ᒠᓐ 18:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒍᑎᔅ ᒪᒃ ᒋ ᐃᑐᑕᐤ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐊ ᐎᒐᐅᑯᑦ ᕈᒻ ᐊᓯᒪᑭᓂᓴ ᑭᔭ ᐊᓂᔭᔪᐛ ᑲᒪᑯᓄᐛᓯᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ᐊᑐᔅᒐᔨᒋ᙮ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭ ᐸᕆᓯᐊ ᒋ ᐃᑎᓴᐅᑯᒡ ᒐᒋ ᓇᓂᑐᐛᐱᒪᒡ ᒋᓴᓴ᙮ ᒋ ᐸᒋ ᑕᐧᑯᓇᐅᒡ ᒪᒃ ᐛᔅᑕᓂᐱᒪᑭᓇ ᑭᔭ ᐃᔅᑯᑕᐤ ᐛᔅᑕᓂᐱᒪᑭᓇ ᑭᔭ ᓂᑐᐱᔪᐅ-ᒧᐧᑯᒪᓇ᙮

ᒠᓐ 18:3 Iomraidhean Croise

ᑎᐱᑦ ᐅᓂᑭᒧᐅᓇ 22:12

ᒥᒐᑦ ᒥᒋᑎᐧᑯᒡ ᓂᒋ ᐛᔅᑲᔅᑲᑯᒡ: ᑲ ᒥᔅᑯᐅᓯᒡ ᒥᒋᑎᐧᑯᒡ ᐸᓴᓂᒡ ᐅᒋ ᓂ ᐛᔅᑲᑲᐳᐅᔅᑕᑯᒡ᙮

ᒪᑎᔪᐤ 25:1

“ᒋᑭ ᐎᑎᒪᑎᓇᐛᐤ ᑕᓐ ᒐ ᐃᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ ᐃᔅᐱ ᐃᔪᐤ ᐅᑯᓯᓴᓐ ᑎᑯᓯᒐ ᒐ ᒋᓴᐅᒋᒪᐅᑦ᙮ ᒧᔭᒻ ᐸᐃᑯᔪᐤ ᐅᔅᒋᓂᒋᔎᓯᒡ ᐊ ᑕᐧᑯᓇᒡ ᐅᐛᔅᑕᓂᐱᒪᑭᓄᐛᐛ, ᐊ ᓂᑐᐤ ᓂᒋᔅᑯᐛᒡ ᐅᔅᒋᓂᐳᐛᓇ᙮

ᒠᓐ 13:2

ᒪᒂᒡ ᒪᒃ ᒋ ᐅᑕᑯᓯᐅᒥᒋᓱᐅᒡ ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ᙮ ᐸᐃᒄ ᒪᒃ ᐊᓐ ᒋᔅᒋᓄᐊᒧᐛᑭᓐ ᒍᑎᔅ ᑲ ᐃᓯᓂᐧᑲᓱᑦ, ᓴᐃᒥᓐ ᐃᔅᑲᕆᔭᑦ ᐅᑯᓴ, ᓴᔅ ᐊᓐᑕ ᒋ ᐃᑐᑕᑯ ᒥᒋᒥᓂᑐᐛ ᒐᒋ ᐃᑕᔨᑕᐧᒃ ᒐᒋ ᐎᔭᓯᐱᔅᑎᓇᑦ ᒋᓴᓴ ᐊᓂᔭ ᒐ ᑎᐱᔅᑲᔨᒡ᙮

ᒠᓐ 18:12

ᐊᓐᒡ ᒪᒃ ᐊᓯᒪᑭᓂᓯᒡ ᑭᔭ ᐊᓂᔭ ᐅᒋᒪᒧᐛᐛ ᑭᔭ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᑲᒪᑯᓄᐛᓯᒡ ᒋᓴᐊᔭᒥᐊᐅᒋᐛᐱᒡ, ᒋ ᒪᑯᓇᐅᒡ ᐊᓂᔭᔪᐛ ᒋᓴᓴ ᑭᔭ ᒋ ᒪᑯᐱᑕᐅᒡ᙮

ᒠᓐ 18:18

ᒋ ᑕᐧᑲᔭᔪᐤ ᒪᒃ᙮ ᐊᑯ ᐊᓐᒡ ᐊᐱᒋᐊᑭᓐᒡ ᐊᔪᐤ ᑲᒪᑯᓄᐛᓯᒡ ᒂ ᑯᑐᐛᒡ ᐊᑯ ᑲ ᐛᔅᑲᑲᐳᔅᑕᒡ ᐊᓂᔭ ᐃᔅᑯᑕᔪᐤ ᐊᓐᑕ ᐊ ᐅᒋ ᑎᐅᓱᒡ᙮ ᐱᑕᕐ ᒪᒃ ᑭᔭ ᐎᔾ ᒋ ᐸᒋ ᐎᒋᑲᐳᔅᑐᐛᐤ ᐊ ᐸᒋ ᑎᐅᓱᑦ᙮

ᒠᓐ 18:22

ᐃᔅᐱ ᒪᒃ ᒋᓴᔅ ᑲ ᐃᔅᒋᔄᑦ ᐅᔭ, ᐸᐃᒄ ᐊᓂᔭ ᑲᒪᑯᓄᐛᓯᔨᒋ ᒋ ᐅᑕᒥᒂᐅᑯᐤ ᐊ ᐃᑎᑯᑦ, “ᓇᒪᐎᔾ ᐊ ᒋᑭ ᒋ ᐃᓯ ᐃᔨᒪᐊᐤ ᒋᓴᐊᔭᒥᐊᐅᒋᒪᐤ ?”

ᒠᓐ 19:6

ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᐃᔅᐱ ᐎᔭᐱᒪᒡ ᒋᓴᓴ, ᒋ ᑕᑈᐅᒡ ᐊ ᐃᔅᒋᔄᒡ, “ᒋᔅᑕᔎᑕᐧᒄ, ᒋᔅᑕᔎᑕᐧᒄ᙮” ᑈᓚᑦ ᒋ ᐃᑕᐤ, “ᒋᔨᐛᐤ ᒋᔅᑕᔎᑕᐧᒄ᙮ ᓇᒪ ᓂ ᒥᔅᑭᒺᓐ ᑕᓐ ᑲ ᐃᓯ ᒥᒋᑐᑎᒧᒂ᙮”

ᒠᓐ 7:32

ᐊᑯ ᐊᓐᒡ ᐸᕆᓯᔨᒡ ᑲ ᐸᑐᐛᒡ ᐊᓂᔭᔪᐛ ᐃᔪᐛ ᑕᓐ ᑲ ᐃᓯ ᒋᒧᑦ ᐊᔨᒧᒪᔨᒋ ᒋᓴᓴ᙮ ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐸᕆᓯᔨᒡ ᒋ ᐃᑎᓴᐛᐅᒡ ᐊᓂᔭᔪᐛ ᑲᒪᑯᓄᐛᓯᔨᒋ ᑲ ᓇᑭᑐᐛᐸᑎᒥᔨᒋ ᒋᓴᐊᔭᒥᐊᐅᒋᐛᐱᔪᐤ ᒐᒋ ᒪᑯᓇᔨᒋ ᒋᓴᓴ᙮

ᐊᑈᔅᑕᓇᒡ 1:16

ᐊᑯ ᒂ ᐃᑕᑦ, “ᓂᐧᑲᓂᓯᑐᒄ, ᐊᓐ ᑲ ᐃᓯ ᓂᑲᓐ ᐎᑕᒂᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᔭᐃᑕᔾ ᒋ ᓂᑐᐛᔨᑕᑯᓐ ᒥᓯᐛ ᒐᒋ ᐃᔅᐱᔨᒡ᙮ ᐊᐅᒄ ᐅᔭ ᑲ ᐸᔭᒋᓯᑦ ᐊᒐᐧᒄ ᑲ ᐃᓯ ᒥᔭᑦ ᐊᓂᔭ ᑎᐱᑕ ᒐᒋ ᓂᑲᓐ ᐎᑎᒥᔨᒋ ᑕᓐ ᒐ ᐃᑎᔨᒂᓂ ᒍᑎᓴ᙮ ᐊᐅᒄ ᐅ ᒍᑎᔅ ᑲ ᐃᑐᑕᐊᑦ ᐊᓯᒪᑭᓂᓴ ᒋᓴᓴ ᐊ ᑕᔨᒋ ᒐᒋ ᒪᑯᓇᔨᒋ᙮

ᐊᑈᔅᑕᓇᒡ 10:1

ᒋ ᑕᐤ ᓇᐸᐤ ᑯᕐᓂᓕᔭᔅ ᐊ ᐃᓯᓂᐧᑲᓱᑦ ᐊᓐᑕ ᐅᑕᓇᒡ ᓯᓴᕆᔭ ᑲ ᐃᓯᓂᐧᑲᑕᔨᒡ, ᕈᒻ ᓂᑐᐱᔪᐅ-ᐅᒋᒪᐛ ᐊ ᐃᓯ ᐊᑐᔅᒐᑦ, ᐊ ᓂᑲᓂᔅᑯᐛᑦ ᐊᓯᒪᑭᓂᓴ ᐊᓐᑕ ᐃᑕᓕ ᐊᔅᒋᒡ ᐊ ᐅᒋᔨᒋ᙮