ᒠᓐ 20:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐊᓐ ᑲ ᒋᓴᐊᔭᒥᐊᐅᒋᓯᑲᒡ ᐎᐱᒡ ᒪᒃ ᒥᓐ ᐊ ᐊᑎ ᐛᐸᒡ, ᐊᔅᒄ ᐊ ᐊᒋᑲᔅᑕᔭᒡ ᐊᓐᑕ ᒋᐱᐃᒋᐛᐱᒡ ᒋ ᐃᑐᑕᐤ ᒪᕆ ᒪᒃᑕᓕᓐ ᒂ ᐛᐱᒪᑦ ᐊᓂᔭ ᐊᓯᓂᔭ ᐊᒋ ᐃᒐᑕᐊᑭᓄᐃᒂᓂ ᐊᓐᑕ ᐊ ᐅᒋ ᐱᒐᓄᐎᒡ᙮

ᒠᓐ 20:1 Iomraidhean Croise

ᒪᑎᔪᐤ 27:56

ᐊᑯᑕ ᑲ ᑕᒡ ᒪᕆ ᒪᒃᑕᓕᓐ ᑭᔭ ᒪᕆ, ᒋᒥᔅ ᑭᔭ ᒍᓯᑉ ᐅᑲᐎᐛᐛ, ᑭᔭ ᓴᐱᑎ ᐅᑯᓴ ᐅᑲᐎᐛᐛ᙮

ᒪᑎᔪᐤ 27:60

ᐊᓐᑕ ᒪᒃ ᐊᒋ ᐛᑎᒂᐱᔅᑲᐊᒧᑯᐱᓇ ᐊᑲ ᐛᔅᑭᒡ ᐅᒋ ᐊᐱᒋᑕᑯᐱᓇ ᐊᑯᑕ ᑲ ᐱᑎᑲᐊᑦ᙮ ᐎᔾ ᒪᒃ ᒋᐸ ᐊᔭᐊᑭᓄᐤ ᐊᓐᑕ ᐃᔅᐱ ᐳᓂᐱᒪᑎᓯᒐ᙮ ᐊᑯ ᐊ ᒥᒐᐱᔅᒋᓯᔨᒋ ᐊᓯᓂᔭ ᒂ ᑎᑎᐱᓇᑦ ᐊᓐᑕ ᐊ ᐃᔎᑕᒧᓂᔨᒡ ᐊᓂᔭ ᒋᐱᐃᒋᐛᐱᔪᐤ ᑲ ᒋᐱᒥᓯᒪᑦ᙮ ᐊᑯ ᒂ ᔅᑐᑕᑦ᙮

ᒪᑎᔪᐤ 27:64

ᐃᑎᓱᐛ ᒪ ᐃᔭᒂ ᒐᒋ ᓂᓇᑭᑐᐛᔨᑕᑭᓄᐅᒡ ᐊᓐ ᒋᐱᐃᒋᐛᑉ ᐸᑐᔅ ᒋ ᓂᔅᑐᒋᓯᑲᒐ᙮ ᐛᔅ ᒋᑭ ᒋ ᐸᒋ ᒋᒧᑎᔪᐛ ᐅᒋᔅᒋᓄᐊᒧᐛᑭᓇ ᐊᓂᔭ ᐎᔪᐤ ᒐᒋ ᑭᑭᒋᔭᒪᔨᒋ ᐊᐛᔪᐛ ᐊ ᐃᑕᒡ ᐊᒋ ᐅᓂᔅᑲᔨᒋ ᓂᐳᐅᓂᒡ ᐅᒡ᙮ ᐊᑯ ᐊᓐ ᑭᑭᒋᔭᐅᓐ ᐅᔅᑕ ᓇᒪ ᒋᑭ ᐅᒋ ᒋᐧᑲᐛᑕᑯᓐ ᐃᔅᐱᔅ ᐊᓐ ᓂᔅᑎᒻ ᑭᑭᒋᔭᐅᓐ᙮”

ᒪᑎᔪᐤ 27:66

ᐊᑯ ᒪᒃ ᒂ ᔅᑐᑕᒡ᙮ ᒋ ᒋᔅᒋᓄᐛᒋᐊᐅᒡ ᐊᓂᔭᔪᐛ ᐊᓯᓂᔭ ᑲ ᒋᐱᓯᒪᑭᓄᔨᒋ ᐊᓐᑕ ᒋᐱᐃᒋᐛᐱᒡ ᐊᑲ ᐊᐛᔪᐛ ᒐᒋ ᐱᒪᔨᒪᔨᒋ᙮ ᐊᑯ ᒂ ᐃᑕᒡ ᐊᓯᒪᑭᓂᓴ ᒐᒋ ᓂᓇᑭᑐᐛᐸᑎᒥᔨᒋ ᐊᓂᔭ ᒋᐱᐃᒋᐛᐱᔪᐤ᙮

ᒪᑎᔪᐤ 28:1

ᐃᔅᐱ ᒪᒃ ᑲ ᐎᒪᐱᔨᒡ ᐊᓂᔭ ᐊ ᐊᔭᒥᐊᐅᒋᓯᑲᔨᒡ, ᐊᓐ ᒪᒃ ᐊᑎ ᐸᑕᐸᒡ ᒪᕆ ᒪᒃᑕᓕᓐ ᑭᔭ ᒪᕆ ᒋ ᓂᑐᐛᐸᑎᒧᒡ ᐊᓂᔭ ᒋᐱᐃᒋᐛᐱᔪᐤ᙮

ᒪᑎᔪᐤ 28:2

ᓯᔅᒋᑯᒡ ᒪᒃ ᒋ ᒥᔅᑎ ᑯᐃᐧᑯᓐ, ᐊᑯ ᐅᑎᐸᔨᒋᒐᐤ ᐅᑦ ᐊᓐᒋᓇᒪ ᒂ ᐸᒋ ᔭᓯᔨᒋ ᒋᒋᒋᓯᑯᒡ ᐅᒡ, ᒂ ᐃᒐᑎᑎᐱᓇᔨᒋ ᐊᓂᔭ ᐊᓯᓂᔭ ᐊᓐᑕ ᐃᔎᑕᒥᒡ ᐅᒡ ᒂ ᐊᑎ ᑕᑎᐱᔨᒋ ᐊᓐᑕ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:46

ᐊᑯ ᒍᓯᑉ ᒂ ᐃᔭᑦ ᐊ ᒥᔪᐛᑭᓯᔨᒡ ᐱᒍᐎᔭᓂᓯᔪᐤ ᐊ ᐛᐸᑭᓂᔨᒡ, ᐊᑯ ᒂ ᓂᑎᓂᒺᑦ ᒋᓴᓴ ᐎᔭᔪᐤ᙮ ᐊᑯᑕ ᐊᓐᑕ ᐱᒍᐎᔭᓂᒡ ᒂ ᑎᑎᐱᔭᑎᓂᒺᑦ ᐊᓂᔭ ᐎᔭᔪᐤ, ᐊᑯ ᒋᐱᐃᒋᐛᐱᒡ ᒂ ᓇᐅᔅᑕᑦ᙮ ᐊᑯ ᒂ ᑎᑎᐱᓇᑦ ᐊᓯᓂᔭ ᐊᓐᑕ ᐊ ᐱᑯᓇᔭᔨᒡ ᐊᓂᔭ ᒋᐱᐃᒋᐛᐱᔪᐤ, ᐊᑯᑕ ᑲ ᒋᐱᓯᒪᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:9

ᐃᔅᐱ ᒋᓴᔅ ᑲ ᐅᓂᔅᑲᑦ ᓂᐳᐅᓂᒡ ᐅᒡ ᐎᐱᒡ ᐊ ᒐᒋᓴᐸᔭᔨᒡ ᐊᓂᔭ ᓂᔅᑎᒻ ᐊ ᒋᓯᑲᔨᒡ ᒥᓐ ᒐ ᐊᑎ ᐱᒥᐱᔨᒡ ᒪᕆ ᒪᒃᑕᓕᓇ ᓂᔅᑎᒻ ᒋ ᓄᑯᓯᔅᑐᐛᐤ᙮ ᐊᔪᐅᒄ ᐅᔭ ᐃᔎᐛ ᑲ ᐎᐎᑎᓴᐅᒪᑦ ᓂᔄᐅᑕᒡ ᒥᒋ ᐊᒐᒂ ᐊᒋ ᐱᒋᔅᑲᑯᔨᒋ᙮

ᒠᓐ 11:38

ᒋᓴᔅ ᒪᒃ ᒥᓐ ᒋ ᒧᓯᑕᐤ ᓇᔅᒡ ᐊ ᒥᓯᒥᑕᐊᑦ᙮ ᐊᑯ ᒂ ᐃᑐᑕᑦ ᐊᓐᑕ ᐊᓂᔭ ᑲ ᐛᑎᒂᐱᔅᑲᐃᑭᓄᐎᒡ ᐊᓐᑕ ᑲ ᐱᒥᓯᒪᑭᓄᔨᒋ ᓚᓴᕋᓴ, ᒋ ᒋᐱᑲᐳᐊᑭᓄᐃᑯᐱᓇᓂ ᐊ ᒥᓯᑎᔨᒋ ᐊᓯᓂᔾ ᐊᓐᑕ ᐊ ᐅᒋ ᐱᒐᓄᐎᒡ᙮

ᒠᓐ 11:41

ᐊᑯ ᒂ ᐃᒐᑕᐊᒡ ᐊᓂᔭ ᐊᓯᓂᔭ᙮ ᒋᓴᔅ ᒪᒃ ᐊ ᑎᔅᑎᓴᐱᑦ ᒋ ᐃᔅᒋᔄᐤ, “ᓄᑕ, ᒋ ᓂᓇᔅᑯᒥᑎᓐ ᐊ ᐸᒋ ᓂᑐᑐᔨᓐ᙮

ᒠᓐ 19:25

ᒋᓴᔅ ᒪᒃ ᐅᑲᐎᐊ ᒥᒋᒪ ᒋ ᓂᐳᐅᔪᐛ ᐊᓐᑕ ᒋᓴᓴ ᐅᒋᐱᔭᑎᑯᒥᔨᒡ ᑭᔭ ᐅᑲᐎᐊ ᐎᐧᑲᓂᓯᔪᐛ ᐊᑯᑕ ᑲ ᓂᐳᔨᒋ ᑭᔭ ᒪᕆ, ᑲᓗᐸᔅ ᐎᐛ ᑭᔭ ᒪᕆ ᒪᒃᑕᓕᓐ᙮

ᒠᓐ 20:26

ᔭᓇᐤ ᑕᑐᐤ ᒋᓯᑲᐛ ᒪᒃ ᐃᔅᐱᔅ ᐊᑯ ᒥᓐ ᑲ ᒪᒧᐎᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮ ᑥᒥᔅ ᒪᒃ ᑭᔭ ᐎᔾ ᐊᑯᑕ ᑲ ᑕᑦ᙮ ᒋ ᐊᑎᓴᑲᐛᑭᓄᐎᒡ ᔅᑐᐧᑭᓐᒡ ᐃᔭᐱᒡ ᒪᒃ ᒋᓴᔅ ᒋ ᐸᒋ ᐱᒐᐤ ᒂ ᐸᒋ ᐅᑎᔅᑯᑲᐳᔅᑐᐛᑦ᙮

ᐊᑈᔅᑕᓇᒡ 20:7

ᐊᓐ ᒪᒃ ᒥᔭᔅᑕᐃᑐᔅᑲᓄᒡ ᐊ ᐊᑎ ᐅᑕᑯᓯᔨᒡ ᓂᒋ ᒪᒧᐎᓇᓐ ᒐᒋ ᒪᒧᐤ ᒥᒋᓱᔭᒡ᙮ ᑈᓪ ᒪᒃ ᒋ ᐃᔨᒪᐊᐤ ᐊᓂᔭᔪᐛ ᐊᐛᔪᐛ ᑲ ᐸᒋ ᒪᒧᐎᔨᒋ᙮ ᐎᐱᒡ ᒋ ᐎ ᔅᑐᑕᐤ ᐊᓂᔭ ᒐ ᐛᐸᓂᔨᒡ, ᑭᔭ ᓇᐅᔅ ᒂ ᐊᑎ ᐃᔨᒥᑦ᙮ ᐱᐃᒻ ᒋ ᐊᐱᑕᑎᐱᔅᑲᔪᐤ ᐊᔅᒄ ᐊ ᐃᔨᒥᑦ᙮

1 ᑯᕆᓐᑎᔭᓇ 16:2

ᐊᓐ ᐊ ᒋᒋᐱᔨᒡ ᒥᓇᔅᑕᑭᓐ, ᒥᓯᐛ ᐊᐛᓐ ᐊᓐᑕ ᐊ ᑎᓯᔭᒄ ᒋᐸ ᑎᐸᓂᔅᑕᐤ ᓱᓇᔭᔪᐤ ᐊ ᓂᓇᑭᑐᐛᔨᑎᒥᐃᑯᑦ ᑕᓐ ᒪᒧᐤ ᑲ ᐃᓯ ᒥᔨᑯᑦ ᒋᓴᒪᓂᑐᐛ ᒐᒋ ᐅᑎᓂᒪᒐᑦ᙮ ᒥᓯᐛ ᒋᐸ ᒪᒧᐤ ᑭᓄᐛᔨᑕᑭᓄᐤ᙮ ᐊᑯ ᒪᒃ ᓇᒪ ᒋᐸ ᐅᒋ ᑎᑯᓐ ᐊ ᒪᒧᓴᒋᓂᑭᓄᐅᒡ ᓱᓇᔭᐤ ᑎᑯᓯᓂᔭᓇ᙮

ᒋᔅᒐᔨᑕᑯᑕᒐᐅᓐ 1:10

ᐸᐃᒂᐤ ᒪᒃ ᐊ ᐊᔭᒥᐊᐅᒋᓯᑲᒡ, ᑲ ᐸᔭᒋᓯᑦ ᐊᒐᐧᒄ ᓂᒋ ᓴᑭᔅᒋᓇᔅᑲᒄ᙮ ᐊᓐᑕ ᒪᒃ ᓂᔅᐱᔅᑯᓂᒡ ᓂᒋ ᐅᒋ ᐸᑕᓐ ᐸᑕᑯᓱᐅᓐ ᐊ ᒋᔄᐛᑦ ᐊᐛᓐ ᐊ ᐃᔨᒥᑦ᙮ ᒧᔭᒻ ᐳᑕᒋᑭᓐ ᐊ ᐃᔅᐱᔅ ᒋᔄᐛᒥᑲᒡ, ᐊᑯᓐ ᑲ ᐃᔅᐱᔅ ᒋᔄᐛᑦ ᐊ ᐃᔨᒥᑦ᙮