ᒠᓐ 18:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐊᓐᒡ ᒪᒃ ᐊᓯᒪᑭᓂᓯᒡ ᑭᔭ ᐊᓂᔭ ᐅᒋᒪᒧᐛᐛ ᑭᔭ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᑲᒪᑯᓄᐛᓯᒡ ᒋᓴᐊᔭᒥᐊᐅᒋᐛᐱᒡ, ᒋ ᒪᑯᓇᐅᒡ ᐊᓂᔭᔪᐛ ᒋᓴᓴ ᑭᔭ ᒋ ᒪᑯᐱᑕᐅᒡ᙮

ᒠᓐ 18:12 Iomraidhean Croise

ᒐᓂᓯᔅ 22:9

ᐃᔅᐱ ᐛᑎᑕᒡ ᐃᑕᐅᓂᔪᐤ ᑲ ᐊᔨᒧᑎᒪᑯᑦ ᒋᓴᒪᓂᑐᐛ, ᒋ ᐅᓯᑕᐤ ᒪᒃ ᐊᑉᕋᐊᒻ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒋ ᑕᐧᑯᑎᔅᑕᐤ ᐊᓐᑕ ᒥᑕ᙮ ᒋ ᒪᑯᐱᑕᐤ ᐅᑯᓴ ᐊᐃᓯᑲ ᑭᔭ ᐱᔅᑎᓂᒐᐅᓇᐱᔅᑯᒡ ᒂ ᑕᑯᒋᐱᔅᑎᓇᑦ ᒥᑎᒡ᙮

ᒐᓂᓯᔅ 40:3

ᐊᑯ ᒂ ᐃᑎᓱᒪᑦ ᐅᓂᑐᐱᔪᐅ-ᐅᒋᒪᒪ ᒐᒋ ᑎᔭᔨᒋ ᑲᒪᑭᓄᐛᓯᐅᒋᐛᐱᒡ, ᐊᓐᑕ ᐸᐃᑯᑕᐤ ᑲ ᑭᓄᐛᔨᒪᑭᓄᐅᑦ ᒍᓯᑉ᙮

ᑎᐱᑦ ᐅᓂᑭᒧᐅᓇ 118:27

ᒋᓴᒪᓂᑐᐤ ᑎᐸᔨᒋᒐᓯᐤ, ᑲ ᐛᐸᑎᔨᑕᐧᒄ ᐛᓴᔭᓯᐅᓂᔪᐤ: ᒪᑯᐱᑎᒧᒄ ᐱᔅᑎᓂᒐᐅᓐ ᓴᔅᑎᒂᔭᐱᔾ ᐅᒋ, ᐊ ᐅᑦ ᐊᔅᑭᓄᐅᒡ ᐱᔅᑎᓂᒐᐤ ᐃᓴᒄ ᐅᑎ᙮

ᒪᑎᔪᐤ 26:57

ᐊᓐᒡ ᒪᒃ ᑲ ᒪᑯᓇᒡ ᒋᓴᓴ ᒋ ᐃᑐᑕᐊᐅᒡ ᐊᓐᑕ ᒋᓴᐊᔭᒥᐊᐅᒋᒪᐛ ᑲᔭᐸᔅ ᐊ ᑕᔨᒋ᙮ ᓴᔅ ᒪᒃ ᒋ ᒪᒧᐎᔪᐛ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᑭᔭ ᐊᓂᔭ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ ᐊᓐᑕ ᐊᓂᔭ ᒋᓴᐊᔭᒥᐊᐅᒋᒪᐛ ᐎᒋᔨᒡ᙮

ᒪᑎᔪᐤ 27:2

ᐃᔅᐱ ᒪᒃ ᑲ ᒥᒪᒋᒂᐱᐧᑲᑕᒺᒡ ᐅᑎᒋᔪᐛ, ᐊᑯ ᒂ ᔅᑐᑕᐊᒡ᙮ ᐊᓐᑕ ᒪᒃ ᐊᓂᔭ ᕈᒻ ᒋᓴᐅᒋᒪᐤ ᐊᐱᒋᐊᑭᓇ ᑈᓚᑦ ᑲ ᐃᓯᓂᐧᑲᓱᔨᒋ ᐊ ᑕᔨᒋ ᐊᑯᑕ ᑲ ᐃᑐᑕᐊᒡ᙮

ᒪᑎᔪᐤ 27:27

ᐊᑯ ᑈᓚᑦ ᐅᑦ ᐊᓯᒪᑭᓂᓯᒪ ᒂ ᐃᑐᑕᐊᔨᒋ ᒋᓴᓴ ᐊᓐᑕ ᐊᓂᔭᔪᐛ ᒋᓴᐅᒋᒪᐤ ᐊᐱᒋᐊᑭᓇ ᐎᒋᔨᒡ᙮ ᒥᓯᐛ ᒪᒃ ᐊᓐᒡ ᐊᓯᒪᑭᓂᓯᒡ ᐊᓐᑕ ᑲ ᑕᒡ ᒋ ᐛᔅᑲᑲᐳᔅᑐᐛᐅᒡ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:53

ᐊᑯ ᒂ ᐃᑐᑕᐊᒡ ᒋᓴᓴ ᐊᓐᑕ ᒋᓴᐊᔭᒥᐊᐅᒋᒪᐛ ᐊ ᑕᔨᒋ᙮ ᐊᑯᑕ ᒪᒃ ᑲ ᒪᒧᐎᒡ ᒥᓯᐛ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᓂᑲᓇᔨᑕᑯᓯᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:1

ᑎᐛᒡ ᒪᒃ ᒋᔭᒋᓴᐸᔭᔨᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᒋ ᓂᔅᑐᐅᓇᐅᒡ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ ᑭᔭ ᐊᓂᔭᔪᐛ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ ᑭᔭ ᒥᓯᐛ ᐊᓂᔭ ᑲ ᒪᒧᐱᔅᑎᒥᔨᒋ ᐊ ᐎᔭᔨᑕᑭᓄᐎᒡ ᒐᒂᔪᐤ, ᐊᑯ ᒂ ᐎᔭᔨᑕᒡ ᑕᓐ ᒐ ᐃᑎᒡ᙮ ᒋ ᒪᑯᐱᑕᐅᒡ ᒋᓴᓴ ᑭᔭ ᒋ ᔅᑐᑕᐅᒡ᙮ ᑈᓚᑕ ᒪᒃ ᒋ ᐱᔅᑎᓂᒧᐛᐅᒡ᙮

ᓗᒃ 22:54

ᐊᑯ ᒪᒃ ᒂ ᒪᑯᓇᒡ ᒋᓴᓴ ᒂ ᐃᑐᑕᐊᒡ ᐊᓐᑕ ᒋᓴᐊᔭᒥᐊᐅᒋᒪᐛ ᐎᒋᔨᒡ᙮ ᐱᑕᕐ ᒪᒃ ᐛᔪᐎᔅ ᐊᓐᑕ ᐅᑕᒡ ᒋ ᐸᒋ ᐎᒐᒐᐤ᙮

ᒠᓐ 18:3

ᒍᑎᔅ ᒪᒃ ᒋ ᐃᑐᑕᐤ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐊ ᐎᒐᐅᑯᑦ ᕈᒻ ᐊᓯᒪᑭᓂᓴ ᑭᔭ ᐊᓂᔭᔪᐛ ᑲᒪᑯᓄᐛᓯᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ᐊᑐᔅᒐᔨᒋ᙮ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭ ᐸᕆᓯᐊ ᒋ ᐃᑎᓴᐅᑯᒡ ᒐᒋ ᓇᓂᑐᐛᐱᒪᒡ ᒋᓴᓴ᙮ ᒋ ᐸᒋ ᑕᐧᑯᓇᐅᒡ ᒪᒃ ᐛᔅᑕᓂᐱᒪᑭᓇ ᑭᔭ ᐃᔅᑯᑕᐤ ᐛᔅᑕᓂᐱᒪᑭᓇ ᑭᔭ ᓂᑐᐱᔪᐅ-ᒧᐧᑯᒪᓇ᙮

ᐊᑈᔅᑕᓇᒡ 10:1

ᒋ ᑕᐤ ᓇᐸᐤ ᑯᕐᓂᓕᔭᔅ ᐊ ᐃᓯᓂᐧᑲᓱᑦ ᐊᓐᑕ ᐅᑕᓇᒡ ᓯᓴᕆᔭ ᑲ ᐃᓯᓂᐧᑲᑕᔨᒡ, ᕈᒻ ᓂᑐᐱᔪᐅ-ᐅᒋᒪᐛ ᐊ ᐃᓯ ᐊᑐᔅᒐᑦ, ᐊ ᓂᑲᓂᔅᑯᐛᑦ ᐊᓯᒪᑭᓂᓴ ᐊᓐᑕ ᐃᑕᓕ ᐊᔅᒋᒡ ᐊ ᐅᒋᔨᒋ᙮

ᐊᑈᔅᑕᓇᒡ 21:31

ᐊᓐᒡ ᒪᒃ ᐃᔪᒡ ᑲ ᒪᑯᓇᒡ ᑈᓚ, ᐊᑯᑕ ᑲ ᐎ ᐊᑎ ᓂᐸᐊᒡ ᐊᓂᔭ ᑈᓚ᙮ ᒪᒂᒡ ᒪᒃ ᐊ ᐃᔅᐱᓯᑯᐛᒡ ᐊᓂᔭ ᐊ ᐎ ᓂᐸᐊᒡ, ᐊᓐ ᕈᒻ ᓂᑐᐱᔪᐅ-ᐅᒋᒪᐤ ᒋ ᐸᑎᒻ ᑕᓐ ᐊ ᐃᓯ ᒥᒋᐱᔨᓇᓄᐎᒡ ᐊᓐᑕ ᒋᕈᓯᓕᒥᒡ᙮

ᐊᑈᔅᑕᓇᒡ 21:37

ᒪᒂᒡ ᒪᒃ ᐊᓂᔭ ᐊ ᐎ ᐱᑎᑲᐊᑭᓄᐅᑦ ᑈᓪ ᐊᓐᑕ ᑲᒪᑯᓄᐛᓯᐅᒋᐛᐱᒡ ᒋ ᐃᑕᐤ ᐊᓂᔭ ᓂᑐᐱᔪᐅ-ᐅᒋᒪᐛ, “ᒋᑭ ᒋ ᐃᑎᑎᓐ ᐊ ᒐᒂᓐ ?” ᐊᑯ ᒂ ᐃᑎᑯᑦ, “ᑯᕆᒃ ᐊ ᒋ ᐊᑎ ᐃᓯ ᐃᔨᒥᓐ ?

ᐊᑈᔅᑕᓇᒡ 23:10

ᒐᒃ ᒪᒃ ᐊᓂᔭ ᐊ ᐃᔅᐱᔅ ᒥᔅᑎ ᒥᒋᐱᔨᓇᓄᐎᒡ, ᐊᓐ ᓂᑐᐱᔪᐅ-ᐅᒋᒪᐤ ᒐᒃ ᒋ ᑯᔅᐱᓇᔨᑎᒻ ᒐᒋ ᐎᔭᔅᑐᑐᐛᑭᓄᔨᒋ ᑈᓚ᙮ ᐊᑯ ᒂ ᐃᑕᑦ ᐊᓂᔭ ᐅᑦ ᐊᓯᒪᑭᓂᓯᒻ ᒐᒋ ᐱᑎᑲᐊᔨᒋ ᑈᓚ ᐊᓐᑕ ᐊᓂᔭ ᐊᓯᒪᑭᓂᓯᐅᒋᐛᐱᒡ᙮