ᒠᓐ 19:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐊᑯ ᒥᓐ ᑲᐤ ᒂ ᐱᒐᑦ ᐊᓐᑕ ᒋᓴᐅᒋᒪᐅᒋᐛᐱᒡ ᐊᑯ ᑲ ᑯᒂᒋᒪᑦ ᒋᓴᓴ, “ᑕᓐᑕ ᐛᒋᔨᓐ ?” ᓇᒪ ᐅᒋ ᒋᔅᑐᐤ ᒋᓴᔅ᙮

ᒠᓐ 19:9 Iomraidhean Croise

ᒪᑎᔪᐤ 26:63

ᒋᓴᔅ ᒪᒃ ᓇᒪ ᐅᒋ ᒋᔅᑐᐤ᙮ ᐊᑯ ᒥᓐ ᒂ ᐃᑎᑯᑦ ᐊᓂᔭ ᒋᓴᐊᔭᒥᐊᐅᒋᒪᐛ, “ᑯᐃᔅᒄ ᒪ ᐸᒋ ᐎᑎᒧᐅᓇᓐ ᐊ ᐸᑕᔅᒃ ᐊᓐ ᐸᒪᑎᓯᑦ ᒋᓴᒪᓂᑐᐤ, ᐊᐅᒄ ᐊ ᒋᔾ ᑕᑈ ᙭, ᒋᓴᒪᓂᑐᐤ ᐅᑯᓴ ?”

ᒪᑎᔪᐤ 27:27

ᐊᑯ ᑈᓚᑦ ᐅᑦ ᐊᓯᒪᑭᓂᓯᒪ ᒂ ᐃᑐᑕᐊᔨᒋ ᒋᓴᓴ ᐊᓐᑕ ᐊᓂᔭᔪᐛ ᒋᓴᐅᒋᒪᐤ ᐊᐱᒋᐊᑭᓇ ᐎᒋᔨᒡ᙮ ᒥᓯᐛ ᒪᒃ ᐊᓐᒡ ᐊᓯᒪᑭᓂᓯᒡ ᐊᓐᑕ ᑲ ᑕᒡ ᒋ ᐛᔅᑲᑲᐳᔅᑐᐛᐅᒡ ᒋᓴᓴ᙮

ᓗᒃ 23:9

ᐃᔅᐱ ᐱᔭᓱᐛᑭᓄᔨᒋ ᒋᓴᓴ, ᐊᕈᑦ ᓇᐅᔅ ᒪᒪᒡ ᒋ ᐃᓯ ᑯᒂᒋᒪᐤ᙮ ᓇᒪ ᒪᒃ ᒐᒂᔪᐤ ᐅᒋ ᐃᓯ ᐎᑎᒪᑯᐤ᙮

ᒠᓐ 18:28

ᐎᐱᒡ ᐊᓂᔭ ᑲ ᒐᒋᓴᐸᔭᔨᒡ ᐊᓐᑕ ᑲᔭᐸᓴ ᐊ ᑕᔨᒋ ᒋ ᐅᒋ ᔅᑐᑕᐊᑭᓄᐤ ᒋᓴᔅ, ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ ᒂ ᐃᑐᑕᐊᑭᓄᐅᑦ᙮ ᑈᓚᑦ ᒋ ᐃᓯᓂᐧᑲᓱᐤ ᐊᓐ ᒋᓴᐅᒋᒪᐅᑯᐸᓇᐤ᙮ ᐊᓐᒡ ᒪᒃ ᒍᐤ ᐃᔪᒡ ᓇᒪ ᐅᒋ ᐎ ᐱᒐᐅᒡ ᐎᔨᐛᐤ ᐊᓐᑕ ᐛᔅ ᒋ ᐃᑎᔅᑕᔪᐤ ᒍᐤ ᐅᐎᓱᐛᐅᓄᐛᒡ ᒐ ᐊᑲ ᒋ ᐱᒐᒡ ᐎᒋᔨᒡ ᐊᐛᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᑭᔭ ᓇᒪ ᒋᐸ ᐅᒋ ᒥᒍᐅᒡ ᐎᒪᔅᑲᒐᐅ-ᒥᑯᓴᓂᔪᐤ ᒋ ᐱᒐᐅᐛᐅᒂ ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ᙮

ᒠᓐ 18:33

ᒥᓐ ᑲᐤ ᒂ ᐱᒐᑦ ᑈᓚᑦ ᐊᓂᔭ ᒋᓴᐅᒋᒪᐅᒋᐛᐱᔪᐤ ᐊ ᐎᓴᒪᑦ ᒋᓴᓴ, ᐊᑯ ᒂ ᑯᒂᒋᒪᑦ, “ᐊᐛ ᒋᔾ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?”

ᒠᓐ 18:34

ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᔅᒋ ᐎᑎᒪᑯᒡ ᐊ ᐊᐛᓐᒋ ᓂᔾ ᐊᐅᒄ ᐅᒋᓴᐅᒋᒪᒧᐛᐛ ᒍᐤ ᐃᔪᒡ᙮ ᑭᔭ ᒪᒃ ᒋᔾ ᐅ ᒋᑦ ᐃᑕᔨᑎᒧᐅᓐ ᑲ ᐃᔅᒋᔄᔨᓐ ?”

ᒠᓐ 18:37

ᐊᑯ ᑈᓚᑦ ᒂ ᐃᑕᑦ, “ᑕᑈ ᑭᑈ ᒋᒋᓴᐅᒋᒪᐅᓇᒐ᙮” ᒋᓴᔅ ᒪᒃ ᒋ ᐃᑕᐤ, “ᒋᑦ ᐃᔅᒋᔄᓐ ᐊ ᒋᓴᐅᒋᒪᐎᔭᓐ᙮ ᐊᐅᒄ ᐛᒋ ᐱᒪᑎᓯᔭᓐ ᑭᔭ ᐊᐅᒄ ᐛᒋ ᐸᒋ ᑎᑯᓯᓂᔭᓐ ᐅᑕ ᐊᔅᒋᒡ ᒐᒋ ᑎᐸᑐᑎᒪᓐ ᐊᓐ ᑕᑈᐅᓐ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒡ᙮ ᑕᑐᐤ ᐊᐛᓐ ᑕᑈᐅᓂᒡ ᑲ ᑕᑦ ᐊᐅᒄ ᐊᓐ ᐱᔭᒋ ᓂᑐᑐᐅᑦ᙮”

ᒠᓐ 19:10

ᐊᑯ ᑈᓚᑦ ᒂ ᐃᑕᑦ ᐊᓂᔭ ᒋᓴᓴ, “ᓇᒪᐎᔾ ᐊ ᒋ ᐎ ᐃᔨᒥᔨᓐ ? ᓇᒪᐎᔾ ᐊ ᒋ ᒋᔅᒐᔨᑕᓐ ᐊ ᐊᔭᔭᓐ ᑎᐸᔨᒋᒐᐅᓐ ᒐᒋ ᐃᑎᓱᐛᔭᓐ ᒐᒋ ᐱᔅᑎᓂᑯᔨᓐ ᒪᒃ ᒐᒋ ᒋᔅᑕᔎᑎᑯᐅᔨᓐ ?”

ᒠᓐ 19:8

ᑈᓚᑦ ᒪᒃ ᑲ ᐸᑕᐧᒃ ᐅᔭ ᐊ ᐃᓇᓄᐎᒡ, ᐊᑐᐎᔅ ᒋ ᓴᒋᓱᐤ᙮

ᒠᓐ 8:14

ᒋᓴᔅ ᒂ ᐃᑕᑦ, “ᐊᑎ ᒥᒄ ᓂᔾ ᐊ ᑎᐸᒋᒥᓱᔭᓐ ᑕᑈᒥᑭᓐ ᑕᓐ ᐊ ᐃᔅᒋᔄᔭᓐ᙮ ᐛᔅ ᓂ ᒋᔅᒐᔨᑕᓐ ᑕᓐᑕ ᐛᒋᔭᓐ ᑭᔭ ᑕᓐᑕ ᒐ ᐃᑐᑕᔭᓐ᙮ ᒋᔨᐛᐤ ᒪᒃ ᓇᒪ ᒋ ᒋᔅᒐᔨᒥᓇᐛᐤ ᑕᓐᑕ ᐛᒋᔭᓐ ᑭᔭ ᑕᓐᑕ ᒐ ᐃᑐᑕᔭᓐ᙮

ᐱᓕᐱᔭᓇ 1:28

ᐊᑲᐎᔾ ᒋᑭ ᐅᒋ ᑯᔅᑕᐛᐅᒡ ᐊᓐᒡ ᐅᔭᔅ ᑲ ᐎ ᐃᑐᑕᑕᑯᒡ ᒥᔽᒋᒧᐅᓂᔪᐤ ᐊ ᐛᐎᑎᒺᒄ᙮ ᐛᔅ ᐊᐅᑯᐤ ᒐ ᐅᒋ ᒋᔅᒐᔨᑕᒡ ᐎᔨᐛᐤ ᒐ ᐅᓇᑎᓯᒡ ᑭᔭ ᐊᐅᑯᐤ ᒐ ᐅᒋ ᐛᐸᑕᒡ ᒋᔨᐛᐤ ᒐ ᐱᒪᒋᐃᑯᐛᒄ᙮ ᒋᓴᒪᓂᑐᐤ ᒪᒃ ᐎᔾ ᒥᓯᐛ ᒋᑭ ᐃᑐᑎᒻ ᐅᔭ ᒐᒋ ᐃᔅᐱᔨᒡ᙮