ᒠᓐ 19:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᐃᔅᐱ ᐎᔭᐱᒪᒡ ᒋᓴᓴ, ᒋ ᑕᑈᐅᒡ ᐊ ᐃᔅᒋᔄᒡ, “ᒋᔅᑕᔎᑕᐧᒄ, ᒋᔅᑕᔎᑕᐧᒄ᙮” ᑈᓚᑦ ᒋ ᐃᑕᐤ, “ᒋᔨᐛᐤ ᒋᔅᑕᔎᑕᐧᒄ᙮ ᓇᒪ ᓂ ᒥᔅᑭᒺᓐ ᑕᓐ ᑲ ᐃᓯ ᒥᒋᑐᑎᒧᒂ᙮”

ᒠᓐ 19:6 Iomraidhean Croise

ᒪᑎᔪᐤ 26:58

ᐱᑕᕐ ᒪᒃ ᐛᔪᐤ ᐊᓐᑕ ᒋ ᐅᒋ ᓇᓴᐛᐤ ᐊᓂᔭ ᑲ ᒪᑯᓇᔨᒋ ᒋᓴᓴ, ᐱᐃᒻ ᑲ ᐅᑎᑕᒡ ᒋᓴᐊᔭᒥᐊᐅᒋᒪᐛ ᐎᒋᔪᐤ᙮ ᐊᓐᑕ ᒪᒃ ᐎᐎᑎᒥᒡ ᐊᑯᑕ ᑲ ᑕᑦ ᐎᔾ ᐱᑕᕐ, ᒂ ᐎᑎᐱᒪᑦ ᐊᓂᔭ ᑲ ᓂᓇᑭᑐᐛᐸᑎᒥᔨᒋ ᒋᓴᐊᔭᒥᐊᐅᒋᒪᐛ ᐎᒋᔪᐤ ᐊ ᐎ ᐛᐸᑕᐧᒃ ᑕᓐ ᒐ ᐃᑎᓇᓄᔨᒂ᙮

ᒪᑎᔪᐤ 27:22

ᐊᑯ ᑈᓚᑦ ᒂ ᐃᑕᑦ, “ᑕᓐ ᒪᒃ ᒐ ᐃᑐᑐᐅᒃ ᐅ ᒋᓴᔅ, ᐊᓐ ᙭ ᑲ ᐃᓯᓂᐧᑲᑕᑭᓄᐅᑦ ?” ᐊᑯ ᒥᓯᐛ ᐊᓐᒡ ᐃᔪᒡ ᒂ ᐃᔅᒋᔄᒡ, “ᒋᔅᑕᔎᑕᐧᒄ ᒋᐱᔭᑎᑯᒡ᙮”

ᒪᑎᔪᐤ 27:24

ᐃᔅᐱ ᒪᒃ ᒐᔅᒐᔨᑕᐧᒃ ᑈᓚᑦ ᒐ ᐊᑲ ᒋ ᓴᐧᑯᒋᒪᑦ ᐊᓂᔭᔪᐛ ᐃᔪᐛ ᑭᔭ ᑎᐛᒡ ᐊ ᐊᑎ ᒋᒋ ᒥᒋᐱᔨᓇᓄᐎᒡ ᒋ ᑲᓯᑎᒐᐤ ᐅᑎᔅᑯᐤ ᐊᓂᔭᔪᐛ ᐃᔪᐛ ᐊ ᑕᔨᒋ᙮ ᐊᑯ ᒂ ᐃᑕᑦ, “ᓇᒪ ᐎ ᓂᔾ ᓂᑭ ᐅᒋ ᐊᑕᒪᔨᑕᑯᓯᓐ ᒐ ᓂᐸᐊᑭᓄᐅᑦ ᐅ ᓇᐸᐤ᙮ ᒋᔨᐛᐤ ᐅ ᑲ ᐃᑎᔭᒄ᙮”

ᓗᒃ 23:4

ᐊᑯ ᑈᓚᑦ ᒂ ᐃᑕᑦ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐃᔪᐛ ᐊᓐᑕ ᑲ ᒪᒧᐱᔨᒋ, “ᓇᒪ ᓇᔅᒡ ᓂ ᒥᔅᑭᒺᓐ ᒥᒋᑥᐅᓂᔪᐤ ᒐᒋ ᐊᔭᑦ ᐅ ᓇᐸᐤ᙮”

ᒠᓐ 18:3

ᒍᑎᔅ ᒪᒃ ᒋ ᐃᑐᑕᐤ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐊ ᐎᒐᐅᑯᑦ ᕈᒻ ᐊᓯᒪᑭᓂᓴ ᑭᔭ ᐊᓂᔭᔪᐛ ᑲᒪᑯᓄᐛᓯᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ᐊᑐᔅᒐᔨᒋ᙮ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭ ᐸᕆᓯᐊ ᒋ ᐃᑎᓴᐅᑯᒡ ᒐᒋ ᓇᓂᑐᐛᐱᒪᒡ ᒋᓴᓴ᙮ ᒋ ᐸᒋ ᑕᐧᑯᓇᐅᒡ ᒪᒃ ᐛᔅᑕᓂᐱᒪᑭᓇ ᑭᔭ ᐃᔅᑯᑕᐤ ᐛᔅᑕᓂᐱᒪᑭᓇ ᑭᔭ ᓂᑐᐱᔪᐅ-ᒧᐧᑯᒪᓇ᙮

ᒠᓐ 18:31

ᐊᑯ ᑈᓚᑦ ᑲ ᐃᑕᑦ, “ᒋᔨᐛᐤ ᐅᑎᓇᐧᒄ ᐅ ᓇᐸᐤ ᒋᔨᐛᐤ ᒋᐎᓱᐛᐅᓄᐛᐤ ᒐ ᐊᐱᒋᑕᔭᒄ ᐊ ᑎᐸᔅᑯᓇᒄ᙮” ᐊᑯ ᐊᓐᒡ ᒍᐤ ᐃᔪᒡ ᒂ ᐃᔅᒋᔄᒡ, “ᓇᒪ ᓂ ᐱᔅᑎᓂᑯᓇᓐ ᓂᐎᓱᐛᐅᓇᓇ ᒐᒋ ᐃᔅᒋᔄᔭᒡ ᒐᒋ ᓂᐸᐊᑭᓄᐅᑦ ᐊᐛᓐ᙮”

ᒠᓐ 18:38

ᑈᓚᑦ ᑲ ᑯᒂᒋᒪᑦ ᐊ ᐃᑕᑦ, “ᒐᒂᓐ ᐊᓐ ᑕᑈᐅᓐ ?” ᐊᑯ ᒥᓐ ᑲᐤ ᒂ ᐎᐎᑦ ᒂ ᐃᑕᑦ ᐊᓂᔭᔪᐛ ᒍᐤ ᐃᔪᐛ, “ᓇᒪ ᓂ ᒋᔅᒐᔨᑎᒺᓐ ᒐᒂᔪᐤ ᑲ ᐅᓂᑐᑎᒧᒂ ᐊᓐᑕ ᒐᒋ ᐅᒋ ᑎᐸᔅᑯᓇᑭᓄᐅᑦ᙮

ᒠᓐ 19:15

ᒋ ᐃᓯ ᑕᑈᐅᒡ ᒪᒃ ᐊᓐᒡ ᒍᐤ ᐃᔪᒡ, “ᓂᐸᐊᐧᒄ, ᓂᐸᐊᐧᒄ, ᒋᔅᑕᔎᑕᐧᒄ,” ᐊ ᐃᔅᒋᔄᒡ᙮ ᐊᑯ ᑈᓚᑦ ᒂ ᐃᑕᑦ, “ᒋ ᓂᑐᐛᔨᒥᓇᐛᐤ ᐊ ᒐᒋ ᐱᔅᑎᓂᒃ ᒋᒋᓴᐅᒋᒪᒧᐛᐤ ᒐᒋ ᒋᔅᑕᔎᑕᑭᓄᐅᑦ ?” ᐊᑯ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᒋ ᐃᓯ ᐎᑎᒪᑯᐤ ᑈᓚᑦ ᐊ ᐃᑎᑯᑦ, “ᒥᒄ ᓯᓴᕐ ᓂ ᐅᒋᓴᐅᒋᒪᒥᓇᓐ ᓇᒪ ᑯᑎᒃ ᐊᐛᓐ᙮”

ᒠᓐ 19:4

ᒥᓐ ᑲ ᐎᐎᑦ ᑈᓚᑦ ᒂ ᐃᑕᑦ ᐊᓂᔭ ᒍᐤ ᐃᔪᐛ, “ᒥᓐ ᒋᑭ ᐸᒋ ᐎᐎᑕᐊᑭᓄᐤ ᐅ ᓇᐸᐤ ᒐᒋ ᐛᐸᑎᒪᒄ ᐊᑲ ᒥᔅᑭᒧᒡ ᑕᓐ ᒐᒋ ᐃᓯ ᓂᓱᐅᓇᒋᒥᒃ᙮”

ᐊᑈᔅᑕᓇᒡ 2:23

ᓴᔅ ᐊᓐᑕ ᒋ ᐎᔭᔨᑎᒻ ᒋᓴᒪᓂᑐᐤ ᒋᔨᐛᐤ ᐊ ᑕᐛᒄ ᒐ ᐃᓯ ᐱᔅᑎᓇᑦ ᒋᓴᓴ, ᒋᔨᐛᐤ ᒪᒃ ᔅᒋ ᓂᐸᐊᐛᐤ ᐊᒋ ᐱᔅᑎᓇᑯᒡ ᓇᐸᐅᒡ ᐊ ᒥᒐᑎᓯᒡ ᒐᒋ ᒋᔅᑕᔎᐛᒡ ᒋᐱᔭᑎᑯᒡ᙮

ᐊᑈᔅᑕᓇᒡ 7:52

ᐊᓂᔭᐧᑲ ᐛᔅᑭᒡ ᒋᐧᑲᓂᓱᐛᐅᒡ, ᒥᓯᐛ ᐅᒋᔅᒋᐛᐃᒐᓱᐛ ᒋ ᓂᓇᐧᑲᒋᐊᐅᒡ᙮ ᑭᔭ ᒋ ᓂᐸᐊᐅᒡ ᐊᓂᔭᐧᑲ ᑲ ᐸᒋ ᓂᑲᓐ ᐎᑎᒥᒋ ᒐ ᑎᑯᓯᓂᔨᒋ ᐊᓂᔭ ᐅᑯᐃᔅᑯᑕᑎᓯᐤ ᑲ ᐃᓯᓂᐧᑲᓱᔨᒋ᙮ ᐊᐅᒄ ᒪᒃ ᐅ ᑲ ᐎᔭᓯᐱᔅᑎᓇᒄ ᑭᔭ ᑲ ᓂᐸᐊᒄ᙮