ᒠᓐ 20:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᒂ ᐃᑕᑦ ᐊᓂᔭ ᑥᒥᓴ, “ᑕᒋᓇ ᓂᑎᒋᔭ ᑭᔭ ᐅ ᓂᔅᐱᑭᔾ ᐸᒋ ᑕᒋᓇ, ᐊᑯᓐ ᐊᑯ ᐃᔅᐱᔅ ᐊᓏᑕ, ᑕᑈᑕ ᐊᑯ᙮”

ᒠᓐ 20:27 Iomraidhean Croise

ᑎᐱᑦ ᐅᓂᑭᒧᐅᓇ 78:38

ᒪᒃ ᐎᔾ, ᐊ ᓴᑭᔅᒋᓇᔅᑲᑯᑦ ᒋᔅᑎᒪᒐᔨᒋᒐᐅᓂᔪᐤ, ᒋ ᐛᐸᔨᑎᒺᐤ ᐅᒥᒐᑎᓯᐅᓂᔪᐛ, ᓇᒪ ᑭᔭ ᐅᒋ ᓂᓱᐅᓇᒋᐊᐤ: ᓂᐦᐃ, ᒥᒐᑥᐤ ᒋ ᐃᒐᓂᒻ ᐅᒋᔄᓯᐅᓐ, ᓇᒪ ᑭᔭ ᐅᒋ ᒧᔅᒋᐱᑕᐤ ᒥᓯᐛ ᐅᑦ ᐊᐧᑯᔪᐛᓱᐅᓐ᙮

ᒪᑎᔪᐤ 17:17

ᒋᓴᔅ ᒪᒃ ᒋ ᐃᑕᐤ ᐊᓂᔭ ᐃᔪᐛ ᐊᓐᑕ ᑲ ᑕᔨᒋ, “ᒋᔨᐛᐤ ᐃᔪᒡ ᐊᓄᒡ ᑲ ᐱᒪᑎᓯᔭᒄ ᐊᑲ ᐊᔭᔭᒄ ᑕᑈᑎᒧᐅᓐ ᑭᔭ ᐊᑲ ᒂᔅᑲᑎᓯᔭᒄ, ᑕᓐ ᒐ ᐃᔅᐱᔅ ᑕᔭᓐ ᐅᑕ ᐊ ᑕᔭᒄ ᐃᔭᒄ ᒐᒋ ᓂᔅᑐᑎᒪᒄ ? ᑕᓐ ᒐ ᐃᔅᐱᔅ ᐊᓱᐛᐱᒥᑎᑯᒡ ᐊᑯ ᒐᒋ ᐊᔭᔭᒄ ᑕᑈᑎᒧᐅᓐ ? ᐸᓱᐛᒄ ᐊᓐ ᓇᐸᔅ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:19

ᒋᓴᔅ ᒪᒃ ᒋ ᐃᑕᐤ ᐊᓂᔭᔪᐛ ᐊᓐᑕ ᑲ ᑕᔨᒋ, “ᒋᔨᐛᐤ ᐃᔪᒡ ᐊᓄᒡ ᑲ ᐱᒪᑎᓯᔭᒄ ᐊᑲ ᐊᔭᔭᒄ ᑕᑈᑎᒧᐅᓐ, ᑕᓐ ᒐ ᐃᔅᐱᔅ ᑕᔭᓐ ᐅᑕ ᐊ ᑕᔭᒄ ᐃᔭᒄ ᒐᒋ ᓂᔅᑐᑎᒪᒄ ? ᑕᓐ ᒐ ᐃᔅᐱᔅ ᐊᓱᐛᐱᒥᑎᑯᒡ ᐊᑯ ᒐᒋ ᐊᔭᔭᒄ ᑕᑈᑎᒧᐅᓐ᙮ ᐸᓱᐛᐧᒄ ᐊᓐ ᓇᐸᔅ ?”

ᓗᒃ 24:39

ᐸᒋ ᑭᓄᐛᐸᑎᒧᒄ ᒪ ᓂᑎᒋᔭ ᑭᔭ ᓂᓯᑕ ᒐᒋ ᐅᒋ ᒐᔅᑎᓇᐅᔭᒄ ᓇᔅᒡ ᑕᑈ ᓂᔾ ᐊ ᐊᐎᔭᓐ᙮ ᐸᒋ ᑕᒋᓂᒄ ᐛᔅ ᒋᐱᔾ ᑕᐸ ᐊᔭᐤ ᐎᔭᓯᔪᐤ ᒪᒃ ᐅᔅᑭᓇ ᑕᓐ ᐊ ᐃᓯ ᐛᐱᒥᔭᒄ ᓂᔾ ᐊ ᐃᓯ ᐊᔭᔭᓐ᙮”

ᓗᒃ 24:40

ᐃᔅᐱ ᒋᓴᔅ ᑲᒋ ᐃᓯ ᐃᔨᒥᑦ ᒋ ᐛᐸᑎᔭᐤ ᐅᑎᒋᔭ ᑭᔭ ᐅᓯᑕ᙮

ᓗᒃ 9:41

ᒋᓴᔅ ᒪᒃ ᒋ ᐃᑕᐤ ᐊᓂᔭ ᐃᔪᐛ ᐊᓐᑕ ᑲ ᑕᔨᒋ, “ᒋᔨᐛᐤ ᐊᓄᒡ ᑲ ᐱᒪᑎᓯᔭᒄ ᐊᑲ ᐊᔭᔭᒄ ᑕᑈᑎᒧᐅᓐ ᑭᔭ ᐊᑲ ᒂᔅᑲᑎᓯᔭᒄ, ᓇᒪ ᑭᔭ ᑯᐃᔅᒄ ᒋ ᐊᑎ ᐃᓯ ᐱᒪᑎᓯᓇᐛᐤ᙮ ᑕᓐ ᒐ ᐃᔅᐱᔅ ᑕᔭᓐ ᐅᑕ ᐊ ᑕᔭᒄ ᐃᔭᒄ ᒐᒋ ᓂᔅᑐᑎᒪᒄ ? ᑕᓐ ᒐ ᐃᔅᐱᔅ ᐊᓱᐛᐱᒥᑎᑯᒡ ᐊᑯ ᒐᒋ ᐊᔭᔭᒄ ᑕᑈᑎᒧᐅᓐ ? ᐸᓱᐛᐧᒄ ᐊᓐ ᓇᐸᔅ᙮”

ᒠᓐ 20:20

ᐃᔅᐱ ᒪᒃ ᑲᒋ ᐃᓯ ᐛᒋᔭᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᒂ ᐛᐸᑎᔭᑦ ᐅᑎᒋᔭ ᑭᔭ ᐅᔅᐱᑭᔾ᙮ ᒋᒋᐛ ᒪᒃ ᒋ ᓯᒋᔭᓱᐅᒡ ᐊᒋ ᐛᐱᒪᒡ ᐅᑎᐸᔨᒋᒐᓯᒧᐛᐛ᙮

ᒠᓐ 20:25

ᐊᓂᔭ ᒪᒃ ᐊ ᐎᑎᒪᑯᑦ ᐊᓂᔭᔪᐛ ᑯᑎᑲ ᒋᔅᒋᓄᐊᒧᐛᑭᓇ ᐊᒋ ᐛᐱᒪᔨᒋ ᒋᓴᓴ, ᓇᒪ ᐅᒋ ᑕᑈᑐᐛᐤ᙮ ᒋ ᐃᑕᐤ, “ᓇᒪ ᓂᑭ ᐅᒋ ᑕᑈᑕᓐ ᐸᑐᔅ ᒋ ᑕᒋᓂᒧᒐ ᐅᑎᒋᔭ ᐊᓐᑕ ᑲ ᒋᔅᑕᔎᑕᑭᓄᐅᑦ ᑭᔭ ᐸᑐᔅ ᒋ ᑕᒋᓂᒐ ᐊᓐᑕ ᐅᔅᐱᑲᒡ᙮”

ᒠᓐ 20:28

ᐊᑯ ᑥᒥᔅ ᒂ ᐃᑕᑦ, “ᓂᑎᐸᔨᒋᒐᓯᒻ ᑭᔭ ᓂᒋᓴᒪᓂᑐᒻ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:20

ᐃᔅᐱ ᑲ ᐱᔅᑎᓇᐧᒃ ᒋᓴᒪᓂᑐᐤ ᐅᐎᓱᐛᐅᓐ ᐊᑯᑕ ᑲ ᐅᒋ ᒋᔅᒐᔨᑕᒡ ᐊᐛᓐᒋ ᐊᔅᐱᔅ ᐛᔪᐅᒡ ᒥᒋᑐᑕᒡ᙮ ᒥᒄ ᒪᒃ ᑕᓐᑕ ᑲ ᐛᔪᐅᒡ ᒥᒋᑐᑕᑭᓄᐅᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ ᐊᑐᐎᔅ ᒋ ᐊᑐᔅᒐᒥᑭᓂᔪᐤ᙮