ᒠᓐ 18:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐊᓐᑕ ᓂᔅᑎᒻ ᐊᓇᓴ ᐊ ᑕᔨᒋ ᒋ ᐃᑐᑕᐊᐅᒡ, ᑲᔭᐸᔅ ᒪᒃ ᐅᔭ ᐅᓴ᙮ ᐅ ᑲᔭᐸᔅ ᐎᔾ ᒋ ᒋᓴᐊᔭᒥᐊᐅᒋᒪᐅᐤ ᐊᓂᔭ ᑲ ᐱᐳᓂᔨᒡ᙮

ᒠᓐ 18:13 Iomraidhean Croise

ᒪᑎᔪᐤ 26:3

ᐊᑯ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᐃᔪᐛ ᑲ ᒪᒧᐎᒡ ᐊᓐᑕ ᒋᓴᐊᔭᒥᐊᐅᒋᒪᐛ ᑲᔭᐸᓴ ᐅᒋᓴᐅᒋᒪᐅᒋᐛᐱᒡ᙮

ᒪᑎᔪᐤ 26:57

ᐊᓐᒡ ᒪᒃ ᑲ ᒪᑯᓇᒡ ᒋᓴᓴ ᒋ ᐃᑐᑕᐊᐅᒡ ᐊᓐᑕ ᒋᓴᐊᔭᒥᐊᐅᒋᒪᐛ ᑲᔭᐸᔅ ᐊ ᑕᔨᒋ᙮ ᓴᔅ ᒪᒃ ᒋ ᒪᒧᐎᔪᐛ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᑭᔭ ᐊᓂᔭ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ ᐊᓐᑕ ᐊᓂᔭ ᒋᓴᐊᔭᒥᐊᐅᒋᒪᐛ ᐎᒋᔨᒡ᙮

ᓗᒃ 3:2

ᒪᒂᒡ ᒪᒃ ᑭᔭ ᐊᓇᔅ ᑭᔭ ᑲᔭᐸᔅ ᒋ ᒋᓴᐊᔭᒥᐊᐅᒋᒪᐅᒡ᙮ ᐊᐅᒄ ᒪᒃ ᐅᔭᔪᐤ ᒪᒂᒡ ᒠᓐ, ᓴᑲᕋᔭ ᐅᑯᓴ ᐊᓐᑕ ᐸᐧᑯᑎᔅᑭᒥᑲᒡ ᒋ ᑕᐤ᙮ ᐊᑯᑕ ᒪᒃ ᐊᓐᑕ ᑲ ᐎᑎᒪᑯᑦ ᒋᓴᒪᓂᑐᐛ ᑕᓐ ᒋᐸ ᐃᓯ ᑭᒐᔅᒋᒧᐤ᙮

ᒠᓐ 11:49

ᐸᐃᒄ ᒪᒃ ᐊᓐ ᐊᔭᒥᐊᐅᒋᒪᐤ ᑲᔭᐸᔅ ᑲ ᐃᓯᓂᐧᑲᓱᑦ ᒪᒂᒡ ᑲ ᒋᓴᐊᔭᒥᐊᐅᒋᒪᐅᑦ ᐊᓂᔭ ᑲ ᐱᐳᓂᔨᒡ ᒋ ᐃᑕᐤ, “ᑕᑈ ᓇᒪ ᒋ ᒋᔅᒐᔨᑕᓇᐛᐤ ᒐᒂᓐ᙮

ᒠᓐ 11:51

ᐎᔾ ᒪᒂᒡ ᑲᔭᐸᔅ ᐊᒋ ᒋᓴᐊᔭᒥᐊᐅᒋᒪᐅᑦ ᐊᓂᔭ ᑲ ᐱᐳᓂᔨᒡ ᐊᐅᒄ ᐅᔭ ᐛᒋ ᒥᔨᑯᑦ ᒋᓴᒪᓂᑐᐛ ᐅᔭ ᒐᒋ ᐃᔅᒋᔄᑦ ᐊ ᒋᔅᒋᐛᐃᒐᑦ, ᒋ ᐃᑕᐤ ᒋᓴᓴ ᒐ ᓂᐱᔅᑎᒧᐛᔨᒋ ᒍᐤ ᑲ ᐃᑎᔅᑲᓇᓯᔨᒋ ᐃᔪᐛ᙮

ᒠᓐ 18:24

ᐊᑯ ᐊᓇᔅ ᒂ ᐃᑎᓴᐛᑦ ᐊᓂᔭᔪᐛ ᒋᓴᓴ ᐊᓐᑕ ᑲᔭᐸᔅ ᒋᓴᐊᔭᒥᐊᐅᒋᒪᐤ ᐊ ᑕᔨᒋ ᐊᔅᒄ ᐊ ᒪᑯᐱᓱᔨᒋ᙮

ᒠᓐ 18:28

ᐎᐱᒡ ᐊᓂᔭ ᑲ ᒐᒋᓴᐸᔭᔨᒡ ᐊᓐᑕ ᑲᔭᐸᓴ ᐊ ᑕᔨᒋ ᒋ ᐅᒋ ᔅᑐᑕᐊᑭᓄᐤ ᒋᓴᔅ, ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ ᒂ ᐃᑐᑕᐊᑭᓄᐅᑦ᙮ ᑈᓚᑦ ᒋ ᐃᓯᓂᐧᑲᓱᐤ ᐊᓐ ᒋᓴᐅᒋᒪᐅᑯᐸᓇᐤ᙮ ᐊᓐᒡ ᒪᒃ ᒍᐤ ᐃᔪᒡ ᓇᒪ ᐅᒋ ᐎ ᐱᒐᐅᒡ ᐎᔨᐛᐤ ᐊᓐᑕ ᐛᔅ ᒋ ᐃᑎᔅᑕᔪᐤ ᒍᐤ ᐅᐎᓱᐛᐅᓄᐛᒡ ᒐ ᐊᑲ ᒋ ᐱᒐᒡ ᐎᒋᔨᒡ ᐊᐛᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᑭᔭ ᓇᒪ ᒋᐸ ᐅᒋ ᒥᒍᐅᒡ ᐎᒪᔅᑲᒐᐅ-ᒥᑯᓴᓂᔪᐤ ᒋ ᐱᒐᐅᐛᐅᒂ ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ᙮

ᒠᓐ 19:11

ᐊᑯ ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᒥᒄ ᒐᓱᐛᑦ ᒋᓴᒪᓂᑐᐤ ᐊᒋ ᒥᔨᔅᒃ ᐊᓂᔭ ᒐᒋ ᐃᑐᐅᑦ ᐊᐅᑯᓐ ᐛᒋ ᑎᒂᒡ ᐊᓐ ᒐᒋ ᐃᑎᔨᓐ᙮ ᐊᓐ ᒪᒃ ᐊᐛᓐ ᒋᔾ ᐊ ᑕᔨᓐ ᑲ ᐃᓯ ᐱᔅᑎᓱᐛᓯᑦ ᐊᐅᒄ ᐊᑐᐎᔅ ᒥᒋᑐᑕᐧᒃ᙮”

ᐊᑈᔅᑕᓇᒡ 4:6

ᒋᓴᐊᔭᒥᐊᐅᒋᒪᐛ ᐊᓇᔅ ᑲ ᐃᓯᓂᐧᑲᓱᔨᒋ ᒋ ᓂᒋᔅᑯᐛᐅᒡ ᑭᔭ ᐊᓂᔭ ᑲᔭᐸᓴ, ᒠᓇ, ᑭᔭ ᐊᓕᒃᓴᓐᑕᕋ ᑭᔭ ᒥᒄ ᐊ ᐸᐃᑯᔅᑲᓇᓯᔨᒋ ᒋᓴᐊᔭᒥᐊᐅᒋᒪᐛ᙮