ᒠᓐ 17:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒪᐅᑕ ᒪᒃ ᒐᒋ ᐅᒋ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ, ᒋᔅᒐᔨᒥᔅᒐ ᒋᔾ ᒥᒄ ᐊ ᐸᐃᑯᓯᔨᓐ ᐊ ᒋᓴᒪᓂᑐᐎᔨᓐ, ᑭᔭ ᒋᔅᒐᔨᒪᒐ ᒋᓴᔅ ᙭ᑕ, ᐊᓂᔭ ᑲ ᐸᒋ ᐃᑎᓴᐅᒥᑎ᙮

ᒠᓐ 17:3 Iomraidhean Croise

ᑎᐱᑦ ᐅᓂᑭᒧᐅᓇ 9:10

ᐊᓐᒡ ᒪᒃ ᑲ ᒋᔅᒐᔨᑕᒡ ᒋᑦ ᐃᓯᓂᐧᑲᓱᐅᓂᔪᐤ ᒋᑭ ᒪᒥᓯᑐᑕᑯᒡ᙮ ᐛᔅ ᒋᔾ, ᑎᐸᔨᒋᒐᓱᐤ, ᓇᒪᐎᔾ ᒋᑭ ᐛᐱᓇᐅᒡ ᐊᓐᒡ ᑲ ᓇᓂᑐᐛᔨᒥᔅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:37

“ᐊᐛᓐ ᐊ ᐅᑎᓇᑦ ᐸᐃᒄ ᐊᐛᓴ ᓂᑦ ᐃᓯᓂᐧᑲᓱᐅᓂᒡ ᐅᒋ, ᒧᔭᒻ ᑭᔭ ᓂᔾ ᐊ ᐅᑎᓂᑦ ᐊᐅᑯᓐ ᐊ ᐃᓯᓇᑯᓂᔨᒡ᙮ ᐊᓐ ᒪᒃ ᐊᐛᓐ ᑲ ᐅᑎᓂᑦ ᓇᒪᔭᐤ ᓂᔾ ᐛᑎᓂᑦ, ᐊᓂᔭᔪᐛ ᑲ ᐸᒋ ᐃᑎᓴᐅᔨᒋ ᐊᐅᑯᓂ ᐊᓂᔭ ᐛᑎᓇᑦ᙮”

ᓗᒃ 9:48

“ᐊᐛᓐ ᐊ ᐅᑎᓇᑦ ᐸᐃᒄ ᐅᔭ ᐊᐛᓴ ᓂᑦ ᐃᓯᓂᐧᑲᓱᐅᓂᒡ ᐅᒋ, ᒧᔭᒻ ᑭᔭ ᓂᔾ ᐊ ᐅᑎᓂᑦ ᐊᑯᓐ ᐊ ᐃᓯᓇᑯᓂᔨᒡ᙮ ᐊᓐ ᒪᒃ ᐊᐛᓐ ᑲ ᐅᑎᓂᑦ ᓇᒪᔭᔪᐤ ᓂᔾ ᑲ ᐅᑎᓂᑦ, ᐊᓂᔭᔪᐛ ᑲ ᐸᒋ ᐃᑎᓴᐅᔨᒋ ᐊᐅᒄ ᐊᓂᔭ ᐛᑎᓇᑦ᙮ ᐛᔅ ᐊᓐ ᐊᐛᓐ ᒪᐅᒡ ᔭᓯᒄ ᑲ ᐃᑕᔨᑕᑯᓯᑦ ᐊᓐᑕ ᐊ ᑎᓯᔭᒄ ᐊᐅᑯᓐ ᐊᓐ ᒪᐅᒡ ᒐᔅᑕᔨᑕᑯᓯᑦ᙮”

ᒠᓐ 10:36

ᓂᔾ ᒪᒃ, ᐅᑕᐎᒪᐤ ᓂᒋ ᐅᑎᓂᒄ ᑭᔭ ᓂᒋ ᐸᒋ ᐃᑎᓴᐅᒄ ᐅᑕ ᐊᔅᒋᒡ᙮ ᑕᓐᑕ ᒐᒋ ᐅᒋ ᐃᔅᒋᔄᔭᒄ ᐊ ᐸᔅᑕᒧᔭᓐ ᐊ ᐃᔅᒋᔄᔭᓐ, ᐊᐅᒄ ᓂᔾ ᒋᓴᒪᓂᑐᐤ ᐅᑯᓴ ?

ᒠᓐ 11:42

ᓂ ᒋᔅᒐᔨᑕᓐ ᒧᔅ ᐊ ᐸᒋ ᓂᑐᑐᔨᓐ, ᒥᒄ ᒪᒃ ᓂᑦ ᐃᔅᒋᔄᓐ ᐅ ᒐᒋ ᑕᑈᑕᒡ ᐅᒡ ᐃᔪᒡ ᒋᔾ ᐊᒋ ᐸᒋ ᐃᑎᓴᐎᔨᓐ᙮”

ᒠᓐ 14:26

ᐊᓂᔭ ᑲ ᐸᔭᒋᓯᔨᒋ ᐊᒐᒂ ᓄᑕᐎᔾ ᒐ ᐸᒋ ᐃᑎᓴᐊᒪᑕᒄ ᓂᑦ ᐃᓯᓂᐧᑲᓱᐅᓂᒡ ᐅᒡ ᐊᐅᑯᓐ ᐊᓐ ᒥᓯᐛ ᒐᒂᔪᐤ ᒐ ᒋᔅᑯᑎᒪᑕᒄ ᑭᔭ ᒋᑭ ᒋᔅᒋᒥᑯᐛᐤ ᒥᓯᐛ ᒐᒂᔪᐤ ᑲ ᐃᓯ ᐎᑎᒪᑎᑯᒡ᙮”

ᒠᓐ 17:18

ᓂᔾ ᐊᑯ ᐊ ᐃᑎᓴᐅᒂᐤ ᐅᑕ ᐊᔅᒋᒡ ᒧᔭᒻ ᒋᔾ ᑲ ᐃᓯ ᐸᒋ ᐃᑎᓴᐎᔨᓐ ᐅᑕ ᐊᔅᒋᒡ᙮

ᒠᓐ 17:21

ᑭᒪ ᐃᓯᓇᑯᓱᒡ ᐅᒡ ᒐᒋ ᐸᐃᑯᒡ᙮ ᓄᑕ, ᒋ ᓂᑐᑎᒪᑎᓐ ᒐᒋ ᐱᒋᔅᑲᑕᐧᑯᒡ ᒧᔭᒻ ᒋᔾ ᐊ ᐃᓯ ᐱᒋᔅᑯᐎᔨᓐ ᑭᔭ ᒐᒋ ᐅᒋ ᑕᑈᑕᒡ ᐊᐛᓐᒋ ᐅᑕ ᐊᔅᒋᒡ ᐊ ᑕᒡ ᑕᑈ ᒋᔾ ᐊᒋ ᐸᒋ ᐃᑎᓴᐎᔨᓐ᙮

ᒠᓐ 17:23

ᓂᔾ ᐊ ᐱᒋᔅᑯᐅᒂᐤ ᑭᔭ ᒋᔾ ᐊ ᐸᒋ ᐱᒋᔅᑯᐎᔨᓐ ᐊᑯᑕ ᒐᒋ ᐅᒋ ᓇᔅᒡ ᐸᐃᑯᒡ᙮ ᐊᑯᑕ ᒪᒃ ᒐᒋ ᐅᒋ ᑕᑈᑕᒡ ᐊᐛᓐᒋ ᐅᑕ ᐊᔅᒋᒡ ᐊ ᑕᒡ ᒋᔾ ᑕᑈ ᐊᒋ ᐸᒋ ᐃᑎᓴᐎᔨᓐ ᑭᔭ ᑕᑈ ᐊ ᓴᒋᐃᑥᐤ ᒧᔭᒻ ᓂᔾ ᐊ ᐃᔅᐱᔅ ᓴᒋᐃᔨᓐ᙮”

ᒠᓐ 17:25

“ᓄᑕ, ᒋᔾ ᒧᔅ ᑲ ᑯᐃᔅᒄ ᐃᑎᔨᓐ, ᓇᒪ ᒋ ᒋᔅᒐᔨᒥᑯᒡ ᐊᓐᒡ ᐊᐛᓐᒋ ᐊᑲ ᐊᐱᑕᔨᒥᔅᒡ ᐅᑕ ᐊᔅᒋᒡ, ᓂᔾ ᒪᒃ ᐎ ᒋ ᒋᔅᒐᔨᒥᑎᓐ᙮ ᐅᒡ ᒪᒃ ᑭᔭ ᑲ ᐸᒋ ᒥᔨᓐ ᒋᔅᒐᔨᑎᒧᒡ ᑕᑈ ᒋᔾ ᐊᒋ ᐸᒋ ᐃᑎᓴᐎᔨᓐ᙮

ᒠᓐ 17:8

ᓂᒋ ᐎᑎᒧᐛᐅᒡ ᑕᓐ ᑲ ᐃᓯ ᒥᔨᓐ ᒐᒋ ᐎᑎᒧᐅᒂᐤ᙮ ᒋ ᐅᑎᓂᒧᒡ ᒪᒃ ᑕᓐ ᑲ ᐃᓯ ᐎᑎᒧᐅᒂᐤ᙮ ᒋᔅᒐᔨᑎᒧᒡ ᑕᑈ ᒋᔾ ᐊᒋ ᐸᒋ ᐃᑎᓴᐎᔨᓐ ᑕᑈᑎᒧᒡ ᑭᔭ ᐅᔭ᙮”

ᒠᓐ 3:17

ᐛᔅ ᒋᓴᒪᓂᑐᐤ ᒋ ᐸᒋ ᐃᑎᓴᐛᐤ ᐅᑯᓴ ᐅᑕ ᐊᔅᒋᒡ ᒐᒋ ᐱᒪᒋᐊᔨᒋ ᐊᐛᔪᐛ ᓇᒪ ᐎ ᒐᒋ ᐸᒋ ᓂᓱᐅᓇᒋᒪᔨᒋ᙮

ᒠᓐ 3:34

ᐊᓐ ᑲ ᐸᒋ ᐃᑎᓴᐅᑯᑦ ᒋᓴᒪᓂᑐᐛ ᐃᔅᒋᔄᐤ ᑕᓐ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᒐᒋ ᐃᔅᒋᔄᑦ ᑭᔭ ᓇᔅᒡ ᐱᒋᔅᑲᑯᐤ ᒋᓴᒪᓂᑐᐛ ᐅᑦ ᐊᒐᐧᑯᔪᐛ᙮

ᒠᓐ 5:44

ᑕᓐᑕ ᒐᒋ ᐅᒋ ᑕᑈᑎᒪᒄ ᒥᒄ ᓇᐸᐤ ᐊ ᐎ ᓂᓇᐃᑎᒪᐊᒄ ᐊᑲ ᐎ ᓂᓇᐃᑎᒪᐊᒄ ᒋᓴᒪᓂᑐᐤ ?”

ᒠᓐ 6:57

ᓄᑕᐎᔾ ᐊᓐ ᑲ ᒥᔨᐛᑦ ᐱᒪᑎᓯᐅᓂᔪᐤ ᓂᒋ ᐸᒋ ᐃᑎᓴᐅᒄ ᑭᔭ ᓂ ᒥᔨᒄ ᐱᒪᑎᓯᐅᓂᔪᐤ᙮ ᐊᐅᑯᓐ ᒪᒃ ᒧᔭᒻ ᑭᔭ ᐎᔾ ᐊᓐ ᐊᐛᓐ ᑲ ᒥᒋᑦ ᓂᔭᓯᔪᐤ, ᓂᑭ ᒥᔭᐤ ᒐᒋ ᐱᒪᑎᓯᑦ᙮

ᒠᓐ 7:29

ᒥᒄ ᒪᒃ ᓂ ᒋᔅᒐᔨᒪᐤ ᓂᔾ ᐛᔅ ᐎᔾ ᐊ ᑕᑦ ᓂ ᐅᒋᐛᓐ ᑭᔭ ᐎᔾ ᓂᒋ ᐸᒋ ᐃᑎᓴᐅᒄ᙮”

ᒠᓐ 8:19

ᐊᑯ ᒂ ᐃᑕᒡ, “ᑕᓐᑕ ᐊ ᑕᑦ ᒍᑕᐎᔾ ?” ᒋᓴᔅ ᒂ ᐃᓯ ᐎᑎᒧᐛᑦ, “ᓇᒪ ᑕᑈ ᒋ ᒋᔅᒐᔨᒥᓇᐛᐤ ᑭᔭ ᓄᑕᐎᔾ ᓇᒪ ᒋ ᒋᔅᒐᔨᒪᐛᐤ᙮ ᐛᔅ ᒋᔅᒐᔨᒥᔭᒄ ᓄᑕᐎᔾ ᑭᔭ ᒋᐸ ᒋᔅᒐᔨᒪᐛᐤ᙮”

1 ᑯᕆᓐᑎᔭᓇ 15:34

ᐎ ᐛᔅᑭᒪᔨᑎᒧᒄ ᒪ᙮ ᐊᑯᓐ ᐊᑯ ᐃᔅᐱᔅ ᒥᒋᑐᑎᒧᒄ᙮ ᒋᐸ ᓴᒂᔨᒧᓇᐛᐤ ᐊ ᐃᑎᑎᑯᒡ ᐱᔅᒐ ᐊᓐᑕ ᐊ ᑎᓯᔭᒄ ᐊᑲ ᒋᔅᒐᔨᒪᒄ ᒋᓴᒪᓂᑐᐤ᙮

1 ᑯᕆᓐᑎᔭᓇ 8:4

ᐊᑯ ᒪᒃ ᐛ ᐊᔨᒧᑎᒪᓐ ᐊ ᒥᒋᓇᓄᐅᒡ ᒥᒋᒻ ᒥᓂᑐᐧᑲᓐᒡ ᐊᒋ ᐱᔅᑎᓂᒧᐛᑭᓄᐎᒡ᙮ ᒋᐛᐱᒪᓄᐅᒡ ᒥᓂᑐᐧᑲᓐᒡ ᒥᒄ ᒪᒃ ᒋ ᒋᔅᒐᔨᑕᓇᓄᐤ ᐊᑲ ᓇᔅᒡ ᒐᒂᓂᒡ ᐃᑕᔨᑕᑯᓯᒡ᙮ ᑭᔭ ᒋ ᒋᔅᒐᔨᑕᓇᓄᐤ ᐊᑲ ᑕᑦ ᑯᑎᒃ ᐊᐛᓐ ᐊ ᒋᓴᒪᓂᑐᐅᑦ, ᒥᒄ ᒋᓴᒪᓂᑐᐤ᙮

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮

ᐱᓕᐱᔭᓇ 3:10

ᓇᒪ ᓂ ᐅᒋ ᐊᐱᑕᔨᑎᒥᐃᑯᓐ ᒥᓯᐛ ᐅᔭ ᒐᒂᔪᐛ ᐊᑐᐎᔅ ᒐᒋ ᒋᔅᒐᔨᒥᒃ ᙭, ᒐᒋ ᒋᔅᒐᔨᑎᒧᒡ ᓂᐱᒪᑎᓯᐅᓂᒡ ᐊᓂᔭᔪᐤ ᓱᐧᑲᑎᓯᐅᓂᔪᐤ ᑲ ᐅᓂᔅᑲᓂᑯᑦ ᑲ ᓂᐱᑦ, ᒐᒋ ᓂᓇᐧᑲᑕᔨᒧᔭᓐ ᑭᔭ ᓂᔾ ᑕᓐ ᑲ ᐃᓯ ᓂᓇᐧᑲᑕᔨᒧᑦ ᐎᔾ ᑭᔭ ᒐᒋ ᐱᔅᑎᓂᓱᔭᓐ ᑭᔭ ᓂᔾ ᒐᒋ ᓂᐱᔭᓐ ᒧᔭᒻ ᐎᔾ ᑲ ᐃᓯ ᐱᔅᑎᓂᓱᑦ᙮

ᐱᓕᐱᔭᓇ 3:8

ᓇᒪ ᒪᒃ ᒥᒄ ᐊᓂᔭᔪᐛ ᒐᒂᔪᐛ ᑲ ᐊᔨᒧᑎᒪᓐ ᓂ ᐅᒋ ᐛᐱᓇᓐ᙮ ᒥᓯᐛ ᑯᑎᒡ ᒐᒂᓐ ᓇᒪ ᓇᔅᒡ ᓂᑦ ᐊᐱᑕᔨᑎᒥᐃᑯᓐ ᐊᔅᐱᔅ ᐊᑐᐎᔅ ᐃᑕᔨᑕᒂᒡ ᐊ ᒋᔅᒐᔨᒥᒃ ᙭ ᒋᓴᔅ ᑕᑈ ᐊ ᐅᑎᐸᔨᒋᒐᒥᔭᓐ᙮ ᐎᔾ ᐅᒋ ᐊᐅᒄ ᐛᒋ ᐊᑲ ᐊᐱᑕᔨᑎᒥᐃᑯᔭᓐ ᒥᓯᐛ ᐅᔭ ᒐᒂᔪᐛ, ᐛᐱᓇᓱᐅᓐ ᓂᑦ ᐃᑕᔨᑎᒥᐃᑯᓐ ᐅᔭ ᒐᒂᔪᐛ, ᐎᔾ ᒐᒋ ᐎᒐᐅᒃ,

1 ᑕᓴᓗᓂᔭᓇ 1:9

ᑕᓐᑕ ᒥᒄ ᑲ ᐊᑎ ᐃᑐᑕᔭᒡ ᐊᔨᒧᑎᒧᒡ ᐊᐛᓐᒋ ᐊᒋ ᐸᑕᒡ ᑕᓐ ᑲ ᐃᓯ ᒥᔪᐧᑯᐅᔭᒡ ᒋᔨᐛᐤ ᑕᓴᓗᓇᐃᑲ ᑲ ᐅᒋᔭᒄ ᑲ ᓂᑐᐛᐱᒥᑕᒡ᙮ ᐊᔨᒧᑎᒧᒡ ᑭᔭ ᑕᓐ ᑲ ᐃᓯ ᐳᓂᐛᒄ ᐊ ᐊᔭᒥᐊᔅᑐᐛᒄ ᒥᓂᑐᐧᑲᓐ ᒐᒋ ᓂᓇᐃᑐᒪᑯ ᑭᔭ ᒐᒋ ᐊᑐᔅᑯᒪᑯ ᐊᓂᔭᔪᐛ ᑕᑈ ᒐᓴᒪᓂᑐᔨᒋ ᑭᔭ ᑕᑈ ᐸᒪᑎᓯᔨᒋ,

2 ᑕᓴᓗᓂᔭᓇ 1:8

ᐃᔅᑯᑕᔪᐤ ᐊ ᐛᔭᑕᐱᔨᒡ ᒋᑭ ᐊᐱᒋᑕᐤ ᐛᐛᓯᐊᒐ ᐊᓂᔭ ᐊᑲ ᒋᔅᒐᔨᒪᔨᒋ ᒋᓴᒪᓂᑐᐛ ᑭᔭ ᐊᓂᔭᔪᐛ ᐊᑲ ᓂᓇᐊᔨᑎᒥᔨᒋ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᐅᑎᐸᔨᒋᒐᐛ ᒋᓴᓴ᙮

ᐃᑉᕈᐛ 3:1

ᓂᐧᑲᓂᓯᑐᒄ ᑲ ᐸᔭᒋᓯᔭᒄ, ᑭᔭ ᒋᔨᐛᐤ ᒋᓴᒪᓂᑐᐤ ᑲ ᑕᑈᑎᑕᒄ᙮ ᒪᒥᑐᓇᔨᒪᐧᒄ ᒪ ᒋᓴᔅ, ᐊᐅᑯᓂ ᐅᔭ ᒋᓴᒪᓂᑐᐤ ᐅᑦ ᐃᑎᓴᐛᑭᓇ᙮ ᑭᔭ ᐊᐅᒄ ᐅ ᐛᒋᓴᐊᔭᒥᐊᐅᒋᒪᒥᔭᐧᒄ᙮ ᒋ ᐎᒋᐃᑯᓄᐤ ᓇᔅᒡ ᒐᒋ ᑕᑈᑎᒪᐧᒄ ᑭᔭ ᒐᒋ ᐎᑎᒪᐧᒄ ᑕᓐ ᐊ ᐃᓯ ᑕᑈᑎᒪᐧᒄ᙮

2 ᐱᑕᕐ 1:2

ᓱᐛᔨᒋᒐᐅᓐ ᑭᔭ ᒋᔭᒪᔨᑎᒧᐅᓐ ᒋᑭ ᐎ ᐊᔭᒋᑎᒪᑯᐅᓇᐛᐤ ᐊᓐ ᐅᒋ ᐊ ᒋᔅᒐᔨᒪᒄ ᒋᓴᒪᓂᑐᐤ ᑭᔭ ᒋᓴᔅ ᒋᑎᐸᔨᒋᒐᓯᒥᓄᐤ᙮

2 ᐱᑕᕐ 1:3

ᒋ ᒋᔅᒐᔨᒪᓄᐤ ᐊᑯ ᒋᓴᔅ ᙭ ᒋᐱᒪᑎᓯᐅᓇᒡ, ᐊᓐ ᐊᐛᓐ ᑲ ᑕᑈᑎᑕᒄ ᒐᒋ ᒋᔅᒐᔨᑎᒥᐃᑕᒄ ᐎᔾ ᑎᐱᔨᐛ ᐅᒋᔅᑕᔨᑕᑯᓱᐅᓐ ᑭᔭ ᐅᒋᓴᒪᓂᑐᐛᑎᓯᐅᓐ᙮ ᐊᑯᑕ ᒪᒃ ᐅ ᐅᒋ, ᐅᔭ ᐊ ᒋᔅᒐᔨᒪᐧᒄ ᒋᓴᔅ, ᒋᓴᒪᓂᑐᐤ ᐎᔾ ᐅᓱᐧᑲᑎᓯᐅᓂᒡ ᐅᒡ ᓴᔅ ᒥᓯᐛ ᔅᒋ ᒥᔨᑯᓄᐤ ᑕᓐ ᐊ ᐃᓯ ᓂᑐᐛᔨᑕᑯᓂᔨᒡ ᒋᐱᒪᑎᓯᐅᓇᒡ ᑕᑈ ᐎᔾ ᐊ ᑕᑦ ᒐᒋ ᐃᓯ ᐱᒪᑎᓯᔭᐧᒄ᙮

2 ᐱᑕᕐ 1:8

ᐊᐅᑯᓐ ᒪᒃ ᐅᔭ ᒐᒂᔪᐤ ᐊᔭᔅᒃ ᒋᐸ ᐛᔪᐅᒡ ᐊᔭᓇᐛᐤ ᒋᐱᒪᑎᓯᐅᓄᐛᒡ᙮ ᐛᔅ ᒧᔭᒻ ᑕᑈ ᐛᔪᐅᒡ ᐊᔭᔭᒂ, ᒋᑭ ᐃᑐᑕᑯᓇᐛᐤ ᑕᑈ ᒐᒋ ᐛᔪᐅᒡ ᐊᑐᔅᑯᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐊᓂᔭ ᑕᓐ ᐊ ᐃᓯ ᒋᔅᒐᔨᒪᒄ ᒋᐱᒪᑎᓯᐅᓄᐛᒡ᙮ ᑭᔭ ᓇᔅᒡ ᑕᑈ ᒋᑭ ᒥᔪ ᐊᑐᔅᑯᐛᐛᐤ᙮

1 ᒠᓐ 1:2

ᐛᔅ ᐊᓂᒪ ᐱᒪᑎᓯᐅᓐ ᒋ ᓄᑯᑕᑭᓄᐤ᙮ ᓂᒋ ᐛᐸᑕᓇᓐ ᒪᒃ, ᑭᔭ ᓂ ᑎᐸᑕᓇᓐ ᒪᒃ ᐊᓂᒪ ᑲᒋᒡ ᐱᒪᑎᓯᐅᓐ, ᑲᒋ ᐎᒋᒥᑯᑦ ᐅᑕᐎᒪᐤ ᑭᔭ ᑲᒋ ᐛᐸᑎᔨᑯᐅᔭᒡ᙮

1 ᒠᓐ 1:3

ᐊᓂᒪ ᑲᒋ ᐛᐸᑎᒪᒡ ᑭᔭ ᑲᒋ ᐸᑎᒪᒡ ᒋ ᐎ ᐊᔨᒧᑎᒪᑎᓇᓐ ᑭᔭ ᒋᔨᐛᐤ ᒐᒋ ᒋᔅᒐᔨᒪᒄ ᒧᔭᒻ ᓂᔭᓐ ᐊ ᐃᓯ ᒋᔅᒐᔨᒥᒋᒡ᙮ ᐊᑯ ᒪᒃ ᒐᒋ ᐃᓯ ᐎᒐᐎᔭᒡ ᐊ ᐃᓯ ᐎᒐᐅᒋᒡ ᐅᑕᐎᒪᐤ ᑭᔭ ᐅᑯᓴ ᒋᓴᔅ ᙭ᑕ᙮

1 ᒠᓐ 2:23

ᐛᔅ ᐊᐛᓐ ᑲ ᐊᑐᐛᔨᒪᑦ ᐅᑯᓯᓯᒪᐛ, ᐊᑐᐛᔨᒪᐤ ᑭᔭ ᐅᑕᐎᒪᐛ᙮ ᐊᑯ ᒪᒃ ᐊᓐ ᐊᐛᓐ ᑲ ᐃᔅᒋᔄᑦ ᐊ ᑕᑈᔭᔨᒪᑦ ᐅᑯᓯᓯᒪᐛ, ᑕᑈᔭᔨᒪᐤ ᑭᔭ ᐅᑕᐎᒪᐛ᙮

1 ᒠᓐ 4:6

ᒋᔭᓄᐤ ᐎ ᒋᓴᒪᓂᑐᐤ ᔅᒋ ᐱᒪᒋᐃᑯᓄᐤ᙮ ᐊᓐ ᐊᐛᓐ ᑲ ᒋᔅᒐᔨᒪᑦ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᒋ ᓂᑐᑕᑯᓄᐤ ᑕᓐ ᐊ ᐃᔅᒋᔄᐛᐧᒄ᙮ ᐊᑯ ᐊᓐ ᐊᐛᓐ ᐊᑲ ᒋᔅᒐᔨᒪᑦ ᒋᓴᒪᓂᑐᐛ, ᓇᒪ ᒋ ᓂᑐᑕᑯᓄᐤ᙮ ᐊᑯᑕ ᐛᒋ ᒋᔅᒐᔨᒪᐧᒄ ᑕᑈᐅ-ᐊᒐᐧᒄ ᑭᔭ ᑲ ᐎᔭᓯᒧᐛᑦ ᐊᒐᐧᒄ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮