ᒠᓐ 18:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᐊᑯ ᒋᓴᔅ ᒂ ᐃᑕᑦ, “ᒥᓯᐛ ᑕᓐ ᑲ ᐃᔅᒋᔄᔭᓐ ᒋ ᐸᑎᒧᒡ ᐊᐛᓐᒋ᙮ ᐊᓐ ᒪᒃ ᑕᓐ ᑲ ᐃᓯ ᒋᔅᑯᑎᒪᒐᔭᓐ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᒋᓴᐊᔭᒥᐊᐅᒋᐛᐱᒡ ᐊᓐᑕ ᒥᓯᐛ ᒍᐤ ᐃᔪᒡ ᑲᒋ ᐸᒋ ᒪᒧᐎᒡ, ᓇᒪ ᓂᑕ ᓂ ᐅᒋ ᑲᑕᓐ ᒐᒂᓐ ᐊ ᐃᔅᒋᔄᔭᓐ᙮

ᒠᓐ 18:20 Iomraidhean Croise

ᑎᐱᑦ ᐅᓂᑭᒧᐅᓇ 22:22

ᓂᑭ ᐎᑎᒧᐛᐅᒡ ᒋᑦ ᐃᓯᓂᐧᑲᓱᐅᓂᔪᐤ ᓂᐧᑲᓂᓯᒡ; ᐊᓐᑕ ᐊ ᐃᓯ ᒪᒧᒥᒐᑎᒡ ᒋᑭ ᒪᒥᒋᒥᑎᓐ᙮

ᑎᐱᑦ ᐅᓂᑭᒧᐅᓇ 40:9

ᓂᒋ ᑭᒐᔅᒋᒧᐛᓐ ᑯᐃᔅᑯᑕᑎᓯᐅᓐ ᒋᒋ ᒪᐛᒋᐃᑐᐅᓂᒡ: ᐛᐸᑎᒥᒄ, ᓇᒪᐎᔾ ᓂ ᐅᒋ ᓂᑲᓇᓐ ᓂᑐᓐ ᐅ ᑎᐸᔨᒋᒐᓱᐤ, ᒋ ᒋᔅᒐᔨᑕᓐ᙮

ᒪᑎᔪᐤ 24:26

“ᒋᑭ ᐃᑎᑯᐛᐅᒡ ᒪᒃ ᐊᐛᓐᒋ, ‘ᑭᓄᐛᐱᒪᒄ ᒪ ᙭, ᓇᑕ ᐸᐧᑯᑎᔅᑭᒥᑲᒡ ᐊᑯᑕ ᐊ ᑕᑦ,’ ᐊᑲᐎᔾ ᐃᑐᑕᐛᐧᒄ ᐊᓐᑕ᙮ ᒪᒃ ᒋᑭ ᐃᑎᑯᓇᐛᐤ, ‘ᑭᓄᐛᐱᒪᒄ ᒪ, ᒪᐅᑕ ᐱᑎᑭᒥᒡ ᐊ ᑕᑦ,’ ᐊᑲᐎᔾ ᑕᑈᑐᐛᐧᑯᒡ᙮

ᒪᑎᔪᐤ 26:55

ᐊᑯ ᒋᓴᔅ ᒂ ᐃᑕᑦ ᐊᓂᔭ ᐃᔪᐛ, “ᒧᔭᒻ ᑕᑈ ᑲ ᐊᒂᑎᓯᑦ ᑲᒋᒧᑎᑦ ᐊ ᐃᑐᑐᔭᒄ ᐊ ᐸᒋ ᓂᑐᐛᐱᒥᔭᒄ ᐊ ᑕᐧᑯᓂᒪᒄ ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒪᐃᑭᓇᑎᒂ᙮ ᐛᔅ ᓴᔅ ᒋ ᐸᒋ ᒪᑯᓇᐛᐤ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲᒋ ᑕᔭᐧᒄ ᐊᓯᑯᒻ ᒋᓯᑲᐛ ᐊ ᒋᔅᑯᑎᒪᒐᔭᓐ, ᓇᒪ ᒪᒃ ᓂᑕ ᒋ ᐅᒋ ᑯᒂᑕᔨᑕᓇᐛᐤ ᒐᒋ ᒪᑯᓂᔭᒄ᙮”

ᒪᑎᔪᐤ 26:65

ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᒂ ᐱᑯᐱᑕᐧᒃ ᐅᑦ ᐊᐱᒋᑕᐅᓇ ᐊ ᐃᔅᒋᔄᑦ, “ᐊᑯᓐ ᐊᑯ ᒐ ᐃᔅᐱᔅ ᐊᑐᐎᔅ ᐃᔅᒋᔄᑦ᙮ ᓇᒪ ᒋ ᓂᑐᐛᔨᑎᒺᓇᓄᐤ ᐊᑐᐎᔅ ᒐᒋ ᑎᐸᒋᒪᑭᓄᐅᑦ᙮ ᐛᔅ ᒋᔭᓄᐤ ᓴᔅ ᓇᔅᒡ ᔅᒋ ᐸᑐᐛᓄᐤ ᑕᓐ ᐊᔅᐱᔅ ᐸᔅᑕᒧᑦ᙮

ᒪᑎᔪᐤ 4:23

ᒋᓴᔅ ᒪᒃ ᒋ ᐃᑐᑕᐤ ᐊᓐᑕ ᒥᓯᐛ ᑲᓕᓕᒡ ᐊ ᐃᔅᐱᓴᔨᒡ ᐊ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐊᔨᒧᑕᐧᒃ, ᑭᔭ ᐊ ᒥᓏᒋᐊᑦ ᐊᐛᔪᐛ ᒥᓯᐛ ᓂᓇᐧᑯᐤ ᑲ ᐃᑕᔅᐱᓇᔨᒋ᙮

ᒪᑎᔪᐤ 9:35

ᒋᓴᔅ ᒪᒃ ᒥᓯᐛ ᐊᓐᑕ ᐅᑕᓇᒡ ᑭᔭ ᐃᑕᐅᓂᓯᒡ ᒋ ᐃᑐᑕᐤ, ᐊᔅᑯᑎᒪᒐᑦ ᒍᐤ ᐊᔭᒥᐊᐅᒋᐛᐱᒡ, ᑭᔭ ᐊ ᑭᒐᔅᒋᒧᑦ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᐊᔨᒧᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᑭᔭ ᐊ ᒥᓏᒋᑕᑦ ᒥᓯᐛ ᐃᓯ ᐊᐧᑯᓱᐅᓇ ᑭᔭ ᓂᓇᐧᑯᐤ ᐊ ᐃᑕᔅᐱᓇᔨᒋ ᐃᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:32

ᐅᔭ ᒪᒃ ᑲ ᐃᓯ ᐃᔨᒪᐊᑦ ᓇᔅᒡ ᒋ ᐱᔭᑭᔅᒋᑕᑯᑕᐛᐤ ᒐᒋ ᓂᔅᑐᑎᒥᔨᒋ᙮ ᐊᑯ ᐱᑕᕐ ᑎᐸᓐ ᒂ ᐃᑐᑕᐊᑦ ᒋᓴᓴ, ᑲ ᒋᑕᐊᒧᐛᑦ ᐊᓂᔭ ᑲ ᐃᔅᒋᔄᔨᒋ ᐊ ᐃᑕᑦ, “ᐊᑲᐎᔾ ᐃᔅᒋᔄ ᐊᓐ ᑲ ᐃᔅᒋᔄᔨᓐ᙮”

ᓗᒃ 21:37

ᐊᓯᑯᒻ ᒋᓯᑲᐛ ᒪᒃ ᒋ ᒋᔅᑯᑎᒪᒐᐤ ᒋᓴᔅ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮ ᐊᑯ ᒪᒃ ᐊ ᐊᑎ ᐅᑕᑯᓯᔨᒋ ᐊᓐᑕ ᐊᓂᔭ ᐱᔅᑯᑎᓇᔪᐤ ᐊᓕᐱᔅ ᑲ ᐃᓯᓂᐧᑲᑕᔨᒡ ᐊᑯᑕ ᑲᒋ ᐃᑐᑕᑦ, ᒐᒋ ᑕᑦ ᐊᓂᔭ ᒐ ᑎᐱᔅᑲᔨᒡ᙮

ᓗᒃ 4:15

ᒋ ᒋᔅᑯᑎᒪᒐᐤ ᒍᐤ ᐃᔪᐛ ᐅᑦ ᐊᔭᒥᐊᐅᒋᐛᐱᒡ, ᒥᓯᐛ ᒪᒃ ᐊᐛᔪᐛ ᒋ ᒋᔅᑕᒋᒥᑯᐤ᙮

ᒠᓐ 18:21

ᒐᒂᓐ ᒪᒃ ᐛᒡ ᐸᒋ ᑯᒂᒋᒥᔨᓐ ? ᑯᒂᒋᒥᒡ ᒪ ᐊᓐᒡ ᐃᔪᒡ ᑲᒋ ᐸᑐᐅᒡ᙮ ᑯᒂᒋᒥᒡ ᑕᓐ ᑲ ᐃᑎᒂᐤ, ᐛᔅ ᒋᔅᒐᔨᑎᒧᒡ ᑕᓐ ᑲ ᐃᔅᒋᔄᐅᒡ᙮”

ᒠᓐ 6:59

ᐊᐅᒄ ᐅᔭ ᒐᒂᔪᐤ ᑲ ᐊᔨᒧᑕᐧᒃ ᒋᓴᔅ ᑲ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᐊᓐᑕ ᑲᐳᕐᓇᐊᒻ ᐅᑕᓇᒡ ᑲ ᑕᑦ᙮

ᒠᓐ 7:14

ᓴᔅ ᒪᒃ ᓴᓯᑲᓐ ᐊᐱᑐᐤ ᒋ ᐃᔅᐱᔅ ᒋ ᐃᓯ ᒥᑯᓴᓄᔪᐤ, ᐊᑯ ᒋᓴᔅ ᒂ ᐃᑐᑕᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊᑯ ᒂ ᒋᔅᑯᑎᒪᒐᑦ᙮

ᒠᓐ 7:26

ᑭᓄᐛᐱᒪᐧᒄ ᒪ᙮ ᓇᒪ ᐅᒋ ᒐᒂᔪᐤ ᐃᑕᑭᓄᐤ ᐊᓐᑕ ᒪᒂᒡ ᐊ ᒋᔅᑯᑎᒪᒐᑦ᙮ ᓇᒪ ᑲᑭᔭ ᒋᔅᒐᔨᒪᐅᒡ ᐊᓐᒡ ᑲ ᓂᑲᓂᔅᑯᐛᒡ ᒍᐤ ᐃᔪᐛ ᑕᑈ ᐊ ᔭᐅᒂᓂ ᙭ᑕ, ᐊᓂᔭ ᒋᓴᒪᓂᑐᐛ ᑲ ᐸᒋ ᐃᑎᓴᐛᔨᒋ ?

ᒠᓐ 7:28

ᒪᒂᒡ ᒋᓴᔅ ᐊ ᒋᔅᑯᑎᒪᒐᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ, ᒋ ᒋᔄᐛᐤ ᐊ ᐃᔅᒋᔄᑦ, “ᑕᑈ ᐊ ᒋ ᒋᔅᒐᔨᒥᓇᐛᐤ ᐊᐛᓐ ᓂᔾ᙮ ᑕᑈ ᐊ ᒋ ᒋᔅᒐᔨᑕᓇᐛᐤ ᑕᓐᑕ ᐛᒋᔭᓐ᙮ ᓇᒪ ᓂ ᐅᒋ ᑎᑯᓯᓐ ᓂᔾ ᒥᒄ ᐊᒋ ᐃᑕᔨᑎᒪᓐ ᒐᒋ ᑎᑯᓯᓂᔭᓐ᙮ ᐊᓐ ᒧᔅ ᑯᐃᔅᒄ ᑲ ᐃᑎᑦ ᐊᐅᑯᓐ ᐊᓐ ᑲ ᐸᒋ ᐃᑎᓴᐅᑦ, ᓇᒪ ᒪᒃ ᒋ ᒋᔅᒐᔨᒪᐛᐤ ᒋᔨᐛᐤ ᐅ ᐊᐛᓐ᙮

ᒠᓐ 7:4

ᓇᒪ ᐊᐛᓐ ᑲ ᑕᐤ ᑕᓐ ᒐᒋ ᐃᓯ ᐃᑐᑕᐧᒃ ᓇᑐᐛᔨᑎᒧᒂ ᒐᒋ ᒥᔪ ᒋᔅᒐᔨᒪᑭᓄᐅᑦ᙮ ᐊ ᐃᑐᑎᒧᐎᓇ ᒪᒃ ᒪᒥᔅᑲᒡ ᐃᑐᐅᓐ, ᐱᔅᑎᓂᓱᐤ ᒐᒋ ᒋᔅᒐᔨᒥᑯᔨᓐ ᑕᓐ ᒐᒋ ᐃᓯ ᐃᑐᑎᒥᓐ᙮”

ᒠᓐ 8:2

ᐎᐱᒡ ᒥᓐ ᐎᔭᐱᓂᔨᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒥᓐ ᒋ ᐃᑐᑕᐤ᙮ ᒥᓯᐛ ᒪᒃ ᐊᓂᔭᔪᐛ ᐃᔪᐛ ᒋ ᐸᒋ ᓂᑐᐛᐱᒥᑯᐤ᙮ ᑲ ᐛᐛᔨᐱᑦ ᐊᑯ ᒂ ᒋᔅᑯᑎᒧᐛᑦ᙮

ᒠᓐ 8:26

ᒥᒐᓇ ᒐᒂᔪᐛ ᒐᒋ ᐎᑎᒪᓐ ᒐᒋ ᐅᒋ ᑎᐸᔅᑯᓂᑯᐅᔭᒄ᙮ ᒥᒄ ᒪᒃ ᓂᑭ ᐎᑎᒧᐛᐅᒡ ᐃᔪᒡ ᐅᑕ ᐊᔅᒋᒡ ᐊᓂᔭ ᑕᓐ ᑲ ᐃᓯ ᐸᑐᐅᒃ ᐊ ᐊᔨᒧᑕᐧᒃ ᐊᓐ ᑲ ᐸᒋ ᐃᑎᓴᐅᑦ, ᐛᔅ ᒧᔅ ᐎᔾ ᑕᑈᐅᒐᔨᑕᑯᓱᐤ᙮”

ᐊᑈᔅᑕᓇᒡ 26:26

ᒋᓴᐅᒋᒪᐤ ᐊᒃᕆᐸ, ᒋᑭ ᒋ ᐊᔨᒧᑎᒪᑎᓐ ᐅᔭ ᒐᒂᔪᐛ ᐊᑲ ᑯᔅᑕᒋᔭᓐ ᐛᔅ ᒋ ᒋᔅᒐᔨᑕᓐ ᓴᔅ ᑕᓐ ᑲ ᐃᔅᐱᔨᑦ ᒋᓴᔅ᙮ ᓇᒪ ᒋᒧᑦ ᐅᒋ ᐃᔅᐱᔪᐛ ᐅᔭ ᒐᒂᔪᐛ, ᒥᓯᐛ ᐊᐛᓐ ᒋᔅᒐᔨᑎᒻ ᑕᓐ ᑲ ᐃᔅᐱᔨᑦ ᒋᓴᔅ᙮