ᒠᓐ 20:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᐃᔅᐱ ᒪᒃ ᑲᒋ ᐃᓯ ᐛᒋᔭᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᒂ ᐛᐸᑎᔭᑦ ᐅᑎᒋᔭ ᑭᔭ ᐅᔅᐱᑭᔾ᙮ ᒋᒋᐛ ᒪᒃ ᒋ ᓯᒋᔭᓱᐅᒡ ᐊᒋ ᐛᐱᒪᒡ ᐅᑎᐸᔨᒋᒐᓯᒧᐛᐛ᙮

ᒠᓐ 20:20 Iomraidhean Croise

ᒪᑎᔪᐤ 28:8

ᐊᓐᒡ ᒪᒃ ᐃᔎᐅᒡ ᒋ ᐎᐎᐸᔨᑐᐅᒡ ᐊᓐᑕ ᒋᐱᐃᒋᐛᐱᒡ ᐅᒋ ᐊ ᓴᒋᓯᒡ ᑭᔭ ᐊ ᒧᒋᒐᔨᑕᒡ, ᒂ ᐎᑎᒧᐛᒡ ᐊᓂᔭ ᒋᔅᒋᓄᐊᒧᐛᑭᓇ᙮

ᒠᓐ 16:20

ᑯᐃᔅᒄ ᐊ ᐎᑎᒪᑎᑯᒡ ᒋᑭ ᒪᓇᐛᐤ ᑭᔭ ᒋᑭ ᓂᓇᐧᑲᑕᔨᒧᓇᐛᐤ᙮ ᐊᐅᑯᓐᒡ ᐅᒡ ᐅᑕ ᐊᔅᒋᒡ ᑲ ᑕᒡ ᐊᑲ ᓂᓇᑭᑐᐛᔨᒪᒡ ᒋᓴᒪᓂᑐᐛ ᐅᐱᒪᑎᓯᐅᓄᐛᒡ ᒋᑭ ᓯᒋᔭᓱᐅᒡ᙮ ᒋᑭ ᒥᓯᒪᔨᑕᓇᐛᐤ ᒋᔨᐛᐤ᙮ ᒥᒄ ᒪᒃ ᐊᓐ ᐊ ᒥᓯᒪᔨᑎᒪᒄ ᒋᑭ ᒂᔅᒋᐱᔪᐤ ᐃᔭᐱᒡ ᒐᒋ ᒧᒋᒐᔨᑎᒪᒄ᙮

ᒠᓐ 16:22

ᐊᐅᑯᓐ ᒪᒃ ᒧᔭᒻ ᑭᔭ ᒋᔨᐛᐤ, ᐊᓄᒡ ᒋ ᒥᓯᒪᔨᑕᓇᐛᐤ᙮ ᒥᒄ ᒪᒃ ᐃᔅᐱᔅ ᒥᓐ ᐛᐱᒥᑎᑯᒐ ᓇᔅᒡ ᑕᑈ ᒋᑭ ᒥᔽᔨᑕᓇᐛᐤ᙮ ᓇᒪ ᒪᒃ ᐊᐛᓐ ᒋᑭ ᐅᒋ ᐃᑐᑕᑯᐛᐤ ᒐᒋ ᒥᔅᑭᒥᑕᒄ ᒋᒧᒋᒐᔨᑎᒧᐅᓄᐛᔪᐤ᙮”

ᒠᓐ 19:34

ᐸᐃᒄ ᒪᒃ ᐊᓐ ᐊᓯᒪᑭᓂᔅ ᒋ ᑕᐧᑭᒪᐤ ᐊᓂᔭ ᒋᓴᓴ ᐊᓐᑕ ᐅᔅᐱᑲᔨᒡ᙮ ᑎᐛᒡ ᒂ ᐅᒋ ᐎᐎᑯᔨᒡ ᐅᒥᐧᑯᔪᐤ ᑭᔭ ᓂᐱᔪᐤ ᐊᓐᑕ ᐅᒡ᙮

ᒠᓐ 20:25

ᐊᓂᔭ ᒪᒃ ᐊ ᐎᑎᒪᑯᑦ ᐊᓂᔭᔪᐛ ᑯᑎᑲ ᒋᔅᒋᓄᐊᒧᐛᑭᓇ ᐊᒋ ᐛᐱᒪᔨᒋ ᒋᓴᓴ, ᓇᒪ ᐅᒋ ᑕᑈᑐᐛᐤ᙮ ᒋ ᐃᑕᐤ, “ᓇᒪ ᓂᑭ ᐅᒋ ᑕᑈᑕᓐ ᐸᑐᔅ ᒋ ᑕᒋᓂᒧᒐ ᐅᑎᒋᔭ ᐊᓐᑕ ᑲ ᒋᔅᑕᔎᑕᑭᓄᐅᑦ ᑭᔭ ᐸᑐᔅ ᒋ ᑕᒋᓂᒐ ᐊᓐᑕ ᐅᔅᐱᑲᒡ᙮”

ᒠᓐ 20:27

ᒂ ᐃᑕᑦ ᐊᓂᔭ ᑥᒥᓴ, “ᑕᒋᓇ ᓂᑎᒋᔭ ᑭᔭ ᐅ ᓂᔅᐱᑭᔾ ᐸᒋ ᑕᒋᓇ, ᐊᑯᓐ ᐊᑯ ᐃᔅᐱᔅ ᐊᓏᑕ, ᑕᑈᑕ ᐊᑯ᙮”

1 ᒠᓐ 1:1

ᒋ ᒥᓯᓇᐊᒪᑎᓇᓐ ᐊ ᐊᔨᒧᒥᒋᒡ ᐊᓐ ᓴᔅ ᑲ ᑕᑦ ᐊᔅᒄ ᐊᑲ ᓇᔅᒡ ᐅᒋ ᑎᑯᓂᔨᒡ ᒐᒂᔪᐤ᙮ ᑲᒋ ᐸᑐᐅᒋᒡ, ᑲᒋ ᐛᐱᒥᒋᒡ, ᑭᔭ ᑲᒋ ᑕᒋᓂᒋᒡ᙮ ᒋᑦ ᐊᔨᒧᑎᒪᑎᓇᓐ ᐊᓐ ᑲ ᒥᔨᐛᑦ ᐱᒪᑎᓯᐅᓂᔪᐤ ᐊᓂᔭ ᐅᒋ ᑕᓐ ᑲ ᐃᓯ ᐛᐎᑕᐧᒃ᙮