ᒠᓐ 16:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐊᐅᒄ ᐅᔭ ᒐ ᐃᑐᑕᑕᑯᒡ ᐛᔅ ᓇᒪ ᓂᑕ ᐅᒋ ᒋᔅᒐᔨᒪᐅᒡ ᐅᑕᐎᒪᐛ ᑭᔭ ᓂᔾ ᓇᒪ ᓂ ᐅᒋ ᒋᔅᒐᔨᒥᑯᒡ᙮”

ᒠᓐ 16:3 Iomraidhean Croise

ᓗᒃ 10:22

ᐊᑯ ᒋᓴᔅ ᐃᔅᐱ ᑲᒋ ᐃᓯ ᐊᔭᒥᐊᑦ ᒂ ᐃᑕᑦ ᐊᓂᔭ ᐊᓐᑕ ᐊ ᑕᔨᒋ, “ᓄᑕᐎᔾ ᒥᓯᐛ ᒐᒂᔪᐤ ᓂᒋ ᒥᔨᒄ ᒐᒋ ᓂᓇᑭᑐᐛᔨᑎᒪᓐ᙮ ᐛᔅ ᓇᒪ ᐊᐛᓐ ᒋᔅᒐᔨᒪᐤ ᐊᐛᔪᐛ ᐅᑯᓯᓯᒪᐛ, ᒥᒄ ᐅᑕᐎᒪᐤ ᒋᔅᒐᔨᒪᐤ᙮ ᑭᔭ ᓇᒪ ᐊᐛᓐ ᒋᔅᒐᔨᒪᐤ ᐊᐛᔪᐛ ᐅᑕᐎᒪᐛ, ᒥᒄ ᐅᑯᓯᓯᒪᐤ, ᑭᔭ ᐎᔾ ᐅᑯᓯᓯᒪᐤ ᒋᑭ ᐅᑎᓇᐤ ᐊᐛᔪᐛ ᐊᓂᔭᔪᐛ ᒐᒋ ᒋᔅᒐᔨᒪᔨᒋ ᐅᑕᐎᒪᐛ᙮”

ᒠᓐ 15:21

ᒥᓯᐛ ᐅ ᑲ ᐃᓯ ᐊᔨᒧᑎᒪᑎᑯᒡ ᒐ ᐃᑐᑕᑕᑯᒡ ᓂᔾ ᐊᓂᔭᔪᐤ ᒐ ᐅᒋ ᐃᑐᑕᑕᑯᒡ ᐛᔅ ᑕᐸ ᐅᒋ ᒋᔅᒐᔨᒪᐅᒡ ᐊᓂᔭ ᑲ ᐸᒋ ᐃᑎᓴᐅᔨᒋ᙮

ᒠᓐ 15:23

ᐛᔅ ᐊᓐ ᐊᐛᓐ ᑲ ᐛᐧᑲᓯᑦ, ᓄᑕᐎᔭ ᑭᔭ ᐛᐧᑲᑕᐤ᙮

ᒠᓐ 17:25

“ᓄᑕ, ᒋᔾ ᒧᔅ ᑲ ᑯᐃᔅᒄ ᐃᑎᔨᓐ, ᓇᒪ ᒋ ᒋᔅᒐᔨᒥᑯᒡ ᐊᓐᒡ ᐊᐛᓐᒋ ᐊᑲ ᐊᐱᑕᔨᒥᔅᒡ ᐅᑕ ᐊᔅᒋᒡ, ᓂᔾ ᒪᒃ ᐎ ᒋ ᒋᔅᒐᔨᒥᑎᓐ᙮ ᐅᒡ ᒪᒃ ᑭᔭ ᑲ ᐸᒋ ᒥᔨᓐ ᒋᔅᒐᔨᑎᒧᒡ ᑕᑈ ᒋᔾ ᐊᒋ ᐸᒋ ᐃᑎᓴᐎᔨᓐ᙮

ᒠᓐ 17:3

ᒪᐅᑕ ᒪᒃ ᒐᒋ ᐅᒋ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ, ᒋᔅᒐᔨᒥᔅᒐ ᒋᔾ ᒥᒄ ᐊ ᐸᐃᑯᓯᔨᓐ ᐊ ᒋᓴᒪᓂᑐᐎᔨᓐ, ᑭᔭ ᒋᔅᒐᔨᒪᒐ ᒋᓴᔅ ᙭ᑕ, ᐊᓂᔭ ᑲ ᐸᒋ ᐃᑎᓴᐅᒥᑎ᙮

ᒠᓐ 8:19

ᐊᑯ ᒂ ᐃᑕᒡ, “ᑕᓐᑕ ᐊ ᑕᑦ ᒍᑕᐎᔾ ?” ᒋᓴᔅ ᒂ ᐃᓯ ᐎᑎᒧᐛᑦ, “ᓇᒪ ᑕᑈ ᒋ ᒋᔅᒐᔨᒥᓇᐛᐤ ᑭᔭ ᓄᑕᐎᔾ ᓇᒪ ᒋ ᒋᔅᒐᔨᒪᐛᐤ᙮ ᐛᔅ ᒋᔅᒐᔨᒥᔭᒄ ᓄᑕᐎᔾ ᑭᔭ ᒋᐸ ᒋᔅᒐᔨᒪᐛᐤ᙮”

ᒠᓐ 8:55

ᓇᒪ ᓂᑕ ᒋ ᐅᒋ ᒋᔅᒐᔨᒪᐛᐤ ᒥᒄ ᒪᒃ ᓂᔾ ᓂ ᒋᔅᒐᔨᒪᐤ᙮ ᐃᔅᒋᔄᔭᓇ ᒪᒃ ᐊᑲ ᒋᔅᒐᔨᒥᒃ, ᓂᑭ ᑭᑭᒋᔭᓐ ᒧᔭᒻ ᒋᔨᐛᐤ ᐊ ᐃᓯ ᑭᑭᒋᔭᔭᒄ᙮ ᒥᒄ ᒪᒃ ᓂ ᒋᔅᒐᔨᒪᐤ ᑭᔭ ᓂᓇᐃᑎᒺᓐ ᐅᑦ ᐃᔨᒧᐅᓐ᙮

ᐊᑈᔅᑕᓇᒡ 3:17

“ᐊᑯ ᒪᒃ ᓂᐧᑲᓂᓯᑐᒄ, ᓂ ᒋᔅᒐᔨᑕᓐ ᒋᔨᐛᐤ ᑭᔭ ᐊᓐᒡ ᑲ ᓂᑲᓂᔅᑲᑕᑯᒡ ᐊᑲ ᐅᒋ ᒋᔅᒐᔨᑎᒪᒄ ᑕᓐ ᐊᓐ ᐊ ᐃᑎᔭᒄ ᐊᓂᔭᔪᐤ ᑲ ᐃᑐᑐᐛᒄ ᒋᓴᔅ᙮

1 ᑯᕆᓐᑎᔭᓇ 2:8

ᓇᒪ ᒪᒃ ᐛᐛᒡ ᐸᐃᒄ ᐊᓐᒡ ᑲ ᐅᒋᒪᐅᒡ ᐅᑕ ᐊᔅᒋᒡ ᐅᒋ ᓂᔅᑐᑎᒧᒡ ᐅᔭ ᑭᒐᑕᐛᔨᑎᒧᐅᓂᔪᐤ ᐛᔅ ᑕᐸ ᒋᐸ ᐅᒋ ᒋᔅᑕᔎᑕᐅᒡ ᐊᓂᔭ ᐅᑎᐸᔨᒋᒐᐛ ᒪᐅᒡ ᑲ ᒋᔅᑕᔨᑕᑯᓯᔨᒋ ᒋ ᒋᔅᒐᔨᑎᒧᐛᑯᐱᓇ᙮

2 ᑕᓴᓗᓂᔭᓇ 1:8

ᐃᔅᑯᑕᔪᐤ ᐊ ᐛᔭᑕᐱᔨᒡ ᒋᑭ ᐊᐱᒋᑕᐤ ᐛᐛᓯᐊᒐ ᐊᓂᔭ ᐊᑲ ᒋᔅᒐᔨᒪᔨᒋ ᒋᓴᒪᓂᑐᐛ ᑭᔭ ᐊᓂᔭᔪᐛ ᐊᑲ ᓂᓇᐊᔨᑎᒥᔨᒋ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᐅᑎᐸᔨᒋᒐᐛ ᒋᓴᓴ᙮

1 ᑎᒧᑎ 1:13

ᐊᑎ ᓇᔅᒡ ᐊᒋ ᐊᒂᑕᔨᑕᑯᓱᐅᒡ ᓂᓇᐧᑯᐤ ᐊᒋ ᐃᓯ ᒥᒪᔭᔨᒥᒃ ᑭᔭ ᐊᒋ ᐱᐸᔅᑕᒥᒃ ᑭᔭ ᐊᒋ ᓂᓇᐧᑲᒋᐃᒃ᙮ ᒥᒄ ᒪᒃ ᐃᔭᐱᒡ ᓂᒋ ᒋᔅᑎᒪᒐᔨᒥᒄ ᐛᔅ ᐊᓐ ᑲ ᐃᔅᐱᔅ ᒋ ᐊᓏᑎᒪᓐ ᓇᒪ ᓂ ᐅᒋ ᒋᔅᒐᔨᑕᓐ ᑕᓐ ᐊᓐ ᑲ ᐃᑎᔭᓐ᙮

1 ᒠᓐ 2:23

ᐛᔅ ᐊᐛᓐ ᑲ ᐊᑐᐛᔨᒪᑦ ᐅᑯᓯᓯᒪᐛ, ᐊᑐᐛᔨᒪᐤ ᑭᔭ ᐅᑕᐎᒪᐛ᙮ ᐊᑯ ᒪᒃ ᐊᓐ ᐊᐛᓐ ᑲ ᐃᔅᒋᔄᑦ ᐊ ᑕᑈᔭᔨᒪᑦ ᐅᑯᓯᓯᒪᐛ, ᑕᑈᔭᔨᒪᐤ ᑭᔭ ᐅᑕᐎᒪᐛ᙮

1 ᒠᓐ 3:1

ᑭᓄᐛᐸᑎᒧᒄ ᒪ ᐊᔅᐱᔅ ᓴᒋᐃᑕᐧᒄ ᒋᓴᒪᓂᑐᐤ, ᐊ ᒥᔨᑕᐧᒄ ᒋᓴᒪᓂᑐᐤ ᐅᑦ ᐊᐛᓯᒪ ᒐᒋ ᐃᓯᓂᐧᑲᑎᑯᐅᐛᐧᒄ ! ᑕᑈ ᒪᒃ ᒋ ᐅᑦ ᐊᐛᓯᒥᑕᑯᓄᐤ ! ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ, ᓇᒪ ᒋ ᒋᔅᒐᔨᒥᑯᓄᐅᒡ ᐊᐛᓐᒋ ᒋᔭᓄᐤ ᐛᔅ ᑕᐸ ᒋᔅᒐᔨᒪᐅᒡ ᒋᓴᒪᓂᑐᐛ᙮

1 ᒠᓐ 4:8

ᐊᓐ ᐊᐛᓐ ᐊᑲ ᓴᒋᐃᐛᑦ, ᓇᒪ ᒋᔅᒐᔨᒪᐤ ᒋᓴᒪᓂᑐᐛ, ᐛᔅ ᒋᓴᒪᓂᑐᐤ ᐊᐅᒄ ᓴᒋᐃᐛᐅᓐ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮