ᒠᓐ 15:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᒋᓴᔅ ᒋ ᐃᑕᐤ ᐅᒋᔅᒋᓄᐊᒧᐛᑭᓇ, “ᓂᔾ ᐊᐅᒄ ᒋᒋᐛ ᓱᒥᓇᑎᒄ ᐊᑯ ᓄᑕᐎᔾ ᒋᒋᐛ ᑲ ᓂᑕᐅᒋᔨᐛᑦ᙮

ᒠᓐ 15:1 Iomraidhean Croise

ᒪᑎᔪᐤ 15:13

ᐊᑯ ᒋᓴᔅ ᐊᑕᑦ, “ᑕᑐᐤ ᐊ ᐃᑕᑎᓂᔨᒋ ᓂᑕᐅᒋᑕᑭᓇ ᓄᑕᐎᔾ ᒋᒋᒋᓯᑯᒡ ᐊ ᑕᑦ ᐊᑲ ᐎᔾ ᐅᒋ ᓂᑕᐅᒋᑕᑦ ᒋᑭ ᐱᐧᑯᒋᐱᑕᑭᓄᐅᔪᐛ᙮

ᒪᑎᔪᐤ 20:1

“ᒪᐅ ᐊᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮ ᒋ ᑕᐤ ᐸᐃᒂᐤ ᐅᒋᒪᐤ ᐊ ᑎᐱᔨᐛᐅᓯᑦ ᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᔪᐤ᙮ ᐸᐃᒂᐤ ᒪᒃ ᐎᐱᒡ ᐊ ᒐᒋᓴᐸᔭᔨᒡ ᒋ ᐎᐎᔪᐤ ᐊ ᓇᓂᑐᐛᔨᒪᑦ ᐊᐛᔪᐛ ᒐᒋ ᐅᑎᓇᑦ, ᒐᒋ ᐊᑐᔅᒐᔨᒋ ᐊᓐᑕ ᐅᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ᙮

ᒪᑎᔪᐤ 21:33

ᐊᑯ ᒋᓴᔅ ᐊᑕᑦ, “ᓂᑐᑎᒧᒄ ᒥᓐ ᐅ ᑯᑎᒡ ᒋᔅᑯᑎᒪᒐᐤ ᑎᐸᒋᒧᐅᓐ᙮ ᒋ ᑕᐤ ᐸᐃᒂᐤ ᐅᒋᒪᐤ ᐊ ᓂᑕᐅᒋᑕᑦ ᒥᓂᓴ ᒐᒋ ᐅᒋ ᐅᓯᑕᑦ ᓱᒥᓇᐳᔪᐤ᙮ ᒋ ᒋᐸᐊᒻ ᒪᒃ ᒥᓯᐛ ᐛᔅᑲ ᐊᓂᔭ ᐅᓂᑕᐅᒋᑕᑭᓐ ᐊᔅᒋᔾ᙮ ᑭᔭ ᒋ ᒧᓇᐊᒻ ᑕᓐᑕ ᒐ ᐱᒋᔅᒋᔅᑲᑭᓄᔨᒋ ᐊᓂᔭ ᒥᓂᓴ᙮ ᒋ ᐅᓯᑕᐤ ᑭᔭ ᐊᓱᐛᐳᐅᒋᐛᐱᔪᐤ ᐊᓐᑕ ᒐ ᐅᒋ ᓂᓇᑭᑐᐛᔨᑕᑭᓄᔨᒋ ᐊᓂᔭ ᐅᓂᑕᐅᒋᑕᑭᓇ᙮ ᐃᔅᐱ ᒪᒃ ᑲᒋ ᐃᑎᑦ ᒋ ᓇᓂᑐᐛᐱᒪᐤ ᐊᐛᔪᐛ ᒐᒋ ᓂᓇᑭᑐᐛᔨᑎᒥᔨᒋ ᐅᔭ ᐅᑦ ᐊᔅᒋᔾ ᐊᑯ ᒂ ᔅᑐᑕᑦ, ᐛᔪᐤ ᐊ ᑎᑯᓂᔨᒡ ᐊᔅᒋᔪᐤ ᒋ ᐃᑐᑕᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:1

ᒋᓴᔅ ᐊᑐᐎᔅ ᒋ ᐊᑎ ᐃᔨᒪᐊᐤ ᐊᓂᔭᔪᐛ ᓂᑲᓐ ᐊᔭᒥᐊᐅᒋᒪᐛ ᑭᔭ ᒥᓯᓇᐃᒐᓱᐛ ᐊ ᐎᑎᒧᐛᑦ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ᙮ ᒋ ᐃᑕᐤ, “ᒋ ᑕᐤ ᓇᐸᐤ ᓱᒥᓇᑎᒂ ᐊᒋ ᓂᑕᐅᒋᐊᑦ ᐊᓐᑕ ᓂᑕᐅᒋᑕᑭᓐ ᐊᔅᒋᒡ᙮ ᒋ ᒋᐸᐊᒻ ᒪᒃ ᒥᓯᐛ ᐛᔅᑲ ᐊᓂᔭ ᐅᓂᑕᐅᒋᑕᑭᓐ ᐊᔅᒋᔾ᙮ ᑭᔭ ᒋ ᒧᓇᐊᒻ ᑕᓐᑕ ᒐ ᐱᒋᔅᒋᔅᑲᑭᓄᔨᒋ ᐊᓂᔭ ᒥᓂᓴ᙮ ᒋ ᐅᓯᑕᐤ ᑭᔭ ᐊᓱᐛᐳᐅᒋᐛᐱᔪᐤ ᐊᓐᑕ ᒐ ᐅᒋ ᓂᓇᑭᑐᐛᔨᑕᑭᓄᔨᒋ ᐊᓂᔭ ᐅᓂᑕᐅᒋᑕᑭᓇ᙮ ᐃᔅᐱ ᒪᒃ ᑲᒋ ᐊᐃᑎᑦ ᒋ ᓇᓂᑐᐛᐱᒪᐤ ᐊᐛᔪᐛ ᒐᒋ ᓂᓇᑭᑐᐛᐸᑎᒥᔨᒋ ᐅᔭ ᐅᑦ ᐊᔅᒋᔾ ᐊᑯ ᒂ ᔅᑐᑕᑦ, ᐛᔪᐤ ᐊ ᑎᑯᓂᔨᒡ ᐊᔅᒋᔪᐤ ᒂ ᐃᑐᑕᑦ᙮

ᓗᒃ 13:6

ᐊᑯ ᒋᓴᔅ ᒂ ᐎᑎᒧᐛᑦ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ᙮ ᒋ ᐃᑕᐤ, “ᒋ ᑕᐤ ᓇᐸᐤ ᐊᒋ ᐊᔭᐛᑦ ᒥᓯᓱᒥᓇᑎᒂ ᐊ ᓂᑕᐅᒋᔨᒋ ᐊᓐᑕ ᐅᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ᙮ ᐊᑯ ᐸᐃᒂᐤ ᐊ ᒋᓯᑲᔨᒡ ᒋ ᓂᑐ ᒋᔅᒐᔨᒪᐤ ᒐ ᒥᓂᓱᐎᒂᓂ ᐊᓂᔭ ᒥᔅᑎᒂ᙮ ᓇᒪ ᒪᒃ ᒐᒂᔪᐤ ᐅᒋ ᒥᓂᓱᐅᔪᐤ᙮

ᒠᓐ 1:17

ᒋᓴᒪᓂᑐᐤ ᒋ ᐊᐱᒋᐊᐤ ᐊᓂᔭᐧᑲ ᒧᓱᓴ ᒐᒋ ᐎᑎᒧᐛᔨᒋ ᐃᔪᐛ ᐅᐎᓱᐛᐅᓇ᙮ ᑭᔭ ᒋᓴᔅ ᙭ᑕ ᒋ ᐊᐱᒋᐊᐤ ᒐᒋ ᓄᑯᑕᔨᒋ ᐅᑕᑈᐅᓐ ᑭᔭ ᐅᒋᓴᐛᑎᓯᐅᓐ᙮

ᒠᓐ 1:9

ᐅ ᐛᔅᑕᐅᓐ ᒋ ᐸᒋ ᑎᑯᓯᓄᐤ ᐅᑕ ᐊᔅᒋᒡ ᒥᓯᐛ ᐊᐛᔪᐛ ᒐᒋ ᐛᔅᑕᓂᒧᐛᑦ᙮

ᒠᓐ 15:2

ᒥᓯᐛ ᐅᑎᐧᑯᓇ ᓂᔾ ᐊ ᑕᔭᓐ ᑲ ᑎᒂᒋ ᐊᑲ ᒥᓂᓱᔨᒋ ᓄᑕᐎᔾ ᒪᓂᓯᒻ᙮ ᐊᑯ ᐊᓂᔭᔪᐛ ᐅᑎᐧᑯᓇ ᑲ ᒥᓂᓱᔨᒋ ᒥᓯᐛ ᐛᐛᓯᑕᐤ ᐊᑐᐎᔅ ᒐᒋ ᒥᓂᓱᔨᒋ᙮

ᒠᓐ 6:32

ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᐊᓂᔭ ᐸᒂᓯᑭᓇ ᒧᓱᔅ ᑲ ᒥᔨᑕᒄ ᓇᒪ ᐊᓐᑕ ᒋᒋᒋᓯᑯᒡ ᐅᒡ ᐅᒋᐱᔪᐛ᙮ ᒋᓴᒪᓂᑐᐤ, ᓄᑕᐎᔾ ᐊᐅᒄ ᐊᓐ ᒪᔨᑕᒄ ᐊᓂᔭ ᒋᒋᐛ ᐸᒂᓯᑭᓇ ᒋᒋᒋᓯᑯᒡ ᑲ ᐅᒋᐱᔨᒋ᙮

ᒠᓐ 6:55

ᐛᔅ ᓂᔭᔅ ᐊᐅᒄ ᒋᒋᐛ ᒥᒋᒻ ᑭᔭ ᓂᒥᐧᒄ ᒋᒋᐛ ᒥᓂᒂᐅᓄᐅᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:17

ᐊᓐᒡ ᐃᔪᒡ ᒍᐤ ᑲ ᐃᑎᔅᑲᓇᓯᒡ ᐊᐅᑯᐤ ᐅᒡ ᐊᓕᑉ ᒥᔅᑎᒄ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᑲ ᓂᑕᐅᒋᐊᑭᓄᐅᑦ᙮ ᒋ ᑎᑯᓇ ᐅᑎᐧᑯᓇ ᐊᒋ ᓇᑥᑲᐃᑭᓄᐅᒋ ᐊᓐᑕ ᐅᒋ ᒥᔅᑎᑯᒡ᙮ ᐸᐃᒄ ᒪᒃ ᐅᑎᐧᑯᓐ ᓂᑎᒥᒄ ᐊ ᓂᑕᐅᒋᑦ ᐊᓕᑉ ᒥᔅᑎᒄ ᒋ ᒋᑭᒧᑕᑭᓄᐅᔪᐤ ᐊᓐᑕ᙮ ᒋᔨᐛᐤ ᒪᒃ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᑯᓐ ᐊᓐ ᐊᓕᑉ ᒥᔅᑎᒄ ᐊᓐᑕ ᓂᑐᐎᔾ ᑲ ᓂᑕᐅᒋᑦ᙮ ᐊᓄᒡ ᒪᒃ ᒋ ᒥᔪ ᓂᑕᐅᒋᓇᐛᐤ ᐊᒐᐧᑯᐅᓂᒡ ᑭᔭ ᒋᔨᐛᐤ, ᒧᔭᒻ ᑕᓐ ᐊ ᐃᓯ ᒥᔪ ᓂᑕᐅᒋᒡ ᐊᒐᐧᑯᐅᓂᒡ ᐊᓐᒡ ᒍᐤ ᐃᔪᒡ᙮

1 ᑯᕆᓐᑎᔭᓇ 3:9

ᑕᐱᔅᑯᓐ ᓂ ᐎᒋ ᐊᑐᔅᒐᒪᓇᓐ ᒋᓴᒪᓂᑐᐤ᙮ ᒋᔨᐛᐤ ᒪᒃ ᒧᔭᒻ ᓂᑕᐅᒋᑕᑭᓐ ᐊᔅᒋᔾ ᒋᑦ ᐃᓯᓇᑯᓯᓇᐛᐤ᙮ ᒪᒃ ᐅᑕ ᒋᐸ ᒋ ᐃᓯ ᑭᓄᐛᐸᑕᓇᐛᐤ᙮ ᒧᔭᒻ ᒋᓴᒪᓂᑐᐤ ᐅᐛᔅᑲᐃᑭᓂᒻ ᒋᑦ ᐃᓯᓇᑯᓯᓇᐛᐤ᙮

1 ᒠᓐ 2:8

ᒥᒄ ᒪᒃ ᐃᔭᐱᒡ ᐊ ᐅᔅᑲᒡ ᐃᑕᔨᑕᑯᓐ ᐅ ᑲ ᐃᓯ ᐊᔨᒧᑎᒪᑎᑯᒡ᙮ ᙭ ᒋ ᓄᑯᑕᐤ ᐊ ᑕᑈᒥᑭᓂᔨᒡ᙮ ᑭᔭ ᒋᔨᐛᐤ ᒪᒃ ᒋ ᓄᑯᑕᓇᐛᐤ ᐊ ᑕᑈᒥᑲᒡ᙮ ᐅᓂᑎᐱᔅᒋᓯᐅᓐ ᐎᒪᐱᔪᐤ, ᐊᑯ ᐊᓐ ᒋᒋᐛ ᐛᔅᑕᐅᓐ ᓴᔅ ᒋᐧᑲᔭᔅᑕᐤ᙮