ᒠᓐ 16:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐅᒡ ᒍᐤ ᐃᔪᒡ ᒋᑭ ᐎᐎᑎᓴᐅᑯᐛᐅᒡ ᐅᑦ ᐊᔭᒥᐊᐅᒋᐛᐳᐛᒡ᙮ ᓂᐦᐃ, ᒐᒃ ᑕᑈ ᒋᑭ ᐅᑎᒋᐱᔪᐤ ᐊᐛᓐ ᓂᐸᐃᑕᒂ ᒐ ᐃᑕᔨᑕᐧᒃ ᒋᓴᒪᓂᑐᐛ ᐊ ᐎᒋᐊᑦ᙮

ᒠᓐ 16:2 Iomraidhean Croise

ᒪᑎᔪᐤ 10:28

ᐊᑲᐎᔾ ᑯᔅᑕᐧᑯᒡ ᐊᐛᓐᒋ ᑲ ᓂᐸᐊᒡ ᐊᐛᔪᐛ᙮ ᒋᑭ ᒋ ᓂᐸᐊᐅᒡ ᐊᐛᔪᐛ ᑭᔭ ᒋᑭ ᒋ ᓂᓱᐅᓇᒋᑕᐅᒡ ᒥᔭᔪᐤ ᒥᒄ ᒪᒃ ᓇᒪ ᒋᑭ ᒋ ᓂᓱᐅᓇᒋᐊᐅᒡ ᐊᒐᒂ᙮ ᒋᓴᒪᓂᑐᐤ ᒪᒃ ᐊᐅᒄ ᑯᔅᐱᓂᔅᑐᐛᐧᒄ ᐊᓐ ᒐᒋ ᓂᓱᐅᓇᒋᑕᑦ ᒥᔭᔪᐤ ᑭᔭ ᐊᒐᒂ ᒐᒋ ᔭᔪᐅᑕᑦ ᒥᒋ ᐃᔅᑯᑕᒡ᙮

ᒪᑎᔪᐤ 24:9

“ᑭᔭ ᒐ ᒪᑯᓂᑯᔭᒄ ᑭᔭ ᒋᑭ ᓂᓇᐧᑲᒋᐃᑯᓇᐛᐤ᙮ ᐛᐛᒡ ᒋᑭ ᓂᐸᐃᑯᓇᐛᐤ᙮ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒋᑭ ᐛᐧᑲᑎᑯᐛᐅᒡ ᐊ ᓇᓴᐅᔭᒄ᙮

ᓗᒃ 6:22

ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᐛᐧᑲᑎᑯᐅᔭᒄ, ᐊᑲ ᐱᔅᑲᑎᑯᐅᔭᒄ, ᐊ ᒪᔭᔨᒥᑯᐅᔭᒄ ᑭᔭ ᐊ ᒥᒋ ᐊᔨᒧᒥᑯᐅᔭᒄ ᓂᔾ ᐅᒋ ᐊ ᓇᓴᐅᔭᒄ, ᐃᔪᐤ ᐅᑯᓯᓴᓐ᙮”

ᒠᓐ 12:42

ᒥᒐᑦ ᒪᒃ ᐃᔭᐱᒡ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᒋ ᑕᑈᔭᔨᒪᐅᒡ ᒋᓴᓴ ᒥᒄ ᒪᒃ ᓇᒪ ᐅᒋ ᐊᔨᒧᑎᒧᒡ ᐊᓐᑕ ᐊ ᐸᑐᐛᑭᓄᐎᒡ ᐛᔅ ᒋ ᑯᔅᑕᐅᒡ ᐊᓂᔭ ᐸᕆᓯᐊ ᑭᔭ ᓇᒪ ᐅᒋ ᓂᑐᐛᔨᑎᒧᒡ ᒋᒋᐛ ᒐᒋ ᐎᐎᑎᓴᐛᑭᓄᐎᒡ ᐊᓐᑕ ᐅᑦ ᐊᔭᒥᐊᐅᒋᐛᐳᐛᒡ᙮

ᒠᓐ 16:25

“ᐅᔭ ᒐᒂᔪᐛ ᑲ ᐎᑎᒪᑎᑯᒡ ᓇᔅᒡ ᑕᑈ ᐊᔨᒥᓐ ᒐᒋ ᓂᔅᑐᑕᒂᒋ᙮ ᒪᒃ ᒋᑭ ᐅᑎᒋᐱᔪᐤ ᒐᒃ ᐊᓐᑕ ᒐ ᐱᔭᑭᔅᒡ ᓂᔅᑐᑎᒪᒄ ᐊᔨᒧᑎᒪᑎᑯᒐ ᐅᑕᐎᒪᐤ᙮

ᒠᓐ 16:32

ᒋᑭ ᐅᑎᒋᐱᔪᐤ, ᓴᔅ ᒪᒃ ᑕᑈ ᐅᑎᒋᐱᔪᐤ ᐊᓐᑕ ᒥᓯᐛ ᐸᐸᐃᒄ ᒐ ᑕᔭᒄ, ᑕᑎᐸᓐ ᒐ ᑕᔭᒄ ᑎᐱᔨᐛ ᒋᒋᐛᐛᒡ᙮ ᐊᑯ ᓂᔾ ᒐ ᐸᐃᑯᓯᔭᓐ ᐊᑲ ᐊᐱᑕᔨᒥᔭᒄ᙮ ᓇᒪ ᒥᒄ ᒋᒋᐛ ᓂᑭ ᐅᒋ ᐸᐃᑯᓯᓐ ᐛᔅ ᓄᑕᐎᔾ ᑕᐤ ᐅᑕ ᐊ ᑕᔭᓐ᙮

ᒠᓐ 4:21

ᒋᓴᔅ ᒂ ᐃᑕᑦ, “ᑕᑈᑐᐎ, ᒋᑭ ᐃᔅᐱᔪᐤ ᐊᔅᒄ ᒍᑕᐎᓄᐤ ᒐ ᐊᑲ ᐅᒋ ᐊᔭᒥᐊᔅᑐᐛᑭᓄᐅᑦ ᐅᑕ ᐱᔅᑯᑎᓇᒡ ᑭᔭ ᒪᒃ ᐊᓐᑕ ᒋᕈᓯᓕᒥᒡ᙮

ᒠᓐ 4:23

ᐛᔅ ᓴᔅ ᐸᓱᓇᑯᓐ, ᑭᔭ ᐊᐅᑯᓐ ᓴᔅ ᐊ ᐃᔅᐱᔨᒡ, ᐊᓐᒡ ᒋᒋᐛ ᑲ ᐊᔭᒥᐊᔅᑐᐛᒡ ᐅᑕᐎᒪᐛ, ᐊᒐᐧᑯᒡ ᑭᔭ ᑕᑈᐅᓂᒡ ᐃᓯ ᐊᔭᒥᐊᔅᑐᐛᐅᒡ᙮ ᐊᐅᒄ ᐅᔭ ᐊ ᐃᓯ ᓂᑐᐛᔨᒪᑦ ᐊᐛᔪᐛ ᒐᒋ ᐃᓯ ᐊᔭᒥᐊᔅᑕᑯᑦ ᒍᑕᐎᓄᐤ᙮

ᒠᓐ 9:22

ᒋ ᑯᔅᑕᐅᒡ ᐊᓂᔭ ᒍᐤ ᐃᔪᐛ ᐅᔭ ᐛᒋ ᐃᔅᒋᔄᒡ ᐅᒡ ᐅᓂᒋᐃᑯᒪᐅᒡ᙮ ᐛᔅ ᒋ ᒋᔅᒐᔨᒪᐅᒡ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᒐ ᐎᐎᑎᓴᐛᔨᒋ ᐊᓐᑕ ᐊᔭᒥᐊᐅᒋᐛᐱᒡ ᐊᐛᔪᐛ ᒐ ᐃᔅᒋᔄᔨᒂᓂ ᙭ᑕ ᐊ ᐊᐎᔨᒋ ᐊᓂᔭᔪᐛ ᒋᓴᓴ᙮

ᒠᓐ 9:34

ᐊᑯ ᐊᓐᒡ ᑲ ᓂᑲᓂᔅᑯᐛᒡ ᒍᐤ ᐃᔪᐛ ᑲ ᐃᓯ ᐎᑎᒧᐛᒡ ᐊᓂᔭᔪᐛ ᓇᐸᐛ ᐊ ᐃᑕᒡ, “ᒥᒐᑎᓯᐅᓂᒡ ᔅᒋ ᐅᒋ ᐱᒪᑎᓯᓐ ᑭᔭ ᐊᓐᑕ ᒥᒐᑎᓯᐅᓂᒡ ᐊᑯᑕ ᑲ ᐃᓯ ᓂᑕᐅᒋᓂᑯᔨᓐ, ᐊ ᐃᑕᔨᑎᒥᓐ ᒪᒃ ᐃᔭᐱᒡ ᒐᒋ ᒋᔅᑯᑎᒧᐅᔭᒡ᙮” ᐊᑯ ᒂ ᐎᐎᑎᓴᐛᒡ ᒋᒋᐛ ᐊᓐᑕ ᐊᔭᒥᐊᐅᒋᐛᐱᒡ ᐊᓂᔭᔪᐛ ᓇᐸᐛ᙮

ᐊᑈᔅᑕᓇᒡ 5:33

ᐃᔅᐱ ᒪᒃ ᐱᔭᑕᒡ ᐅᔭ ᐊᓐᒡ ᑲ ᒪᒧᐎᒡ ᐊᓐ ᑲ ᓂᑲᓂᐱᑦ ᒋᓴᐊᔭᒥᐊᐅᒋᒪᐤ ᑭᔭ ᐊᓂᔭᔪᐛ ᑲ ᐎᒋᐃᑯᑦ ᒋ ᒥᔅᑎ ᒋᔄᓱᐅᒡ, ᐊᑯ ᒂ ᑯᒂᑕᔨᑕᒡ ᒐᒋ ᐃᔅᒋᔄᒡ ᒐᒋ ᓂᐸᐊᑭᓄᔨᒋ ᐅᔭ ᐊᑈᔅᑕᓇ᙮

ᐊᑈᔅᑕᓇᒡ 7:56

ᒋ ᐃᑕᐤ ᒪᒃ ᔅᑎᐱᓐ, “ᑭᓄᐛᐸᑎᒧᒄ ᒪ, ᓂ ᐛᐸᑕᓐ ᒋᒋᒋᓯᒄ ᐊ ᔪᑕᐱᔨᒡ ᑭᔭ ᓂ ᐛᐱᒪᐤ ᐃᔪᐤ ᐅᑯᓯᓴᓐ ᐊ ᓂᐳᐅᑦ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮”

1 ᑯᕆᓐᑎᔭᓇ 4:13

ᐊ ᒪᔭᔨᒥᔨᒥᒡ ᐊᐛᓐᒋ ᐊ ᐊᑐᔅᒐᔅᑐᐅᒋᒡ ᙭, ᐸᐧᑲᒡ ᓂᑦ ᐃᔨᒪᐊᓇᓐᒡ ᐊ ᐛᐎᑎᒧᐅᒋᒡ᙮ ᑭᔭ ᐊᓄᒡ ᒪᒂᒡ ᒧᔭᒻ ᐛᐱᓇᓱᐅᓐ ᐊᐅᑯᓐ ᐊ ᐃᑐᑕᑯᐅᔭᒡ, ᓂᔭᓐ ᓇᔅᒡ ᓇᒪ ᒐᒂᓐ ᓂᑦ ᐃᑕᔨᒥᑯᐅᓇᓐᒡ ᐊᐛᓐᒋ ᐅᑕ ᐊᔅᒋᒡ᙮

ᐱᓕᐱᔭᓇ 3:6

ᑲ ᐃᔅᐱᔅ ᒋ ᐊᓯᒐᔨᑎᒪᓐ ᑯᐃᔅᒄ ᐊ ᐎ ᐃᑐᑎᒪᓐ ᑕᓐ ᐊ ᐃᓯ ᐎᔅᑕᒡ ᐎᓱᐛᐅᓂᒡ ᓂᒋ ᓂᓇᐧᑲᒋᐊᐅᒡ ᒪᒧᐤ ᑲ ᐊᔭᒥᐊᐛᑎᓯᒡ᙮ ᓇᔅᒡ ᐊᐱᓯᔅ ᓂᒋ ᐃᑕᔨᑕᓐ ᐊᒋ ᓂᓇᐃᑎᒪᓐ ᐎᓱᐛᐅᓐ᙮ ᓇᒪ ᐊᐛᓐ ᓂᐸ ᐅᒋ ᐃᑎᒄ ᐊᑲ ᒥᓯᐛ ᐅᒋ ᓂᓇᐃᑎᒪᓐ ᐎᓱᐛᐅᓐ᙮

ᒋᔅᒐᔨᑕᑯᑕᒐᐅᓐ 6:9

ᐊᑯ ᐊᓐ ᒪᔭᑕᓂᔅ ᒂ ᓴᓇᐧᒃ ᒥᓐ ᑯᑎᒋᔪᐤ ᒋᔅᑕᐸᓱᐤ ᐱᓯᑯᐃᑭᓂᔪᐤ᙮ ᐊᐅᒄ ᐊᑯ ᐱᑕᑕᒡ ᑲ ᓴᓇᐧᒃ᙮ ᐃᔅᐱ ᒪᒃ ᑲ ᓴᓇᐧᒃ ᐊᓂᔭ ᒋᔅᑕᐸᓱᐤ ᐱᓯᑯᐃᑭᓂᔪᐤ ᐊᑯ ᒂ ᐛᐱᒥᒋ ᐅᑦ ᐊᒐᐧᑯᐛᐛ ᐊᓐᒡ ᑲ ᓂᐸᐊᑭᓄᐎᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᒋ ᑕᑈᑎᒺᒡ ᑭᔭ ᐊᒋ ᐛᐎᑕᒡ ᑕᓐ ᐊ ᐃᓯ ᑕᑈᑕᒡ᙮ ᐊᓐᑕ ᐱᔅᑎᓂᒐᐤ ᒥᒋᓱᐛᑭᓇᑎᑯᒡ ᐊᓐᑕ ᑲᒋ ᒪᒥᒋᒪᑭᓄᔨᒋ ᒋᓴᒪᓂᑐᐛ, ᐊᓐᑕ ᒪᒃ ᓂᑕᒡ ᐊᑯᑕ ᒂ ᐛᐱᒥᒡ ᐅᑦ ᐊᒐᐧᑯᐛᐛ ᐅᒡ᙮