ᒠᓐ 19:30 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁰ ᐃᔅᐱ ᒋᓴᔅ ᑲ ᒥᓐᑦ ᐊᑯ ᒂ ᐃᔅᒋᔄᑦ, “ᓴᔅ ᒋᔅᑕᐱᔪᐤ᙮” ᐊᑯ ᒂ ᐊᑎ ᓂᔭᒥᔎᔨᑦ ᒂ ᐊᑎ ᐳᓂᐱᒪᑎᓯᑦ᙮

ᒠᓐ 19:30 Iomraidhean Croise

ᒐᓂᓯᔅ 3:15

ᓂᑭ ᑐᑕᓐ ᒋᔾ ᑭᔭ ᐃᔎᐤ ᒐᒋ ᐛᐧᑲᑎᑐᔭᒄ, ᑭᔭ ᒋᑦ ᐊᐛᓯᒥᒡ ᑭᔭ ᐎᔾ ᐅᑦ ᐊᐛᓯᒪ ᒋᑭ ᐛᐧᑲᑎᑐᐅᒡ᙮ ᒥᔅᑲᔎᐛ ᒋᑭ ᐅᑕᒥᔅᑎᒂᓇᐅᑯᒡ᙮ ᑭᔭ ᒋᔾ ᒥᔅᑯᐅᑥᐛ ᒋᑭ ᒪᒂᑎᒺᓐ ᐅᑐᑎᓄᐛᐛ᙮”

ᑎᐱᑦ ᐅᓂᑭᒧᐅᓇ 22:15

ᓂ ᒥᔅᑯᐅᓯᐅᓐ ᐸᔅᑕᐤ ᒧᔭᒻ ᐊᒋ ᐅᒋ ᐱᓂᐱᔨᒡ ᒥᓂᒂᑭᓐ, ᑭᔭ ᓂᑕᔨᔾ ᓂᑕᐱᔅᒋᑭᓂᒡ ᒋᑭᒧᐤ; ᑭᔭ ᔅᒋ ᐸᓱᐅᓐ ᓂᐳᐅᓐ ᐊᓯᔅᒋᒡ᙮

ᒪᑎᔪᐤ 20:28

ᒧᔭᒻ ᐃᔪᐤ ᐅᑯᓯᓴᓐ ᓇᒪ ᐅᒋ ᐸᒋ ᑎᑯᓯᓐ ᒐᒋ ᐊᑐᔅᑯᐛᑭᓄᐅᑦ, ᒋ ᑎᑯᓯᓐ ᒐᒋ ᐊᑐᔅᑯᐛᑦ ᐃᔪᐛ᙮ ᑭᔭ ᒋ ᑎᑯᓯᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒥᔅᑯᒡ ᒥᒐᑦ ᐊᐛᔪᐛ ᒐᒋ ᐊᐱᐧᑯᓇᑭᓄᔨᒋ᙮”

ᒪᑎᔪᐤ 27:50

ᒋᓴᔅ ᒪᒃ ᒥᓐ ᒋ ᑕᑈᐤ ᐊ ᒋᔄᐛᑦ᙮ ᐊᑯ ᒂ ᓂᐱᑦ᙮

ᒪᑎᔪᐤ 3:15

ᐊᑯ ᒋᓴᔅ ᐊᑕᑦ, “ᐊᓄᒡ ᐅ ᐃᑐᑕ ᑕᓐ ᐊ ᐃᑎᓱᒥᑕᓐ᙮ ᐛᔅ ᐅ ᐃᑐᑎᒪᒂ ᒋᑭ ᐃᑐᑎᒺᓇᓄᐤ ᒥᓯᐛ ᑕᓐ ᐊ ᐃᓯ ᓂᑐᐛᔨᑕᐧᒃ ᒋᓴᒪᓂᑐᐤ᙮” ᑭᑈ ᑲ ᓂᔅᑯᒪᑦ ᒠᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:37

ᒋᓴᔅ ᒪᒃ ᒋ ᑕᑈᐤ ᐊ ᒋᔄᐛᑦ, ᐊᑯ ᓇᐱᑦ᙮

ᓗᒃ 22:37

ᐛᔅ ᐅ ᐛᒋ ᐃᑎᑎᑯᒡ ᒋᑭ ᑎᐱᐱᔪᐤ ᑕᓐ ᑲ ᐃᓯ ᓂᑲᓐ ᐊᔨᒧᒥᑯᔭᓐ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ᐃᑎᔅᑕᒡ, ᒋ ᐊᔅᑎᒋᒪᑭᓄᐤ ᐊᓐᑕ ᐊ ᓂᑕᐅᒋᒧᑎᓇᓄᐎᒡ᙮ ᐅ ᒪᒃ ᑲ ᐃᓯ ᑎᐸᒋᒥᑯᔭᓐ ᑕᑈ ᒋᑭ ᐃᔅᐱᔪᐤ᙮”

ᓗᒃ 23:46

ᒋᓴᔅ ᒪᒃ ᒋ ᐃᓯ ᑕᑈᐤ, “ᓄᑕ, ᒋᔾ ᐊ ᑕᔨᓐ ᓂ ᐱᔅᑎᓇᐤ ᓂᑦ ᐊᒐᐧᒄ ᒐᒋ ᑭᓄᐛᔨᒥᑦ᙮” ᐃᔅᐱ ᒪᒃ ᐅᔭᔪᐤ ᑲ ᐃᔅᒋᔄᑦ ᐊᑯ ᒂ ᓂᐱᑦ᙮

ᒠᓐ 10:11

“ᓂᔾ ᐊᐅᒄ ᒪᔭᑕᓂᓯᐅ-ᐃᔪᐤ ᑲ ᒥᔪ ᑭᓄᐛᔨᒪᑦ ᐅᒪᔭᑕᓂᓯᒪ᙮ ᐊᓐ ᐊᐛᓐ ᑲ ᒥᔪ ᑭᓄᐛᔨᒪᑦ ᐅᒪᔭᑕᓂᓯᒪ ᒋᑭ ᐱᔅᑎᓂᒻ ᐅᐱᒪᑎᓯᐅᓐ ᐊᓂᔭ ᐅᒪᔭᑕᓂᓯᒪ ᒐᒋ ᐅᒋ ᐱᒪᒋᐅᔨᒋ᙮

ᒠᓐ 10:18

ᓇᒪ ᐊᐛᓐ ᓂᑭ ᒋ ᓂᐸᐃᒄ ᒧᔭᒻ ᐊᔅᒄ ᐊᑲ ᐅᑎᒋᐱᔨᒡ ᑕᓐᑕ ᒐ ᐱᔅᑎᓂᓱᐅᒡ ᒐᒋ ᓂᐸᐃᑯᐅᒡ᙮ ᓂᒋ ᒥᔨᑯᐅᓐ ᓱᐧᑲᑎᓯᐅᓐ ᒐᒋ ᐱᔅᑎᓂᓱᔭᓐ ᒐᒋ ᓂᐸᐃᑯᐅᔭᓐ ᑭᔭ ᓂᒋ ᒥᔨᑯᐅᓐ ᓱᐧᑲᑎᓯᐅᓐ ᒥᓐ ᒐᒋ ᐱᒪᑎᓯᔭᓐ᙮ ᓄᑕᐎᔾ ᐅᔭ ᑲ ᐃᑎᓱᒥᑦ ᒐᒋ ᐃᑐᐅᒡ᙮”

ᒠᓐ 17:4

ᓂᒋ ᐛᐸᑎᔨᐛᓐ ᐅᑕ ᐊᔅᒋᒡ ᑕᓐ ᐊᔅᐱᔅ ᒋᔅᑕᔨᑕᑯᓯᔨᓐ, ᐊᒋ ᒋᔅᑕᔭᓐ ᐊᓐ ᐊᑐᔅᒐᐅᓐ ᑲ ᐸᒋ ᒥᔨᓐ ᒐ ᐃᑐᑎᒪᓐ᙮

ᒠᓐ 19:28

ᐸᑎᒪ ᒪᒃ ᒋᓴᔅ ᒋ ᒋᔅᒐᔨᑎᒻ ᓴᔅ ᒥᓯᐛ ᒐᒂᔪᐤ ᐊᒋ ᒋᔅᑕᐱᔨᒡ ᐊᑯ ᒂ ᐃᔅᒋᔄᑦ, “ᓂᐎ ᒥᓐ᙮” ᐊᐅᑯᐤ ᐅᔭ ᑲ ᐃᔅᒋᔄᑦ ᒐᒋ ᑎᐱᐱᔨᒡ ᑕᓐ ᑲ ᐃᓯ ᓂᑲᓐ ᐎᑕᑭᓄᐎᒡ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ ᒐ ᐃᔅᒋᔄᑯᐱᓇ᙮

ᒠᓐ 4:34

ᒋᓴᔅ ᒂ ᐃᑕᑦ, “ᒐᒋ ᐃᑐᑎᒧᒡ ᐅᑦ ᐃᑕᔨᑎᒧᐅᓐ ᐊᓐ ᑲ ᐸᒋ ᐃᑎᓴᐅᑦ ᑭᔭ ᒐᒋ ᒋᔅᑕᐅᒡ ᐊᓂᔭ ᑲ ᐃᓯ ᓂᑐᐛᔨᒥᑦ ᒐᒋ ᐃᑐᑎᒧᒡ ᐊᐅᑯᓐ ᐊᓐ ᒧᔭᒻ ᓂᒥᒋᒻ ᐊ ᐃᑕᔨᑎᒪᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:4

ᑲ ᑎᑯᓯᐧᒃ ᙭ ᒋ ᐃᑐᑎᒻ ᐎᓱᐛᐅᓂᔪᐤ ᒐ ᐊᑲ ᒋ ᐊᐱᑕᔨᑕᑯᓂᔨᒡ, ᑭᔭ ᒥᓯᐛ ᐊᓂᔭᔪᐛ ᒐ ᑕᑈᔭᔨᒥᑯᒂ ᐊᐅᑯᓂ ᐊᓂᔭᔪᐛ ᐅ ᑯᐃᔅᑯᑕᑎᓯᐤ ᒐ ᐃᓯ ᑭᓄᐛᐱᒥᑯᔨᒋ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:25

ᐛᔅ ᒋᓴᒪᓂᑐᐤ ᒋ ᐱᔅᑎᓇᐤ ᒋᓴᓴ ᒐᒋ ᓂᐸᐊᑭᓄᔨᒋ ᒋᐱᔭᑎᑯᒡ ᒐᒋ ᐅᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮ ᐊ ᑕᑈᔭᔨᒪᑦ ᒪᒃ ᐊᐛᓐ ᒋᓴᓴ ᐊᑯᑕ ᐊ ᐅᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒋᓴᒪᓂᑐᐤ ᒋ ᐃᑐᑎᒻ ᐅᔭ ᒐᒋ ᐛᐸᑎᔨᐛᑦ ᒧᔅ ᑯᐃᔅᒄ ᐊ ᐃᑎᑦ᙮ ᐅᑕ ᐃᔅ ᐅᑕᒡ ᓇᔅᒡ ᑕᑈ ᒋ ᓯᐱᔪᐛᓯᔅᑕᒐᐤ ᒋᓴᒪᓂᑐᐤ ᑕᓐ ᑲ ᐃᓯ ᒥᒋᑐᑕᑭᓄᐎᒡ᙮ ᓇᒪ ᒧᔅ ᐊᓐ ᐊ ᐃᑕᔨᑕᑯᓂᔨᒡ ᒐᒋ ᐃᓯ ᑎᐸᔅᑯᓇᑭᓄᔨᒋ ᐊᐛᔪᐛ ᐅᒋ ᐃᓯ ᑎᐸᔅᑯᓇᐤ᙮

1 ᑯᕆᓐᑎᔭᓇ 5:7

ᐊᑲᐎᔾ ᐱᔅᑎᓂᒧᒄ ᒥᒋᑥᐅᓐ ᒐᒋ ᑎᒂᒡ ᐊᓐᑕ ᐊ ᑕᔭᒄ᙮ ᐛᔅ ᒧᔭᒻ ᑲᐅᐱᔨᒡ ᐃᑕᔨᑕᑯᓐ ᒥᒋᑥᐅᓐ, ᐊᐅᒄ ᐅᔭ ᑲ ᐃᑐᑕᑯᑦ ᐸᒂᓯᑭᓐ ᒐᒋ ᐅᐱᔨᑦ ᐊᐅᑯᓐ ᒪᒃ ᒧᔭᒻ ᐊ ᐃᑐᑕᒐᒥᑲᒡ ᒥᒋᑥᐅᓐ ᐱᒪᑎᓯᐅᓂᒡ᙮ ᓇᒪ ᒋᐸ ᐅᒋ ᐊᔭᓇᐛᐤ ᒥᒋᑥᐅᓐ ᒋᐱᒪᑎᓯᐅᓄᐛᒡ ᐛᔅ ᔅᒋ ᐎᐧᑯᒋᐃᑯᓇᐛᐤ ᒥᒋᑥᐅᓂᒡ ᐅᒡ᙮ ᐛᔅ ᙭ ᒋ ᐎᒪᔅᑲᒐᐤ ᒪᔭᑕᓂᓯᒥᓄᐤ ᒋ ᓂᐸᐊᑭᓄᐤ ᒋᔭᓄᐤ ᐅᒋ ᒐᒋ ᐱᒪᒋᐅᔭᐧᒄ᙮

ᐱᓕᐱᔭᓇ 2:8

ᒋ ᑎᐱᑕᔨᑕᑯᐃᓱᐤ ᐊ ᓂᓇᐃᑐᐛᑦ ᒋᓴᒪᓂᑐᐛ, ᐊᑎ ᐃᔅᐱ ᑲ ᐅᑎᒋᐱᔨᒡ ᒐ ᓂᐱᑦ ᒋᐱᔭᑎᑯᒡ ᑲ ᒋᔅᑕᔎᑕᑭᓄᐅᑦ᙮

ᐃᑉᕈᐛ 12:2

ᑭᔭ ᑭᓄᐛᐱᒪᑕᐤ ᒋᓴᔅ, ᐊᓐ ᑲ ᐃᑐᑕᑕᐧᒄ ᒐᒋ ᑕᑈᑎᒪᐧᒄ᙮ ᐎᔾ ᒋ ᐎᒋᐃᑯᓄᐤ ᐊᔭᔅᒃ ᒐᒋ ᓱᒋᑲᐳᐅᔭᐧᒄ ᒋᑕᑈᑎᒧᐅᓇᒡ ᐸᑐᔅ ᓇᔅᒡ ᒋ ᓂᓇᐃᑎᒪᐊᒂ ᒋᓴᒪᓂᑐᐤ᙮ ᒋ ᓴᐳᔅᑭᒻ ᓂᐳᐅᓂᔪᐤ ᒋᐱᔭᑎᑯᒡ ᑭᔭ ᓇᒪ ᐛᐛᒡ ᐅᒋ ᐊᐱᑕᔨᑎᒥᐃᑯᐤ ᐊᑎ ᐊᒋ ᒪᔭᔨᒪᑭᓄᐅᑦ ᑭᔭ ᐊᒋ ᓂᓇᐧᑲᑕᔨᒧᐊᑭᓄᐅᑦ ᐛᔅ ᒥᒄ ᐊᓂᔭ ᑕᓐ ᒐ ᐃᔅᐱᔅ ᒧᒋᒐᔨᑕᐧᒃ ᐃᔅᐱ ᐎᒪᐱᔨᒐ ᐊᓐᑕ ᐊ ᓂᓇᐧᑲᑕᔨᒧᑦ, ᐊᐅᑯᓐ ᐊᓂᔭ ᑲ ᒪᒥᑐᓇᔨᑎᒥᐃᑯᑦ᙮ ᐊᑯ ᒪᒃ ᐊᓄᒡ, ᐎᔾ ᒋ ᐅᒋᓴᐅᒋᒪᒥᓇᓄᐤ ᐊᓐᑕ ᒪᒃ ᐊᐳᐤ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮

ᐃᑉᕈᐛ 9:22

ᐊᓐ ᐎᓱᐛᐅᓐ ᑲ ᐊᐱᑎᒡ ᐊ ᐊᔭᒥᐊᔅᑐᐛᑭᓄᐅᑦ ᒋᓴᒪᓂᑐᐤ, ᐃᑎᔅᑕᐤ ᒥᓯᐛ ᒐᒂᓐ ᒐᒋ ᐸᔭᒋᑕᑭᓄᐅᒡ ᒥᐧᒄ ᐊ ᐊᐱᑎᒡ ᐊᐅᑯᓐ ᒪᒃ ᑲ ᐃᑐᑕᑭᓄᐅᒋ ᒥᓯᐛ ᒐᒂᔪᐛ ᐱᑎᑭᒥᒡ ᐊᓐᑕ ᒥᒋᐛᐱᒡ ᑲ ᑎᒂᒋ, ᒋ ᐱᒋᑕᐱᔨᑕᑭᓄᐤ ᒥᐧᒄ ᐊᓐᑕ ᐊ ᐊᑎ ᑎᒂᒋ ᐊᓂᔭ ᒐᒂᔪᐛ ᒋᓴᒪᓂᑐᐤ ᐊ ᑕᑦ ᐊ ᐃᓯ ᐊᐱᑎᒋ᙮ ᐛᔅ ᐸᑐᔅ ᒥᐧᒄ ᑲ ᐅᒋᑯᐅᒡ ᐊᑯ ᐃᔭᒄ ᒐ ᑎᒂᒡ ᐛᐸᔨᑎᒪᒐᐅᓐ᙮