ᒠᓐ 17:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² “ᒪᒂᒡ ᑲ ᐎᒐᐅᒂᐤ ᓂᒋ ᑭᓄᐛᔨᒪᐅᒡ ᐊᓂᔭ ᐃᓯᓂᐧᑲᓱᐅᓂᔪᐤ ᑲ ᐸᒋ ᒥᔪᐅᑦ ᐅᒡ᙮ ᓂᒋ ᑭᓄᐛᔨᒪᐅᒡ, ᓇᒪ ᒪᒃ ᐛᒋ ᐸᐃᒄ ᐅᒋ ᐅᓂᓯᓄᐅᒡ ᒥᒄ ᐊᓐ ᑲ ᐃᑕᔨᑕᑯᓂᑯᐱᓇ ᒐ ᐅᓂᓯᐧᒃ ᒋ ᐅᓂᓯᓄᐤ᙮ ᒥᓯᐛ ᐅ ᑲ ᐃᔅᐱᔨᒡ ᒋ ᐃᔅᐱᔪᐤ ᒐᒋ ᑎᐱᐱᔨᒡ ᑕᓐ ᐊᑎᔅᑕᒡ ᒋᑦ ᐃᔨᒧᐅᓂᒡ᙮”

ᒠᓐ 17:12 Iomraidhean Croise

ᑎᐱᑦ ᐅᓂᑭᒧᐅᓇ 41:9

ᓂᐦᐃ, ᑎᐱᔨᐛ ᓂᐎᒐᐛᑭᓐ, ᑲ ᒪᒥᓯᑐᑐᐅᒃ, ᑲ ᒧᐛᑦ ᓂᐸᒂᓯᑭᓂᒪ, ᓂᒋ ᐅᐱᓇᒪᒄ ᐅᑐᑎᓐ᙮

ᒠᓐ 13:18

“ᓇᒪ ᒪᒃ ᒥᓯᐛ ᒋᑦ ᐊᔨᒧᒥᑎᓇᐛᐤ, ᓂ ᒥᔪ ᒋᔅᒐᔨᒪᐅᒡ ᐊᓐᒡ ᓂᔾ ᑲ ᐅᑎᓂᒂᐤ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐊᓐ ᓇᐸᐤ ᑲ ᐎᒋᒥᒋᓱᒥᑦ ᓂᑭ ᐎᔭᓯᐱᔅᑎᓂᒄ᙮ ᐊᐅᑯᓐ ᒪᒃ ᐅ ᓴᔅ ᐎᐱᒡ ᒋᐸ ᐃᔅᐱᔪᐤ᙮

ᒠᓐ 17:6

“ᓂᒋ ᐃᑐᑐᐛᐅᒡ ᐅᒡ ᓇᐸᐅᒡ ᑲ ᐸᒋ ᒥᔨᓐ ᐅᑕ ᐊᔅᒋᒡ ᐅᒡ ᒐᒋ ᒋᔅᒐᔨᒥᔅᒡ᙮ ᒋᔾ ᔅᒋ ᑎᐱᔨᐛᐅᓯᓐ ᐊᑯ ᒪᒃ ᑲ ᐸᒋ ᒥᔨᓐ᙮ ᒋ ᓂᓇᐃᑎᒧᒡ ᒪᒃ ᒋᑦ ᐃᔨᒧᐅᓂᔪᐤ᙮

ᒠᓐ 18:9

ᐊᐅᒄ ᐅᔭ ᑲ ᐃᔅᒋᔄᑦ ᒐᒋ ᑎᐱᐱᔨᒡ ᐊᓂᔭ ᓴᔅ ᐊᓐᑕ ᑲ ᐃᔅᒋᔄᑯᐱᓇ, “ᓄᑕ, ᓇᒪ ᓂ ᐅᒋ ᐅᓇᐊᐅᒡ ᐛᒋ ᐸᐃᒄ ᐊᓐᒡ ᑲ ᐸᒋ ᒥᔨᓐ᙮”

ᒠᓐ 6:37

ᒥᓯᐛ ᐊᓂᔭ ᐊᐛᔪᐛ ᐅᑕᐎᒪᐤ ᑲ ᐸᒋ ᒥᔨᑦ ᓂᑭ ᐸᒋ ᓇᑎᑯᒡ᙮ ᐊᓐ ᒪᒃ ᐊᐛᓐ ᒐ ᐸᒋ ᓇᓯᑦ ᓇᒪ ᓂᑕ ᓂᑭ ᐅᒋ ᐃᒐᓇᐤ᙮

ᐊᑈᔅᑕᓇᒡ 1:25

ᒐᒋ ᐅᑎᓇᐧᒃ ᐅᔭ ᐊᑐᔅᒐᐅᓂᔪᐤ ᐊᑈᔅᑕᓐ ᐊ ᐃᑕᐱᑎᓯᑦ, ᐊᓂᔭᔪᐤ ᒍᑎᔅ ᑲ ᓂᑭᑕᐧᒃ ᐃᔅᐱ ᑲ ᐃᑐᑕᑦ ᐊᓐᑕ ᐊᑲ ᐃᓯᓇᑯᓂᔨᒡ ᒐ ᐃᑐᑕᑯᐱᓇ᙮”

ᐱᓕᐱᔭᓇ 2:9

ᐊᐅᒄ ᒪᒃ ᐅᔭ ᐛᒋ ᒥᔨᑯᑦ ᒋᓴᒪᓂᑐᐛ ᒪᐅᒡ ᐊ ᓂᑲᓇᔨᑕᑯᓂᔨᒡ ᐊᐳᐅᓂᔪᐤ ᒥᓯᐛ ᐊᐛᔪᐛ ᒐ ᒋᔅᑕᔨᒥᑯᑦ᙮ ᑭᔭ ᒋᓴᒪᓂᑐᐛ ᒋ ᒥᔨᑯᐤ ᐃᓯᓂᐧᑲᓱᐅᓂᔪᐤ ᐊᑲ ᑎᑯᓂᔨᒡ ᑯᑎᒋᔪᐤ ᐃᓯᓂᐧᑲᓱᐅᓂᔪᐤ ᐊ ᐃᔅᐱᔅ ᒋᔅᑕᔨᑕᑯᓂᔨᒡ,

2 ᑕᓴᓗᓂᔭᓇ 2:3

ᐃᔭᒂᒥᒄ ᐊᑲ ᓇᔅᒡ ᒐᒋ ᐎᔭᓯᐃᑕᑯᒡ ᐊᐛᓐᒋ᙮ ᐊᔅᒄ ᐊᑲ ᐅᑎᒋᐱᔨᒐ ᐊᓐ ᐊ ᒋᓯᑲᒡ ᒥᒐᑦ ᐊᐛᓐᒋ ᒪᔅᑕᔾ ᒋᑭ ᓱᒐᔨᒧᑐᐛᐅᒡ ᒋᓴᒪᓂᑐᐛ᙮ ᑭᔭ ᒋᑭ ᓄᑯᐊᑭᓄᐤ ᐊᓐ ᐊᐛᓐ ᑲ ᒪᔭᑎᓯᑦ ᐊᑲ ᓇᔅᒡ ᑲ ᐊᐱᑕᔨᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ, ᐊᔪᐅᒄ ᐅᔭ ᒋᓴᒪᓂᑐᐤ ᐊᓐᑕ ᒥᒋ ᐃᔅᑯᑕᒡ ᒐ ᐃᑎᓴᐛᑦ ᒐᒋ ᓂᓱᐅᓇᑎᓯᔨᒋ᙮

ᐃᑉᕈᐛ 2:13

ᑭᔭ ᒋ ᐃᑕᐤ, “ᓇᔅᒡ ᓂᑭ ᒐᔅᑎᓇᑕᔨᒪᐤ ᒋᓴᒪᓂᑐᐤ᙮” ᐊᑯ ᒥᓐ ᒂ ᐃᔅᒋᔄᑦ, “ᒪᐅᑕ ᐊ ᑕᔭᓐ, ᐊᑯᑕ ᑭᔭ ᐅᑕ ᐊ ᑕᒡ ᓂᑦ ᐊᐛᓯᒥᒡ ᐊᓂᔭᔪᐛ ᒋᓴᒪᓂᑐᐤ ᑲ ᐸᒋ ᒥᔨᑦ᙮”

1 ᒠᓐ 2:19

ᐅᒡ ᒪᒃ ᐊᐛᓐᒋ ᓇᒪ ᒋᒋᐛ ᒋ ᐅᒋ ᐎᒐᐅᑯᓄᐅᒡ, ᐊᐅᒄ ᒪᒃ ᐅᔭ ᐛᒋ ᓂᑭᑎᑕᐧᑯᒡ᙮ ᐛᔅ ᑕᐸ ᒋ ᐛᐎᒐᐛᑭᓂᑕᑯᓄᐅᒡ, ᐊᔅᒄ ᒋᐸ ᐎᒐᐅᑯᓄᐅᒡ᙮ ᐊᓂᔭ ᒪᒃ ᑲ ᓂᑭᑎᑕᐧᑯᒡ, ᐊᑯᑕ ᑲ ᐅᒋ ᒥᔪ ᒋᔅᒐᔨᑕᑯᓂᔨᒡ ᐊᑲ ᒋᒋᐛ ᐅᒋ ᐎᒐᐅᑕᐧᑯᒡ᙮

ᒋᔅᒐᔨᑕᑯᑕᒐᐅᓐ 19:12

ᐅᔅᒋᓯᒂ ᒧᔭᒻ ᐃᔅᑯᑕᔪᐤ ᐊ ᒋᐧᑲᔭᔅᑐᐛᔨᒡ ᐊ ᐎᐧᑯᔭᐱᔨᒋ ᐃᓯᓇᑯᓂᔪᐛ᙮ ᒥᒐᓂᔪᐛ ᒋᓴᐅᒋᒪᐅᑯᓂᔎᐅᓇ ᐊ ᒋᔅᑲᐧᒃ᙮ ᒥᓯᓇᑕᔪᐤ ᐃᓯᓂᐧᑲᓱᐅᓂᔪᐤ ᐊᓐᑕ ᐊ ᑕᑦ ᐊᑲ ᐊᐛᔪᐛ ᒋᔅᒐᔨᑎᒥᔨᒋ᙮ ᒥᒄ ᐎᔾ ᒋᔅᒐᔨᑎᒻ ᐊᓂᔭ ᐃᓯᓂᐧᑲᓱᐅᓂᔪᐤ᙮