ᒠᓐ 16:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᒥᒄ ᒪᒃ ᑯᐃᔅᒄ ᐊ ᐎᑎᒪᑎᑯᒡ ᐃᐛᒃ ᐛᔅ ᐊᓐ ᒋᑭ ᐎᒋᐃᑯᓇᐛᐤ ᐊ ᔅᑐᑕᔭᓐ, ᐛᔅ ᐊᑲ ᔅᑐᑕᔭᓇ ᓇᒪ ᒋᑭ ᐅᒋ ᐸᒋ ᓂᑐᐛᐱᒥᑯᐛᐤ ᐊᓐ ᒐ ᐎᒋᐃᑕᒄ, ᔅᑐᑕᔭᓇ ᒪᒃ ᐊᐅᑯᓐ ᐊᓐ ᒐ ᐸᒋ ᐃᑎᓴᐊᒪᑎᑯᒡ᙮

ᒠᓐ 16:7 Iomraidhean Croise

ᑎᐱᑦ ᐅᓂᑭᒧᐅᓇ 68:18

ᐃᔅᐱᒥᒡ ᔅᒋ ᐃᓯ ᐅᐱᔅᑲᓐ, ᔅᒋ ᐱᒧᑕᑕᓐ ᐊᐛᑲᓱᐛᐅᓐ ᐊ ᐊᐛᐧᑲᓂᑲᑕᒡ: ᔅᒋ ᐅᑎᓇᓐ ᒥᔨᐛᐅᓇ ᐃᔪᒡ ᐅᒡ; ᓂᐦᐃ ᑲ ᐃᔨᐛᒧᑐᑕᒐᑦ ᐅᒋ ᑭᔭ, ᑎᐸᔨᒋᒐᓱᐤ ᒋᓴᒪᓂᑐᐤ ᒐᒋ ᐎᒋᒪᑦ᙮

ᓗᒃ 24:49

ᐊᑯ ᒪᒃ ᒐ ᐸᒋ ᐃᑎᓴᐊᒪᑎᑯᒡ ᐊᓐ ᑲ ᐸᔭᒋᓯᑦ ᐊᒐᐧᒄ ᐊᓂᔭᔪᐛ ᓄᑕᐎᔾ ᑲ ᐃᔅᒋᔄᑦ ᒐᔅᑎᓇᔅ ᒐ ᐸᒋ ᐃᑎᓴᐛᑦ᙮ ᐊᓱᐛᐱᒄ ᒪᒃ ᐊᓐᑕ ᒋᕈᓯᓕᒥᒡ ᐸᑐᔅ ᒋ ᐅᑎᑕᐅᑯᔭᒂ ᓱᒐᔨᑕᑯᓱᐅᓐ ᒋᒋᒋᓯᑯᒡ ᑲ ᐅᒋᐱᔨᒡ᙮”

ᓗᒃ 4:25

ᓂᑐᑎᒧᒄ ᒪ᙮ ᑕᑈᒥᑭᓐ ᐅ ᒐ ᐃᓯ ᐎᑎᒪᑎᑯᒡ᙮ ᒪᒂᒡ ᐊᓂᔭ ᐃᓚᐃᒐ ᑲ ᐱᒪᑎᓯᑦ ᒋ ᐱᒥᐱᔪᐤ ᐊ ᑯᐅᐧᑭᑕᓄᐅᒡ ᐊᓐᑕ ᐃᔅᕋᐃᓪ ᐊᔅᒋᒡ ᐊᑲ ᐅᒋ ᒋᒺᒡ ᓂᔅᑐᐳᓇ ᒪᒃ ᐳᔅᒄ ᐃᔅᐱᔅ᙮ ᒋ ᑕᐅᒡ ᒪᒃ ᐊᓐᑕ ᒥᒐᑦ ᐃᔎᐅᒡ ᐊ ᐸᐃᑯᓯᒡ᙮ ᓇᒪ ᒪᒃ ᐅᒋ ᐃᑎᓴᐛᑭᓄᐤ ᐃᓚᐃᒐ ᐛᐛᒡ ᐸᐃᒄ ᒐᒋ ᓂᑐᐛᐱᒪᑦ ᐅᔭ ᐃᔎᐛ ᒐᒋ ᐎᒋᐊᑦ᙮

ᓗᒃ 9:27

ᑕᑈ ᒋᑦ ᐃᑎᓇᐛᐤ, ᑕᑈ ᐊ ᑕᒡ ᐅᑕ ᐊᐛᓐᒋ ᒐ ᐛᐸᑕᒡ ᒋᓴᒪᓂᑐᐤ ᐅᒋᓴᐅᒋᒪᐅᓂᔪᐤ ᒪᒂᒡ ᐊᔅᒄ ᐊ ᐱᒪᑎᓯᒡ ᐅᑕ ᐊᔅᒋᒡ᙮”

ᒠᓐ 14:26

ᐊᓂᔭ ᑲ ᐸᔭᒋᓯᔨᒋ ᐊᒐᒂ ᓄᑕᐎᔾ ᒐ ᐸᒋ ᐃᑎᓴᐊᒪᑕᒄ ᓂᑦ ᐃᓯᓂᐧᑲᓱᐅᓂᒡ ᐅᒡ ᐊᐅᑯᓐ ᐊᓐ ᒥᓯᐛ ᒐᒂᔪᐤ ᒐ ᒋᔅᑯᑎᒪᑕᒄ ᑭᔭ ᒋᑭ ᒋᔅᒋᒥᑯᐛᐤ ᒥᓯᐛ ᒐᒂᔪᐤ ᑲ ᐃᓯ ᐎᑎᒪᑎᑯᒡ᙮”

ᒠᓐ 14:28

“ᔅᒋ ᐸᑐᐅᓇᐛᐤ ᑲ ᐃᑎᑎᑯᒡ, ‘ᒋᑭ ᓂᑭᑎᑎᓇᐛᐤ ᒥᒄ ᒪᒃ ᒥᓐ ᑲᐤ ᓂᑭ ᐸᒋ ᑎᑯᓯᓐ᙮’ ᒋ ᓴᒋᐃᔭᒄ ᒪᒃ ᒋᐸ ᒥᔽᔨᑕᓇᐛᐤ ᓄᑕᐎᔾ ᐊ ᑕᑦ ᐊ ᐃᑐᑕᔭᓐ, ᐛᔅ ᐎᔾ ᐃᐛᒃ ᓱᒐᔨᑕᑯᓱᐤ ᐃᔅᐱᔅ ᓂᔾ᙮

ᒠᓐ 14:3

ᒋᔅᑕᔭᓇ ᒪᒃ ᐊᓐᑕ ᒐ ᑕᔭᒄ, ᐊᑯ ᒐ ᐸᒋ ᓂᑐᐛᐱᒥᑎᑯᒡ ᐊᑯ ᒐ ᔅᑐᑕᐃᑎᑯᒡ ᐛᔅ ᒋ ᓂᑐᐛᔨᒥᑎᓇᐛᐤ ᒐᒋ ᑕᔭᒄ ᐊᓐᑕ ᐊ ᑕᔭᓐ᙮

ᒠᓐ 15:26

“ᒋᑭ ᐸᒋ ᑎᑯᓯᓐ ᐊᓐ ᐊᐛᓐ ᒐ ᐎᒋᐃᑕᐧᒄ, ᐊᐅᒄ ᑲ ᐸᔭᒋᓯᑦ ᐊᒐᐧᒄ᙮ ᓂᔾ ᓂᑭ ᐸᒋ ᐃᑎᓴᐛᐤ ᐊᓐᑕ ᐅᒋ ᐅᑕᐎᒪᐤ ᐊ ᑕᑦ᙮ ᒋᑭ ᐎᑎᒻ ᑕᑈᐅᓂᔪᐤ᙮ ᓂᔾ ᒪᒃ ᓂᑭ ᐊᔨᒧᒥᒄ᙮

ᒠᓐ 16:8

ᑎᑯᓯᒐ ᒪᒃ ᒋᑭ ᐃᑐᑐᐛᐤ ᐊᐛᔪᐛ ᒐᒋ ᓂᔅᑐᑎᒥᔨᒋ ᐊ ᐅᓂᐱᔨᒋ ᑕᓐ ᐊ ᐃᓯ ᑭᓄᐛᐸᑎᒥᔨᒋ ᒥᒋᑥᐅᓂᔪᐤ, ᑯᐃᔅᑯᑕᑎᓯᐅᓂᔪᐤ ᑭᔭ ᒋᓴᒪᓂᑐᐛ ᐅᑎᐸᔅᑯᓂᒐᐅᓂᔪᐤ᙮

ᒠᓐ 7:39

ᐊᔪᐅᒄ ᐅᔭ ᑲ ᐃᔅᒋᔄᑦ ᒋᓴᔅ ᐊ ᐊᔨᒧᒪᑦ ᑲ ᐸᔭᒋᓯᔨᒋ ᐊᒐᒂ, ᐊᓂᔭ ᒥᓯᐛ ᐊᐛᓐ ᑲ ᑕᑈᑕᐧᒃ ᒐ ᐊᔭᐛᑦ᙮ ᐊᓐᒡ ᑲ ᑕᑈᑕᒡ ᐊᔅᒄ ᓇᒪ ᐅᒋ ᒥᔭᑭᓄᐎᒡ ᐊᓂᔭᔪᐛ ᑲ ᐸᔭᒋᓯᔨᒋ ᐊᒐᒂ ᐛᔅ ᐊᔅᒄ ᓇᒪ ᐅᒋ ᓂᑐᐛᐱᒪᐤ ᒋᓴᔅ ᐅᑕᐎᒪᐛ ᒐᒋ ᒋᔅᑕᔨᑕᑯᐊᑭᓄᐅᑦ᙮

ᐊᑈᔅᑕᓇᒡ 10:34

ᐊᑯ ᒪᒃ ᐱᑕᕐ ᐊ ᐃᔨᒥᑦ, ᐊ ᐃᔅᒋᔄᑦ, “ᐊᑯ ᒪᒃ ᓇᔅᑐᑎᒪᓐ ᒋᓴᒪᓂᑐᐤ ᐸᐃᑯᓄᒡ ᒥᓯᐛ ᐊ ᐃᑕᔨᒪᑦ ᐊᐛᔪᐛ᙮

ᐊᑈᔅᑕᓇᒡ 2:33

“ᒋ ᐊᔭᑭᓄᐤ ᒋᓴᔅ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊ ᒋᔅᑕᔨᑕᑯᐊᑭᓄᐅᑦ᙮ ᐊᑯ ᐅᑕᐎᔭ ᒋᓴᒪᓂᑐᐛ ᑲ ᒥᔨᑯᑦ ᐊᓂᔭᔪᐤ ᒥᔨᐛᐅᓂᔪᐤ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔨᐛᔨᒋ ᐊᐅᑯᓐ ᐊᓂᔭᔪᐛ ᑲ ᐸᔭᒋᓯᔨᒋ ᐊᒐᒂ᙮ ᐅ ᒪᒃ ᐊᓄᒡ ᑲ ᐃᓯ ᐛᐱᒥᔭᒡ ᐊ ᑎᔭᒡ ᑭᔭ ᑲ ᐃᓯ ᐸᑐᐅᔭᒡ ᐊ ᐃᓯ ᐃᔨᒥᔭᒡ ᒋᓴᔅ ᓂ ᓯᒋᓂᒪᑯᓇᓐ ᑲ ᐸᔭᒋᓯᔨᒋ ᐊᒐᒂ ᐅ ᒐᒋ ᑎᔭᒡ᙮ ᐎᔾ ᒋᓴᔅ ᐊᔭᐤ ᒋᓴᐅᒋᒪᐅᓂᔪᐤ ᐅᔭ ᒐᒋ ᐃᑎᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:28

ᒋ ᒋᔅᒐᔨᑕᓇᓄᐤ ᒪᒃ ᒥᓯᐛ ᒐᒂᔪᐛ ᐊ ᐃᔅᐱᔨᒋ ᐅᐱᒪᑎᓯᐅᓂᔨᒡ ᐊᓂᔭᔪᐛ ᑲ ᓴᒋᐃᑯᑦ ᒋᓴᒪᓂᑐᐤ, ᐃᑐᑎᒧᐛᐤ ᒥᓯᐛ ᒐᒋ ᒥᔪᑐᑕᑯᔨᒋ᙮ ᐊᐅᑯᓐ ᐊ ᐃᑐᑎᒧᐛᑦ ᐊᓂᔭᔪᐛ ᐎᔾ ᑲ ᐃᑕᔨᑕᐧᒃ ᒐᒋ ᐅᑎᓇᑦ ᒐᒋ ᐅᑦ ᐃᔨᒥᑦ᙮

2 ᑯᕆᓐᑎᔭᓇ 4:17

ᓇᒪ ᓇᔅᒡ ᒐᒂᓐ ᐃᑕᔨᑕᑯᓐ ᑕᓐ ᐊ ᐃᓯ ᓂᒋᔅᑭᒪᐧᒄ ᑭᔭ ᐊᓐ ᑕᓐ ᐊ ᐃᓯ ᓂᒋᔅᑭᒪᐧᒄ ᓇᒪ ᓇᐅᔅ ᒋᑭ ᐅᒋ ᐱᒥᐱᔪᐤ᙮ ᐛᔅ ᒋ ᐎᒋᐃᑯᓇᓄᐤ ᒐᒋ ᐊᔭᔭᐧᒄ ᑲᒋᒡ ᒋᔅᑕᔨᑕᑯᓱᐅᓐ᙮ ᐊᑐᐎᔅ ᒪᒃ ᒥᔅᑎ ᐃᑕᔨᑕᑯᓐ ᐅ ᐃᔅᐱᔅ ᑕᓐ ᐊ ᐃᓯ ᓂᒋᔅᑭᒪᐧᒄ᙮