ᒠᓐ 20:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᐊᓂᔭ ᒪᒃ ᐊ ᐊᑎ ᐅᑕᑯᓯᔨᒡ ᐊᓂᔭ ᓂᔅᑎᒻ ᐊᑎ ᒋᓯᑲᔨᒡ ᒋ ᒪᒧᐎᐅᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮ ᒋ ᐊᑎᓴᑲᐎᓱᐅᒡ ᒪᒂᒡ ᐊᓂᔭ ᐊ ᒪᒧᐎᒡ ᐛᔅ ᒋ ᑯᔅᑕᐅᒡ ᐊᓂᔭ ᒍᐤ ᐅᒋᒪᐛ᙮ ᓯᔅᒋᑯᒡ ᒪᒃ ᒋ ᐅᒋ ᐛᐱᒪᐅᒡ ᒋᓴᓴ ᐊ ᓂᐳᔨᒋ ᐊᓐᑕ ᐊ ᑕᒡ᙮ ᒋ ᐃᑎᑯᐅᒡ ᒪᒃ, “ᒋᔭᒪᔨᑎᒧᒄ᙮”

ᒠᓐ 20:19 Iomraidhean Croise

ᑎᐱᑦ ᐅᓂᑭᒧᐅᓇ 122:8

ᓂᐧᑲᓂᓯᒡ ᑭᔭ ᓂᐎᒐᐛᑭᓐᒡ ᐅᒡ, ᐊᓄᒡ ᓂᑭ ᐃᔅᒋᔄᓐ, “ᑭᒪ ᒋᔭᒪᔨᑎᒧᐅᓐ ᐱᒋᔅᑲᑯᔨᓐ᙮”

ᒪᑎᔪᐤ 10:13

ᐊᓐᒡ ᒪᒃ ᐊᐛᓐᒋ ᑲ ᑕᒡ ᐊᓐᑕ ᒥᒋᐛᐱᒡ ᓇᐊᔨᒥᑕᒂᐛ, ᑕᑈ ᒋᑭ ᓱᐛᔨᒪᑭᓄᐎᒡ ᑭᔭ ᐊᑲ ᓇᐊᔨᒥᑕᒂᐛ, ᓇᒪ ᒋᑭ ᐅᒋ ᓱᐛᔨᒪᑭᓄᐎᒡ᙮

ᒪᑎᔪᐤ 18:20

ᐛᔅ ᐊᑎ ᒥᒄ ᓂᓱ ᑭᔭ ᒪᒃ ᓂᔅᑐ ᐊᐛᓐᒋ ᒪᐅᒋᐃᑐᑥᐛ ᓂᑦ ᐃᓯᓂᐧᑲᓱᐅᓂᒡ ᐅᒋ, ᐊᑯᑕ ᑭᔭ ᓂᔾ ᒐ ᑕᔭᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:14

ᐸᑎᒪ ᒪᒃ, ᒋᓴᔅ ᒋ ᓄᑯᓯᔅᑐᐛᐤ ᐊᓂᔭ ᐸᐃᑯᓴᑉ ᒪᒂᒡ ᐊ ᒪᒧᒥᒋᓱᔨᒋ ᒥᒋᓱᐛᑭᓇᑎᑯᒡ᙮ ᒋ ᐊᓏᔨᒪᐤ ᒪᒃ ᐊᓂᔭ ᐊ ᐊᓏᑎᒥᔨᒋ ᑭᔭ ᐊ ᒥᔅᑯᐅᑕᐊᔨᒋ, ᐊᑲ ᐅᒋ ᐎ ᑕᑈᑐᐛᔨᒋ ᐊᓂᔭ ᒋᔅᒋᓄᐊᒧᐛᑭᓇ ᐊᓂᔭᔪᐛ ᑲ ᐛᐱᒥᑯᔨᒋ ᐸᑎᒪ ᑲ ᐅᓂᔅᑲᓇᑭᓄᐅᑦ᙮

ᒠᓐ 14:27

“ᒋ ᓂᑭᑎᒪᑎᓇᐛᐤ ᒋᔭᒪᔨᑎᒧᐅᓐ᙮ ᓂᔾ ᓂᒋᔭᒪᔨᑎᒧᐅᓐ ᒋ ᒥᔨᑎᓇᐛᐤ᙮ ᓇᒪ ᐅᑕ ᐊᔅᒋᒡ ᐊ ᐃᑕᔨᑕᒂᒡ ᒋᔭᒪᔨᑎᒧᐅᓐ ᒋ ᒥᔨᑎᓇᐛᐤ᙮ ᐊᑲᐎᔾ ᒪᒃ ᒥᑯᔅᑲᑕᔨᑎᒧᒄ ᑭᔭ ᐊᑲᐎᔾ ᑯᔅᑕᒋᒄ᙮”

ᒠᓐ 16:22

ᐊᐅᑯᓐ ᒪᒃ ᒧᔭᒻ ᑭᔭ ᒋᔨᐛᐤ, ᐊᓄᒡ ᒋ ᒥᓯᒪᔨᑕᓇᐛᐤ᙮ ᒥᒄ ᒪᒃ ᐃᔅᐱᔅ ᒥᓐ ᐛᐱᒥᑎᑯᒐ ᓇᔅᒡ ᑕᑈ ᒋᑭ ᒥᔽᔨᑕᓇᐛᐤ᙮ ᓇᒪ ᒪᒃ ᐊᐛᓐ ᒋᑭ ᐅᒋ ᐃᑐᑕᑯᐛᐤ ᒐᒋ ᒥᔅᑭᒥᑕᒄ ᒋᒧᒋᒐᔨᑎᒧᐅᓄᐛᔪᐤ᙮”

ᒠᓐ 16:33

ᔅᒋ ᐎᑎᒪᑎᓇᐛᐤ ᐅ ᒐᒋ ᐅᒋ ᐊᔭᔭᒄ ᒋᔭᒪᔨᑎᒧᐅᓐ ᐊᓐᑕ ᓂᔾ ᐊ ᑕᔭᓐ᙮ ᒋᑭ ᓂᓇᐧᑲᑕᔨᒧᐃᑯᓇᐛᐤ ᐅᑕ ᐊᔅᒋᒡ᙮ ᓱᒃ ᐎ ᓱᒋᑕᐊᒄ, ᐛᔅ ᓴᔅ ᓂᒋ ᓴᐧᑯᒋᐊᐤ ᐊᓐ ᑲ ᑎᐸᔨᒪᑦ ᐊᓂᔭ ᐊᐛᔪᐛ ᐊᑲ ᐊᐱᑕᔨᒪᔨᒋ ᒋᓴᒪᓂᑐᐛ᙮”

ᒠᓐ 20:21

ᒥᓐ ᒂ ᐃᔨᒪᐊᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᒋᔭᒪᔨᑎᒧᒄ᙮ ᒧᔭᒻ ᓄᑕᐎᔾ ᑲ ᐸᒋ ᐃᑎᓴᐅᑦ ᒋᔭᒪᔨᑎᒧᐅᓂᒡ ᐃᔅ, ᑭᔭ ᓂᔾ ᒋᑦ ᐃᑎᓴᐅᑎᓇᐛᐤ ᒋᔭᒪᔨᑎᒧᐅᓂᒡ ᐃᔅ᙮”

ᒠᓐ 20:26

ᔭᓇᐤ ᑕᑐᐤ ᒋᓯᑲᐛ ᒪᒃ ᐃᔅᐱᔅ ᐊᑯ ᒥᓐ ᑲ ᒪᒧᐎᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮ ᑥᒥᔅ ᒪᒃ ᑭᔭ ᐎᔾ ᐊᑯᑕ ᑲ ᑕᑦ᙮ ᒋ ᐊᑎᓴᑲᐛᑭᓄᐎᒡ ᔅᑐᐧᑭᓐᒡ ᐃᔭᐱᒡ ᒪᒃ ᒋᓴᔅ ᒋ ᐸᒋ ᐱᒐᐤ ᒂ ᐸᒋ ᐅᑎᔅᑯᑲᐳᔅᑐᐛᑦ᙮

ᒠᓐ 21:1

ᐸᑎᒪ ᒪᒃ ᐊᑯ ᒥᓐ ᒋᓴᔅ ᑲ ᓄᑯᓯᔅᑐᐛᑦ ᐅᒋᔅᒋᓄᐊᒧᐛᑭᓇ ᐊᓐᑕ ᐊᓂᔭ ᓴᑲᐃᑭᓂᔪᐤ ᑕᐃᐱᕆᔭᔅ ᑲ ᐃᓯᓂᐧᑲᑕᔨᒡ᙮ ᒪᐅᑕ ᒪᒃ ᑲ ᐃᓯ ᓄᑯᓯᔅᑐᐛᑦ᙮

ᒠᓐ 21:14

ᐊᐅᒄ ᒪᒃ ᐅᔭ ᓂᔍᐤ ᑲ ᓄᑯᓯᔅᑐᐛᑦ ᒋᓴᔅ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᑲ ᐃᔅᐱᔅ ᐅᓂᔅᑲᑦ ᓂᐳᐅᓂᒡ ᐅᒡ᙮

ᒠᓐ 7:13

ᓇᒪ ᒪᒃ ᐅᒋ ᒋᔄᐛᐅᒡ ᐊ ᐊᔨᒧᒪᒡ ᒋᓴᓴ ᐛᔅ ᒋ ᑯᔅᑕᐅᒡ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ᙮

ᐊᑈᔅᑕᓇᒡ 1:3

ᐃᔅᐱ ᑲᒋ ᐃᓯ ᓂᓇᐧᑲᑕᔨᒧᑦ ᒋᓴᔅ ᒋᐱᔭᑎᑯᒡ ᑲ ᓂᐱᑦ ᒥᒐᑦ ᒋ ᓄᑯᓯᔅᑐᐛᐤ ᐊᓂᔭᔪᐛ ᐊᑈᔅᑕᓇ ᓇᐎᔪᐛ ᒋᓯᑲᐤ ᐃᔅᐱᔅ, ᐊ ᐎ ᒐᔅᑎᓇᑕᔨᑎᒥᐊᑦ ᑕᑈ ᒥᓐ ᑲᐤ ᐊ ᐱᒪᑎᓯᑦ, ᑭᔭ ᒋ ᐊᔨᒧᑎᒧᐛᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:33

ᒋᓴᒪᓂᑐᐤ ᐊᓐ ᑲ ᒥᔨᑕᐧᒄ ᒋᔭᒪᔨᑎᒧᐅᓂᔪᐤ ᒥᓯᐛ ᒋᑭ ᐎᒐᐅᑯᐛᐤ᙮ ᐊᒥᓐ᙮

1 ᑯᕆᓐᑎᔭᓇ 15:5

ᐊᔨᒧᑕᐤ ᑭᔭ ᐊᒋ ᓄᑯᓯᔅᑐᐛᑦ ᐱᑕᕋ᙮ ᒐᒃ ᒥᓐ ᐊᓂᔭᔪᐛ ᑲ ᓂᓱᓴᐳᔨᒋ ᒂ ᓄᑯᓯᔅᑐᐛᑦ ᐊᓂᔭᔪᐛ ᐎᔾ ᐛᒋᒡ ᑲ ᐅᑎᓇᑦ ᒐᒋ ᓇᓴᐅᑯᑦ᙮

ᐃᐱᓯᔭᓇ 2:14

ᐛᔅ ᙭ ᔅᒋ ᐸᑥᑯᓄᐤ ᒋᔭᒪᔨᑎᒧᐅᓂᔪᐤ᙮ ᒋ ᐃᑐᑐᐛᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᑭᔭ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐸᐃᑯᑕᓇᐤ ᒐᒋ ᐃᓯᓇᑯᓯᔨᒋ᙮ ᒋ ᐱᑯᓂᒺᐤ ᐊᓂᔭ ᑕᓐ ᑲᒋ ᐃᓯ ᐛᐧᑲᑎᑐᑐᔨᒋ᙮

ᐃᐱᓯᔭᓇ 6:23

ᓂᐧᑲᓂᓯᑐᒄ ᓂᑦ ᐊᔭᒥᐊᐤ ᒋᓴᒪᓂᑐᐤ ᒍᑕᐎᓄᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᒥᔨᑕᑯᒡ ᒋᔭᒪᔨᑎᒧᐅᓂᔪᐤ ᑭᔭ ᓴᒋᐃᐛᐅᓂᔪᐤ ᒐᒋ ᓄᒂᒡ ᒋᑕᑈᑎᒧᐅᓄᐛᐛ᙮

ᐱᓕᐱᔭᓇ 1:2

ᓂ ᐱᑯᓴᔨᒪᓇᓐ ᒋᓴᒪᓂᑐᐤ ᒍᑕᐎᓄᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᒥᔪᑐᑕᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮

2 ᑕᓴᓗᓂᔭᓇ 3:16

ᓂᑦ ᐊᔭᒥᐊᓇᓐ ᐅᑎᐸᔨᒋᒐᐤ ᐎᔾ ᐊ ᑕᑦ ᐛᒋᐱᔨᒡ ᒋᔭᒪᔨᑎᒧᐅᓂᔪᐤ, ᒧᔅ ᒋᔭᒪᔨᑎᒧᐅᓂᔪᐤ ᒐᒋ ᒥᔨᑕᒄ ᒥᒄ ᑕᓐ ᐊ ᐃᔅᐱᔨᐛᒄ᙮ ᐅᑎᐸᔨᒋᒐᐤ ᒧᔅ ᒋᑭ ᐎᒐᐅᑯᐛᐤ᙮

ᐃᑉᕈᐛ 7:2

ᐊᑯ ᐊᑉᕋᐊᒻ ᒂ ᒥᔭᑦ ᐊᓂᔭᔪᐛ ᒪᓪᑭᓴᑕᑲ ᐸᐃᒄ ᑕᑐᐤ ᐸᐃᑯᔪᐤ ᑕᓐ ᑲ ᐃᓯ ᐎᐧᑯᒋᑕᑦ ᒐᒂᔪᐛ ᐊᓐᑕ ᑲ ᓂᑐᐱᔨᑦ᙮ ᐊᐅᒄ ᐅᔭ ᑲ ᐃᓯ ᒥᔭᑦ ᐊᓂᔭᔪᐛ ᒪᓪᑭᓴᑕᑲ ᐊ ᓄᑯᑕᑦ ᐊ ᒋᔅᑕᔨᒪᑦ᙮ ᒪᒥᑐᓇᔨᑎᒧᒄ ᐅ᙮ ᐊᓐ ᐃᓯᓂᐧᑲᓱᐅᓐ ᒪᓪᑭᓴᑕᒃ ᐊ ᐃᓯ ᐱᔭᑭᔅᒋᑕᑯᓯᓇᓄᐅᒡ ᒋᓴᐅᒋᒪᐤ ᑯᐃᔅᒄ ᑲ ᐃᓯ ᐅᒋᒪᐅᑦ ᐃᔅᒋᔄᒥᑭᓐ᙮ ᐊᑯ ᒪᒃ ᐊᓂᔭ ᐊᒋ ᒋᓴᐅᒋᒪᐅᑦ ᐊᓐᑕ ᐊᓂᔭ ᐅᑕᓇᔪᐤ ᓴᐃᓕᒻ ᐊ ᐃᓯᓂᐧᑲᑕᔨᒡ ᐅ ᒪᓪᑭᓴᑕᒃ ᐊᑯ ᐊᔪᐤ ᒋᔭᒪᔨᑎᒧᐅᓂᔪᐤ ᑲ ᒥᔨᐛᑦ ᒋᓴᐅᒋᒪᐤ ᐊ ᐃᔅᒋᔄᒥᑭᓂᔨᒡ ᐊ ᐱᔭᑭᔅᒋᑕᑭᓄᐎᒡ ᐅᑦ ᐃᓯᓂᐧᑲᓱᐅᓐ᙮

3 ᒠᓐ 1:14

ᓂ ᐱᑯᓴᔨᑕᓐ ᐎᐱᒡ ᒐᒋ ᐛᐱᒥᑎᑯᒡ ᑭᔭ ᐅᑎᔅᑯᐤ ᒐᒋ ᐃᔨᒥᐃᑐᔭᐧᒄ᙮

ᒋᔅᒐᔨᑕᑯᑕᒐᐅᓐ 1:4

ᓂᔾ ᒠᓐ, ᒋᔨᐛᐤ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᒥᓯᓇᐊᒪᑎᓇᐛᐤ ᐊᓐᑕ ᑲ ᑕᔭᒄ ᐊᓂᔭᔪᐛ ᓂᔄᐅᑕᒡ ᐊᔭᒥᐊᐅᒋᐛᐸ ᐊᐃᓴ ᑲ ᐃᓯᓂᐧᑲᑕᒡ ᐊᔅᒋᔾ᙮ ᒋᓴᒪᓂᑐᐤ, ᐊᓐ ᐊᓄᒡ ᐊ ᑕᑦ ᑭᔭ ᒧᔅ ᑲ ᐸᒋ ᑕᑦ, ᑭᔭ ᐊᓐ ᒐ ᑎᑯᓯᐧᒃ, ᒋᑭ ᓱᐛᔨᒥᑯᐛᐤ ᑭᔭ ᒋᑭ ᒥᔨᑯᐛᐤ ᒋᔭᒪᔨᑎᒧᐅᓂᔪᐤ᙮ ᑭᔭ ᐊᓐᒡ ᓂᔄᐅᑕᒡ ᐊᒐᐧᑯᒡ ᐅᑎᔅᑯᐤ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔨᒡ ᐊ ᑕᒡ, ᒋᑭ ᓱᐛᔨᒥᑯᐛᐅᒡ ᑭᔭ ᒋᑭ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮