ᒠᓐ 16:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐎᓂᐱᔪᒡ ᑕᓐ ᐊ ᐃᓯ ᑭᓄᐛᐸᑕᒡ ᑯᐃᔅᑯᑕᑎᓯᐅᓂᔪᐤ, ᐛᔅ ᐅᑕᐎᒪᐤ ᐊ ᑕᑦ ᐊᑯᑕ ᐊ ᐃᑐᑕᔭᓐ, ᓇᒪ ᒪᒃ ᒥᓐ ᒋᑭ ᐅᒋ ᐛᐱᒥᓇᐛᐤ᙮

ᒠᓐ 16:10 Iomraidhean Croise

ᒠᓐ 16:28

ᑕᑈ ᒪᒃ ᐅᑕᐎᒪᐤ ᐊ ᑕᑦ ᓂᒋ ᐅᑐᑕᓐ ᑲ ᐸᒋ ᑎᑯᓯᓂᔭᓐ ᐅᑕ ᐊᔅᒋᒡ ᒥᓐ ᒪᒃ ᑲᐤ ᓂᑭ ᔅᑐᑕᓐ ᓄᑕᐎᔾ ᐊ ᑕᑦ ᓂᑭ ᐃᑐᑕᓐ᙮”

ᒠᓐ 16:5

“ᐊᓄᒡ ᒪᒃ ᐎ ᐊᑯ ᒐ ᓂᑐᐛᐱᒥᒃ ᐊᓐ ᑲ ᐸᒋ ᐃᑎᓴᐅᑦ᙮ ᓇᒪ ᒪᒃ ᐛᐛᒡ ᐸᐃᒄ ᐊ ᑎᓯᔭᒄ ᒋ ᑯᒂᒋᒥᓇᐛᐤ ᑕᓐᑕ ᐊ ᐃᑐᑕᔭᓐ᙮

ᒠᓐ 3:14

ᒧᔭᒻ ᐊᓂᔭ ᑲ ᐃᑎᑦ ᒧᓱᔅ ᒪᒂᒡ ᐸᐧᑯᑎᔅᑭᒥᑲᒡ ᑲ ᑕᒡ ᑲ ᒋᑭᒺᐊᑦ ᒋᓇᐱᑯᐧᑲᓇ ᒥᔅᑎᑯᒡ ᒥᓯᐛ ᐊᐛᔪᐛ ᒐᒋ ᐛᐱᒪᔨᒋ, ᐊᐅᑯᓐ ᒧᔭᒻ ᒐ ᐃᑐᑐᐛᑭᓄᐅᑦ ᐃᔪᐤ ᐅᑯᓯᓴᓐ᙮

ᒠᓐ 5:32

ᑯᑎᒃ ᐊᐛᓐ ᑕᐤ ᐊ ᐸᒋ ᑎᐸᒋᒥᑦ ᐊ ᐃᔅᒋᔄᑦ ᐊ ᐊᐎᐅᒡ ᙭ᑕ, ᓂ ᒋᔅᒐᔨᑕᓐ ᒪᒃ ᐊ ᑕᑈᒥᑭᓂᔨᒡ ᐊᓂᔭ ᑲ ᐃᑕᒋᒥᑦ᙮”

ᒠᓐ 7:33

ᒋᓴᔅ ᒪᒃ ᒋ ᐃᑕᐤ, “ᐊᔅᒄ ᐛᐃᐱᔅᒋᔅ ᓂᑭ ᑕᓐ ᐅᑕ ᐊ ᑕᔭᒄ᙮ ᒥᒄ ᒪᒃ ᓴᔅ ᐎᐱᒡ ᓂᑭ ᐃᑐᑕᓐ ᐊᓐᑕ ᓄᑕᐎᔾ ᐊ ᑕᑦ, ᐊᓐ ᑲ ᐸᒋ ᐃᑎᓴᐅᑦ᙮

ᐊᑈᔅᑕᓇᒡ 17:31

ᐛᔅ ᒋᓴᒪᓂᑐᐤ ᒋ ᐎᔭᔨᑎᒻ ᐊᓂᔭ ᐊ ᒋᓯᑲᔨᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑯᐃᔅᒄ ᒐ ᐃᓯ ᑎᐸᔅᑯᓇᑭᓄᔨᒋ᙮ ᒋᓴᒪᓂᑐᐤ ᒪᒃ ᒋ ᐎᔭᔨᒪᐤ ᐸᐃᒄ ᓇᐸᐛ ᒐ ᐃᓯ ᑎᐸᔅᑯᓂᒐᔨᒋ, ᒋ ᐛᐸᑎᔭᐤ ᒪᒃ ᒥᓯᐛ ᐊᐛᔪᐛ ᐊᐅᑯᓐ ᐅᔭ ᓇᐸᐛ ᑲ ᐅᑎᓇᑦ ᒐᒋ ᑎᐸᔅᑯᓂᒐᔨᒋ, ᐊᒋ ᐅᓂᔅᑲᓇᑦ ᓂᐳᐅᓂᒡ ᐅᒡ᙮”

ᐊᑈᔅᑕᓇᒡ 2:32

ᐊᑯ ᐱᑕᕐ ᒥᓐ ᒂ ᐊᑎ ᐃᔅᒋᔄᑦ, “ᒋᓴᒪᓂᑐᐤ ᒋ ᐅᓂᔅᑲᓇᐤ ᐅᔭ ᒋᓴᓴ ᓂᐳᐅᓂᒡ ᐅᒡ᙮ ᓂ ᒋᔅᒐᔨᑕᓇᓐ ᐅ ᐛᔅ ᓂᒋ ᐛᐱᒪᓇᓐ᙮”

ᐊᑈᔅᑕᓇᒡ 3:14

ᐃᔭᐱᒡ ᒋᔨᐛᐤ ᔅᒋ ᐊᑐᐛᔨᒪᐛᐤ ᐊᓐ ᑲ ᐸᔭᒋᓯᑦ ᑭᔭ ᑲ ᑯᐃᔅᑯᑕᑎᓯᑦ ᑭᔭ ᐊᒋ ᐃᔅᒋᔄᔭᒄ ᑲ ᓂᐸᐃᐛᑦ ᓇᐸᐤ ᐃᔭᐱᒡ ᒐᒋ ᐱᔅᑎᓂᒪᑯᐅᔭᒄ᙮

ᐊᑈᔅᑕᓇᒡ 7:52

ᐊᓂᔭᐧᑲ ᐛᔅᑭᒡ ᒋᐧᑲᓂᓱᐛᐅᒡ, ᒥᓯᐛ ᐅᒋᔅᒋᐛᐃᒐᓱᐛ ᒋ ᓂᓇᐧᑲᒋᐊᐅᒡ᙮ ᑭᔭ ᒋ ᓂᐸᐊᐅᒡ ᐊᓂᔭᐧᑲ ᑲ ᐸᒋ ᓂᑲᓐ ᐎᑎᒥᒋ ᒐ ᑎᑯᓯᓂᔨᒋ ᐊᓂᔭ ᐅᑯᐃᔅᑯᑕᑎᓯᐤ ᑲ ᐃᓯᓂᐧᑲᓱᔨᒋ᙮ ᐊᐅᒄ ᒪᒃ ᐅ ᑲ ᐎᔭᓯᐱᔅᑎᓇᒄ ᑭᔭ ᑲ ᓂᐸᐊᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:17

ᐊᑯᑕ ᑭᔭ ᒥᔽᒋᒧᐅᓂᒡ ᐛᒋ ᒋᔅᒐᔨᑎᒥᐃᑯᔭᐧᒄ ᑕᓐᑕ ᐛᒋ ᑯᐃᔅᑯᓇᑯᐊᑦ ᒋᓴᒪᓂᑐᐤ ᐊᐛᔪᐛ ᐎᔾ ᐃᔅ ᐊ ᑕᑦ᙮ ᐊ ᑕᑈᔭᔨᒪᑦ ᐊᐛᓐ ᒋᓴᓴ ᐊᑯᑕ ᒥᒄ ᐛᒋ ᑯᐃᔅᑯᓇᑯᐊᑭᓄᐅᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᑕᑈᑎᒧᐅᓂᔪᐤ ᐱᒪᒋᐃᑯᐤ ᐊᐛᓐ, ᑭᔭ ᐊᐅᒄ ᐅᔭ ᒐ ᒋᐛᑕᐃᑯᑦ᙮ ᒧᔭᒻ ᐊᑎᔅᑕᒡ ᒥᓯᓇᐃᑭᓂᒡ, ᐊᓐ ᑲ ᑯᐃᔅᑯᓇᑯᓯᑦ ᑕᑈᑎᒧᐅᓂᒡ ᐅᒡ ᐊᐅᒄ ᒐ ᐱᒪᑎᓯᑦ᙮

1 ᑯᕆᓐᑎᔭᓇ 1:30

ᐎᔾ ᒋᓴᒪᓂᑐᐤ ᒋ ᓇᐃᐱᔨᑕᐤ ᒐᒋ ᐎᒐᐅᒪᑯ ᒋᓴᔅ ᙭ᑕ᙮ ᒋᓴᔅ ᒪᒃ ᐊ ᑕᑦ ᐅᒋ ᐊᑯᑕ ᐛᒋ ᐊᔭᔭᐧᒄ ᑭᒐᑕᐛᔨᑎᒧᐅᓐ, ᑭᔭ ᑯᐃᔅᑯᑕᑎᓯᐅᓐ, ᑭᔭ ᐸᔭᒋ ᐱᒪᑎᓯᐅᓐ, ᑭᔭ ᐱᒪᒋᐃᑯᓯᐅᓐ᙮

2 ᑯᕆᓐᑎᔭᓇ 5:21

ᐊᑎ ᒪᒃ ᙭ ᐊᑲ ᓂᑕ ᐅᒋ ᒥᒋᑐᑕᐧᒃ ᒋᓴᒪᓂᑐᐛ ᒋ ᐃᑐᑕᑯᐤ ᒧᔭᒻ ᐅᒥᒋᑥᐤ ᒐᒋ ᐃᓯᓇᑯᓯᑦ ᒋᔭᓄᐤ ᐅᒡ᙮ ᐊᑯ ᒪᒃ ᙭ ᐎᒐᐛᒂ, ᐅᑯᐃᔅᑯᑕᑎᓯᐅᒡ ᒋᑭ ᐃᓯ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮

ᑲᓚᓯᔭᓇ 5:5

ᓂᔭᓐ ᒪᒃ ᐎ ᑲ ᑕᑈᑎᒪᒡ, ᑲ ᐸᔭᒋᓯᑦ ᐊᒐᐧᒄ ᐊ ᐎᒋᐃᒥᑦ ᓂᑦ ᐊᔅᐸᔨᒧᓇᓐ ᒋᓴᒪᓂᑐᐤ ᒐᒋ ᑯᐃᔅᑯᓇᑯᐃᔨᒥᑦ ᐎᔾ ᐃᔅ ᐊ ᐃᑕᑦ᙮

1 ᑎᒧᑎ 3:16

ᐊᔪᐛᒡ ᑭᑈ ᒋᔅᑕᔨᑕᑯᓐ ᐊᓐ ᑕᓐ ᐊ ᐃᓯ ᒥᔅᑲᑕᔨᑕᒂᒡ ᒋᑕᑈᑎᒧᐅᓄᐤ᙮ ᒋᓴᒪᓂᑐᐤ ᐎᔭᓱᐅᓂᒡ ᐊᒋ ᐃᓯ ᓄᑯᐃᓱᑦ᙮ ᒋ ᒐᔅᑎᓇᑕᔨᑕᑯᐃᑯᐤ ᑲ ᐸᔭᒋᓯᔨᒋ ᐊᒐᒂ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ᙮ ᒋ ᐛᐱᒥᑯᐤ ᐊᓐᒋᓇ᙮ ᒋ ᐊᔨᒧᒪᑭᓄᐤ ᐊ ᑭᒐᔅᒋᒧᓇᓄᐎᒡ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᓇᓄᐎᒡ᙮ ᒋ ᑕᑈᔭᔨᒥᑯᐤ ᐊᐛᔪᐛ ᐅᑕ ᐊᔅᒋᒡ᙮ ᐊᑯ ᒪᒃ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᒐᒋ ᒋᔅᑕᔨᑕᑯᐊᑭᓄᐅᑦ᙮

1 ᐱᑕᕐ 3:18

ᐛᔅ ᙭ ᐸᐃᒂᐤ ᔅᒋ ᓂᐱᔅᑎᒪᑭᓄᐤ ᒥᒋᑥᐅᓂᒡ ᐅᒡ ᒐᒋ ᐅᒋ ᐸᓱᐅᑕᐧᒄ ᒋᓴᒪᓂᑐᐛ ᐊ ᑕᔨᒋ᙮ ᐊᓐ ᑲ ᑯᐃᔅᑯᑕᑎᓯᑦ ᒋ ᓂᐱᔅᑎᒧᐛᐤ ᐊᓂᔭ ᐊᑲ ᑯᐃᔅᑯᑕᑎᓯᔨᒋ᙮ ᑕᑈ ᑭᑈ ᒋ ᓂᐸᑕᑭᓄᐅᔪᐤ ᐎᔪᐤ ᒥᒄ ᒪᒃ ᒋ ᐃᑐᑐᐛᑭᓄᐅᔪᐛ ᐅᑦ ᐊᒐᒂ ᐃᔭᐱᒡ ᒐᒋ ᐱᒪᑎᓯᔨᒋ᙮