ᒠᓐ 20:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᒂ ᒋᒋᐸᑕᑦ ᒂ ᓂᑐᐛᐱᒪᑦ ᓴᐃᒥᓐ ᐱᑕᕋ ᑭᔭ ᐊᓂᔭ ᑯᑎᑲ ᒋᔅᒋᓄᐊᒧᐛᑭᓇ ᒋᓴᓴ ᑲ ᓴᒋᐊᔨᒋ ᐊᑯ ᒂ ᐃᑕᑦ ᐅᔭ, “ᒋ ᐅᑎᓂᒧᐛᐅᒡ ᐅᑎᐸᔨᒋᒐᐛ ᐎᔭᔪᐤ ᓇᒪ ᒪᒃ ᓂ ᒋᔅᒐᔨᑎᒺᓐ ᑕᓐᑕ ᑲ ᓇᐅᔅᑕᐛᒡ᙮”

ᒠᓐ 20:2 Iomraidhean Croise

ᒠᓐ 13:23

ᐊᓐ ᒪᒃ ᐸᐃᒄ ᒋᔅᒋᓄᐊᒧᐛᑭᓐ, ᐊᓂᔭ ᒋᓴᔅ ᓇᔅᒡ ᑲ ᓴᒋᐊᑦ, ᐅᐱᒪ ᐊᓐᑕ ᐊ ᑕᑦ ᒋ ᐊᐱᔪᐛ᙮

ᒠᓐ 19:26

ᒋᓴᔅ ᒋ ᐛᐱᒪᐤ ᐊᓂᔭ ᐅᑲᐎᔭ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ ᑲ ᓴᒋᐊᑦ ᐊ ᓂᐳᔨᒋ ᐊᓐᑕ, ᐊᑯ ᒂ ᐃᑕᑦ ᐊᓂᔭ ᐅᑲᐎᔭ, “ᐊᐅᑯᐤ ᒋᑯᔅ᙮”

ᒠᓐ 20:13

ᐊᑯ ᒂ ᐃᑎᑯᑦ ᐊᓂᔭ ᐊᓐᒋᓇ, “ᐃᔎᐤ, ᒐᒂᓐ ᐛᒋ ᒪᔨᓐ ?” ᐊᑯ ᒪᕆ ᒂ ᐃᑕᑦ, “ᒋ ᐅᑎᓇᐅᒡ ᓂᑎᐸᔨᒋᒐᓯᒪ ᓇᒪ ᒪᒃ ᓂ ᒋᔅᒐᔨᒪᐅᒡ ᑕᓐᑕ ᑲ ᐃᑐᑕᐊᒡ᙮”

ᒠᓐ 20:15

ᒋ ᐃᑎᑯᐤ ᒪᒃ, “ᐃᔎᐤ, ᒐᒂᓐ ᐛᒋ ᒪᔨᓐ ? ᐊᐛᓐ ᓇᓂᑐᐛᐱᒥᑦ ?” ᒂ ᑭᓄᐛᐱᒪᑦ ᒪᕆ ᐊᓂᔭ ᓂᑕᐅᒋᑕᑭᓇ ᑲ ᓇᑭᑐᐛᐸᑎᒥᔨᒋ ᐊ ᐃᑕᔨᒪᑦ, ᐊᑯ ᒂ ᐃᑕᑦ, “ᐸᒋ ᐎᑎᒧᐎ ᒪ ᑕᓐᑕ ᑲ ᐊᔨᑦ ᑭᔭ ᒐ ᓂᑐᐛᐱᒥᒃ᙮”

ᒠᓐ 20:9

ᐅᔭ ᒪᒃ ᒪᒂᒡ ᐊᔅᒄ ᓇᒪ ᐅᒋ ᓂᔅᑐᑎᒧᒡ ᐊᓐᑕ ᐊᓂᔭ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ ᑲ ᐃᑎᔅᑕᔨᒡ ᒥᓐ ᒐ ᐅᓂᔅᑲᔨᒋ᙮

ᒠᓐ 21:20

ᐱᑕᕐ ᒋ ᒂᔅᒋᑲᐳᐤ ᒂ ᐛᐱᒪᑦ ᐊᓂᔭ ᑯᑎᑲ ᒋᔅᒋᓄᐊᒧᐛᑭᓇ, ᐊᓂᔭ ᒋᓴᓴ ᑲ ᓴᒋᐊᔨᒋ᙮ ᐊᐅᑯᓐ ᐊᓂᔭ ᑲ ᐊᔅᐱᒋᓯᒧᔨᒋ ᒋᓴᓴ ᐊ ᑕᔨᒋ ᒪᒂᒡ ᑲ ᒥᒋᓱᒡ ᑭᔭ ᑲ ᐃᓯ ᑯᒂᒋᒪᑦ, “ᐅᑎᐸᔨᒋᒐᐤ, ᐊᐛᓐ ᒐ ᐎᔭᓯᐱᔅᑎᓂᔅᒃ ?”

ᒠᓐ 21:24

ᐊᐅᑯᓐ ᐅ ᒋᔅᒋᓄᐊᒧᐛᑭᓐ ᑲ ᑎᐸᑕᐧᒃ ᐅᔭ ᒐᒂᔪᐛ, ᑭᔭ ᑲ ᒥᓯᓇᐊᐧᒃ ᐅᔭ ᒐᒂᔪᐛ᙮ ᒋ ᒋᔅᒐᔨᒪᓄᐤ ᒪᒃ ᐊ ᑕᑈᒥᑭᓂᔨᒡ ᒥᓯᐛ ᑕᓐ ᑲ ᐃᓯ ᐎᑕᐧᒃ᙮

ᒠᓐ 21:7

ᐊᓂᔭᔪᐛ ᒪᒃ ᒋᔅᒋᓄᐊᒧᐛᑭᓐ ᒋᓴᔅ ᑲ ᓴᒋᐊᑦ, ᒋ ᐃᑕᐤ ᐊᓂᔭ ᐱᑕᕋ, “ᐅᑎᐸᔨᒋᒐᐤ ᐊᓐ᙮” ᐃᔅᐱ ᒪᒃ ᓴᐃᒥᓐ ᐱᑕᕐ ᐱᔭᑕᐧᒃ ᐅᑎᐸᔨᒋᒐᐛ ᐊ ᐊᐎᔨᒋ ᐊᓂᔭᔪᐛ ᒋ ᐳᔅᑎᔅᑭᒻ ᐅᑦ ᐊᑯᑉ ᐊᓂᔭ ᑲ ᒥᓇᐧᒃ ᒐ ᐊᑐᔅᒐᑦ, ᐊᑯ ᑲ ᐱᑭᔅᑐᐛᒂᔅᑯᑎᑦ᙮