤ ᒥᓯᐛ ᐊᐛᓐ ᑕᓐ ᒋᒋᐛ ᐊ ᐃᑕᔨᑕᑯᓯᑦ᙮ ᐸᒋ ᐛᐸᑎᔨᓇᓐ ᑕᓐ ᐊᓐ ᐛᑎᓂᑦ ᐅᒡ ᓇᐸᐅᒡ ᐊ ᓂᓯᒡ,

ᐊᑈᔅᑕᓇᒡ 11:10

ᓂᔍᐤ ᒪᒃ ᓂᒋ ᐃᔨᒥᐃᑯᓐ, ᐊᑯ ᒥᓐ ᑲᐤ ᐊᓐᑕ ᒋᒋᒋᓯᑯᒡ ᑲ ᐃᓯ ᐅᒋᐱᔨᑕᑭᓄᐅᒡ ᐊᓐ ᒥᒋᓱᐛᑭᓂᐱᒍᐎᔭᓐ᙮”

ᐊᑈᔅᑕᓇᒡ 15:8

ᒋᓴᒪᓂᑐᐤ ᒪᒃ ᒋᔅᒐᔨᒪᐤ ᒥᓯᐛ ᐊᐛᔪᐛ ᑕᓐ ᐊᓐ ᐊ ᐃᑕᔨᑕᑯᓯᔨᒋ᙮ ᒋ ᓄᑯᑕᐤ ᐊ ᓂᑐᐛᔨᒪᑦ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᑕᑈᔭᔨᒥᑯᑦ ᒧᔭᒻ ᐊᓂᔭ ᒍᐤ ᑲ ᐃᓯ ᑕᑈᑎᒥᔨᒋ ᐛᔅ ᒋ ᒥᔭᐤ ᑲ ᐸᔭᒋᓯᔨᒋ ᐊᒐᒂ ᒧᔭᒻ ᒋᔭᓄᐤ ᑲ ᐃᓯ ᒥᔨᑕᐧᒄ᙮

2 ᑯᕆᓐᑎᔭᓇ 1:12

ᒪᐅ ᒪᒃ ᐊ ᐃᓯ ᐊᔅᐸᔨᒧᔭᒡ, ᓇᔅᒡ ᓂᒐᔅᑎᓇᐅᓇᓐ ᒧᔅ ᑯᐃᔅᒄ ᐊᒋ ᑎᔭᒡ ᑕᓐᑕ ᒥᒄ ᑲ ᐊᑎ ᑕᔭᒡ, ᐊᑐᐎᔅ ᒪᒃ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᒡ᙮ ᑭᔭ ᒧᔅ ᐊᒋ ᑕᑈᐅᒐᔨᑕᑯᓯᔭᒡ᙮ ᒋᓴᒪᓂᑐᐤ ᓂᒋ ᒥᔨᑯᓇᓐ ᐅᓱᐛᔨᒋᒐᐅᓐ ᐅ ᒐᒋ ᑎᔭᒡ᙮ ᓇᒪ ᓂᔭᓐ ᓂᑭᒐᑕᐛᔨᑎᒧᐅᓇᒡ ᐅᒋᐱᔪᐤ᙮

ᐃᐱᓯᔭᓇ 4:30

ᐊᑲᐎᔾ ᒥᓯᒪᔨᑎᒥᐃᒪᐧᑯ ᒋᓴᒪᓂᑐᐤ ᐅᐸᔭᒋ ᐊᒐᒂ᙮ ᐅ ᐊᒐᐧᒄ ᐊ ᐊᔭᐛᒄ ᐊᑯᑕ ᐊ ᓄᒂᒡ ᒋᓴᒪᓂᑐᐤ ᐊ ᑎᐸᔨᒥᑕᒄ᙮ ᒐᔅᑎᓇᑕᔨᑕᑯᓐ ᒪᒃ ᐅᑎᒋᐱᔨᒐ ᐊᓐ ᐊ ᒋᓯᑲᒡ ᑕᑈ ᒐ ᐊᐱᐧᑯᓂᑕᒄ ᒋᓴᒪᓂᑐᐤ᙮

1 ᐱᑕᕐ 1:6

ᐊᑎ ᐊ ᐃᑕᔨᑕᒂᒡ ᐛᐃᐱᔅᒋᔅ ᒐᒋ ᓂᒋᔅᑭᒪᒄ ᓂᓇᐧᑯᐤ ᒐᒂᓐ ᓇᔅᒡ ᐊ ᐊᔨᒪᒡ, ᓄᐛᒡ ᒋᑭ ᒥᔽᔨᑕᓇᐛᐤ ᐊᓐ ᒪᔅᑕᔾ ᒋᓯᑲᒐ᙮

2 ᐱᑕᕐ 3:1

ᓂᐎᒐᐛᑭᓂᑎᒄ ᐊᐅᒄ ᐅ ᓂᔄᐤ ᒐ ᒥᓯᓇᐊᒪᑎᑯᒡ᙮ ᑕᐱᔅᑯᓐ ᐊᓐᑕ ᑲ ᒥᓯᓇᐊᒪᑎᑯᒡ ᓱᒃ ᓂᒋ ᑯᒋᑕᓐ ᒐᒋ ᐎᒋᐃᑎᑯᒡ ᒐᒋ ᐸᔭᒋ ᒪᒥᑐᓇᔨᑎᒥᐃᑯᔭᒄ ᒥᓯᐛ ᒐᒂᓐ, ᐊ ᒋᔅᒋᓱᒥᑎᑯᒡ ᐅᔭ ᒐᒂᔪᐛ᙮

ᒋᔅᒐᔨᑕᑯᑕᒐᐅᓐ 2:23

ᓂᑭ ᓂᐸᐃᒪᐛ ᐊᓂᔭ ᑲ ᓇᓴᐅᑯᑦ᙮ ᐊᑯ ᒪᒃ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒐ ᒋᔅᒐᔨᒥᒡ ᓂᔾ ᐊ ᐊᐎᔭᓐ ᐊᓐ ᑲ ᒋᔅᒐᔨᒪᑦ ᐊᐛᔪᐛ ᑕᓐ ᐊᓐ ᐊ ᐃᑕᔨᑎᒥᔨᒋ ᑭᔭ ᑕᓐ ᐊᓐ ᐊ ᐃᓯ ᑕᐊᔨᒋ᙮ ᒥᓯᐛ ᐊ ᑎᓯᔭᒄ ᒋᑭ ᐛᐛᓯᐃᑎᓇᐛᐤ ᑕᓐ ᒥᒄ ᑲ ᐃᓯ ᒥᒋᑐᑎᒧᐛᒂ᙮

ᒋᔅᒐᔨᑕᑯᑕᒐᐅᓐ 3:19

ᐛᔅ ᓂ ᐎᑎᒧᐛᐅᒡ ᐛᓂᐱᔨᒡ ᐊᓐᒡ ᑲ ᓴᒋᐃᒂᐤ ᑭᔭ ᓂ ᑯᐃᔅᑯᓇᐅᒡ᙮ ᓱᒃ ᒪᒃ ᒋᒋᐛ ᐃᑕᔨᑎᒧᒄ ᐊ ᑕᑈᔭᔨᒥᔭᒄ, ᒂᔅᑲᑎᓯᒄ, ᓂᑭᑎᒥᒄ ᒋᒥᒋᑥᐅᓄᐛᐛ᙮