ᒠᓐ 16:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᒥᒄ ᒪᒃ ᐃᔅᐱ ᑎᑯᓯᒐ ᐅ ᐊᒐᐧᒄ ᑲ ᒋᔅᒐᔨᑎᒥᐃᐛᑦ ᑕᑈᐅᓂᔪᐤ, ᐊᐅᒄ ᒐ ᒋᔅᒐᔨᑎᒥᐃᑕᒄ ᒥᓯᐛ ᑕᑈᐅᓂᔪᐤ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒡ᙮ ᓇᒪ ᒋᑭ ᐅᒋ ᐃᔅᒋᔄᐤ ᒐᒂᔪᐤ ᐸᑐᔅ ᒋᓴᒪᓂᑐᐛ ᐃᑎᓱᒥᑯᒐ ᒐᒋ ᐃᔅᒋᔄᑦ᙮ ᐊᓂᔭ ᒪᒃ ᑕᓐ ᒐ ᐃᓯ ᐸᑐᐛᑦ ᐊ ᐃᔅᒋᔄᔨᒋ ᐊᔪᐅᒄ ᐅᔭ ᒐ ᐃᓯ ᐛᐎᑕᐧᒃ᙮ ᒋᑭ ᐛᐎᑎᒪᑯᐛᐤ ᐊᓂᔭᔪᐛ ᒐᒂᔪᐛ ᒐ ᐊᑎ ᐃᔅᐱᔨᒋ᙮

ᒠᓐ 16:13 Iomraidhean Croise

ᒠᓐ 12:49

ᓇᒪ ᒥᒄ ᓂᔾ ᐊ ᐃᑕᔨᑎᒪᓐ ᓂ ᐅᒋ ᐃᓯ ᐃᔨᒥᓐ᙮ ᐊᓐ ᐅᑕᐎᒪᐤ ᑲ ᐸᒋ ᐃᑎᓴᐅᑦ ᐎᔾ ᓂᒋ ᐎᑎᒪᒄ ᑕᓐ ᒐ ᐃᔅᒋᔄᐅᒡ ᐊᐅᑯᓐ ᒪᒃ ᒥᒄ ᑲ ᐃᓯ ᐎᑎᒪᓐ᙮

ᒠᓐ 14:17

ᐊᐅᒄ ᒪᒃ ᐊᓐ ᑲ ᐸᔭᒋᓯᑦ ᐊᒐᐧᒄ, ᐊᓐ ᑲ ᒋᔅᒐᔨᑎᒥᐃᐛᑦ ᑕᑈᐅᓂᔪᐤ᙮ ᐊᓐᒡ ᐊᐛᓐᒋ ᐊᑲ ᑕᑈᔭᔨᒪᒡ ᐅᑕᐎᒪᐛ ᓇᒪ ᒋᑭ ᒋ ᐱᑎᑲᐊᐅᒡ ᐅᐱᒪᑎᓯᐅᓄᐛᒡ ᑲ ᐸᔭᒋᓯᔨᒋ ᐊᒐᒂ, ᐛᔅ ᓇᒪ ᐛᐱᒪᐅᒡ ᑭᔭ ᓇᒪ ᒋᔅᒐᔨᒪᐅᒡ᙮ ᒥᒄ ᒪᒃ ᒋᔨᐛᐤ ᒋ ᒋᔅᒐᔨᒪᐛᐤ ᐛᔅ ᒋ ᐎᒐᐅᑯᐛᐤ ᑭᔭ ᒋᑭ ᐱᒋᔅᑲᑯᐛᐤ᙮”

ᒠᓐ 14:26

ᐊᓂᔭ ᑲ ᐸᔭᒋᓯᔨᒋ ᐊᒐᒂ ᓄᑕᐎᔾ ᒐ ᐸᒋ ᐃᑎᓴᐊᒪᑕᒄ ᓂᑦ ᐃᓯᓂᐧᑲᓱᐅᓂᒡ ᐅᒡ ᐊᐅᑯᓐ ᐊᓐ ᒥᓯᐛ ᒐᒂᔪᐤ ᒐ ᒋᔅᑯᑎᒪᑕᒄ ᑭᔭ ᒋᑭ ᒋᔅᒋᒥᑯᐛᐤ ᒥᓯᐛ ᒐᒂᔪᐤ ᑲ ᐃᓯ ᐎᑎᒪᑎᑯᒡ᙮”

ᒠᓐ 14:6

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓂᔾ ᐊᐅᒄ ᒪᔅᑭᓄᐤ ᑭᔭ ᑕᑈᐅᓐ ᑭᔭ ᐱᒪᑎᓯᐅᓐ, ᓇᒪ ᐊᐛᓐ ᒋᑭ ᒋ ᓇᑕᐤ ᐅᑕᐎᒪᐛ ᒥᒄ ᓂᔾ ᐅᒋ᙮

ᒠᓐ 15:26

“ᒋᑭ ᐸᒋ ᑎᑯᓯᓐ ᐊᓐ ᐊᐛᓐ ᒐ ᐎᒋᐃᑕᐧᒄ, ᐊᐅᒄ ᑲ ᐸᔭᒋᓯᑦ ᐊᒐᐧᒄ᙮ ᓂᔾ ᓂᑭ ᐸᒋ ᐃᑎᓴᐛᐤ ᐊᓐᑕ ᐅᒋ ᐅᑕᐎᒪᐤ ᐊ ᑕᑦ᙮ ᒋᑭ ᐎᑎᒻ ᑕᑈᐅᓂᔪᐤ᙮ ᓂᔾ ᒪᒃ ᓂᑭ ᐊᔨᒧᒥᒄ᙮

ᒠᓐ 16:12

“ᐊᔅᒄ ᐊᑐᐎᔅ ᒥᔅᑎ ᑎᑯᓐ ᒐᒋ ᐃᑎᑎᑯᒡ ᒥᒄ ᒪᒃ ᓇᒪ ᒋᑭ ᐅᒋ ᓂᔅᑐᑕᓇᐛᐤ ᐊᓄᒡ᙮

ᒠᓐ 3:32

ᐎᑎᒻ ᑕᓐ ᑲ ᐃᓯ ᐛᐸᑕᐧᒃ ᑭᔭ ᑕᓐ ᑲ ᐃᓯ ᐸᑕᐧᒃ ᐊᓐᑕ ᒋᒋᒋᓯᑯᒡ ᒥᒄ ᒪᒃ ᓇᒪ ᐊᐛᔪᐛ ᑕᑈᑕᑯᐤ᙮

ᒠᓐ 8:38

ᓂᑦ ᐊᔨᒧᑕᓐ ᑕᓐ ᑲ ᐃᓯ ᐛᐸᑎᔨᑦ ᓄᑕᐎᔾ᙮ ᒋᔨᐛᐤ ᒪᒃ ᑭᔭ ᐊᓂᔭ ᑕᓐ ᐊ ᐃᑎᓱᒥᑕᒄ ᒍᑕᐎᐛᐤ ᐊᐅᒄ ᐊᓂᔭ ᐊ ᐃᑐᑎᒺᒄ᙮”

ᐊᑈᔅᑕᓇᒡ 11:28

ᐸᐃᒄ ᒪᒃ ᐊᓐ ᐊᑲᐸᔅ ᐊ ᐃᓯᓂᐧᑲᓱᑦ, ᒋ ᐱᓯᑯᐤ ᐊ ᒥᔨᑯᑦ ᑲ ᐸᔭᒋᓯᔨᒋ ᐊᒐᒂ ᒐᒋ ᐃᓯ ᓂᑲᓐ ᐎᑕᐧᒃ ᒐ ᐱᒥᐱᔨᒡ ᐊ ᑯᐅᐧᑭᑕᓄᐎᒡ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᔪᐤ᙮ ᐊᐅᑯᓐ ᒪᒃ ᑕᑈ ᑲ ᐃᔅᐱᔨᒡ ᒪᒂᒡ ᑲᓗᑎᔭᓴ ᑲ ᒋᓴᐅᒋᒪᐎᔨᒋ᙮

ᐊᑈᔅᑕᓇᒡ 20:23

ᒪᐅ ᒥᒄ ᒐᔅᒐᔨᑎᒪᓐ, ᑲ ᐸᔭᒋᓯᑦ ᐊᒐᐧᒄ ᓂ ᓂᑲᓐ ᐎᑎᒪᒄ ᒐ ᒋᐸᐅᑯᐅᒡ ᑭᔭ ᓂᓇᐧᑯᐤ ᒐ ᐃᓯ ᐃᔨᒧᐅᒡ ᒥᓯᐛ ᐅᑕᓇᒡ ᒐ ᐊᑎ ᐃᑐᑕᐅᒡ᙮

ᐊᑈᔅᑕᓇᒡ 27:24

ᐊᑯ ᒂ ᐃᓯᑦ ᐊᓐ ᐊᓐᒋᓐ, ‘ᑈᓪ, ᐊᑲᐎᔾ ᑯᔅᑕᒋ, ᐛᔅ ᒋᑭ ᐅᑎᔅᑯᑲᐳᔅᑐᐛᐤ ᓯᓴᕐ ᐊᓐᑕ ᕈᒥᒡ ᑲ ᑕᑦ ᒐᒋ ᑎᐸᔅᑯᓂᔅᒃ᙮ ᑎᑯᓂᔪᐤ ᑭᔭ ᑕᓐ ᐊ ᐃᓯ ᒥᔪᑐᑎᒪᔅᒃ ᒋᓴᒪᓂᑐᐤ, ᒥᓯᐛ ᒋᑭ ᐱᒪᑎᓯᐅᒡ ᐊᓐᒡ ᑲ ᐎᒐᐅᑥᐤ᙮’ ”

2 ᑕᓴᓗᓂᔭᓇ 2:12

ᐊᑯ ᒪᒃ ᒥᓯᐛ ᐊᐛᓐᒋ ᐊᑲ ᐅᒋ ᑕᑈᑕᒡ ᑕᑈᐅᓂᔪᐤ, ᐅᔅᑕ ᑲ ᒥᔽᔨᑕᒡ ᐊ ᒥᒐᑎᓯᒡ ᐊᐅᑯᓐᒡ ᐅᒡ ᒐ ᓂᓱᐅᓇᒋᒪᑭᓄᐎᒡ᙮

2 ᑕᓴᓗᓂᔭᓇ 2:3

ᐃᔭᒂᒥᒄ ᐊᑲ ᓇᔅᒡ ᒐᒋ ᐎᔭᓯᐃᑕᑯᒡ ᐊᐛᓐᒋ᙮ ᐊᔅᒄ ᐊᑲ ᐅᑎᒋᐱᔨᒐ ᐊᓐ ᐊ ᒋᓯᑲᒡ ᒥᒐᑦ ᐊᐛᓐᒋ ᒪᔅᑕᔾ ᒋᑭ ᓱᒐᔨᒧᑐᐛᐅᒡ ᒋᓴᒪᓂᑐᐛ᙮ ᑭᔭ ᒋᑭ ᓄᑯᐊᑭᓄᐤ ᐊᓐ ᐊᐛᓐ ᑲ ᒪᔭᑎᓯᑦ ᐊᑲ ᓇᔅᒡ ᑲ ᐊᐱᑕᔨᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ, ᐊᔪᐅᒄ ᐅᔭ ᒋᓴᒪᓂᑐᐤ ᐊᓐᑕ ᒥᒋ ᐃᔅᑯᑕᒡ ᒐ ᐃᑎᓴᐛᑦ ᒐᒋ ᓂᓱᐅᓇᑎᓯᔨᒋ᙮

ᐃᑉᕈᐛ 1:1

ᐊᓐᑕ ᐛᔅᑭᒡ ᒋᓴᒪᓂᑐᐤ ᒥᒐᑥᐤ ᒋ ᐃᔨᒪᐊᐤ ᐊᓂᔭᐧᑲ ᐊᓂᔅᒐ ᒍᑕᐎᓄᐛ᙮ ᒋ ᐊᐱᒋᐊᐤ ᐊᓂᔭ ᐅᒋᔅᒋᐛᐃᒐᓱᐛ ᓂᓇᐧᑯᐤ ᒐᒋ ᐃᓯ ᐎᑎᒥᔨᒋ ᑕᓐ ᑲ ᐸᒋ ᐃᔅᒋᔄᑦ᙮

1 ᒠᓐ 2:20

᙭ ᑲ ᐸᔭᒋᓯᑦ, ᔅᒋ ᑐᒥᔅᑯᓂᑯᓄᐤ ᐸᔭᒋ ᐊᒐᒂ, ᑭᔭ ᒥᓯᐛ ᒋᔨᐛᐤ ᓂᔅᑐᑎᒧᒄ᙮

1 ᒠᓐ 2:27

ᒥᒄ ᒪᒃ ᙭ ᔅᒋ ᑐᒥᔅᑯᓂᑯᐛᐤ ᐅᑦ ᐊᒐᒂ᙮ ᐊ ᐊᔭᐅᒪᑯ ᒪᒃ ᐅᔭ ᐅᑦ ᐊᒐᒂ, ᓇᒪ ᒋ ᓂᑐᐛᔨᒪᐛᐤ ᑯᑎᒃ ᐊᐛᓐ ᒐᒋ ᒋᔅᑯᑎᒪᑕᒄ᙮ ᐛᔅ ᐅᔭ ᙭ ᐅᑦ ᐊᒐᒂ ᐊᐅᒄ ᒐ ᒋᔅᑯᑎᒪᑕᒄ ᒥᓯᐛ ᒐᒂᔪᐤ, ᒧᔅ ᒪᒃ ᑕᑈᒥᑭᓂᔪᐤ ᐊᓂᔭ ᐊ ᐃᓯ ᒋᔅᑯᑎᒪᒐᑦ, ᓇᒪ ᑭᑭᒋᔭᒥᑭᓂᔪᐤ᙮ ᓂᓇᐃᑐᐛᐧᒄ ᑕᓐ ᐊ ᐃᓯ ᒋᔅᑯᑎᒪᑕᒄ ᐊᒐᐧᒄ ᑭᔭ ᐎᒐᐛᐧᒄ ᙭᙮

1 ᒠᓐ 4:6

ᒋᔭᓄᐤ ᐎ ᒋᓴᒪᓂᑐᐤ ᔅᒋ ᐱᒪᒋᐃᑯᓄᐤ᙮ ᐊᓐ ᐊᐛᓐ ᑲ ᒋᔅᒐᔨᒪᑦ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᒋ ᓂᑐᑕᑯᓄᐤ ᑕᓐ ᐊ ᐃᔅᒋᔄᐛᐧᒄ᙮ ᐊᑯ ᐊᓐ ᐊᐛᓐ ᐊᑲ ᒋᔅᒐᔨᒪᑦ ᒋᓴᒪᓂᑐᐛ, ᓇᒪ ᒋ ᓂᑐᑕᑯᓄᐤ᙮ ᐊᑯᑕ ᐛᒋ ᒋᔅᒐᔨᒪᐧᒄ ᑕᑈᐅ-ᐊᒐᐧᒄ ᑭᔭ ᑲ ᐎᔭᓯᒧᐛᑦ ᐊᒐᐧᒄ᙮

1 ᒠᓐ 5:6

ᐎᔾ ᒋᓴᔅ ᙭ ᒋ ᑎᑯᓯᓄᐤ ᒋᓴᒪᓂᑐᐛ ᐊᒋ ᐃᑎᓱᒥᑯᑦ ᒐᒋ ᓯᑲᐃᑐᐛᑭᓄᐅᑦ ᓂᐱᒡ, ᑭᔭ ᒐᒋ ᐅᓂᑕᑦ ᐅᒥᐧᒄ ᒋᐱᔭᑎᑯᒡ ᑲ ᒋᔅᑕᔎᑕᑭᓄᐅᑦ᙮ ᓇᒪ ᐅᒋ ᑎᑯᓯᓄᐤ ᒥᒄ ᒐᒋ ᓯᑲᐃᑐᐛᑭᓄᐅᑦ ᓂᐱᒡ ᒪᒃ ᐊᔪᐤ ᒐᒋ ᐅᓂᑕᑦ ᐅᒥᐧᒄ᙮

ᒋᔅᒐᔨᑕᑯᑕᒐᐅᓐ 1:1

ᐊᐅᒄ ᐅᔭ ᑲ ᐃᓯ ᐛᐸᑎᔨᐛᑦ ᒋᓴᔅ, ᒋᓴᒪᓂᑐᐛ ᒋ ᒥᔨᑯᐤ ᒐᒋ ᒋᔅᒐᔨᑎᒥᐊᑦ ᐊᓂᔭ ᑲ ᐊᑐᔅᑯᐛᔨᒋ ᒋᓴᒪᓂᑐᐛ ᑕᓐ ᒐ ᐃᔅᐱᔨᒡ ᐎᐱᒡ᙮ ᓂᔾ, ᒠᓐ, ᒋᓴᒪᓂᑐᐛ ᑲ ᐊᑐᔅᑯᐛᑦ, ᓂᒋ ᐃᑎᓴᐊᒪᒄ ᙭ ᐊᓐᒋᓇ ᒐᒋ ᐸᒋ ᐎᑎᒧᔨᒋ ᑕᓐ ᐊᓂᔭᔪᐛ ᓴᔅ ᐎᐱᒡ ᒐ ᐃᔅᐱᔨᒋ᙮

ᒋᔅᒐᔨᑕᑯᑕᒐᐅᓐ 1:19

“ᒥᓯᓇᐊ ᒥᓯᐛ ᑕᓐ ᒐ ᐃᓯ ᐛᐸᑎᒥᓐ᙮ ᒥᓯᓇᐊ ᑕᓐ ᐊ ᐃᔅᐱᔨᒡ ᐊᓄᒡ ᑭᔭ ᑕᓐ ᒐ ᐃᔅᐱᔨᒡ ᐊᓐᑕ ᓂᔅᑕᒥᒡ᙮