ᒠᓐ 2:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐊᑯ ᒋᓴᔅ ᑭᔭ ᐅᑲᐎᔭ ᑭᔭ ᐎᐧᑲᓂᓴ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ ᒋ ᐃᑐᑕᐅᒡ ᐊᓐᑕ ᐅᑕᓇᔪᐤ ᑲᐳᕐᓇᐊᒻ ᑲ ᐃᓯᓂᐧᑲᑕᔨᒡ, ᐊᑯᑕ ᐊᓐᑕ ᑲ ᑕᒡ᙮ ᓇᒪ ᒥᒄ ᓇᔅᒡ ᒥᒐᑐᐤ ᒋᓯᑲᐛ ᐅᒋ ᑕᐅᒡ ᐊᓐᑕ᙮

ᒠᓐ 2:12 Iomraidhean Croise

ᒪᑎᔪᐤ 11:23

ᐊᑯ ᒪᒃ ᒋᔨᐛᐤ ᐊᓐᑕ ᑲᐳᕐᓇᐊᒥᒡ ᑲ ᑕᔭᒄ ᓇᔅᒡ ᑕᑈ ᒋᑦ ᐊᔅᐸᔨᒧᓇᐛᐤ ᐊᓐᑕ ᒋᒋᒋᓯᑯᒡ ᒐᒋ ᐃᓯ ᐅᑎᓂᑯᐅᔭᒄ᙮ ᓇᒪ ᒪᒃ, ᒥᒋ ᐃᔅᑯᑕᒡ ᒋᑭ ᐃᓯ ᓂᑎᒋᐛᐱᓂᑯᓇᐛᐤ᙮ ᒪᒥᔅᑲᒡ ᒐᒂᔪᐛ ᒋ ᐃᓯ ᐃᑐᑕᑭᓄᐛ ᐊᓐᑕ ᒋᑦ ᐃᑕᐅᓄᐛᒡ ᐃᔭᐱᒡ ᒪᒃ ᓇᒪ ᒋ ᐅᒋ ᒂᔅᑲᑎᓯᓇᐛᐤ ᑭᔭ ᐊᓂᔭ ᒪᒥᔅᑲᒡ ᒐᒂᔪᐛ ᑲ ᐃᓯ ᐃᑐᑎᒪᑯᐅᔭᒄ, ᒋ ᐃᑐᑕᑭᓄᐎᒂᓂ ᐊᓐᑕ ᓱᑕᒻ ᐅᑕᓇᒡ ᒋᐸ ᒂᔅᑲᑎᓱᐅᒡ ᐊᓐᒡ ᐊᓐᑕ ᑲ ᑕᒡ ᑭᔭ ᐊᓄᒡ ᐊᔅᒄ ᒋᐸ ᑎᑯᓐ ᐊᓐ ᐅᑕᓇᐤ᙮

ᒪᑎᔪᐤ 12:46

ᐊᔅᒄ ᒪᒂᒡ ᒋᓴᔅ ᒋ ᐃᔨᒪᐊᐤ ᐊᓂᔭ ᐃᔪᐛ, ᒂ ᐅᒋ ᑎᑯᓯᓂᔨᒋ ᐅᑲᐎᔭ ᑭᔭ ᐎᐧᑲᓂᓴ᙮ ᐎᐎᑎᒥᒡ ᐊᓐᑕ ᒋ ᓂᐳᐅᔪᐛ ᐊ ᐎ ᐃᔨᒥᐃᑯᑦ᙮

ᒪᑎᔪᐤ 4:13

ᐊᑯ ᓂᑭᑕᐧᒃ ᓇᓴᕆᑎᔪᐤ, ᑭᔭ ᐊᓐᑕ ᑲᐳᕐᓇᐊᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ, ᒥᒋᒪ ᑲᓕᓕ ᓴᑲᐃᑭᓂᒡ ᑲ ᑎᑯᓂᔨᒡ ᐊᑯᑕ ᑲ ᐎᒋᑦ, ᐊᓐᑕ ᓴᐳᓕᓐ ᑭᔭ ᓇᑉᑕᓕ ᑲ ᐃᓯᓂᐧᑲᑕᔨᒡ ᐊᔅᒋᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:3

ᓇᒪᐎᔾ ᐊ ᐅᔭ ᑲ ᒥᔅᑎᑯᓇᐸᐎᔨᒋ ᒪᕆ ᐅᑯᓴ ? ᓇᒪᐎᔾ ᐊ ᐅᔭ ᐎᐧᑲᓂᓱᐛᐛ ᒋᒥᔅ, ᒍᓯᔅ, ᒍᑎᔅ ᑭᔭ ᓴᐃᒥᓐ ? ᓇᒪᐎᔾ ᐊ ᐅᑕ ᐎᒡ ᐃᔪᐛ ᑭᔭ ᐅᓯᒪ ?” ᐊᔪᐅᒄ ᐅᔭ ᑲ ᐃᓯ ᑯᒂᒋᒥᑐᒡ ᐛᔅ ᑕᐸ ᐅᒋ ᓇᐃᔅᑲᑯᐅᒡ ᑕᓐ ᑲ ᐃᑎᔨᒋ ᒋᓴᓴ᙮

ᒠᓐ 2:2

ᒋᓴᔅ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ ᑭᔭ ᐎᔨᐛᐤ ᒋ ᐎᓴᒪᐊᑭᓄᐅᒡ ᐊᓂᔭ ᐊ ᓂᐳᐅᓇᓄᐎᒡ,

ᒠᓐ 4:46

ᐊᑯ ᒥᓐ ᑲᐤ ᒂ ᐃᑐᑕᑦ ᐊᓐᑕ ᑲᐃᓇᒡ ᑲᓕᓕ ᐊᔅᒋᒡ ᑲ ᑎᒂᒡ ᐅᑕᓇᐤ, ᐊᓐᑕ ᑲ ᐃᑐᑕᐧᒃ ᓂᐱᔪᐤ ᒐᒋ ᓱᒥᓇᐳᓂᔨᒡ᙮ ᐊᑯᑕ ᑲ ᑕᑦ ᓇᐸᐤ ᐊ ᐅᒋᒪᐅᑦ᙮ ᐊᓐ ᐅᒋᒪᐤ ᒋ ᑕᔪᐛ ᐅᑯᓴ, ᐊ ᐊᐧᑯᓯᔨᒋ, ᐊᓐᑕ ᒪᒃ ᑲᐳᕐᓇᐊᒻ ᐅᑕᓇᒡ ᒋ ᑕᔪᐛ ᒪᒂᒡ᙮

ᒠᓐ 6:17

ᒋ ᐳᓱᐅᒡ ᒪᒃ ᐅᐤᑎᔪᐤ ᐊᒋ ᐎ ᐊᓱᐊᒡ, ᓇᑕ ᑲᐳᕐᓇᐊᒥᒡ ᐊᒋ ᐎ ᐃᔅᒋᒪᒡ᙮ ᓴᔅ ᒪᒃ ᒋ ᐊᑎ ᐊᒋᑲᔪᐤ ᐊᔅᒄ ᐊᑲ ᐅᒋ ᓂᒋᐃᑯᒡ ᒋᓴᓴ᙮

1 ᑯᕆᓐᑎᔭᓇ 9:5

ᓇᒪᐎᔾ ᐊ ᒪᒃ ᓂᐸ ᒋ ᓂᐳᐅᓐ ᑭᔭ ᓂᔾ ᑭᔭ ᓂᐸ ᒋ ᐱᐸᐎᒐᐛᐤ ᓂᐅ ᐊ ᐛᐎᑎᒪᓐ ᒥᔽᒋᒧᐅᓐ᙮ ᐊᐅᑯᓐ ᐊ ᐃᑎᒡ ᐊᓐᒡ ᑯᑎᑭᒡ ᐊᑈᔅᑕᓇᒡ ᑭᔭ ᐅᑎᐸᔨᒋᒐᐤ ᐎᐧᑲᓂᓴ ᑭᔭ ᐱᑕᕐ ᐊᐅᑯᓐ ᐊ ᐃᑎᑦ᙮

ᑲᓚᓯᔭᓇ 1:19

ᓇᒪ ᒥᒄ ᓂ ᐅᒋ ᐛᐱᒪᔪᐛ ᐊᓂᔭᔪᐛ ᑯᑎᑲ ᐅᑦ ᐊᑈᔅᑕᓂᒪ ᒋᓴᔅ᙮ ᒥᒄ ᒋᒥᔅ ᒋᑎᐸᔨᒋᒐᓯᒥᓄᐤ ᐎᐧᑲᓂᓴ ᐊᐅᑯᓐ ᐊᓐ ᑲ ᐛᐱᒥᒃ᙮