ᒠᓐ 20:26 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁶ ᔭᓇᐤ ᑕᑐᐤ ᒋᓯᑲᐛ ᒪᒃ ᐃᔅᐱᔅ ᐊᑯ ᒥᓐ ᑲ ᒪᒧᐎᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮ ᑥᒥᔅ ᒪᒃ ᑭᔭ ᐎᔾ ᐊᑯᑕ ᑲ ᑕᑦ᙮ ᒋ ᐊᑎᓴᑲᐛᑭᓄᐎᒡ ᔅᑐᐧᑭᓐᒡ ᐃᔭᐱᒡ ᒪᒃ ᒋᓴᔅ ᒋ ᐸᒋ ᐱᒐᐤ ᒂ ᐸᒋ ᐅᑎᔅᑯᑲᐳᔅᑐᐛᑦ᙮

ᒠᓐ 20:26 Iomraidhean Croise

ᒪᑎᔪᐤ 17:1

ᑲᒋ ᐊᓱᑕᒡ ᑕᑐᐤ ᒋᓯᑲᐛ ᒪᒃ ᐃᔅᐱᔅ ᐊᑯ ᒋᓴᔅ ᑲ ᐃᑐᑕᐊᑦ ᐱᑕᕋ, ᒋᒥᓴ ᑭᔭ ᒠᓇ ᐊᓐᑕ ᐊ ᐃᔅᐱᑎᓇᔨᒡ ᐱᔅᑯᑎᓇᔪᐤ ᒥᒄ ᐎᔨᐛᐤ ᒐᒋ ᑕᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:14

ᐸᑎᒪ ᒪᒃ, ᒋᓴᔅ ᒋ ᓄᑯᓯᔅᑐᐛᐤ ᐊᓂᔭ ᐸᐃᑯᓴᑉ ᒪᒂᒡ ᐊ ᒪᒧᒥᒋᓱᔨᒋ ᒥᒋᓱᐛᑭᓇᑎᑯᒡ᙮ ᒋ ᐊᓏᔨᒪᐤ ᒪᒃ ᐊᓂᔭ ᐊ ᐊᓏᑎᒥᔨᒋ ᑭᔭ ᐊ ᒥᔅᑯᐅᑕᐊᔨᒋ, ᐊᑲ ᐅᒋ ᐎ ᑕᑈᑐᐛᔨᒋ ᐊᓂᔭ ᒋᔅᒋᓄᐊᒧᐛᑭᓇ ᐊᓂᔭᔪᐛ ᑲ ᐛᐱᒥᑯᔨᒋ ᐸᑎᒪ ᑲ ᐅᓂᔅᑲᓇᑭᓄᐅᑦ᙮

ᓗᒃ 24:36

ᒪᒂᒡ ᒪᒃ ᐊ ᐊᔨᒧᒪᒡ ᒋᓴᓴ, ᒋ ᐅᒋ ᓄᑯᓯᔪᐛ ᒪᒂᒡ ᐊᓐᑕ ᐊ ᑕᒡ᙮ ᐊᑯ ᒂ ᐃᑎᑯᒡ, “ᒋᔭᒪᔨᑎᒧᒄ᙮”

ᓗᒃ 9:28

ᓴᓯᑲᓐ ᔭᓇᐤ ᑕᑐᐤ ᒋᓯᑲᐛ ᒋᓴᔅ ᐅᔭᔪᐤ ᑲ ᐃᔅᐱᔅ ᐊᔨᒧᑕᐧᒃ ᒋ ᔅᑐᑕᐊᐤ ᐱᑕᕋ, ᒠᓇ ᑭᔭ ᒋᒥᓴ ᐊᒋ ᐎᒐᐛᑦ ᐱᔅᑯᑎᓇᒡ ᐊᓐᑕ ᒐᒋ ᐊᔭᒥᐊᒡ᙮

ᒠᓐ 11:16

ᑥᒥᔅ, ᐸᐃᒄ ᐊᓐ ᑲ ᓂᓯᒡ ᐎᐧᑲᓂᓴ ᑲ ᐃᓯᓂᐧᑲᑕᑭᓄᐅᑦ, ᒋ ᐃᑕᐤ ᐊᓂᔭᔪᐤ ᐎᒋ ᒋᔅᒋᓄᐊᒧᐛᑭᓇ, “ᒥᓯᐛ ᐊᑯᔅ ᐊ ᑎᓯᔭᐧᒄ ᐎᒐᐛᑕᐤ ᒋᓴᔅ ᑭᔭ ᒋᔭᓄᐤ ᒐᒋ ᓂᐸᐃᑯᐅᔭᐧᒄ ᓂᐸᐊᑭᓄᒐ᙮”

ᒠᓐ 14:27

“ᒋ ᓂᑭᑎᒪᑎᓇᐛᐤ ᒋᔭᒪᔨᑎᒧᐅᓐ᙮ ᓂᔾ ᓂᒋᔭᒪᔨᑎᒧᐅᓐ ᒋ ᒥᔨᑎᓇᐛᐤ᙮ ᓇᒪ ᐅᑕ ᐊᔅᒋᒡ ᐊ ᐃᑕᔨᑕᒂᒡ ᒋᔭᒪᔨᑎᒧᐅᓐ ᒋ ᒥᔨᑎᓇᐛᐤ᙮ ᐊᑲᐎᔾ ᒪᒃ ᒥᑯᔅᑲᑕᔨᑎᒧᒄ ᑭᔭ ᐊᑲᐎᔾ ᑯᔅᑕᒋᒄ᙮”

ᒠᓐ 20:19

ᐊᓂᔭ ᒪᒃ ᐊ ᐊᑎ ᐅᑕᑯᓯᔨᒡ ᐊᓂᔭ ᓂᔅᑎᒻ ᐊᑎ ᒋᓯᑲᔨᒡ ᒋ ᒪᒧᐎᐅᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮ ᒋ ᐊᑎᓴᑲᐎᓱᐅᒡ ᒪᒂᒡ ᐊᓂᔭ ᐊ ᒪᒧᐎᒡ ᐛᔅ ᒋ ᑯᔅᑕᐅᒡ ᐊᓂᔭ ᒍᐤ ᐅᒋᒪᐛ᙮ ᓯᔅᒋᑯᒡ ᒪᒃ ᒋ ᐅᒋ ᐛᐱᒪᐅᒡ ᒋᓴᓴ ᐊ ᓂᐳᔨᒋ ᐊᓐᑕ ᐊ ᑕᒡ᙮ ᒋ ᐃᑎᑯᐅᒡ ᒪᒃ, “ᒋᔭᒪᔨᑎᒧᒄ᙮”

ᒠᓐ 20:21

ᒥᓐ ᒂ ᐃᔨᒪᐊᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᒋᔭᒪᔨᑎᒧᒄ᙮ ᒧᔭᒻ ᓄᑕᐎᔾ ᑲ ᐸᒋ ᐃᑎᓴᐅᑦ ᒋᔭᒪᔨᑎᒧᐅᓂᒡ ᐃᔅ, ᑭᔭ ᓂᔾ ᒋᑦ ᐃᑎᓴᐅᑎᓇᐛᐤ ᒋᔭᒪᔨᑎᒧᐅᓂᒡ ᐃᔅ᙮”

ᒠᓐ 21:1

ᐸᑎᒪ ᒪᒃ ᐊᑯ ᒥᓐ ᒋᓴᔅ ᑲ ᓄᑯᓯᔅᑐᐛᑦ ᐅᒋᔅᒋᓄᐊᒧᐛᑭᓇ ᐊᓐᑕ ᐊᓂᔭ ᓴᑲᐃᑭᓂᔪᐤ ᑕᐃᐱᕆᔭᔅ ᑲ ᐃᓯᓂᐧᑲᑕᔨᒡ᙮ ᒪᐅᑕ ᒪᒃ ᑲ ᐃᓯ ᓄᑯᓯᔅᑐᐛᑦ᙮

ᒠᓐ 21:14

ᐊᐅᒄ ᒪᒃ ᐅᔭ ᓂᔍᐤ ᑲ ᓄᑯᓯᔅᑐᐛᑦ ᒋᓴᔅ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᑲ ᐃᔅᐱᔅ ᐅᓂᔅᑲᑦ ᓂᐳᐅᓂᒡ ᐅᒡ᙮

ᐊᑈᔅᑕᓇᒡ 1:3

ᐃᔅᐱ ᑲᒋ ᐃᓯ ᓂᓇᐧᑲᑕᔨᒧᑦ ᒋᓴᔅ ᒋᐱᔭᑎᑯᒡ ᑲ ᓂᐱᑦ ᒥᒐᑦ ᒋ ᓄᑯᓯᔅᑐᐛᐤ ᐊᓂᔭᔪᐛ ᐊᑈᔅᑕᓇ ᓇᐎᔪᐛ ᒋᓯᑲᐤ ᐃᔅᐱᔅ, ᐊ ᐎ ᒐᔅᑎᓇᑕᔨᑎᒥᐊᑦ ᑕᑈ ᒥᓐ ᑲᐤ ᐊ ᐱᒪᑎᓯᑦ, ᑭᔭ ᒋ ᐊᔨᒧᑎᒧᐛᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮