ᒠᓐ 14:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᐃᔅᐱ ᒪᒃ ᐅᑎᒋᐱᔨᒐ ᐊᓐᑕ ᒐ ᐸᒋ ᓂᑐᐛᐱᒥᑎᑯᒡ ᐊᑯᑕ ᒐ ᓂᔅᑐᑎᒪᒄ ᐊ ᐱᒋᔅᑯᐅᒃ ᓄᑕᐎᔾ ᑭᔭ ᐊ ᐱᒋᔅᑯᐅᔭᒄ, ᑭᔭ ᐊ ᐱᒋᔅᑲᑎᑯᒡ᙮”

ᒠᓐ 14:20 Iomraidhean Croise

ᒠᓐ 10:38

ᐊᑎ ᐊᑲ ᐎ ᑕᑈᔭᔨᒥᔭᒄ ᐊ ᐃᔅᒋᔄᔭᓐ ᒋᓴᒪᓂᑐᐤ ᐅᑯᓴ ᐊ ᐊᐎᔭᓐ ᓇᔅᒡ ᒋᐸ ᒐᔅᑎᓇᑕᔨᑎᒥᐃᑯᓇᐛᐤ ᐊ ᐱᒋᔅᑯᐅᑦ ᐅᑕᐎᒪᐤ ᑭᔭ ᓂᔾ ᒪᒃ ᐊ ᐱᒋᔅᑯᐅᒃ ᐊᓐ ᐅᒋ ᐊ ᒪᒥᔅᑲᒡ ᐃᑎᔭᓐ᙮”

ᒠᓐ 14:10

ᐱᓕᑉ, ᓇᒪᐎᔾ ᐊ ᒋ ᑕᑈᑕᓐ ᐊ ᐱᒋᔅᑯᐅᒃ ᐅᑕᐎᒪᐤ ᑭᔭ ᐅᑕᐎᒪᐤ ᐊ ᐱᒋᔅᑯᐅᑦ ? ᓂ ᐸᐃᑯᓯᓇᓐ᙮” ᐊᑯ ᒋᓴᔅ ᐊᑕᑦ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᐅ ᑲ ᐃᓯ ᐃᔨᒥᐃᑎᑯᒡ ᒋᓴᒪᓂᑐᐤ ᓂᒋ ᐃᑎᓱᒥᒄ ᒐᒋ ᐃᔅᒋᔄᐅᒡ᙮ ᐅᑕᐎᒪᐤ ᐊᓐ ᑲ ᐱᒋᔅᑯᐅᑦ ᐃᑐᑎᒻ ᒪᒥᔅᑲᒡ ᐃᑐᐅᓇ ᓂᔾ ᐅᒋ᙮

ᒠᓐ 14:11

ᐸᒋ ᑕᑈᑐᐅᒄ ᐅ ᐊ ᐃᑎᑎᑯᒡ ᐊ ᐱᒋᔅᑯᐅᒃ ᐅᑕᐎᒪᐤ ᑭᔭ ᐅᑕᐎᒪᐤ ᐊ ᐱᒋᔅᑯᐅᑦ᙮ ᐊᑲ ᒋ ᑕᑈᑎᒧᐛᒂ ᐅ ᐊ ᐃᑎᑎᑯᒡ, ᑕᑈᑐᐅᒄ ᐊᓐ ᐅᒋ ᑕᓐ ᑲ ᐃᓯ ᓂᓇᐧᑯᐤ ᒪᒥᔅᑲᒡ ᐃᑐᑎᒪᓐ᙮

ᒠᓐ 16:23

“ᐅᑎᒋᐱᔨᒐ ᒪᒃ ᐅ ᑲ ᐃᓯ ᐊᔨᒧᑎᒪᑎᑯᒡ ᓇᒪ ᒐᒂᓐ ᒋᑭ ᐅᒋ ᓂᑐᑎᒧᓇᐛᐤ᙮ ᑯᐃᔅᒄ ᐊ ᐎᑎᒪᑎᑯᒡ ᒥᒄ ᑕᓐ ᒐ ᐃᓯ ᓂᑐᐛᔨᑎᒧᐛᒄ ᐅᑕᐎᒪᐤ ᓂᑦ ᐃᓯᓂᐧᑲᓱᐅᓐ ᐊ ᐊᐱᒋᑕᔭᒄ ᒋᑭ ᒥᔨᑯᐛᐤ᙮

ᒠᓐ 16:26

ᐅᑎᒋᐱᔨᒐ ᒪᒃ ᐊᓐ, ᒋᔨᐛᐤ ᐊᑯ ᒐ ᓂᑐᑎᒧᐛᒄ ᒋᓴᒪᓂᑐᐤ ᓂᑦ ᐃᓯᓂᐧᑲᓱᐅᓂᒡ ᐅᒡ᙮ ᒋᑦ ᐃᑎᓇᐛᐤ ᒪᒃ, ᓇᒪ ᒋᑭ ᐅᒋ ᓂᑐᐛᔨᑕᑯᓐ ᒐᒋ ᐊᔭᒥᐊᔭᓐ ᐊ ᓂᑐᑎᒧᒃ ᒋᓴᒪᓂᑐᐤ ᒐᒋ ᒥᔨᑕᒄ ᑕᓐ ᐊ ᐃᓯ ᓂᑐᐛᔨᑎᒪᒄ᙮

ᒠᓐ 17:11

ᐊᑯ ᒪᒃ ᒐ ᓂᑐᐛᐱᒥᑕᓐ᙮ ᓴᔅ ᐎᐱᒡ ᓇᒪ ᓂᑭ ᐅᒋ ᑕᓐ ᐅᑕ ᐊᔅᒋᒡ᙮ ᐎᔨᐛᐤ ᒪᒃ ᐊᔅᒄ ᐅᑕ ᐊᔅᒋᒡ ᒋᑭ ᑕᐅᒡ᙮ ᓄᑕ, ᒋᔾ ᑲ ᐸᔭᒋᓯᔨᓐ, ᒪᒧᐤ ᑭᓄᐛᔨᒥᒡ ᑕᓐ ᐊ ᐃᓯ ᓱᒋᑭᓄᐛᔨᒧᒥᑭᓂᔨᒡ ᒋᑦ ᐃᓯᓂᐧᑲᓱᐅᓂᔪᐤ ᐅᒡ ᑲ ᐸᒋ ᒥᔨᓐ ᐊᓐᑕ ᒐᒋ ᐅᒋ ᐸᐃᑯᒡ ᒧᔭᒻ ᒋᔭᓄᐤ ᐊ ᐃᓯ ᐸᐃᑯᔭᐧᒄ᙮”

ᒠᓐ 17:26

ᓂᒋ ᐃᑐᑐᐛᐅᒡ ᒐᒋ ᒋᔅᒐᔨᒥᔅᒡ ᑭᔭ ᓇᒪ ᓂᑭ ᐅᒋ ᐳᓂᐛᓐ ᐊᓂᔭ ᐊ ᐃᑐᑐᐅᒂᐤ᙮ ᐊᑯ ᐊᓐ ᑕᓐ ᐊᔅᐱᔅ ᓴᒋᐃᔨᓐ ᑭᔭ ᐎᔨᐛᐤ ᒐᒋ ᐱᒋᔅᑲᑯᒡ᙮ ᐊᑯ ᒪᒃ ᑭᔭ ᓂᔾ ᒐ ᐱᒋᔅᑯᐅᒂᐤ᙮”

ᒠᓐ 17:7

ᐊᓄᒡ ᒪᒃ ᒋᔅᒐᔨᑎᒧᒡ ᒥᓯᐛ ᐊᓂᔭᔪᐛ ᒐᒂᔪᐛ ᑲ ᒥᔨᓐ ᑕᑈ ᒋᔾ ᐊ ᑕᔨᓐ ᐊ ᐅᒋᐱᔨᒋ᙮

ᒠᓐ 6:56

“ᐊᓐ ᒪᒃ ᐊᐛᓐ ᒐ ᒥᒋᒂ ᓂᔭᓯᔪᐤ ᑭᔭ ᒐ ᒥᓂᒂ ᓂᒥᐧᑯᔪᐤ, ᓂ ᐱᒋᔅᑲᒄ ᑭᔭ ᓂᔾ ᒪᒃ ᓂ ᐱᒋᔅᑯᐛᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:7

ᑭᔭ ᐊᓐᒡ ᓂᐧᑲᓂᓯᒡ ᐊᓐᑎᕈᓂᑲᔅ ᑭᔭ ᒍᓂᔭᔅ ᓂ ᐛᒋᔭᒪᐅᒡ᙮ ᐊᑯᑕ ᑭᔭ ᐎᔨᐛᐤ ᑲ ᑕᒡ ᒪᒂᒡ ᑲᒪᑯᓄᐛᓯᐅᒋᐛᐱᒡ ᑲ ᑕᐅᒡ᙮ ᓇᔅᒡ ᒥᔪ ᒋᔅᑕᔨᒥᑯᐅᒡ ᑯᑎᑲ ᐊᑈᔅᑕᓇ᙮ ᐎᔨᐛᐤ ᓂᔅᑎᒻ ᒋ ᑕᑈᔭᔨᒪᐅᒡ ᒋᓴᓴ ᐊᔅᒄ ᐊᑲ ᓂᔾ ᐅᒋ ᑕᑈᔭᔨᒥᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:1

ᓇᒪ ᐊᑯ ᓂᓱᐅᓇᒋᒥᑯᐅᒡ ᒋᓴᒪᓂᑐᐛ ᐊᓐᒡ ᐊᐛᓐᒋ ᒋᓴᔅ ᙭ᑕ ᑲ ᐎᒐᐛᒡ᙮

1 ᑯᕆᓐᑎᔭᓇ 1:30

ᐎᔾ ᒋᓴᒪᓂᑐᐤ ᒋ ᓇᐃᐱᔨᑕᐤ ᒐᒋ ᐎᒐᐅᒪᑯ ᒋᓴᔅ ᙭ᑕ᙮ ᒋᓴᔅ ᒪᒃ ᐊ ᑕᑦ ᐅᒋ ᐊᑯᑕ ᐛᒋ ᐊᔭᔭᐧᒄ ᑭᒐᑕᐛᔨᑎᒧᐅᓐ, ᑭᔭ ᑯᐃᔅᑯᑕᑎᓯᐅᓐ, ᑭᔭ ᐸᔭᒋ ᐱᒪᑎᓯᐅᓐ, ᑭᔭ ᐱᒪᒋᐃᑯᓯᐅᓐ᙮

2 ᑯᕆᓐᑎᔭᓇ 12:2

ᓂ ᒋᔅᒐᔨᒪᐤ ᐸᐃᒄ ᓇᐸᐤ ᑲ ᑕᑈᔭᔨᒪᑦ ᒋᓴᓴ ᓇᐅᓴᑉ ᐱᐳᓇ ᐅᑕᒡ ᓇᔅᒡ ᐊᒋ ᐅᐱᔅᑲᐊᑭᓄᐅᑦ ᒋᒋᒋᓯᑯᒡ ᐃᔅ᙮ ᓇᒪ ᓂ ᒋᔅᒐᔨᑕᓐ ᒥᒄ ᐅᑦ ᐊᒐᒂ ᑲ ᐅᐱᔅᑲᔨᒂᓂ ᒪᒃ ᒋᒡ ᒥᔪᐤ ᑲ ᐃᓯ ᐅᐱᔅᑲᒂ, ᒋᓴᒪᓂᑐᐤ ᒥᒄ ᒋᔅᒐᔨᑎᒻ᙮

2 ᑯᕆᓐᑎᔭᓇ 13:5

ᐃᔭᒂ ᓂᑐ ᒋᔅᒐᔨᒥᓱᒄ᙮ ᓂᑐ ᒋᔅᒐᔨᒥᓱᒄ ᐊᔅᒄ ᑕᑈ ᑎᔭᑈᑎᒧᐛᒂ᙮ ᒋ ᓂᔅᑐᑕᓇᐛᐤ ᐊ ᒋᓴᔅ ᙭ ᐊ ᐱᒋᔅᑲᑎᑕᒄ ? ᐊᑲ ᑎᔭᑈᑎᒧᐛᒂ ᓇᒪᐎᔾ ᑭᑈ ᑕᑈ ᒋᐱᒋᔅᑲᑯᐛᐤ᙮

2 ᑯᕆᓐᑎᔭᓇ 5:17

ᐃᔅᐱ ᙭ᑕ ᐊ ᑕᔨᒋ ᐊ ᐃᓯ ᑎᐸᔨᑕᑯᓯᑦ ᐊᐛᓐ ᓇᔅᒡ ᐅᔅᒋᑕᑭᓄᐅᔪᐤ ᐅᐱᒪᑎᓯᐅᓐ᙮ ᑕᓐ ᑲ ᐃᑕᔨᑕᑯᓯᑦ ᐛᔅᑭᒡ ᓴᔅ ᐎᒪᐱᔨᔪᐤ᙮ ᒥᓯᐛ ᒋ ᐃᓯ ᐅᔅᒋᐊᑭᓄᐤ ᐅᐱᒪᑎᓯᐅᓂᒡ᙮

2 ᑯᕆᓐᑎᔭᓇ 5:19

ᐊᐅᒄ ᒪᒃ ᐅ ᐛ ᐃᓯ ᐎᑎᒪᒡ, ᒋᓴᒪᓂᑐᐤ ᓂᑐᐛᔨᒪᐤ ᒥᓯᐛ ᐊᐛᔪᐛ ᒥᓐ ᑲᐤ ᒐᒋ ᐎᒐᐅᑯᑦ ᙭ᑕ ᐅᒡ᙮ ᐛᐸᔨᑎᒪᒐᐤ ᒥᒋᑥᐅᓇ᙮ ᓂᒋ ᒥᔨᑯᓇᓐ ᒐᒋ ᐃᓯ ᐛᐎᑎᒧᒋᒡ ᒥᓐ ᑲᐤ ᒐ ᐎᒐᐛᑦ ᐊᐛᓐ ᒋᓴᒪᓂᑐᐛ᙮

ᑲᓚᓯᔭᓇ 2:20

ᐛᔅ ᒧᔭᒻ ᑕᑈ ᐊᒋ ᐎᒋ ᓂᐱᒥᒃ ᒋᓴᔅ ᑲ ᒋᔅᑕᔎᑕᑭᓄᐅᑦ ᐃᓯᓇᑯᓐ᙮ ᐊᓄᒡ ᒪᒃ ᓇᒪᐎᔾ ᐊᑯ ᓂᔾ ᓂ ᒋᔅᒋᓄᐱᔨᑕᓐ ᓂᐱᒪᑎᓯᐅᓐ᙮ ᐎᔾ ᒋᓴᔅ ᒋᔅᒋᓄᐱᔨᑕᐤ ᓂᐱᒪᑎᓯᐅᓂᔪᐤ ᐛᔅ ᓂ ᐱᒋᔅᑲᒄ᙮ ᐊᑯ ᒪᒃ ᐅ ᐊᓄᒡ ᐊ ᐃᓯ ᐱᒪᑎᓯᔭᓐ ᓂ ᐱᒪᑎᓯᓐ ᐊ ᑕᑈᔭᔨᒥᒃ ᐊᓐ ᑲ ᓴᒋᐃᑦ ᑭᔭ ᑲ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ ᓂᔾ ᐅᒋ, ᐊᐅᒄ ᒋᓴᒪᓂᑐᐤ ᐅᑯᓴ᙮

ᐃᐱᓯᔭᓇ 2:10

ᐛᔅ ᐎᔾ ᒋᓴᒪᓂᑐᐤ ᔅᒋ ᑐᑕᑯᓄᐤ ᒐᒋ ᑯᐃᔅᑯᓇᑯᓯᔭᐧᒄ ᐊᓂᔭ ᐅᒋ ᑕᓐ ᑲ ᐃᑐᑎᒥᔨᒋ ᙭ ᒋᓴᓴ᙮ ᙭ᑕ ᒪᒃ ᐊ ᐎᒐᐅᒪᐧᑯ, ᒋᓴᒪᓂᑐᐤ ᔅᒋ ᐃᑕᔨᑕᑯᐃᑯᓄᐤ ᒐᒋ ᒪᒥᔪᑐᑎᒪᐧᑯ ᐊᐛᔪᐛ, ᐛᔅ ᐊᔪᐅᒄ ᐅᔭ ᓴᔅ ᐊᓐᑕ ᐛᔅᑭᒡ ᓂᑲᓐ ᑲ ᐃᓯ ᐎᔭᔨᑕᐧᒃ ᒐ ᐃᑐᐛᐧᒄ᙮

ᑯᓚᓯᔭᓇ 1:19

ᐛᔅ ᒋᓴᒪᓂᑐᐤ ᒋ ᓇᐊᔨᑎᒻ ᓇᔅᒡ ᒐᒋ ᐱᒋᔅᑯᐛᑦ ᒋᓴᓴ ᒐᒋ ᓂᔅᐱᑕᑯᑦ᙮

ᑯᓚᓯᔭᓇ 1:27

ᒋᓴᒪᓂᑐᐤ ᒪᒃ ᒋ ᐃᑕᔨᑎᒥᐃᑯᐤ ᒐᒋ ᒋᔅᒐᔨᑎᒥᔨᒋ ᐊᑯ ᐅᑦ ᐃᔨᒪ ᐊᓂᔭ ᐊᑲ ᐅᒋ ᒋᔅᒐᔨᑎᒪᐊᑦ ᐊᓐᑕ ᐅᑕᒡ᙮ ᐊᔪᐛᒡ ᒪᒃ ᒪᒥᔅᑲᑕᔨᑕᑯᓂᔪᐤ ᐅᔭ ᐛ ᐃᓯ ᒋᔅᒐᔨᑎᒪᐊᑦ ᒥᓯᐛ ᐊᐛᔪᐛ᙮ ᐊᓐ ᒪᒃ ᐊᑲ ᓂᑕ ᐅᒋ ᐸᒋ ᒋᔅᒐᔨᑕᑭᓄᐅᒡ ᐊᐅᒄ ᙭ ᐊ ᐱᒋᔅᑲᑕᒄ ᒋᑕᐃᐛᒡ ᐛᔅ ᐊᑯᑕ ᐛᒋ ᒐᔅᑎᓇᑕᔨᑎᒥᐃᑯᔭᒄ ᑕᑈ ᒐ ᐅᑎᑎᒪᒄ ᒥᓯᐛ ᑕᓐ ᐊ ᐃᓯ ᒥᔪ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮

ᑯᓚᓯᔭᓇ 2:9

ᒋᓴᒪᓂᑐᐤ ᓇᔅᒡ ᒋ ᓄᑯᑕᐤ ᙭ᑕ ᐅᐱᒪᑎᓯᐅᓂᔨᒡ ᑕᓐ ᐊᓐ ᐊ ᐃᑕᔨᑕᑯᓯᑦ ᐎᔾ ᒋᓴᒪᓂᑐᐤ᙮

1 ᒠᓐ 4:12

ᓇᒪ ᓂᑕ ᐊᐛᓐ ᐅᒋ ᐛᐱᒪᐤ ᒋᓴᒪᓂᑐᐛ, ᒧᔭᒻ ᓯᐊᒋᐃᑐᐛᐛᒂ, ᒋ ᐱᒋᔅᑲᑯᓄᐤ ᒋᓴᒪᓂᑐᐤ ᑭᔭ ᐅᓴᒋᐃᐛᐅᓐ ᒐᔅᑎᓇᑕᔨᑕᑯᓂᔪᐤ ᐊ ᐱᒋᔅᑲᑯᐛᐧᒄ᙮