ᒠᓐ 16:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐎᓂᐱᔪᒡ ᑕᓐ ᐊ ᐃᓯ ᑭᓄᐛᐸᑕᒡ ᒋᓴᒪᓂᑐᐛ ᐅᑎᐸᔅᑯᓂᒐᐅᓂᔪᐤ ᐛᔅ ᒥᒋᒥᓂᑐᐤ ᓴᔅ ᒋ ᑎᐸᔅᑯᓂᑯᐤ ᒋᓴᒪᓂᑐᐛ᙮”

ᒠᓐ 16:11 Iomraidhean Croise

ᒐᓂᓯᔅ 3:15

ᓂᑭ ᑐᑕᓐ ᒋᔾ ᑭᔭ ᐃᔎᐤ ᒐᒋ ᐛᐧᑲᑎᑐᔭᒄ, ᑭᔭ ᒋᑦ ᐊᐛᓯᒥᒡ ᑭᔭ ᐎᔾ ᐅᑦ ᐊᐛᓯᒪ ᒋᑭ ᐛᐧᑲᑎᑐᐅᒡ᙮ ᒥᔅᑲᔎᐛ ᒋᑭ ᐅᑕᒥᔅᑎᒂᓇᐅᑯᒡ᙮ ᑭᔭ ᒋᔾ ᒥᔅᑯᐅᑥᐛ ᒋᑭ ᒪᒂᑎᒺᓐ ᐅᑐᑎᓄᐛᐛ᙮”

ᑎᐱᑦ ᐅᓂᑭᒧᐅᓇ 68:18

ᐃᔅᐱᒥᒡ ᔅᒋ ᐃᓯ ᐅᐱᔅᑲᓐ, ᔅᒋ ᐱᒧᑕᑕᓐ ᐊᐛᑲᓱᐛᐅᓐ ᐊ ᐊᐛᐧᑲᓂᑲᑕᒡ: ᔅᒋ ᐅᑎᓇᓐ ᒥᔨᐛᐅᓇ ᐃᔪᒡ ᐅᒡ; ᓂᐦᐃ ᑲ ᐃᔨᐛᒧᑐᑕᒐᑦ ᐅᒋ ᑭᔭ, ᑎᐸᔨᒋᒐᓱᐤ ᒋᓴᒪᓂᑐᐤ ᒐᒋ ᐎᒋᒪᑦ᙮

ᒪᑎᔪᐤ 12:18

ᒪᐅ ᓂᑦ ᐊᐱᒋᐊᑭᓐ ᑲ ᐅᑎᓂᒃ, ᐊᓐ ᑲ ᓴᒋᐊᒃ, ᑭᔭ ᑲ ᓂᓇᐊᔨᑎᒥᐃᑦ᙮ ᓂᑭ ᒥᔭᐤ ᓂᑦ ᐊᒐᒂ ᑭᔭ ᒐ ᐎᑎᒧᐛᑦ ᒥᓯᐛ ᐊᐛᔪᐛ ᓂᓇᐧᑯᐤ ᐊ ᐃᑎᔅᑲᓇᓯᔨᒋ ᒐ ᑎᐸᔅᑯᓇᑭᓄᔨᒋ᙮

ᒪᑎᔪᐤ 12:36

“ᒋ ᐎᑎᒪᑎᓇᐛᐤ, ᒐᔅᑎᓇᔅ ᒥᓯᐛ ᑕᓐ ᑲ ᐃᓯ ᐃᔨᒥᑦ ᐊᐛᓐ ᐊᑲ ᐊᐱᑎᓂᔨᒡ ᒋᑭ ᐎᑎᒧᐛᑭᓄᐤ ᑎᐸᔅᑯᓂᒐᐅ-ᒋᓯᑲᔨᒐ᙮

ᓗᒃ 10:18

ᐊᑯ ᒋᓴᔅ ᒂ ᐃᑕᑦ, “ᓂᒋ ᐛᐱᒪᐤ ᒥᒋᒥᓂᑐᐤ ᐊ ᐅᒋ ᐸᒋᓯᐧᒃ ᒋᒋᒋᓯᑯᒡ, ᒧᔭᒻ ᑕᑈ ᐊ ᐛᔅᑕᐱᔨᒡ ᐊᐅᑯᓐ ᑲ ᐃᓯᓇᑯᓯᑦ᙮

ᒠᓐ 12:31

ᐊᓄᒡ ᐅᑎᒋᐱᔪᐤ ᒐᒋ ᑎᐸᔅᑯᓇᑭᓄᐎᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᑭᔭ ᐊᓄᒡ ᐊᑯ ᐛᑎᒋᐱᔨᒡ ᒐᒋ ᐃᔅᐱᓯᐊᑭᓄᐅᑦ ᒥᒋᒥᓂᑐᐤ, ᐊᓐ ᑲ ᑎᐸᔨᒐᑦ ᐅᑕ ᐊᔅᒋᒡ᙮

ᒠᓐ 14:30

ᓇᒪ ᓴᔅ ᓇᔅᒡ ᓇᐅᔅ ᒋᑭ ᒋ ᐃᔨᒥᐃᑎᓇᐛᐤ, ᐛᔅ ᒥᒋᒥᓂᑐᐤ, ᐊᓐ ᑲ ᑎᐸᔨᒋᒐᑦ ᐅᑕ ᐊᔅᒋᒡ ᓴᔅ ᐸᒋ ᑎᑯᓯᓄᐤ᙮ ᒥᒄ ᒪᒃ ᓇᒪ ᓇᔅᒡ ᓂᑭ ᒋ ᐅᒋᒪᐧᑲᑎᒄ᙮

ᒠᓐ 16:12

“ᐊᔅᒄ ᐊᑐᐎᔅ ᒥᔅᑎ ᑎᑯᓐ ᒐᒋ ᐃᑎᑎᑯᒡ ᒥᒄ ᒪᒃ ᓇᒪ ᒋᑭ ᐅᒋ ᓂᔅᑐᑕᓇᐛᐤ ᐊᓄᒡ᙮

ᐊᑈᔅᑕᓇᒡ 10:42

ᓂᒋ ᐃᑎᓱᒥᑯᓇᓐ ᒋᓴᔅ ᒐᒋ ᐛᐎᑎᒧᒥᒋᒋ ᐃᔪᐛ ᒥᔽᒋᒧᐅᓂᔪᐤ ᑭᔭ ᒐᒋ ᐎᑎᒧᒥᒋᒋ ᐎᔾ ᒋᓴᔅ ᐊᒋ ᐅᑎᓂᑯᑦ ᒋᓴᒪᓂᑐᐛ ᒐᒋ ᑎᐸᔅᑯᓇᑦ ᑲ ᐱᒪᑎᓯᔨᒋ ᑭᔭ ᐊᓂᔭ ᑲ ᓂᐱᔨᒋ᙮

ᐊᑈᔅᑕᓇᒡ 24:25

ᐃᔅᐱ ᒪᒃ ᐊ ᐊᑎ ᐊᔨᒧᑎᒥᔨᒋ ᑯᐃᔅᑯᑕᑎᓯᐅᓂᔪᐤ ᑭᔭ ᒐ ᐎ ᒥᔪ ᓂᓇᑭᑐᐛᔨᑎᒥᐃᑯᔨᒋ ᐊᐛᔪᐛ ᑕᓐ ᐊ ᐃᓯ ᐱᒪᑎᓯᔨᒋ, ᑭᔭ ᐊᓂᔭ ᐊᔅᒄ ᒐ ᐅᑎᒋᐱᔨᒡ ᐊ ᒋᓯᑲᔨᒡ ᐊᓐᑕ ᒋᓴᒪᓂᑐᐛ ᒥᓯᐛ ᐊᐛᔪᐛ ᒐ ᑎᐸᔅᑯᓇᔨᒋ, ᒋ ᑯᔅᑕᒍᐤ ᐱᓕᑭᔅ, ᐊᑯ ᒂ ᐃᑕᑦ ᐊᓂᔭ ᑈᓚ, “ᐊᑯᓐ ᐸᑎᒪ᙮ ᓴᔅ ᒋᑭ ᒋ ᔅᑐᑕᓐ᙮ ᐃᔅᐱᔅ ᒥᓐ ᓇᐃᐱᔭᓇ ᐊᑯ ᒥᓐ ᒐ ᐎᓴᒥᑕᓐ᙮”

ᐊᑈᔅᑕᓇᒡ 26:18

ᒋᑦ ᐃᑎᓴᐅᑎᓐ ᐊᓐᑕ ᐊ ᑕᒡ ᒐᒋ ᓂᔅᑐᑎᒥᐃᑥᐤ ᑕᓐ ᐊ ᐃᓯᓇᑯᓂᔨᒋ ᐅᐱᒪᑎᓯᐅᓄᐛᐛ᙮ ᒋᔅᒐᔨᑕᒂᐛ ᒪᒃ ᐊᑯ ᒐ ᓂᑭᑕᒡ ᐅᓂᑎᐱᔅᒋᓯᐅᓂᔪᐤ ᐊᑯ ᐛᔅᑕᐅᓂᔪᐤ ᒐ ᓇᑕᒡ᙮ ᑭᔭ ᒐ ᓂᑭᑕᒺᒡ ᒥᒋᒥᓂᑐᐛ ᐅᓱᐧᑲᑎᓯᐅᓂᔪᐤ ᐃᔭᐱᒡ ᒋᓴᒪᓂᑐᐛ ᐅᓱᐧᑲᑎᓯᐅᓂᔪᐤ ᒐᒋ ᓇᑎᒺᒡ᙮ ᐊᑯ ᒪᒃ ᑕᑈᔭᔨᒥᑥᐛ ᒐ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ᙮ ᐊᑯ ᒪᒃ ᒐ ᒥᓯᓇᓱᒡ ᑭᔭ ᐎᔨᐛᐤ ᐊᓐᑕ ᒪᓯᓇᓱᐎᒋ ᒋᓴᒪᓂᑐᐛ ᐅᑦ ᐃᔨᒥᔪᐛ ᐊᓂᔭᔪᐛ ᑲ ᐅᑎᓇᔨᒋ᙮’ ”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:20

ᐊᑯ ᒪᒃ ᒋᓴᒪᓂᑐᐤ ᐊᓐ ᑲ ᒥᔨᑕᒄ ᒋᔭᒪᔨᑎᒧᐅᓂᔪᐤ ᓴᔅ ᐎᐱᒡ ᓇᔅᒡ ᒋᑭ ᐱᑯᔅᑯᐛᐤ ᒥᒋᒥᓂᑐᐛ ᑭᔭ ᒋᑭ ᐃᑐᑕᑯᐛᐤ ᒐᒋ ᓴᐧᑯᒋᐃᒪᑯᐤ᙮ ᓂ ᓂᑐᑎᒪᓐ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒧᔅ ᒐᒋ ᒥᔪᑐᑎᒪᑕᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:16

ᐊᑯ ᒪᒃ ᐃᔅᐱ ᒋᓴᒪᓂᑐᐤ ᑎᐸᔅᑯᓇᒐ ᒥᓯᐛ ᐊᐛᔪᐛ, ᒋᓴᔅ ᙭ᑕ ᐅᒋ, ᑕᓐ ᑲ ᐃᓯ ᒋᒧᑦ ᒥᒋᑐᑎᒥᔨᒋ ᐊᑯᑕ ᒐ ᓄᑯᓂᔨᒡ ᐊᓐ ᐊᐛᓐ ᑕᑈ ᑲ ᐃᑐᑎᒧᒂ ᑕᓐ ᐊ ᐃᑎᓱᐛᔨᒡ ᐎᓱᐛᐅᓂᔪᐤ᙮ ᐊᐅᑯᓐ ᐊ ᐃᓯ ᐎᑎᒪᒐᒥᑲᒡ ᐅ ᒥᔽᒋᒧᐅᓐ ᒋᓴᔅ ᙭ ᑲ ᒥᔨᑦ ᒐᒋ ᐛᐎᑎᒧᒡ᙮

1 ᑯᕆᓐᑎᔭᓇ 4:5

ᐊᐅᒄ ᒪᒃ ᐅ ᐅᒋ ᐊᑲᐎᔾ ᒋᑭ ᐅᒋ ᑎᐸᔅᑯᓇᓐ ᒐᒂᓐ ᐊᔅᒄ ᐊᑲ ᐅᑎᒋᐱᔨᒡ ᒐᒋ ᑎᐸᔅᑯᓇᑭᓄᐅᒡ᙮ ᐎᔾ ᐅᑎᐸᔨᒋᒐᐤ ᒧᓴ ᒋᑭ ᓄᑯᑕᐤ ᒥᓯᐛ ᒐᒂᔪᐤ ᑲ ᑲᑕᑭᓄᐎᒡ᙮ ᐛᐛᒡ ᐊᓂᔭ ᑕᓐ ᐊᓐ ᑲ ᐃᑕᔨᑎᒥᔨᒋ ᐊᐛᔪᐛ᙮ ᐊᑯ ᒪᒃ ᒥᓯᐛ ᐊᐛᓐ ᒐ ᐎᑎᒪᑯᑦ ᒋᓴᒪᓂᑐᐛ ᐊ ᓇᐊᔨᑎᒥᔨᒋ ᐊᓂᔭ ᑕᓐ ᑲ ᐃᓯ ᒥᔪᑐᑕᐧᒃ᙮

2 ᑯᕆᓐᑎᔭᓇ 4:4

ᓇᒪ ᑕᑈᑎᒧᒡ ᐛᔅ ᑕᔪᐛ ᐊᓂᔭᔪᐛ ᑲ ᒥᒋᒥᓂᑐᔨᒋ ᑲ ᐅᒋᒪᐧᑲᑎᒥᔨᒋ ᐅᔭ ᐊᔅᒋᔪᐤ᙮ ᐊᐅᑯᓂ ᒪᒃ ᐊᓂᔭᔪᐛ ᐊ ᐃᑐᑕᑯᒡ ᒐ ᐊᑲ ᒋ ᐛᐸᑕᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᒐᒋ ᐅᒋ ᐱᒪᒋᐅᒡ᙮ ᓇᒪ ᒋ ᓂᔅᑐᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐛᒋ ᐛᐸᑎᔨᑯᐅᔭᐧᒄ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮ ᐛᔅ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᒪᓂᑐᐤ ᐊᐅᑯᓐ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᔅ᙮

ᐃᐱᓯᔭᓇ 2:2

ᐊᐅᑯᓐ ᑲ ᐃᓯ ᐱᒪᑎᓯᔭᒄ ᐊᔅᒄ ᐊᒋ ᓇᓴᐊᒪᒄ ᑕᓐ ᐊ ᐃᑎᓇᓄᐅᒡ ᐅᑕ ᐊᔅᒋᒡ ᑭᔭ ᐊᔅᒄ ᐊᒋ ᓇᓴᐛᒄ ᐊᓐ ᑲ ᐅᒋᒪᐧᑲᑕᐧᒃ ᒋᓯᑯᔪᐤ, ᐊᓐ ᐊᒐᐧᒄ ᑲ ᐃᓯ ᐊᑐᔅᒐᑦ ᐊ ᐱᒋᔅᑯᐛᑦ ᐊᓂᔭᔪᐛ ᐊᐛᔪᐛ ᐊᑲ ᓂᓇᐃᑐᐛᔨᒋ ᒋᓴᒪᓂᑐᐛ᙮

ᑯᓚᓯᔭᓇ 2:15

ᐊᓂᔭ ᒋᐱᔭᑎᑯᒡ ᑲ ᓂᐱᑦ ᙭ ᐊᑯᑕ ᓇᔅᒡ ᑲ ᓴᒂᐊᑦ ᒥᓯᐛ ᐊᓂᔭᔪᐛ ᓱᒐᔨᑕᑯᓱᐅᓂᔪᐤ ᑭᔭ ᑎᐸᔨᒋᒐᐅᓂᔪᐤ ᑲ ᐊᔭᔨᒋ᙮ ᑭᔭ ᒥᓯᐛ ᐊᓂᔭᔪᐛ ᐊᒐᐧᑯᐤ ᓱᒐᔨᑕᑯᓱᐅᓂᔪᐤ ᑲ ᐊᔭᔨᒋ ᑭᔭ ᐊᓂᔭ ᑲ ᓂᔅᑯᔅᑕᑯᑦ᙮ ᒥᓯᐛ ᐊᐛᔪᐛ ᒋ ᐛᐸᑎᔭᐤ ᓇᔅᒡ ᐊ ᓴᒂᐊᑦ ᐊᓂᔭᔪᐛ᙮

ᐃᑉᕈᐛ 2:14

ᐃᔪᐛ ᐊᓂᔭᔪᐛ ᑲ ᐃᑕᑦ ᐊᓂᔭ ᑲ ᐃᔅᒋᔄᑦ ᓂᑦ ᐊᐛᓯᒥᒡ᙮ ᒋᓴᔅ ᑭᔭ ᐎᔾ ᒋᒋᐛ ᓇᔅᒡ ᐃᔪᐛ ᒋ ᐃᓯᓇᑯᓱᐤ ᑭᔭ ᓇᔅᒡ ᐃᔪᐛ ᒋ ᐃᑕᔨᑕᑯᓱᐤ᙮ ᐊᐅᒄ ᐅᔭ ᐃᔪᐛ ᐛᒋ ᑕᑦ ᒐᒋ ᓂᐱᑦ, ᒐᒋ ᐅᒋ ᓴᐧᑯᒋᐊᑦ ᒥᒋᒥᓂᑐᐛ, ᐊᓂᔭ ᑲ ᑎᐸᔨᑎᒥᔨᒋ ᓂᐳᐅᓂᔪᐤ᙮

ᐃᑉᕈᐛ 6:2

ᑭᔭ ᒐᒋ ᒋᔅᑯᑎᒪᑯᐅᔭᐧᒄ ᓯᑲᐃᑕᒐᐅᓇ, ᑭᔭ ᐊ ᑕᒋᓇᑭᓄᐎᒡ ᐊᐛᓐᒋ, ᑭᔭ ᓂᐳᐅᓂᒡ ᐊ ᐅᒋ ᐅᓂᔅᑲᓇᑭᓄᐅᑦ ᐊᐛᓐ ᑭᔭ ᒪᔅᑕᔾ ᑎᐸᔅᑯᓂᒐᐅᓐ᙮

ᐃᑉᕈᐛ 9:27

ᓂᑐᐛᔨᑕᑯᓐ ᒥᓯᐛ ᐊᐛᓐ ᐸᐃᒂᐤ ᒐᒋ ᓂᐱᑦ ᑭᔭ ᒐ ᑎᐸᔅᑯᓇᑭᓄᐅᑦ᙮

2 ᐱᑕᕐ 3:7

ᐅᔭ ᒪᒃ ᒋᓯᒂ ᑭᔭ ᐊᓐ ᓇᑕ ᐊᑐᐎᔅ ᐃᓯ ᐃᔅᐱᒥᒡ, ᑭᔭ ᐅ ᐊᔅᒋᔾ ᐊᓄᒡ ᑲ ᐛᐸᑎᒪᒄ, ᐃᔭᐱᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᐅᒋ ᑭᓄᐛᔨᑕᑭᓄᐤ ᒐ ᐃᔅᐱᔅ ᐅᑎᒋᐱᔨᒡ ᐊᓐᑕ ᒐ ᓂᓱᐅᓇᒋᑕᑭᓄᐅᒋ᙮ ᑭᓄᐛᔨᑕᑭᓄᐤ ᐊᓐ ᐊ ᒋᓯᑲᒡ ᐊᓐᒡ ᐊᑲ ᐊᐱᑕᔨᒪᒡ ᒋᓴᒪᓂᑐᐛ ᐅᐱᒪᑎᓯᐅᓄᐛᒡ ᒐ ᑎᐸᔅᑯᓇᑭᓄᐎᒡ ᑭᔭ ᒐ ᓂᓱᐅᓇᒋᐊᑭᓄᐎᒡ ᐃᔅᑯᑕᒡ᙮

1 ᒠᓐ 3:8

ᐊᓐ ᐊᐛᓐ ᑲ ᒥᒋᐱᒪᑎᓯᑦ ᒥᒋᒥᓂᑐᐛ ᐊᑕᔨᑕᑯᓯᔨᒋ ᐃᑕᔨᑕᑯᓱᐤ᙮ ᐛᔅ ᒥᒋᒥᓂᑐᐤ ᒧᔅ ᒋ ᐸᒋ ᒥᒋᑐᑎᒻ᙮ ᒋᓴᒪᓂᑐᐤ ᒪᒃ ᐅᑯᓴ ᒋ ᐸᒋ ᑎᑯᓯᓂᔪᐛ ᐅᑕ ᐊᔅᒋᒡ ᒐᒋ ᓂᓱᐅᓇᒋᑕᐛᔨᒋ ᒥᓯᐛ ᐅᑦ ᐊᑐᔅᒐᐅᓂᔪᐤ ᒥᒋᒥᓂᑐᐛ᙮

ᒋᔅᒐᔨᑕᑯᑕᒐᐅᓐ 1:7

ᐃᑕᐱᒄ ᒪ᙮ ᐸᒋ ᑎᑯᓯᓄᐤ ᑭᔅᑯᐅᓂᔅᑯᒡ ᐊ ᐸᒋ ᔭᓯᑦ᙮ ᒥᓯᐛ ᐊᐛᔪᐛ ᒋᑭ ᐛᐱᒥᑯᐤ, ᐛᐛᒡ ᐊᓂᔭᔪᐛ ᑲ ᑕᐧᑭᒥᑯᑦ᙮ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᒋᑭ ᒥᔅᑎ ᒪᔪᐛ ᐛᐱᒥᑯᒐ᙮ ᒐᔅᑎᓇᔅ ᒋᑭ ᐃᔅᐱᔪᐤ ᐅ᙮ ᐊᒥᓐ᙮