ᒠᓐ 16:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᐃᔅᐱ ᒐ ᐛᐱᒪᐅᓱᑦ ᐃᔎᐤ ᒥᓯᒪᔨᑎᒻ ᐛᔅ ᐅᑎᒋᐱᔪᐤ ᐊᑯ ᒐ ᐎᓯᒐᔨᑕᐧᒃ᙮ ᐃᔅᐱ ᒪᒃ ᑲ ᐱᒪᑎᓯᔨᒋ ᐊᓂᔭᔪᐛ ᐅᑦ ᐊᐛᓯᒪ ᐅᓂᒋᔅᒋᓯᑐᑎᒻ ᑕᓐ ᑲ ᐃᓯ ᐎᓯᒐᔨᑕᐧᒃ ᐛᔅ ᓇᔅᒡ ᑕᑈ ᒥᔽᔨᑎᒻ ᐊ ᒋᔅᒐᔨᑕᐧᒃ ᐊᐛᓴ ᐊᒋ ᐱᒪᑎᓯᔨᒋ ᐅᑕ ᐊᔅᒋᒡ᙮

ᒠᓐ 16:21 Iomraidhean Croise

ᒐᓂᓯᔅ 3:16

ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᐃᔨᒪᐊᑦ ᐃᔎᐛ ᐊᑕᑦ, “ᒪᐅ ᒐ ᐃᓯ ᐊᓏᔨᒥᑯᔨᓐ ᐅᓴᒻ ᐅ ᑲ ᐃᓯ ᐃᑐᑎᒥᓐ, ᑕᑥᐤ ᐊ ᐊᓱᐛᐱᒪᐅᓱᐎᓂ, ᒋᑭ ᐊᐧᑯᓯᓐ ᑭᔭ ᐛᐃᔪᐅᒋ ᒋᑦ ᐊᐛᓯᒻ ᐊᑎᑐᐤ ᒋᑭ ᐊᐧᑯᓯᓐ᙮ ᒥᒄ ᒋᒋᐛ ᒋᑭ ᓂᑐᐛᔨᑕᓐ ᒐᒋ ᑕᐅᑦ ᐊ ᑕᑦ ᒋᓇᐸᒻ, ᑭᔭ ᐎᔾ ᒋᑭ ᐅᒋᒪᐅ᙮”

ᑎᐱᑦ ᐅᓂᑭᒧᐅᓇ 113:9

ᑭᓄᐛᔨᑎᔭᐤ ᐎᒋᔪᐤ ᐊᑲ ᓂᑕᐅᓴᔨᒋ ᐃᔎᐛ, ᑭᔭ ᒐᒋ ᒥᔽᔨᑎᒧ ᐅᑲᐎᒥᑯᔨᒋ ᐊᐛᓴ᙮ ᒪᒥᒋᒥᐧᒄ ᑎᐸᔨᒋᒐᓱᐤ !

ᑲᓚᓯᔭᓇ 4:27

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ, ᒥᔽᔨᑕ, ᒋᔾ ᐊᑲ ᓂᑕ ᐅᒋ ᐊᔭᐅᑦ ᐊᐛᔅ᙮ ᒋᔾ ᐊᑲ ᓂᑕ ᐅᒋ ᐛᐱᒪᐅᓱᔨᓐ, ᑕᑈ ᐊ ᐃᔅᐱᔅ ᒥᔽᔨᑎᒥᓐ᙮ ᓇᒪ ᒋ ᐅᒋ ᐊᔭᐛᐅᒡ ᐊᐛᓯᒡ, ᐊᓄᒡ ᒪᒃ ᒋᔾ ᐃᐛᒃ ᒋᑭ ᒥᒐᑐᐅᒡ ᒋᑦ ᐊᐛᓯᒥᒡ ᐃᔅᐱᔅ ᐊᓐ ᐃᔎᐤ ᓴᔅ ᐛᔅᑭᒡ ᑲ ᐅᓇᐸᒥᑦ᙮

1 ᑕᓴᓗᓂᔭᓇ 5:3

ᒪᒂᒡ ᐃᔅᒋᔄᑥᐛ ᐊᐛᓐᒋ, “ᒥᓯᐛ ᒐᒂᓐ ᒥᔪᐱᔪᐤ, ᓇᒪ ᑎᑯᓐ ᒐᒋ ᓴᒋᓯᔭᐧᒄ,” ᓯᔅᒋᑯᒡ ᒋᑭ ᒥᔅᑎ ᓂᓇᐧᑲᑕᔨᒧᐅᒡ᙮ ᒧᔭᒻ ᐊ ᐃᔅᐱᔅ ᓯᔅᒋᑯᒡ ᐊ ᒧᓯᐅᑦ ᐃᔎᐤ ᐃᔅᐱ ᒐ ᐛᐱᒪᐅᓱᑦ ᐊᐅᑯᓐ ᒐ ᐃᔅᐱᔅ ᓯᔅᒋᑯᒡ ᒥᔅᑎ ᓂᓇᐧᑲᑕᔨᒧᒡ ᐊᐛᓐᒋ᙮ ᓇᒪ ᒪᒃ ᒋᑭ ᐃᑐᐅᒡ ᒐ ᐊᑲ ᓂᓇᐧᑲᑕᔨᒧᒡ᙮