ᒠᓐ 19:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᒥᒐᑦ ᒍᐤ ᐃᔪᒡ ᒋ ᐸᒋ ᐃᔨᒥᑕᐅᒡ ᐊᓂᔭ ᒥᓯᓇᐃᑭᓂᔪᐤ ᐛᔅ ᓇᒪ ᐅᒋ ᔭᐅᓇᑯᓂᔪᐤ ᐊᓂᔭ ᐅᑕᓇᔪᐤ ᐊᓐᑕ ᑲ ᑕᒡ᙮ ᓂᔅᑐᔨᒡ ᒪᒃ ᐃᔨᒧᐅᓇ ᒋ ᐃᓯ ᒥᓯᓇᐃᒐᓄᐃᔪᐤ ᐊᓂᔭ ᒥᓯᓇᐃᑭᓂᔪᐤ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ, ᓚᑎᓐ ᑭᔭ ᑯᕆᒃ᙮

ᒠᓐ 19:20 Iomraidhean Croise

ᓗᒃ 23:38

ᒋ ᒋᑭᒧᑕᑭᓄᐎᔪᐤ ᒪᒃ ᒥᓯᓇᐃᑭᓂᔪᐤ ᐃᑉᕈᐤ, ᓚᑎᓐ ᑭᔭ ᑯᕆᒃ ᐊ ᐃᓯ ᐃᔨᒥᓇᓄᐅᒡ, ᐅᒋᐱᔭᑎᑯᒥᒡ ᐊᓐᑕ ᐃᔅᐱᒥᓯᔅ ᒋᓴᔅ ᐅᔅᑎᒂᓂᒡ ᐊᑎᔅᑕᔨᒡ, “ᐊᔪᑯᓐ ᐅᔭ ᒍᐤ ᐃᔪᒡ ᐅᒋᓴᐅᒋᒪᒧᐛᐛ᙮”

ᒠᓐ 19:13

ᐃᔅᐱ ᒪᒃ ᑈᓚᑦ ᐱᔭᑕᐧᒃ ᐊᓂᔭ ᑲ ᐃᔅᒋᔄᔨᒋ ᐊᓂᔭ ᒍᐤ ᐃᔪᐛ ᐎᐎᑎᒥᒡ ᒋ ᐃᑐᑕᐊᐤ ᐊᓂᔭ ᒋᓴᓴ ᐊᑯ ᑲ ᐛᐛᔨᐱᑦ ᐊᓐᑕ ᑎᐸᔅᑯᓂᒐᓱᐤ ᑕᑎᐳᐛᑭᓂᒡ, ᐊᓐᑕ ᐊ ᐊᓯᓂᐧᑲᓄᐎᔨᒡ ᐊᒋ ᐊᔅᑕᔨᒡ᙮ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ ᑲᐸᑕ ᐃᓯᓂᐧᑲᑕᑭᓄᐤ ᐊᓐᑕ ᐊᓂᔭ ᑲ ᐊᓯᓂᐧᑲᓄᐎᔨᒡ᙮

ᒠᓐ 19:42

ᐊᓂᔭ ᒪᒃ ᐊᒋ ᐃᓯ ᒋᓯᑲᔨᒡ, ᐊ ᐊᔭᔅᑯᐎᔅᑕᑭᓄᐎᒡ ᐎᒪᔅᑲᒐᐅ-ᒥᑯᓴᐅᓂᔪᐤ, ᑭᔭ ᐊ ᐸᓱᓇᑯᓂᔨᒡ ᐊᓂᔭ ᒋᐱᐃᒋᐛᐱᔪᐤ, ᐊᑯᑕ ᐊᓐᑕ ᑲ ᐊᔅᑕᐛᒡ ᒋᓴᓴ ᐎᔭᔪᐤ᙮

ᒠᓐ 5:2

ᐊᓐᑕ ᒪᒃ ᒋᕈᓯᓕᒥᒡ ᒋ ᑎᑯᓐ ᐊᓐᑕ ᐊ ᐅᒋ ᐱᒐᓄᐅᒡ ᒪᔭᑕᓂᔅ ᒋᐱᔎᐤ ᐊ ᐃᓯᓂᐧᑲᑕᒡ᙮ ᒥᒋᒪ ᒪᒃ ᐊᓐᑕ ᒋ ᑎᑯᓐ ᐊ ᐱᑲᓯᒧᓇᓄᐅᒡ, ᐸᑎᔅᑕ ᒋ ᐃᓯᓂᐧᑲᑕᐤ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ᙮ ᐱᑕᑕᒡ ᒋ ᑕᑎᓇ ᐱᑐᔎᐛ ᐊ ᑎᒂᒋ ᐊᓐᑕ᙮

ᐊᑈᔅᑕᓇᒡ 21:37

ᒪᒂᒡ ᒪᒃ ᐊᓂᔭ ᐊ ᐎ ᐱᑎᑲᐊᑭᓄᐅᑦ ᑈᓪ ᐊᓐᑕ ᑲᒪᑯᓄᐛᓯᐅᒋᐛᐱᒡ ᒋ ᐃᑕᐤ ᐊᓂᔭ ᓂᑐᐱᔪᐅ-ᐅᒋᒪᐛ, “ᒋᑭ ᒋ ᐃᑎᑎᓐ ᐊ ᒐᒂᓐ ?” ᐊᑯ ᒂ ᐃᑎᑯᑦ, “ᑯᕆᒃ ᐊ ᒋ ᐊᑎ ᐃᓯ ᐃᔨᒥᓐ ?

ᐊᑈᔅᑕᓇᒡ 21:40

ᐊᑯ ᒂ ᐱᔅᑎᓂᑯᑦ ᐊᓂᔭ ᓂᑐᐱᔪᐅ-ᐅᒋᒪᐛ ᒐᒋ ᐃᔨᒥᑦ᙮ ᐊᑯ ᑈᓪ ᒂ ᑕᐧᑯᓯᑲᐳᐅᑦ ᐊᓐᑕ ᑕᑕᐧᑯᔅᑲᓇᓂᒡ᙮ ᒂ ᐅᐱᓂᔅᒐᔨᑦ ᐊ ᓂᑐᐛᔨᒪᑦ ᐊᓂᔭᔪᐛ ᐃᔪᐛ ᒐ ᐊᑲ ᒋ ᒋᔅᑐᔨᒋ᙮ ᐃᔅᐱ ᒪᒃ ᐊᑲ ᒐᔅᑐᔨᒋ, ᐊᑯ ᒂ ᐃᔨᒪᐊᑦ ᐃᑉᕈᐤ ᐊ ᐃᓯ ᐃᔨᒥᑦ᙮

ᐊᑈᔅᑕᓇᒡ 22:2

ᐃᔅᐱ ᒪᒃ ᐱᔭᑐᐛᒡ ᐊᓐᒡ ᐃᔪᒡ ᐃᑉᕈᐤ ᐊ ᐃᓯ ᐃᔨᒥᔨᒋ ᑈᓚ, ᐊᓂᔭ ᑭᑈ ᐊ ᐃᓯ ᐃᔨᒥᒡ, ᐊᑯ ᐊᑐᐎᔅ ᓇᒪ ᐅᒋ ᔅᑐᐅᒡ᙮ ᐊᑯ ᑈᓪ ᒂ ᐊᑎ ᐃᔅᒋᔄᑦ,

ᐊᑈᔅᑕᓇᒡ 26:14

ᒥᓯᐛ ᒪᒃ ᓂᒋ ᐸᒋᓯᓇᓐ, ᐊᑯ ᒂ ᐸᑐᐅᒃ ᐊᐛᓐ ᐃᑉᕈᐤ ᐊ ᐃᓯ ᐃᔨᒥᑦ ᐊ ᐸᒋ ᐃᓯᑦ, ‘ᓴᓪ, ᓴᓪ, ᒐᒂᓐ ᐛᒋ ᑯᒂᒋᐃᔨᓐ ? ᒋᔾ ᓇᓂᑎᒻ ᒋᑦ ᐊᐧᑯᐃᓱᓐ ᐊᑎ ᓂᔾ ᐊ ᐎ ᐸᒋ ᐊᐧᑯᐃᔨᓐ᙮’ ”

ᐃᑉᕈᐛ 13:12

ᒋᓴᔅ ᑭᔭ ᐎᔾ ᐊᓐᑕ ᐎᐎᑎᒥᒡ ᐊᓂᔭ ᐅᑕᓇᔪᐤ ᒋ ᓂᓇᐧᑲᒋᐊᑭᓄᐤ ᑭᔭ ᐊᑯᑕ ᑲ ᓂᐸᐊᑭᓄᐅᑦ᙮ ᐊᑯ ᐊᓂᔭ ᐅᒥᐧᒄ ᐊᑯᑕ ᑲ ᐅᒋ ᐸᔭᒋᐊᑭᓄᐎᒡ ᐊᐛᓐᒋ ᒋᓴᒪᓂᑐᐤ ᐅᑦ ᐃᔨᒪ ᒐᒋ ᐃᓯ ᑭᓄᐛᐱᒪᑭᓄᐎᒡ᙮

ᒋᔅᒐᔨᑕᑯᑕᒐᐅᓐ 16:16

ᐊᓐᒡ ᒪᒃ ᒥᒋ ᐊᒐᐧᑯᒡ ᒋ ᒪᒧᓇᐅᒡ ᐊᓂᔭ ᒋᓴᐅᒋᒪᐛ ᐊᓐᑕ ᐊᓂᔭ ᐱᔅᑯᑎᓇᔪᐤ ᐊᕐᒪᑲᑎᓐ ᑲ ᐃᓯᓂᐧᑲᑕᔨᒡ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ᙮

ᒋᔅᒐᔨᑕᑯᑕᒐᐅᓐ 9:11

ᐊᓂᔭᔪᐛ ᐊᓐᒋᓇ ᑲ ᐅᒋᒪᐅᑐᑎᒥᔨᒋ ᐊᓂᔭ ᑲ ᒥᔅᑎ ᐱᑯᓇᔭᔨᒡ, ᐊᐅᑯᓂ ᐊᓂᔭᔪᐛ ᑲ ᐅᒋᒪᒥᒡ᙮ ᐃᑉᕈᐤ ᐊ ᐃᓯ ᐃᔨᒥᓇᓄᐎᒡ, ᐊᐸᑐᓐ ᒋ ᐃᓯᓂᐧᑲᓱᔪᐛ᙮ ᑯᕆᒃ ᒪᒃ ᐊ ᐃᓯ ᐃᔨᒥᓇᓄᐎᒡ, ᐊᐳᓕᔪᓐ ᒋ ᐃᓯᓂᐧᑲᓱᔪᐛ᙮ ᑲ ᓂᓱᐅᓇᒋᐃᐛᑦ ᐃᓯ ᐱᔭᑭᔅᒋᑕᑭᓄᐅᔪᐤ ᐊᓂᔭ ᐅᑦ ᐃᓯᓂᐧᑲᓱᐅᓐ᙮