ᒠᓐ 21:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐊᑯ ᑲ ᐃᑎᑯᒡ ᒋᓴᓴ, “ᐊᔅᑎᒧᒄ, ᐸᒋ ᒥᒋᓱᒄ᙮” ᓇᒪ ᒪᒃ ᐛᐛᒡ ᐸᐃᒄ ᐊᓐᒡ ᒋᔅᒋᓄᐊᒧᐛᑭᓐᒡ ᐅᒋ ᐎ ᐃᑕᐅᒡ, “ᐊᐛᓐ ᒋᔾ ?” ᐛᔅ ᒋ ᒋᔅᒐᔨᒪᐅᒡ ᐅᑎᐸᔨᒋᒐᐛ ᐊᓂᔭᔪᐛ᙮

ᒠᓐ 21:12 Iomraidhean Croise

ᒪᑎᔪᐤ 22:46

ᓇᒪ ᒪᒃ ᐊᐛᔪᐛ ᐅᒋ ᐎᑎᒪᑯᐤ ᒋᓴᔅ᙮ ᐊᓐᑕ ᒪᒃ ᐅᒋ ᐊᓂᔭ ᑲ ᒋᓯᑲᔨᒡ ᓇᒪ ᒥᓐ ᐊᐛᔪᐛ ᐅᒋ ᑯᒋᑕᔪᐛ ᒐᒋ ᑯᒂᒋᒥᑯᑦ ᒐᒂᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:32

ᐊᓐᒡ ᒋᔅᒋᓄᐊᒧᐛᑭᓐᒡ ᓇᒪ ᐅᒋ ᓂᔅᑐᑎᒧᒡ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᐅᔭ ᑲ ᐃᔅᒋᔄᔨᒋ, ᒋ ᓴᒋᓱᐅᒡ ᑭᔭ ᒐᒋ ᑯᒂᒋᒪᒡ᙮

ᓗᒃ 9:45

ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᓇᒪ ᐅᒋ ᓂᔅᑐᑎᒧᒡ᙮ ᓇᒪ ᐅᒋ ᒋᔅᒐᔨᑎᒧᒡ ᑕᓐ ᑲ ᐎ ᐃᓯ ᐎᑎᒪᑯᒡ ᒋᓴᓴ, ᐛᔅ ᐊᔅᒄ ᓇᒪ ᐅᒋ ᒥᔭᑭᓄᐎᒡ ᒐᒋ ᓂᔅᑐᑕᒡ᙮ ᒋ ᓴᒋᓱᐅᒡ ᒪᒃ ᒐᒋ ᑯᒂᒋᒐᒧᒡ ᒐᒂᔪᐤ ᐅᔭ ᑲ ᐃᔅᒋᔄᔨᒋ᙮

ᒠᓐ 16:19

ᒋᓴᔅ ᒋ ᒋᔅᒐᔨᒪᐤ ᐊ ᐎ ᑯᒂᒋᒥᑯᑦ ᐅᔭ᙮ ᐊᑯ ᒂ ᐃᑕᑦ, “ᐊᓐ ᑲ ᐃᔅᒋᔄᔭᓐ, ᓴᔅ ᐎᐱᒡ ᓇᒪ ᒋᑭ ᐅᒋ ᐎᒐᐅᑎᓇᐛᐤ᙮ ᒥᓐ ᒪᒃ ᐛᐃᐱᔅᒋᔅ ᐊᑯ ᒥᓐ ᒐ ᐛᐱᒥᔭᒄ᙮ ᐅ ᐛ ᓂᑐ ᒋᔅᒐᔨᑎᒪᒄ ᒐᒂᓐ ᐊᓐ ᑲ ᐊᔨᒧᑎᒪᓐ ?

ᒠᓐ 21:11

ᐊᑯ ᓴᐃᒥᓐ ᐱᑕᕐ ᒂ ᐊᒂᓯᐱᑕᑦ ᐊᓂᔭ ᐊᐃᐱᔭ᙮ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᒥᓐ ᐱᑕᑕᒡ ᑕᑐᔪᐤ ᐊᓱ ᓂᔅᑐ ᒋ ᑕᑎᓯᒐᓂᐃ ᐊᓂᔭᔪᐛ ᓂᒪᓴ᙮ ᐊᑎ ᒪᒃ ᐊᓂᔭ ᐊᒋ ᐃᔅᐱᔅ ᓴᑭᔅᒋᓇᔨᒋ ᓂᒪᓴ ᓇᒪ ᐃᔭᐱᒡ ᐅᒋ ᐱᑯᐱᔪᐛ ᐊᓂᔭ ᐅᑦ ᐊᐃᐱᐛᐛ᙮

ᒠᓐ 21:15

ᐃᔅᐱ ᒪᒃ ᑲᒋ ᐃᓯ ᒥᒋᓱᒡ, ᒋᓴᔅ ᒋ ᐃᑕᐤ ᓴᐃᒥᓐ ᐱᑕᕋ, “ᓴᐃᒥᓐ, ᒋᔾ ᑲ ᐅᑯᓯᑐᑕᔅᒃ ᒠᓐ, ᐅᔅᑕ ᐊ ᓂᔾ ᒋ ᓴᒋᐃᓐ ᐃᔅᐱᔅ ᐅᒡ ?” ᐊᑯ ᓴᐃᒥᓐ ᐱᑕᕐ ᒂ ᐃᓯ ᐎᑎᒧᐛᑦ, “ᓂᐦᐃ, ᐅᑎᐸᔨᒋᒐᐤ, ᒋ ᒋᔅᒐᔨᑕᓐ ᐊ ᓴᒋᐃᑕᓐ᙮” ᒋᓴᔅ ᒪᒃ ᒋ ᐃᑕᐤ, “ᓂᓇᑭᑐᐛᔨᒥᒡ ᓂᒪᔭᑕᓂᓯᒥᒡ᙮”

ᒠᓐ 4:27

ᐊᑯᑕ ᒂ ᐅᒋ ᑎᑯᓯᓂᔨᒋ ᒋᓴᔅ ᐅᒋᔅᒋᓄᐊᒧᐛᑭᓇ, ᓇᔅᒡ ᒪᒃ ᒋ ᓯᔅᒋᑯᒋᐃᑯᐅᒡ ᐊ ᐛᐱᒪᒡ ᒋᓴᓴ ᐊ ᐃᔨᒪᐊᔨᒋ ᐊᓂᔭ ᐃᔎᐛ᙮ ᐃᔭᐱᒡ ᒪᒃ ᓇᒪ ᐛᐛᒡ ᐸᐃᒄ ᐅᒋ ᑯᒂᒋᒪᐅᒡ ᒐᒂᔪᐤ ᐛᒋ ᐃᔨᒪᐊᔨᒋ ᐊᓂᔭ ᐃᔎᐛ ᑭᔭ ᓇᒪ ᐅᒋ ᑯᒂᒋᒪᐅᒡ ᒐᒂᔪᐤ ᑲ ᐊᔨᒧᑎᒥᔨᒋ᙮

ᐊᑈᔅᑕᓇᒡ 10:41

ᓇᒪᐎᔾ ᑭᑈ ᒥᓯᐛ ᐊᐛᔪᐛ ᐅᒋ ᓄᑯᓯᔅᑐᐛᐤ ᒋᓴᔅ, ᒥᒄ ᐊᓂᔭ ᐊᐛᔪᐛ ᒋᓴᒪᓂᑐᐛ ᑲ ᐅᑎᓂᑯᔨᒋ ᒐᒋ ᑎᐸᒋᒥᑯᑦ᙮ ᑭᔭ ᓂᒋ ᐎᒋ ᒥᒋᓱᒪᓇᓐ ᑲᒋ ᐅᓂᔅᑲᑦ ᓂᐳᐅᓂᒡ ᐅᒋ᙮