ᒠᓐ 18:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᒋ ᒋᔅᒐᔨᑎᒻ ᒪᒃ ᒋᓴᔅ ᒥᓯᐛ ᑕᓐ ᒐ ᐃᔅᐱᔨᑦ ᐊᑯ ᒂ ᐸᒋ ᓂᒥᑕᐛᑲᐳᑦ ᒂ ᐃᑕᑦ, “ᐊᐛᓐ ᑲ ᓇᓂᑐᐛᐱᒪᒄ ?”

ᒠᓐ 18:4 Iomraidhean Croise

ᑎᐱᑦ ᐅᓂᑭᒧᐅᓇ 27:3

ᐊᑎ ᐅᓂᑐᐱᔪᐅ-ᐃᔪᒡ ᐊ ᒥᒐᑎᒡ ᑲ ᐸᒋ ᓂᑐᐱᔨᒡ, ᓇᒪᐎᔾ ᓂᑭ ᓴᑯᑕᓐ: ᐊᑎ ᓂᑐᐱᔪᐅᓐ ᐱᓯᑯᔅᑕᑯᔭᓇ, ᐅᔭ ᓂᑭ ᒐᔅᑎᓇᑕᔨᑕᓐ᙮

ᑎᐱᑦ ᐅᓂᑭᒧᐅᓇ 3:6

ᓇᒪᐎᔾ ᓂᑭ ᑯᔅᑕᐅᒡ ᐸᐃᑯᔪᐤ ᑕᑥᐤ ᒐᓯᐱᔪᐤ ᐃᔪᒡ, ᐛᔅᑲ ᑲ ᐱᓯᑯᔅᑐᐅᒡ᙮

ᒪᑎᔪᐤ 16:21

ᐃᔅᐱ ᒪᒃ ᐅᔭ ᑲ ᐃᓯ ᐃᔨᒪᐊᑦ ᒋᓴᔅ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᒂ ᒋᒋᐱᔨᑦ ᐊ ᐎᑎᒧᐛᑦ ᐊ ᐱᔭᑭᔅᒋᑕᑯᓯᑦ ᐊ ᐃᑕᑦ, “ᓂᑭ ᐃᑐᑕᓐ ᐊᓐᑕ ᒋᕈᓯᓕᒥᒡ, ᐊᑯᑕ ᒪᒃ ᐊᓐᑕ ᒐ ᒥᔅᑎ ᐛᐎᓯᒐᔨᑎᒥᐃᒡ ᐊᓐᒡ ᑲ ᓂᑲᓂᔅᑯᐛᒡ ᐊᓂᔭᔪᐛ ᐃᔪᐛ, ᑭᔭ ᐊᓐᒡ ᓂᑲᓂᐊᔭᒥᐊᐅᒋᒪᐅᒡ, ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ᙮ ᑭᔭ ᒐ ᓂᐸᐃᑯᔭᓐ, ᓂᔅᑐ ᒋᓯᑲᐛ ᒪᒃ ᒥᓐ ᓂᑭ ᐱᒪᑎᓯᓐ᙮”

ᒪᑎᔪᐤ 26:2

“ᒋ ᒋᔅᒐᔨᑕᓇᐛᐤ ᓂᓱ ᒋᓯᑲᐛ ᐃᔅᐱᔅ ᐊᑯ ᒐ ᒋᒋᐱᔨᒡ ᐎᒪᔅᑲᒐᐅ-ᒥᑯᓴᐅᓐ᙮ ᐊᑯᑕ ᒪᒃ ᐊᓐ ᒪᒂᒡ ᐃᔅᐱᔨᒐ ᒐ ᐱᔅᑎᓇᑭᓄᐅᑦ ᐃᔪᐤ ᐅᑯᓯᓴᓐ ᒐᒋ ᒋᔅᑕᔎᑕᑭᓄᐅᑦ᙮”

ᒪᑎᔪᐤ 26:21

ᒪᒂᒡ ᒪᒃ ᐊ ᒥᒋᓱᒡ, ᒋᓴᔅ ᒋ ᐃᑕᐤ, “ᑕᑈ ᒋᑦ ᐃᑎᓇᐛᐤ, ᐸᐃᒄ ᐅᑕ ᐊ ᑎᓯᔭᒄ ᓂᑭ ᐎᔭᓯᐱᔅᑎᓂᒄ᙮”

ᒪᑎᔪᐤ 26:31

ᐊᑯ ᒋᓴᔅ ᒂ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᐅ ᐊᓄᒡ ᒐ ᑎᐱᔅᑲᒡ ᒥᓯᐛ ᐊ ᑎᓯᔭᒄ ᒋᑭ ᓇᑭᓯᓇᐛᐤ, ᐊᓐ ᐅᒋ ᑕᓐ ᒐ ᐃᑐᑕᑯᔭᓐ, ᐛᔅ ᐃᑎᔅᑕᔪᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓂᑭ ᓂᑕᐛᐤ ᐊᓐ ᒪᔭᑕᓂᓯᐅ-ᐃᔪᐤ, ᐊᑯ ᐊᓐᒡ ᒪᔭᑕᓂᓯᒡ ᒐ ᐃᒐᔭᒧᒐᓄᐎᒡ᙮”

ᓗᒃ 24:44

ᐊᑯ ᒋᓴᔅ ᒂ ᐃᑎᑯᒡ, “ᐊᐅᒄ ᒪᒃ ᐅ ᑲ ᐃᓯ ᐛᐎᑎᒪᑎᑯᒡ ᐊᔅᒄ ᒪᒂᒡ ᐊᒋ ᐎᒐᐅᑎᑯᒡ ᑲ ᐃᔅᒋᔄᔭᓐ, ᒐᔅᑎᓇᔅ ᒋᑭ ᑎᐱᐱᔪᐤ ᒥᓯᐛ ᐊ ᐃᓯ ᐊᔨᒧᒥᑯᐅᔭᓐ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᐊᓐᑕ ᐅᒥᓯᓇᐃᑭᓂᐛᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ, ᑭᔭ ᑎᐱᑦ ᐅᓂᑭᒧᐅᓂᒡ᙮”

ᒠᓐ 13:1

ᐊᔅᒄ ᐊᑲ ᐅᒋ ᐅᑎᒋᐱᔨᒡ ᐎᒪᔅᑲᒐᐅ-ᒥᑯᓴᐅᓂᔪᐤ, ᓴᔅ ᒋ ᒋᔅᒐᔨᑎᒻ ᒋᓴᔅ ᐊ ᐅᑎᒋᐱᔨᒡ ᒐ ᓂᑭᑕᐧᒃ ᐅᔭ ᐊᔅᒋᔪᐤ ᑭᔭ ᒐ ᓂᑐᐛᐱᒪᑦ ᐅᑕᐎᒪᐛ᙮ ᒧᔅ ᒋ ᓴᒋᐊᐤ ᒥᓯᐛ ᐊᓂᔭ ᑲ ᑕᑈᔭᔨᒥᑯᑦ ᐅᑕ ᐊᔅᒋᒡ ᑲ ᑕᔨᒋ ᑭᔭ ᒐ ᐅᑎᒋᐱᔨᒡ ᒐᒋ ᐛᐸᑎᔭᑦ ᑕᓐ ᐊᔅᐱᔅ ᓴᒋᐊᑦ᙮

ᒠᓐ 13:11

ᓴᔅ ᒋ ᒋᔅᒐᔨᑎᒻ ᒋᓴᔅ ᑕᓐ ᐊᓂᔭᔪᐛ ᐊᓂᔭ ᒐ ᐎᔭᓯᐱᔅᑎᓂᑯᑦ ᐛᒋ ᐃᔅᒋᔄᑦ ᐅᔭ᙮ ᓴᔅ ᒥᓯᐛ ᒋ ᐸᔭᒋᓯᓇᐛᐤ “ᒥᒄ ᐸᐃᒄ ᐊᓐᑕ ᐊ ᑎᓯᔭᒄ ᓇᒪ ᐸᔭᒋᓯᔪᐤ᙮”

ᒠᓐ 18:5

ᒋ ᐃᑕᐅᒡ, “ᒋᓴᔅ ᓇᓴᕆᑎᒡ ᑲ ᐅᒋᑦ ᓂ ᓇᓂᑐᐛᐱᒪᓇᓐ᙮” “ᐊᐅᒄ ᓂᔾ,” ᒂ ᐃᑕᑦ ᒋᓴᔅ᙮ ᒍᑎᔅ ᒪᒃ, ᐊᓐ ᒐ ᐎᔭᓯᐱᔅᑎᓇᑦ ᒋᓴᓴ ᐊᑯᑕ ᑲ ᓂᐳᐅᑦ ᐊ ᐎᒋᑲᐳᔅᑐᐛᑦ ᐊᓂᔭᔪᐛ ᑲ ᐸᒋ ᐎᒐᐅᑯᔨᒋ᙮

ᒠᓐ 18:7

ᒋᓴᔅ ᒥᓐ ᒂ ᑯᒂᒋᒪᑦ, “ᐊᐛᓐ ᑲ ᓇᓂᑐᐛᔨᒪᒄ ?” “ᒋᓴᔅ, ᓇᓴᕆᑎᒡ ᑲ ᐅᒋᑦ,” ᒋ ᐃᑕᐅᒡ᙮

ᒠᓐ 19:28

ᐸᑎᒪ ᒪᒃ ᒋᓴᔅ ᒋ ᒋᔅᒐᔨᑎᒻ ᓴᔅ ᒥᓯᐛ ᒐᒂᔪᐤ ᐊᒋ ᒋᔅᑕᐱᔨᒡ ᐊᑯ ᒂ ᐃᔅᒋᔄᑦ, “ᓂᐎ ᒥᓐ᙮” ᐊᐅᑯᐤ ᐅᔭ ᑲ ᐃᔅᒋᔄᑦ ᒐᒋ ᑎᐱᐱᔨᒡ ᑕᓐ ᑲ ᐃᓯ ᓂᑲᓐ ᐎᑕᑭᓄᐎᒡ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ ᒐ ᐃᔅᒋᔄᑯᐱᓇ᙮

ᒠᓐ 6:64

ᐱᔅᒐ ᒪᒃ ᐅᑕ ᐊ ᑎᓯᔭᒄ ᓇᒪ ᒋ ᑕᑈᔨᑕᓇᐛᐤ᙮” ᓴᔅ ᒋ ᒋᔅᒐᔨᑎᒻ ᒋᓴᔅ ᐊᐛᔪᐛ ᒐ ᐊᑲ ᐅᒋ ᑕᑈᑎᒥᔨᒋ ᑭᔭ ᒋ ᒋᔅᒐᔨᒪᐤ ᐊᓂᔭ ᐊᐛᔪᐛ ᒐ ᐎᔭᓯᐱᔅᑎᓂᑯᑦ᙮

ᐊᑈᔅᑕᓇᒡ 2:28

ᔅᒋ ᒋᔅᒐᔨᑎᒥᔨᓐ ᑕᓐ ᓂᐸ ᐃᓯ ᐱᒪᑎᓯᓐ, ᐊᑯ ᒪᒃ ᐊᓐᑕ ᐊ ᑕᔨᓐ ᑕᔭᓇ ᒋᑭ ᐃᑐᑐᐅᓐ ᓇᔅᒡ ᒐᒋ ᒧᒋᒐᔨᑎᒪᓐ᙮” ᐊᐅᒄ ᐅᔭ ᑲ ᐃᓯ ᐎᑕᐧᒃ ᐱᑕᕐ ᐊᒋ ᐃᓯ ᓂᑲᓐ ᐊᔨᒧᑎᒥᔨᒋ ᐊᓂᔭ ᒋᓴᐅᒋᒪᐛ ᑎᐱᑕ ᒐ ᐃᑐᑐᐛᑭᓄᔨᒋ ᙭ᑕ᙮

1 ᐱᑕᕐ 4:1

᙭ ᒪᒃ ᐊᒋ ᐛᐎᓯᒐᔨᑕᐧᒃ ᐎᔭᓱᐅᓂᒡ ᒪᒂᒡ ᐅᑕ ᐊᔅᒋᒡ ᑲ ᐱᒪᑎᓯᑦ ᑭᔭ ᒋᔨᐛᐤ ᐊᑯᓐ ᒋᐸ ᐃᓯ ᒪᒥᑐᓇᔨᑎᒥᐃᑯᓇᐛᐤ ᒐᒋ ᐃᓯ ᐊᔭᔅᑯᐎᔅᑎᒪᒄ, ᐛᔅ ᐊᓐ ᐊᐛᓐ ᑲ ᐛᐎᓯᒐᔨᑎᒥᐊᑭᓄᐅᑦ ᐎᔭᓱᐅᓂᒡ ᐳᓂᑕᐤ ᒥᒐᑎᓯᐅᓂᔪᐤ᙮