ᒠᓐ 14:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᐊᓐ ᐊᐛᓐ ᐊᑲ ᐸᒋ ᓴᒋᐃᑦ ᓇᒪ ᓂᓇᐃᑎᒻ ᓂᑦ ᐃᔨᒧᐅᓂᔪᐤ᙮ ᐅ ᑲ ᐃᓯ ᐸᑎᒪᒄ ᓇᒪ ᓂᔾ ᐊ ᑕᔭᓐ ᐅᒋᐱᔪᐤ ᒪᒃ ᓄᑕᐎᔾ ᐊ ᑕᑦ ᐅᒋᐱᔪᐤ, ᐊᓐ ᑲ ᐸᒋ ᐃᑎᓴᐅᑦ᙮”

ᒠᓐ 14:24 Iomraidhean Croise

ᒪᑎᔪᐤ 19:21

ᐊᑯ ᒋᓴᔅ ᒂ ᐃᑕᑦ, “ᓇᔅᒡ ᒥᓯᐛ ᒐᒂᓐ ᐛ ᐃᑐᑎᒧᐎᓇ ᒐᒋ ᑯᐃᔅᑯᑕᑎᓯᔨᓐ, ᐊᑕᐛᒐ ᒥᓯᐛ ᑕᓐ ᐊ ᐃᓯ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ᙮ ᐊᑯ ᒪᒃ ᒐ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᑲ ᑎᒂᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᑐᑕᔨᓐ ᒐ ᐸᒋ ᓇᓴᐎᔨᓐ᙮”

ᒠᓐ 14:10

ᐱᓕᑉ, ᓇᒪᐎᔾ ᐊ ᒋ ᑕᑈᑕᓐ ᐊ ᐱᒋᔅᑯᐅᒃ ᐅᑕᐎᒪᐤ ᑭᔭ ᐅᑕᐎᒪᐤ ᐊ ᐱᒋᔅᑯᐅᑦ ? ᓂ ᐸᐃᑯᓯᓇᓐ᙮” ᐊᑯ ᒋᓴᔅ ᐊᑕᑦ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᐅ ᑲ ᐃᓯ ᐃᔨᒥᐃᑎᑯᒡ ᒋᓴᒪᓂᑐᐤ ᓂᒋ ᐃᑎᓱᒥᒄ ᒐᒋ ᐃᔅᒋᔄᐅᒡ᙮ ᐅᑕᐎᒪᐤ ᐊᓐ ᑲ ᐱᒋᔅᑯᐅᑦ ᐃᑐᑎᒻ ᒪᒥᔅᑲᒡ ᐃᑐᐅᓇ ᓂᔾ ᐅᒋ᙮

ᒠᓐ 14:15

“ᒧᔭᒻ ᓯᔭᒋᐃᐛᒂ ᒪᒃ ᒋᑭ ᓂᓇᐃᑕᓇᐛᐤ ᐛᔅ ᑕᓐ ᑲ ᐃᑎᓯᒥᑎᑯᒡ ᒐᒋ ᐃᑎᔭᒄ᙮

ᒠᓐ 14:25

“ᐊᐅᒄ ᐅ ᐊ ᐃᓯ ᐎᑎᒪᑎᑯᒡ ᐊᔅᒄ ᒪᒂᒡ ᐊ ᑕᔭᓐ ᐅᑕ ᐊ ᑕᔭᒄ᙮

ᒠᓐ 3:11

ᑯᐃᔅᒄ ᒋ ᐎᑎᒪᑎᓐ᙮ ᓂᑦ ᐊᔨᒧᑕᓇᓐ ᑕᓐ ᐊ ᐃᓯ ᒋᔅᒐᔨᑎᒪᒡ ᑭᔭ ᑕᓐ ᑲ ᐃᓯ ᐛᐸᑎᒪᒡ ᓇᒪ ᒪᒃ ᐃᔭᐱᒡ ᐛᐛᒡ ᐸᐃᒄ ᒋ ᐎ ᑕᑈᑐᐅᓇᓐ᙮

ᒠᓐ 3:34

ᐊᓐ ᑲ ᐸᒋ ᐃᑎᓴᐅᑯᑦ ᒋᓴᒪᓂᑐᐛ ᐃᔅᒋᔄᐤ ᑕᓐ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᒐᒋ ᐃᔅᒋᔄᑦ ᑭᔭ ᓇᔅᒡ ᐱᒋᔅᑲᑯᐤ ᒋᓴᒪᓂᑐᐛ ᐅᑦ ᐊᒐᐧᑯᔪᐛ᙮

ᒠᓐ 5:19

ᒋᓴᔅ ᒪᒃ ᒋ ᐃᑕᐤ, “ᑯᐃᔅᒄ ᒋ ᐎᑎᒪᑎᓇᐛᐤ, ᐅᑯᓯᓯᒪᐤ ᓇᒪ ᒥᒄ ᐎᔾ ᒋᑭ ᒋ ᐃᑐᑎᒻ ᒐᒂᔪᐤ᙮ ᐅᑕᐎᒪᐛ ᑭᓄᐛᐱᒪᐤ ᒐᒂᔪᐤ ᐊ ᐃᑎᔨᒋ ᑭᔭ ᐎᔾ ᒪᒃ ᐊᐅᑯᓐ ᐊ ᐊᑎ ᐃᑎᑦ᙮ ᒥᒄ ᑕᓐ ᐊ ᐃᑎᔨᒋ ᐅᑕᐎᔭ ᐊᐅᑯᓐ ᐊ ᐃᑎᑦ ᑭᔭ ᐎᔾ ᐅᑯᓯᓯᒪᐤ᙮

ᒠᓐ 5:38

ᐊᓂᔭ ᐅᑦ ᐃᔨᒧᐅᓐ ᓇᒪ ᒋ ᐎ ᑭᓄᐛᔨᑎᒺᓇᐛᐤ ᒋᑕᐃᐛᒡ ᐛᔅ ᓇᒪ ᒋ ᑕᑈᑕᓇᐛᐤ ᐎᔾ ᐊᒋ ᐸᒋ ᐃᑎᓴᐅᑦ᙮

ᒠᓐ 7:16

ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᐊᓐ ᑲ ᐃᓯ ᒋᔅᑯᑎᒪᒐᔭᓐ ᓇᒪᔭᐤ ᓂᔾ ᐊᓐ ᓂᒋᔅᑯᑎᒪᒐᐅᓐ, ᒋᓴᒪᓂᑐᐤ ᐊᓂᔭ ᐅᒋᔅᑯᑎᒪᒐᐅᓐ, ᐊᓐ ᑲ ᐸᒋ ᐃᑎᓴᐅᑦ᙮

ᒠᓐ 7:28

ᒪᒂᒡ ᒋᓴᔅ ᐊ ᒋᔅᑯᑎᒪᒐᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ, ᒋ ᒋᔄᐛᐤ ᐊ ᐃᔅᒋᔄᑦ, “ᑕᑈ ᐊ ᒋ ᒋᔅᒐᔨᒥᓇᐛᐤ ᐊᐛᓐ ᓂᔾ᙮ ᑕᑈ ᐊ ᒋ ᒋᔅᒐᔨᑕᓇᐛᐤ ᑕᓐᑕ ᐛᒋᔭᓐ᙮ ᓇᒪ ᓂ ᐅᒋ ᑎᑯᓯᓐ ᓂᔾ ᒥᒄ ᐊᒋ ᐃᑕᔨᑎᒪᓐ ᒐᒋ ᑎᑯᓯᓂᔭᓐ᙮ ᐊᓐ ᒧᔅ ᑯᐃᔅᒄ ᑲ ᐃᑎᑦ ᐊᐅᑯᓐ ᐊᓐ ᑲ ᐸᒋ ᐃᑎᓴᐅᑦ, ᓇᒪ ᒪᒃ ᒋ ᒋᔅᒐᔨᒪᐛᐤ ᒋᔨᐛᐤ ᐅ ᐊᐛᓐ᙮

ᒠᓐ 8:26

ᒥᒐᓇ ᒐᒂᔪᐛ ᒐᒋ ᐎᑎᒪᓐ ᒐᒋ ᐅᒋ ᑎᐸᔅᑯᓂᑯᐅᔭᒄ᙮ ᒥᒄ ᒪᒃ ᓂᑭ ᐎᑎᒧᐛᐅᒡ ᐃᔪᒡ ᐅᑕ ᐊᔅᒋᒡ ᐊᓂᔭ ᑕᓐ ᑲ ᐃᓯ ᐸᑐᐅᒃ ᐊ ᐊᔨᒧᑕᐧᒃ ᐊᓐ ᑲ ᐸᒋ ᐃᑎᓴᐅᑦ, ᐛᔅ ᒧᔅ ᐎᔾ ᑕᑈᐅᒐᔨᑕᑯᓱᐤ᙮”

ᒠᓐ 8:28

ᐊᑯ ᒋᓴᔅ ᒂ ᐃᑕᑦ, “ᐃᔅᐱ ᒋᔅᑕᔎᑕᒂ ᐃᔪᐤ ᐅᑯᓯᓴᓐ ᐊᑯ ᒐ ᒋᔅᒐᔨᒥᔭᒄ ᐊᐅᒄ ᓂᔾ ᐊ ᐊᐎᔭᓐ᙮ ᒋᑭ ᒋᔅᒐᔨᑕᓇᐛᐤ ᑭᔭ ᐊᑲ ᐃᑐᑎᒪᓐ ᒐᒂᓐ ᐸᑐᔅ ᑲ ᐃᑎᓱᒥᑦ ᓄᑕᐎᔾ ᒐᒋ ᐃᑐᑎᒪᓐ᙮ ᒥᒄ ᐊᓂᔭ ᑕᓐ ᐊ ᐃᑎᓱᒥᑦ ᐅᑕᐎᒪᐤ ᒐᒋ ᐎᑎᒧᒡ ᐊᔪᐅᒄ ᐊᓂᔭ ᒐ ᐎᑎᒧᒡ᙮

ᒠᓐ 8:38

ᓂᑦ ᐊᔨᒧᑕᓐ ᑕᓐ ᑲ ᐃᓯ ᐛᐸᑎᔨᑦ ᓄᑕᐎᔾ᙮ ᒋᔨᐛᐤ ᒪᒃ ᑭᔭ ᐊᓂᔭ ᑕᓐ ᐊ ᐃᑎᓱᒥᑕᒄ ᒍᑕᐎᐛᐤ ᐊᐅᒄ ᐊᓂᔭ ᐊ ᐃᑐᑎᒺᒄ᙮”

ᒠᓐ 8:42

ᐊᑯ ᒋᓴᔅ ᒂ ᐃᑕᑦ, “ᑕᑈ ᒋᓴᒪᓂᑐᐤ ᐛᑕᐎᐛᒂ, ᒋᐸ ᓴᒋᐃᓇᐛᐤ ᐛᔅ ᒋᓴᒪᓂᑐᐤ ᐊ ᑕᑦ ᓂ ᐅᒋᓐ ᑭᔭ ᐅᑕ ᐱᔭᒋ ᑕᔭᓐ᙮ ᓇᒪ ᓂᔾ ᓂ ᐅᒋ ᐸᒋ ᐃᑎᓴᐅᓱᓐ, ᐎᔾ ᒋᓴᒪᓂᑐᐤ ᓂᒋ ᐸᒋ ᐃᑎᓴᐅᒄ᙮