ᒠᓐ 14:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᐊᓐ ᐊᐛᓐ ᑲ ᓴᒋᐃᑦ ᒋᑭ ᓂᓇᐃᑎᒻ ᓂᑦ ᐃᔨᒧᐅᓂᔪᐤ᙮ ᓄᑕᐎᔭ ᒋᑭ ᓴᒋᐃᑯᐤ᙮ ᑕᐱᔅᑯᓐ ᓄᑕᐎᔾ ᑭᔭ ᓂᔾ ᓂᑭ ᓂᑐᐛᐱᒪᓇᓐ ᑭᔭ ᒐ ᐎᒋᒥᒋᑦ᙮

ᒠᓐ 14:23 Iomraidhean Croise

ᒐᓂᓯᔅ 1:26

ᒋᓴᒪᓂᑐᐤ ᒂ ᐃᔅᒋᔄᑦ, “ᐊᓄᒡ ᐃᔪᒡ ᒋᑭ ᐅᓴᓄᐅᒡ, ᑭᔭ ᒧᔭᒻ ᐊᓯᓇᑯᓱᐛᐧᒄ ᒋᑭ ᐃᓯᓇᑯᓱᐅᒡ᙮ ᒋᑭ ᒥᔭᓄᐅᒡ ᒐᒋ ᑎᐸᔨᒪᒡ ᓂᒪᓴ, ᐱᔭᓱᐛ, ᑭᔭ ᒥᓯᐛ ᐊᐛᓯᓴ᙮”

ᒐᓂᓯᔅ 11:7

ᐊᔅᑎᒻ ᔭᓯᑕᐤ ᑭᔭ ᒐ ᐃᑐᑐᐛᐧᑯᒡ ᑕᑎᐸᓐ ᒐ ᐃᓯ ᐃᔨᒥᒡ ᐃᔨᒧᐅᓇ ᒐ ᐊᑲ ᒋ ᓂᔅᑐᑕᑐᒡ᙮”

ᑎᐱᑦ ᐅᓂᑭᒧᐅᓇ 90:1

ᑎᐸᔨᒋᒐᓱᐤ, ᒋᔾ ᐊᐅᒄ ᑲ ᐎᒋᔭᒡ ᒥᓯᐛ ᑲ ᐸᒋ ᐊᓂᔅᒐ ᐱᒪᑎᓯᓇᓄᐅᒡ᙮

ᑎᐱᑦ ᐅᓂᑭᒧᐅᓇ 91:1

ᐊᓐ ᑲ ᐎᒋᑦ ᐅᑲᓱᐅᓂᔨᒡ ᒪᐅᒡ ᒋᔅᑎᓯᔨᒋ, ᒋᑭ ᑕᐤ ᓯᐸ ᐊ ᑎᑲᔅᑕᓯᓂᔨᒋ ᒪᐅᒡ ᓱᐧᑲᑎᓯᔨᒋ᙮

ᒠᓐ 10:30

ᓂᔾ ᑭᔭ ᓄᑕᐎᔾ ᓂ ᐸᐃᑯᐅᓇᓐ᙮”

ᒠᓐ 14:15

“ᒧᔭᒻ ᓯᔭᒋᐃᐛᒂ ᒪᒃ ᒋᑭ ᓂᓇᐃᑕᓇᐛᐤ ᐛᔅ ᑕᓐ ᑲ ᐃᑎᓯᒥᑎᑯᒡ ᒐᒋ ᐃᑎᔭᒄ᙮

ᒠᓐ 14:17

ᐊᐅᒄ ᒪᒃ ᐊᓐ ᑲ ᐸᔭᒋᓯᑦ ᐊᒐᐧᒄ, ᐊᓐ ᑲ ᒋᔅᒐᔨᑎᒥᐃᐛᑦ ᑕᑈᐅᓂᔪᐤ᙮ ᐊᓐᒡ ᐊᐛᓐᒋ ᐊᑲ ᑕᑈᔭᔨᒪᒡ ᐅᑕᐎᒪᐛ ᓇᒪ ᒋᑭ ᒋ ᐱᑎᑲᐊᐅᒡ ᐅᐱᒪᑎᓯᐅᓄᐛᒡ ᑲ ᐸᔭᒋᓯᔨᒋ ᐊᒐᒂ, ᐛᔅ ᓇᒪ ᐛᐱᒪᐅᒡ ᑭᔭ ᓇᒪ ᒋᔅᒐᔨᒪᐅᒡ᙮ ᒥᒄ ᒪᒃ ᒋᔨᐛᐤ ᒋ ᒋᔅᒐᔨᒪᐛᐤ ᐛᔅ ᒋ ᐎᒐᐅᑯᐛᐤ ᑭᔭ ᒋᑭ ᐱᒋᔅᑲᑯᐛᐤ᙮”

ᒠᓐ 14:21

“ᐊᓐ ᐊᐛᓐ ᒐ ᑕᑈᑎᒧᒂ ᑭᔭ ᒐ ᓂᓇᐃᑎᒧᒂ ᑕᓐ ᐊ ᐃᑎᓱᐛᔭᓐ ᐊᐅᒄ ᐊᓐ ᐊᐛᓐ ᑲ ᓴᒋᐃᑦ᙮ ᒋᑭ ᓴᒋᐊᐤ ᓄᑕᐎᔾ ᐊᓂᔭ ᐊᐛᔪᐛ ᑲ ᓴᒋᐃᔨᒋ, ᑭᔭ ᓂᔾ ᒪᒃ ᓂᑭ ᓴᒋᐊᐤ ᐊᓐ ᐊᐛᓐ ᑭᔭ ᓂᑭ ᐃᑐᑐᐛᐤ ᒐᒋ ᒥᔪ ᒋᔅᒐᔨᒥᑦ᙮”

ᒠᓐ 14:24

ᐊᓐ ᐊᐛᓐ ᐊᑲ ᐸᒋ ᓴᒋᐃᑦ ᓇᒪ ᓂᓇᐃᑎᒻ ᓂᑦ ᐃᔨᒧᐅᓂᔪᐤ᙮ ᐅ ᑲ ᐃᓯ ᐸᑎᒪᒄ ᓇᒪ ᓂᔾ ᐊ ᑕᔭᓐ ᐅᒋᐱᔪᐤ ᒪᒃ ᓄᑕᐎᔾ ᐊ ᑕᑦ ᐅᒋᐱᔪᐤ, ᐊᓐ ᑲ ᐸᒋ ᐃᑎᓴᐅᑦ᙮”

ᒠᓐ 15:10

ᐛᔅ ᓂᓇᐃᑎᒪᒂ ᓂᑦ ᐃᑎᓱᐛᐅᓇ ᒧᔅ ᒋᑭ ᒋᔅᒐᔨᑕᓇᐛᐤ ᐊ ᓴᒋᐃᑎᑯᒡ ᒧᔭᒻ ᓂᔾ ᑲ ᐃᓯ ᓂᓇᐃᑐᐅᒃ ᓄᑕᐎᔾ ᑕᓐ ᑲ ᐃᑎᓱᒥᑦ ᓂ ᒋᔅᒐᔨᑎᒺᓐ ᐊ ᓴᒋᐃᑦ᙮”

ᒠᓐ 16:27

ᐛᔅ ᒋᓴᒋᐃᑯᐛᐤ ᐅᑕᐎᒪᐤ ᐊᒋ ᓴᒋᐃᔭᒄ ᑭᔭ ᐊᒋ ᑕᑈᑎᒪᒄ ᐅᑕᐎᒪᐤ ᐊ ᑕᑦ ᐊᒋ ᐅᑐᑕᔭᓐ᙮

ᒠᓐ 6:56

“ᐊᓐ ᒪᒃ ᐊᐛᓐ ᒐ ᒥᒋᒂ ᓂᔭᓯᔪᐤ ᑭᔭ ᒐ ᒥᓂᒂ ᓂᒥᐧᑯᔪᐤ, ᓂ ᐱᒋᔅᑲᒄ ᑭᔭ ᓂᔾ ᒪᒃ ᓂ ᐱᒋᔅᑯᐛᐤ᙮

ᒠᓐ 8:51

ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᓂᓇᐃᑎᒧᒂ ᑕᓐ ᐊ ᐃᔅᒋᔄᐅᒡ ᓇᒪ ᓂᑕ ᒋᑭ ᐅᒋ ᓂᐳᐤ᙮”

ᒠᓐ 8:52

ᐊᑯ ᐊᓂᔭᔪᐛ ᒍᐤ ᐃᔪᐛ ᑲ ᐃᑎᑯᑦ, “ᑭᔭ ᒋᔭᔅᑎᓇᐅᔭᒡ, ᑕᑈ ᐊ ᐱᒋᔅᑲᔅᒃ ᒥᒋ ᐊᒐᐧᒄ᙮ ᐊᑉᕋᐊᒻ ᒋ ᓂᐳᐤ ᒪᒃ ᐊᓐᒡ ᐅᒋᔅᒋᐛᐃᒐᓱᒡ ᒋ ᓂᐳᐅᒡ᙮ ᒋᔾ ᒪᒃ ᐊ ᐃᔅᒋᔄᔨᓐ ᐊᓐ ᐊᐛᓐ ᒐ ᓂᓇᐃᑎᒧᒂ ᑕᓐ ᐊ ᐃᔅᒋᔄᐅᒡ ᓇᒪ ᓂᑕ ᒋᑭ ᐅᒋ ᓂᐳᐤ᙮

2 ᑯᕆᓐᑎᔭᓇ 6:16

ᓇᒪ ᒋᑭ ᒋ ᑎᔭᑭᓄᐎᒡ ᒥᓂᑐᐧᑲᓐᒡ ᐊᓐᑕ ᒋᓴᒪᓂᑐᐤ ᐅᑦ ᐊᔭᒥᐊᐅᒋᐛᐱᒡ᙮ ᒋᔭᓄᐤ ᐛᔅ ᒋᓴᒪᓂᑐᐤ ᑲ ᐱᒪᑎᓯᑦ ᐅᑦ ᐊᔭᒥᐊᐅᒋᐛᑉ᙮ ᒧᔭᒻ ᒋᓴᒪᓂᑐᐤ ᑲ ᐃᔅᒋᔄᑦ, “ᓂᑭ ᐱᒋᔅᑯᐛᐅᒡ ᑭᔭ ᒧᔅ ᓂᑭ ᐎᒐᐛᐅᒡ᙮ ᓂᔾ ᓂᑭ ᐅᒋᓴᒪᓂᑐᒥᑐᑕᑯᒡ᙮ ᐎᔨᐛᐤ ᓂᑭ ᐅᑦ ᐃᔨᒥᑐᑐᐛᐅᒡ᙮”

ᐃᐱᓯᔭᓇ 3:17

ᑭᔭ ᓂᑦ ᐊᔭᒥᐊᐤ, ᙭ ᒐᒋ ᑕᑦ ᒋᐱᒪᑎᓯᐅᓄᐛᒡ ᐊᓐ ᐅᒋ ᐊ ᑕᑈᑎᒪᒄ᙮ ᑭᔭ ᐊᓐ ᐊ ᐊᑎ ᔭᐃᒋᓂᑕᐅᒋᔭᒄ ᑭᔭ ᐊ ᐊᑎ ᐊᔨᒋᑲᐳᐅᔭᒄ ᓴᒋᐃᐛᐅᓂᒡ ᐃᔅ,

1 ᒠᓐ 2:24

ᐃᔭᒂᒥᒄ ᒪᒃ ᒧᔅ ᒐᒋ ᑭᓄᐛᔨᑎᒪᒄ ᐊᓐ ᓂᔅᑎᒻ ᑲ ᐃᓯ ᐸᑎᒪᒄ ᐅᔅᑭᒡ ᑲ ᑕᑈᔭᔨᒪᒄ ᒋᓴᔅ᙮ ᒧᔅ ᑭᓄᐛᔨᑎᒪᒂ ᐅ ᓂᔅᑎᒻ ᑲ ᐃᓯ ᐸᑎᒪᒄ, ᒧᔅ ᒋᑭ ᐎᒐᐛᐛᐤ ᐅᑯᓯᓯᒪᐤ ᑭᔭ ᐅᑕᐎᒪᐤ᙮

1 ᒠᓐ 2:5

ᐊᑯ ᒪᒃ ᐊᐛᓐ ᐊ ᓂᓇᐃᑐᐛᑦ ᑕᓐ ᐊ ᐃᑎᓱᒥᑯᑦ ᒋᓴᒪᓂᑐᐛ, ᓄᑯᑕᐤ ᑕᑈ ᓇᔅᒡ ᐊ ᓴᒋᐊᑦ᙮ ᐅ ᑎᔭᒂ ᒋᑭ ᒋᔅᒐᔨᑕᑯᓯᓇᓄᐤ ᑕᑈ ᐊ ᐎᒐᐛᐧᒄ ᒋᓴᒪᓂᑐᐤ᙮

1 ᒠᓐ 4:4

ᓂᑦ ᐊᐛᓯᒥᑎᒄ, ᒋᓴᒪᓂᑐᐤ ᔅᒋ ᐱᒪᒋᐃᑯᐛᐤ᙮ ᓇᒪ ᒪᒃ ᒋ ᐅᒋ ᓴᐧᑯᒋᐃᑯᐛᐅᒡ ᐊᓐᒡ ᐊᑲ ᑯᐃᔅᒄ ᐊᓯ ᒋᔅᑯᑎᒪᒐᒡ ᒐᒋ ᑕᑈᑐᐛᑯᒡ᙮ ᐛᔅ ᐃᐛᒃ ᓱᒐᔨᑕᑯᓯᔪᐛ ᐊᓂᔭ ᑲ ᐱᒋᔅᑲᑎᔨᑕᑯ ᐃᔅᐱᔅ ᐊᓂᔭᔪᐛ ᐊᓐᒡ ᐊᔅᒋᒡ ᑲ ᐃᓯ ᐱᒪᑎᓯᒡ ᑲ ᐱᒋᔅᑲᑯᒡ᙮

1 ᒠᓐ 5:3

ᐊ ᐃᑐᑎᒺᐧᒄ ᒥᓯᐛ ᐊ ᐃᑎᓱᒥᑕᐧᒄ ᒋᓴᒪᓂᑐᐤ, ᐊᑯᑕ ᐛᒋ ᓄᒂᒡ ᐊ ᓴᒋᐊᐧᒄ᙮ ᓇᒪ ᒪᒃ ᐊᔨᒥᓂᔪᐤ ᒐᒋ ᐃᑐᑎᒺᐧᒄ ᐊᓂᔭ ᐊ ᐃᑎᓱᒥᑕᐧᒄ᙮

2 ᒠᓐ 1:6

ᒪᐅ ᒪᒃ ᓴᒋᐃᐛᐅᓐ, ᒐᒋ ᐃᑐᑎᒪᐧᒄ ᑕᓐ ᐊ ᐃᑎᓱᒥᑕᐧᒄ ᒋᓴᒪᓂᑐᐤ᙮ ᐊᐅᒄ ᒪᒃ ᐅ ᐃᑎᓱᐛᐅᓐ ᑲ ᒥᔨᑯᐅᔭᐧᒄ ᒪᐅᒡ ᓂᔅᑎᒻ ᑲ ᐸᑎᒪᐧᒄ ᒥᔽᒋᒧᐅᓐ, ᒐᒋ ᐃᓯ ᐱᒪᑎᓯᔭᐧᒄ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᑲ ᓴᒋᐊᒡ ᒋᓴᒪᓂᑐᐛ ᑭᔭ ᐎᐧᑲᓂᓱᐛᐛ᙮

ᒋᔅᒐᔨᑕᑯᑕᒐᐅᓐ 21:22

ᓇᒪ ᒪᒃ ᐎ ᓂ ᐅᒋ ᐛᐸᑕᓐ ᒋᓴᐊᔭᒥᐊᐅᒋᐛᑉ ᐊᓐᑕ᙮ ᐛᔅ ᐅᑎᐸᔨᒋᒐᐤ ᒋᓴᒪᓂᑐᐤ ᒪᐅᒡ ᓯᔪᐧᑲᑎᓯᑦ ᑭᔭ ᐊᓐ ᒪᔭᑕᓂᔅ ᒧᔅ ᑕᐅᒡ ᐊᓐᑕ ᐊᓂᔭ ᐅᑕᓇᔪᐤ᙮ ᓇᒪ ᒋᑭ ᐅᒋ ᓂᑐᐛᔨᑕᑯᓐ ᒐᒋ ᑎᒂᒡ ᐊᔭᒥᐊᐅᒋᐛᑉ ᐊᓐᑕ ᒐᒋ ᒪᒥᒋᒪᑭᓄᐎᒡ᙮

ᒋᔅᒐᔨᑕᑯᑕᒐᐅᓐ 21:3

ᐊᑯ ᒂ ᐸᑐᐅᒃ ᐊᐛᓐ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᔪᐤ ᐊ ᑎᑯᓂᔨᒡ ᐊ ᐅᒋ ᐃᔨᒥᑦ, ᒋ ᒋᔄᐛᐤ᙮ ᒪᐅ ᑲ ᐃᔅᒋᔄᑦ, “ᐊᓐᑕ ᐊᐛᔪᐛ ᐊ ᑕᔨᒋ ᐊᑯᑕ ᒐ ᑕᑦ ᐊᐅᒄ ᒋᓴᒪᓂᑐᐤ ᒋᑭ ᐎᒋᒪᐤ᙮ ᐊᐅᑯᓂ ᐊᓂᔭᔪᐛ ᐃᔪᐛ ᒐ ᐅᑦ ᐃᔨᒥᑦ᙮ ᐎᔾ ᒋᑭ ᑕᐤ ᒪᒂᒡ ᐊ ᑕᔨᒋ ᐊᓂᔭᔪᐛ ᐛᒋᓴᒪᓂᑐᒥᑐᑕᑯᑦ᙮

ᒋᔅᒐᔨᑕᑯᑕᒐᐅᓐ 22:3

ᓇᒪ ᒪᒃ ᐊᑯ ᒥᓐ ᓂᑕ ᒋᑭ ᐅᒋ ᑎᑯᓐ ᐊᓐᑕ ᐅᑕᓇᒡ ᒐᒂᓐ ᒐᒋ ᐃᔅᒋᔄᑦ ᒋᓴᒪᓂᑐᐤ ᐊ ᐛᐧᑲᑕᐧᒃ᙮ ᒋᓴᒪᓂᑐᐤ ᑭᔭ ᐊᓐ ᒪᔭᑕᓂᔅ ᐅᒋᓴᐅᒋᒪᐤ ᑕᑎᐳᐛᑭᓄᐛᐤ, ᒋᑭ ᑎᑯᓂᔪᐤ ᐊᓐᑕ ᐅᑕᓇᒡ᙮ ᒋᑭ ᐊᔭᒥᐊᔅᑕᑯᐤ ᒪᒃ ᒋᓴᒪᓂᑐᐤ ᐅᑦ ᐊᐱᒋᐊᑭᓇ᙮