ᒠᓐ 17:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᓂᒋ ᐎᑎᒧᐛᐅᒡ ᑕᓐ ᑲ ᐃᓯ ᒥᔨᓐ ᒐᒋ ᐎᑎᒧᐅᒂᐤ᙮ ᒋ ᐅᑎᓂᒧᒡ ᒪᒃ ᑕᓐ ᑲ ᐃᓯ ᐎᑎᒧᐅᒂᐤ᙮ ᒋᔅᒐᔨᑎᒧᒡ ᑕᑈ ᒋᔾ ᐊᒋ ᐸᒋ ᐃᑎᓴᐎᔨᓐ ᑕᑈᑎᒧᒡ ᑭᔭ ᐅᔭ᙮”

ᒠᓐ 17:8 Iomraidhean Croise

ᒪᑎᔪᐤ 13:11

ᐊᑯ ᒋᓴᔅ ᐊᑕᑦ, “ᔅᒋ ᒥᔨᑯᓇᐛᐤ ᒋᔨᐛᐤ ᒐᒋ ᒋᔅᒐᔨᑎᒪᒄ ᐊᓐ ᒐᒂᓐ ᑯᑎᑭᒡ ᐊᐛᓐᒋ ᐊᑲ ᒪᔭᑭᓄᐎᒡ ᒐᒋ ᒋᔅᒐᔨᑕᒡ, ᐊᐅᒄ ᒐᒋ ᒋᔅᒐᔨᑎᒪᒄ ᒋᒋᒋᓯᒄ ᐅᒋᒪᐅᓐ᙮ ᐎᔨᐛᐤ ᒪᒃ ᓇᒪ ᐅᒋ ᐱᔅᑎᓇᑭᓄᐎᒡ ᐊᓂᔭ ᒐᒋ ᐃᓯ ᒋᔅᒐᔨᑕᒡ᙮

ᒠᓐ 12:49

ᓇᒪ ᒥᒄ ᓂᔾ ᐊ ᐃᑕᔨᑎᒪᓐ ᓂ ᐅᒋ ᐃᓯ ᐃᔨᒥᓐ᙮ ᐊᓐ ᐅᑕᐎᒪᐤ ᑲ ᐸᒋ ᐃᑎᓴᐅᑦ ᐎᔾ ᓂᒋ ᐎᑎᒪᒄ ᑕᓐ ᒐ ᐃᔅᒋᔄᐅᒡ ᐊᐅᑯᓐ ᒪᒃ ᒥᒄ ᑲ ᐃᓯ ᐎᑎᒪᓐ᙮

ᒠᓐ 14:10

ᐱᓕᑉ, ᓇᒪᐎᔾ ᐊ ᒋ ᑕᑈᑕᓐ ᐊ ᐱᒋᔅᑯᐅᒃ ᐅᑕᐎᒪᐤ ᑭᔭ ᐅᑕᐎᒪᐤ ᐊ ᐱᒋᔅᑯᐅᑦ ? ᓂ ᐸᐃᑯᓯᓇᓐ᙮” ᐊᑯ ᒋᓴᔅ ᐊᑕᑦ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᐅ ᑲ ᐃᓯ ᐃᔨᒥᐃᑎᑯᒡ ᒋᓴᒪᓂᑐᐤ ᓂᒋ ᐃᑎᓱᒥᒄ ᒐᒋ ᐃᔅᒋᔄᐅᒡ᙮ ᐅᑕᐎᒪᐤ ᐊᓐ ᑲ ᐱᒋᔅᑯᐅᑦ ᐃᑐᑎᒻ ᒪᒥᔅᑲᒡ ᐃᑐᐅᓇ ᓂᔾ ᐅᒋ᙮

ᒠᓐ 15:15

ᓇᒪ ᐊᑯ ᐊᐱᒋᐊᑭᓐᒡ ᒋᑭ ᐅᒋ ᐃᓯᓂᐧᑲᑎᑎᓇᐛᐤ ᐛᔅ ᐊᐱᒋᐊᑭᓐ ᓇᒪ ᒋᔅᒐᔨᑎᒻ ᑕᓐ ᐊ ᐃᑎᔨᒋ ᐅᒋᒪᒪ᙮ ᓂᔾ ᒪᒃ ᐎ ᓂᐎᒐᐛᑭᓂᒡ ᔅᒋ ᐃᓯᓂᐧᑲᑎᑎᓇᐛᐤ ᐛᔅ ᒥᓯᐛ ᒐᒂᔪᐛ ᑲ ᐃᓯ ᐎᑎᒧᐅᑦ ᓄᑕᐎᔾ ᔅᒋ ᐎᑎᒪᑎᓇᐛᐤ᙮

ᒠᓐ 16:27

ᐛᔅ ᒋᓴᒋᐃᑯᐛᐤ ᐅᑕᐎᒪᐤ ᐊᒋ ᓴᒋᐃᔭᒄ ᑭᔭ ᐊᒋ ᑕᑈᑎᒪᒄ ᐅᑕᐎᒪᐤ ᐊ ᑕᑦ ᐊᒋ ᐅᑐᑕᔭᓐ᙮

ᒠᓐ 16:30

ᓂ ᒋᔅᒐᔨᑕᓇᓐ ᒪᒃ ᒥᓯᐛ ᒐᒂᓐ ᐊ ᒋᔅᒐᔨᑎᒥᓐ, ᓇᒪ ᓂᑐᐛᔨᑕᑯᓱᐤ ᐊᐛᓐ ᒐᒋ ᑯᒂᒋᒥᔅᒃ ᒐᒂᔪᐤ, ᐊᐅᒄ ᒪᒃ ᐅ ᐛᒋ ᑕᑈᑎᒪᒡ ᒋᓴᒪᓂᑐᐤ ᐊ ᑕᑦ ᐊᒋ ᐅᑐᑕᔨᓐ᙮”

ᒠᓐ 17:14

ᓂᒋ ᐎᑎᒧᐛᐅᒡ ᑕᓐ ᑲ ᐃᓯ ᒥᔨᓐ ᒐᒋ ᐎᑎᒧᐅᒂᐤ᙮ ᒋ ᐛᐧᑲᑎᑯᐅᒡ ᒪᒃ ᐊᐛᔪᐛ ᐅᑕ ᐊᔅᒋᒡ ᑲ ᑕᔨᒋ ᐛᔅ ᑕᐸ ᐅᑕ ᐊᔅᒋᒡ ᐃᓯ ᑎᐸᔨᑕᑯᓱᐅᒡ ᒧᔭᒻ ᓂᔾ ᐊ ᐃᓯ ᐊᑲ ᑎᐸᔨᑕᑯᓯᔭᓐ ᐅᑕ ᐊᔅᒋᒡ᙮

ᒠᓐ 17:18

ᓂᔾ ᐊᑯ ᐊ ᐃᑎᓴᐅᒂᐤ ᐅᑕ ᐊᔅᒋᒡ ᒧᔭᒻ ᒋᔾ ᑲ ᐃᓯ ᐸᒋ ᐃᑎᓴᐎᔨᓐ ᐅᑕ ᐊᔅᒋᒡ᙮

ᒠᓐ 17:21

ᑭᒪ ᐃᓯᓇᑯᓱᒡ ᐅᒡ ᒐᒋ ᐸᐃᑯᒡ᙮ ᓄᑕ, ᒋ ᓂᑐᑎᒪᑎᓐ ᒐᒋ ᐱᒋᔅᑲᑕᐧᑯᒡ ᒧᔭᒻ ᒋᔾ ᐊ ᐃᓯ ᐱᒋᔅᑯᐎᔨᓐ ᑭᔭ ᒐᒋ ᐅᒋ ᑕᑈᑕᒡ ᐊᐛᓐᒋ ᐅᑕ ᐊᔅᒋᒡ ᐊ ᑕᒡ ᑕᑈ ᒋᔾ ᐊᒋ ᐸᒋ ᐃᑎᓴᐎᔨᓐ᙮

ᒠᓐ 17:23

ᓂᔾ ᐊ ᐱᒋᔅᑯᐅᒂᐤ ᑭᔭ ᒋᔾ ᐊ ᐸᒋ ᐱᒋᔅᑯᐎᔨᓐ ᐊᑯᑕ ᒐᒋ ᐅᒋ ᓇᔅᒡ ᐸᐃᑯᒡ᙮ ᐊᑯᑕ ᒪᒃ ᒐᒋ ᐅᒋ ᑕᑈᑕᒡ ᐊᐛᓐᒋ ᐅᑕ ᐊᔅᒋᒡ ᐊ ᑕᒡ ᒋᔾ ᑕᑈ ᐊᒋ ᐸᒋ ᐃᑎᓴᐎᔨᓐ ᑭᔭ ᑕᑈ ᐊ ᓴᒋᐃᑥᐤ ᒧᔭᒻ ᓂᔾ ᐊ ᐃᔅᐱᔅ ᓴᒋᐃᔨᓐ᙮”

ᒠᓐ 17:3

ᒪᐅᑕ ᒪᒃ ᒐᒋ ᐅᒋ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ, ᒋᔅᒐᔨᒥᔅᒐ ᒋᔾ ᒥᒄ ᐊ ᐸᐃᑯᓯᔨᓐ ᐊ ᒋᓴᒪᓂᑐᐎᔨᓐ, ᑭᔭ ᒋᔅᒐᔨᒪᒐ ᒋᓴᔅ ᙭ᑕ, ᐊᓂᔭ ᑲ ᐸᒋ ᐃᑎᓴᐅᒥᑎ᙮

ᒠᓐ 3:17

ᐛᔅ ᒋᓴᒪᓂᑐᐤ ᒋ ᐸᒋ ᐃᑎᓴᐛᐤ ᐅᑯᓴ ᐅᑕ ᐊᔅᒋᒡ ᒐᒋ ᐱᒪᒋᐊᔨᒋ ᐊᐛᔪᐛ ᓇᒪ ᐎ ᒐᒋ ᐸᒋ ᓂᓱᐅᓇᒋᒪᔨᒋ᙮

ᒠᓐ 3:33

ᐊᓐ ᐊᐛᓐ ᑲ ᐅᑎᓂᒺᑦ ᑕᓐ ᐊ ᐃᔅᒋᔄᔨᒋ ᐊᑯᑕ ᐊ ᓄᑯᓂᔨᒡ ᐊ ᑕᑈᑕᐧᒃ ᒋᓴᒪᓂᑐᐛ ᐊ ᑕᑈᐅᒐᔨᑕᑯᓯᔨᒋ᙮

ᒠᓐ 6:68

ᒂ ᐃᓯ ᐎᑎᒪᑯᑦ ᓴᐃᒥᓐ ᐱᑕᕋ ᐊ ᐃᑎᑯᑦ, “ᐅᑎᐸᔨᒋᒐᐤ, ᐊᐛᓐ ᒪᒃ ᒐ ᓂᑐᐛᐱᒥᒋᒡ ? ᒋᑦ ᐃᔨᒧᐅᓂᒡ ᐊᑯᑕ ᐛᒋ ᑎᒂᒡ ᑲᒋᒡ ᐱᒪᑎᓯᐅᓐ᙮

ᒠᓐ 8:42

ᐊᑯ ᒋᓴᔅ ᒂ ᐃᑕᑦ, “ᑕᑈ ᒋᓴᒪᓂᑐᐤ ᐛᑕᐎᐛᒂ, ᒋᐸ ᓴᒋᐃᓇᐛᐤ ᐛᔅ ᒋᓴᒪᓂᑐᐤ ᐊ ᑕᑦ ᓂ ᐅᒋᓐ ᑭᔭ ᐅᑕ ᐱᔭᒋ ᑕᔭᓐ᙮ ᓇᒪ ᓂᔾ ᓂ ᐅᒋ ᐸᒋ ᐃᑎᓴᐅᓱᓐ, ᐎᔾ ᒋᓴᒪᓂᑐᐤ ᓂᒋ ᐸᒋ ᐃᑎᓴᐅᒄ᙮

1 ᑯᕆᓐᑎᔭᓇ 11:23

ᒪᐅᔭᔪᐤ ᑲ ᐃᓯ ᒋᔅᑯᑎᒧᐅᑦ ᐅᑎᐸᔨᒋᒐᐤ, ᐊᐅᒄ ᐅ ᑲ ᐃᓯ ᐊᓱᐤ ᒋᔅᑯᑎᒪᑎᑯᒡ᙮ ᐊᓂᔭ ᑲ ᑎᐱᔅᑲᔨᒡ ᒐ ᐎᔭᓯᐱᔅᑎᓇᑭᓄᐅᑦ ᐅᑎᐸᔨᒋᒐᐤ ᒋᓴᔅ, ᒋ ᐎᒋᒥᒋᓱᒪᐤ ᐅᒋᔅᒋᓄᐊᒧᐛᑭᓇ᙮ ᒋ ᐅᑎᓇᐤ ᒪᒃ ᐸᒂᓯᑭᓇ᙮

1 ᑯᕆᓐᑎᔭᓇ 15:1

ᐊᑯ ᒪᒃ ᐛ ᒋᔅᒋᓱᒥᑎᑯᒡ, ᓂᐧᑲᓂᓯᑐᒄ, ᐊᓐ ᒥᔽᒋᒧᐅᓐ ᑲ ᐊᔨᒧᑎᒪᓐ ᑲ ᑭᒐᔅᒋᒥᑎᑯᒡ, ᔅᒋ ᑕᑈᑕᓇᐛᐤ ᑭᔭ ᔅᒋ ᐅᑎᓇᓇᐛᐤ ᑕᓐ ᑲ ᐃᓯ ᐎᑎᒪᓐ᙮ ᐊᐅᒄ ᒥᔽᒋᒧᐅᓐ ᐊᔨᒋᑲᐳᐃᑯᔭᒄ᙮

1 ᑕᓴᓗᓂᔭᓇ 2:13

ᒪᐅ ᒥᓐ ᐛᒋ ᒧᔅ ᓂᓇᔅᑯᒥᒋᒡ ᒋᓴᒪᓂᑐᐤ᙮ ᐃᔅᐱ ᑲ ᐸᒋ ᐛᐎᑎᒪᑕᒡ ᑕᓐ ᑲ ᐃᓯ ᒥᔨᑯᔭᒡ ᒋᓴᒪᓂᑐᐤ ᒐᒋ ᐃᓯ ᐛᐎᑎᒪᒡ ᐃᔭᒂ ᔅᒋ ᓂᑐᑕᓇᐛᐤ ᑭᔭ ᔅᒋ ᑕᑈᑕᓇᐛᐤ᙮ ᓇᒪ ᐎᔾ ᓇᐸᐤ ᐅᑦ ᐃᔨᒧᐅᓐ ᒋ ᐅᒋ ᐃᑕᔨᑕᓇᐛᐤ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑕᑈ ᒪᒃ ᒋᓴᒪᓂᑐᐤ ᐅᔭ ᐅᑦ ᐃᔨᒧᐅᓐ᙮ ᑎᑯᓐ ᒪᒃ ᐊ ᐃᓯ ᐊᑐᔅᒐᒥᑲᒡ ᒋᐱᒪᑎᓯᐅᓄᐛᒡ ᐊᓐ ᑲ ᐃᓯ ᐛᐎᑎᒪᑕᒡ᙮

1 ᑕᓴᓗᓂᔭᓇ 4:1

ᒪᔅᑕᔾ ᒪᒃ ᓂᐧᑲᓂᓯᑐᒄ, ᔅᒋ ᒋᔅᑯᑎᒪᑎᓇᓐ ᑕᓐ ᒋᐸ ᐃᓯ ᐱᒪᑎᓯᓇᐛᐤ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ᙮ ᐊᐅᒄ ᒪᒃ ᑕᑈ ᐊ ᐃᓯ ᐱᒪᑎᓯᔭᒄ᙮ ᒋ ᐱᑯᓴᔨᒥᑎᓇᓐ ᒪᒃ ᑭᔭ ᒋ ᓯᒋᒥᑎᓇᓐ ᓱᒃ ᐊᑐᐎᔅ ᐅ ᒐᒋ ᐃᑎᔭᒄ ᐊ ᓇᓴᐛᒄ ᑭᔭ ᒋᔨᐛᐤ ᐅᑎᐸᔨᒋᒐᐤ ᒋᓴᔅ᙮

1 ᒠᓐ 4:14

ᓂᒋ ᐛᐸᑕᓇᓐ ᑭᔭ ᓂᒋ ᐎᑕᓇᓐ ᐅᑕᐎᒪᐤ ᐊᒋ ᐸᒋ ᐃᑎᓴᐛᑦ ᐅᑯᓯᒪᐛ ᒐᒋ ᐱᒪᒋᑕᔨᒋ ᐊᔅᒋᔪᐤ᙮

ᒋᔅᒐᔨᑕᑯᑕᒐᐅᓐ 1:1

ᐊᐅᒄ ᐅᔭ ᑲ ᐃᓯ ᐛᐸᑎᔨᐛᑦ ᒋᓴᔅ, ᒋᓴᒪᓂᑐᐛ ᒋ ᒥᔨᑯᐤ ᒐᒋ ᒋᔅᒐᔨᑎᒥᐊᑦ ᐊᓂᔭ ᑲ ᐊᑐᔅᑯᐛᔨᒋ ᒋᓴᒪᓂᑐᐛ ᑕᓐ ᒐ ᐃᔅᐱᔨᒡ ᐎᐱᒡ᙮ ᓂᔾ, ᒠᓐ, ᒋᓴᒪᓂᑐᐛ ᑲ ᐊᑐᔅᑯᐛᑦ, ᓂᒋ ᐃᑎᓴᐊᒪᒄ ᙭ ᐊᓐᒋᓇ ᒐᒋ ᐸᒋ ᐎᑎᒧᔨᒋ ᑕᓐ ᐊᓂᔭᔪᐛ ᓴᔅ ᐎᐱᒡ ᒐ ᐃᔅᐱᔨᒋ᙮