ᒠᓐ 20:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᐊᑯ ᐊᓐᑕ ᐊ ᑕᔨᒋ ᑲ ᐃᓯ ᐃᔭᔭᑦ ᒂ ᐃᑕᑦ, “ᐅᑎᓇᐧᒄ ᑲ ᐸᔭᒋᓯᑦ ᐊᒐᐧᒄ᙮

ᒠᓐ 20:22 Iomraidhean Croise

ᒐᓂᓯᔅ 2:7

ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᐅᑎᓇᑦ ᐊᓯᔅᒍᐛ ᑭᔭ ᒂ ᐅᓯᐊᑦ ᓇᐸᐛ, ᒋ ᐳᑕᑎᒧᐛᐤ ᐅᔭᔭᐅᓐ ᐅᔅᑯᑎᔨᒡ ᑭᔭ ᒂ ᐃᑐᑐᐛᑦ ᓇᐸᐛ ᒐᒋ ᐱᒪᑎᓯᔨᒋ᙮

ᑎᐱᑦ ᐅᓂᑭᒧᐅᓇ 33:6

ᐅᑦ ᐃᔨᒧᐅᓂᒡ ᐅᒋ ᑎᐸᔨᒋᒐᓱᐤ ᒋᓯᒂ ᒋ ᐅᓯᑕᑭᓄᐎᔪᐛ: ᑭᔭ ᒥᓯᐛ ᐊ ᐃᑕᑎᓂᔨᒋ ᐅᑐᓂᒡ ᐊ ᐅᒋ ᔭᔭᑐᑕᐧᒃ᙮

ᒠᓐ 14:16

ᓂᑭ ᐊᔭᒥᐊᓐ ᐊ ᓂᑐᑎᒧᐅᒃ ᓄᑕᐎᔾ ᒐᒋ ᐃᑎᓴᐊᒪᑕᒄ ᒥᓐ ᑯᑎᑲ ᐊᐛᔪᐛ ᒐᒋ ᐎᒋᐃᑎᑕᑯ ᑭᔭ ᒧᔅ ᑲᒋᒡ ᒐᒋ ᑕᑦ ᐊᓐᑕ ᐊ ᑕᔭᒄ᙮

ᒠᓐ 15:26

“ᒋᑭ ᐸᒋ ᑎᑯᓯᓐ ᐊᓐ ᐊᐛᓐ ᒐ ᐎᒋᐃᑕᐧᒄ, ᐊᐅᒄ ᑲ ᐸᔭᒋᓯᑦ ᐊᒐᐧᒄ᙮ ᓂᔾ ᓂᑭ ᐸᒋ ᐃᑎᓴᐛᐤ ᐊᓐᑕ ᐅᒋ ᐅᑕᐎᒪᐤ ᐊ ᑕᑦ᙮ ᒋᑭ ᐎᑎᒻ ᑕᑈᐅᓂᔪᐤ᙮ ᓂᔾ ᒪᒃ ᓂᑭ ᐊᔨᒧᒥᒄ᙮

ᒠᓐ 16:7

ᒥᒄ ᒪᒃ ᑯᐃᔅᒄ ᐊ ᐎᑎᒪᑎᑯᒡ ᐃᐛᒃ ᐛᔅ ᐊᓐ ᒋᑭ ᐎᒋᐃᑯᓇᐛᐤ ᐊ ᔅᑐᑕᔭᓐ, ᐛᔅ ᐊᑲ ᔅᑐᑕᔭᓇ ᓇᒪ ᒋᑭ ᐅᒋ ᐸᒋ ᓂᑐᐛᐱᒥᑯᐛᐤ ᐊᓐ ᒐ ᐎᒋᐃᑕᒄ, ᔅᑐᑕᔭᓇ ᒪᒃ ᐊᐅᑯᓐ ᐊᓐ ᒐ ᐸᒋ ᐃᑎᓴᐊᒪᑎᑯᒡ᙮

ᒠᓐ 20:21

ᒥᓐ ᒂ ᐃᔨᒪᐊᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᒋᔭᒪᔨᑎᒧᒄ᙮ ᒧᔭᒻ ᓄᑕᐎᔾ ᑲ ᐸᒋ ᐃᑎᓴᐅᑦ ᒋᔭᒪᔨᑎᒧᐅᓂᒡ ᐃᔅ, ᑭᔭ ᓂᔾ ᒋᑦ ᐃᑎᓴᐅᑎᓇᐛᐤ ᒋᔭᒪᔨᑎᒧᐅᓂᒡ ᐃᔅ᙮”

ᒠᓐ 20:23

ᐛᐸᔨᑎᒧᐛᒂ ᐊᐛᓐ ᒋᑭ ᐛᐸᔨᑎᒧᐛᑭᓄᐤ, ᐊᑲ ᐛᐸᔨᑎᒧᐛᒂ ᐊᐛᓐ ᓇᒪ ᒋᑭ ᐅᒋ ᐛᐸᔨᑎᒧᐛᑭᓄᐤ᙮”

ᒠᓐ 7:39

ᐊᔪᐅᒄ ᐅᔭ ᑲ ᐃᔅᒋᔄᑦ ᒋᓴᔅ ᐊ ᐊᔨᒧᒪᑦ ᑲ ᐸᔭᒋᓯᔨᒋ ᐊᒐᒂ, ᐊᓂᔭ ᒥᓯᐛ ᐊᐛᓐ ᑲ ᑕᑈᑕᐧᒃ ᒐ ᐊᔭᐛᑦ᙮ ᐊᓐᒡ ᑲ ᑕᑈᑕᒡ ᐊᔅᒄ ᓇᒪ ᐅᒋ ᒥᔭᑭᓄᐎᒡ ᐊᓂᔭᔪᐛ ᑲ ᐸᔭᒋᓯᔨᒋ ᐊᒐᒂ ᐛᔅ ᐊᔅᒄ ᓇᒪ ᐅᒋ ᓂᑐᐛᐱᒪᐤ ᒋᓴᔅ ᐅᑕᐎᒪᐛ ᒐᒋ ᒋᔅᑕᔨᑕᑯᐊᑭᓄᐅᑦ᙮

ᐊᑈᔅᑕᓇᒡ 10:47

“ᐅᒡ ᐃᔪᒡ ᒋ ᒥᔭᑭᓄᐎᒡ ᑲ ᐸᔭᒋᓯᔨᒋ ᐊᒐᒂ ᒧᔭᒻ ᑭᔭ ᒋᔭᓄᐤ ᑲ ᐃᓯ ᒥᔨᑯᐅᔭᐧᒄ ᑲ ᐸᔭᒋᓯᑦ ᐊᒐᐧᒄ᙮ ᐊᑯ ᒪᒃ ᓇᒪ ᐊᐛᓐ ᒋᐸ ᐅᒋ ᒋᐱᒐᐊᐤ ᒐᒋ ᓯᑲᐃᑐᐛᑭᓄᔨᒋ ᓂᐱᔪᐤ᙮”

ᐊᑈᔅᑕᓇᒡ 19:2

ᒂ ᑯᒂᒋᒪᑦ, “ᔅᒋ ᒥᔨᑯᓇᐛᐤ ᐊ ᑲ ᐸᔭᒋᓯᑦ ᐊᒐᐧᒄ ᐃᔅᐱ ᑲ ᐊᑎ ᑕᑈᑎᒪᒄ ?” ᐊᑯ ᒂ ᐃᑎᑯᑦ, “ᓇᒪ ᓂ ᐅᒋ ᐸᑕᓇᓐ ᐊ ᑕᑦ ᑲ ᐸᔭᒋᓯᑦ ᐊᒐᐧᒄ᙮”

ᐊᑈᔅᑕᓇᒡ 2:38

ᐊᑯ ᐱᑕᕐ ᒂ ᐃᑕᑦ, “ᒂᔅᑲᑎᓯᒄ ᒥᓯᐛ ᐸᐸᐃᒄ ᐊ ᑎᓯᔭᒄ᙮ ᓂᑭᑎᒥᒄ ᒋᒥᒋᑥᐅᓄᐛᐛ ᐊᑯ ᒪᒃ ᒐ ᓯᑲᐃᑕᑯᐅᔭᒄ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᒐᒋ ᐅᒋ ᐛᐸᔨᑎᒪᑯᐅᔭᒄ ᒋᒥᒋᑥᐅᓄᐛᐛ᙮ ᒋᑭ ᒥᔨᑯᐛᐤ ᒪᒃ ᒋᓴᒪᓂᑐᐤ ᐅᒥᔨᐛᐅᓐ, ᐊᐅᒄ ᐅᔭ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 2:4

ᒥᓯᐛ ᒪᒃ ᐊ ᑎᓯᒡ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ᙮ ᒋ ᐅᒋ ᒂᔅᒋᐃᔨᒧᐅᒡ ᒪᒃ ᑯᑎᑲ ᐃᔨᒧᐅᓇ ᐊ ᐃᓯ ᒥᔨᑯᒡ ᐊᒐᒂ ᒐᒋ ᐃᓯ ᐃᔨᒥᒡ᙮

ᐊᑈᔅᑕᓇᒡ 4:8

ᐊᑯ ᒪᒃ ᐱᑕᕐ ᐊ ᓴᑭᔅᒋᓇᔅᑲᑯᑦ ᑲ ᐸᔭᒋᓯᔨᒋ ᐊᒐᒂ, ᒋ ᐃᑕᐤ, “ᒋᔨᐛᐤ ᑲ ᓂᑲᓂᔅᑯᐛᑯᒡ ᐃᔪᒡ, ᑭᔭ ᑲ ᓂᑲᓇᔨᑕᑯᓯᔭᒄ,

ᐊᑈᔅᑕᓇᒡ 8:15

ᐃᔅᐱ ᒪᒃ ᑕᑯᓯᓂᒡ ᐊᓐᑕ, ᒋ ᐊᔭᒥᐊᔅᑎᒧᐛᐅᒡ ᐊᓂᔭ ᑲ ᑕᑈᑎᒥᔨᒋ ᒐᒋ ᐊᔭᐛᔨᒋ ᑲ ᐸᔭᒋᓯᔨᒋ ᐊᒐᒂ᙮

ᑲᓚᓯᔭᓇ 3:2

ᐸᐃᒄ ᒐᒂᓐ ᒋᑭ ᑯᒂᒋᒥᑎᓇᐛᐤ᙮ ᐎᑎᒧᐅᒄ ᒪ᙮ ᐊ ᓂᓇᐃᑎᒪᒄ ᐊ ᒍᐤ ᐊᔭᒥᐊᐅ ᐎᓱᐛᐅᓇ ᔅᒋ ᐅᒋ ᒥᔨᑯᓇᐛᐤ ᑲ ᐸᔭᒋᓯᑦ ᐊᒐᐧᒄ ? ᓇᒪᐎᔾ ᐊ ᐊᒋ ᐸᑎᒺᒄ ᒋᓴᔅ ᐅᒥᔽᒋᒧᐅᓐ ᑭᔭ ᐊᒋ ᑕᑈᑎᒪᒄ ᐛᒋ ᒥᔨᑯᔭᒄ ?