ᒠᓐ 14:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐊᐅᒄ ᒪᒃ ᐊᓐ ᑲ ᐸᔭᒋᓯᑦ ᐊᒐᐧᒄ, ᐊᓐ ᑲ ᒋᔅᒐᔨᑎᒥᐃᐛᑦ ᑕᑈᐅᓂᔪᐤ᙮ ᐊᓐᒡ ᐊᐛᓐᒋ ᐊᑲ ᑕᑈᔭᔨᒪᒡ ᐅᑕᐎᒪᐛ ᓇᒪ ᒋᑭ ᒋ ᐱᑎᑲᐊᐅᒡ ᐅᐱᒪᑎᓯᐅᓄᐛᒡ ᑲ ᐸᔭᒋᓯᔨᒋ ᐊᒐᒂ, ᐛᔅ ᓇᒪ ᐛᐱᒪᐅᒡ ᑭᔭ ᓇᒪ ᒋᔅᒐᔨᒪᐅᒡ᙮ ᒥᒄ ᒪᒃ ᒋᔨᐛᐤ ᒋ ᒋᔅᒐᔨᒪᐛᐤ ᐛᔅ ᒋ ᐎᒐᐅᑯᐛᐤ ᑭᔭ ᒋᑭ ᐱᒋᔅᑲᑯᐛᐤ᙮”

ᒠᓐ 14:17 Iomraidhean Croise

ᒪᑎᔪᐤ 10:20

ᐛᔅ ᐊᓐ ᒐ ᐃᔅᒋᔄᔭᒄ, ᓇᒪᔭᐤ ᒋᔨᐛᐤ ᐊᓐ ᒋᑦ ᐃᔨᒧᐅᓄᐛᐤ ᒥᒄ ᒪᒃ ᐊᓐ ᒐ ᐃᔅᒋᔄᔭᒄ ᐊᒐᐧᒄ ᒍᑕᐎᓄᐤ ᐊ ᑕᑦ ᑲ ᐅᒋᑦ ᐊᐅᒄ ᐊᓐ ᒐ ᒥᔨᑕᒄ ᑕᓐ ᐊᓐ ᒐ ᐃᔅᒋᔄᐛᒄ᙮”

ᒠᓐ 14:16

ᓂᑭ ᐊᔭᒥᐊᓐ ᐊ ᓂᑐᑎᒧᐅᒃ ᓄᑕᐎᔾ ᒐᒋ ᐃᑎᓴᐊᒪᑕᒄ ᒥᓐ ᑯᑎᑲ ᐊᐛᔪᐛ ᒐᒋ ᐎᒋᐃᑎᑕᑯ ᑭᔭ ᒧᔅ ᑲᒋᒡ ᒐᒋ ᑕᑦ ᐊᓐᑕ ᐊ ᑕᔭᒄ᙮

ᒠᓐ 14:23

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᐊᓐ ᐊᐛᓐ ᑲ ᓴᒋᐃᑦ ᒋᑭ ᓂᓇᐃᑎᒻ ᓂᑦ ᐃᔨᒧᐅᓂᔪᐤ᙮ ᓄᑕᐎᔭ ᒋᑭ ᓴᒋᐃᑯᐤ᙮ ᑕᐱᔅᑯᓐ ᓄᑕᐎᔾ ᑭᔭ ᓂᔾ ᓂᑭ ᓂᑐᐛᐱᒪᓇᓐ ᑭᔭ ᒐ ᐎᒋᒥᒋᑦ᙮

ᒠᓐ 15:26

“ᒋᑭ ᐸᒋ ᑎᑯᓯᓐ ᐊᓐ ᐊᐛᓐ ᒐ ᐎᒋᐃᑕᐧᒄ, ᐊᐅᒄ ᑲ ᐸᔭᒋᓯᑦ ᐊᒐᐧᒄ᙮ ᓂᔾ ᓂᑭ ᐸᒋ ᐃᑎᓴᐛᐤ ᐊᓐᑕ ᐅᒋ ᐅᑕᐎᒪᐤ ᐊ ᑕᑦ᙮ ᒋᑭ ᐎᑎᒻ ᑕᑈᐅᓂᔪᐤ᙮ ᓂᔾ ᒪᒃ ᓂᑭ ᐊᔨᒧᒥᒄ᙮

ᒠᓐ 16:13

ᒥᒄ ᒪᒃ ᐃᔅᐱ ᑎᑯᓯᒐ ᐅ ᐊᒐᐧᒄ ᑲ ᒋᔅᒐᔨᑎᒥᐃᐛᑦ ᑕᑈᐅᓂᔪᐤ, ᐊᐅᒄ ᒐ ᒋᔅᒐᔨᑎᒥᐃᑕᒄ ᒥᓯᐛ ᑕᑈᐅᓂᔪᐤ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒡ᙮ ᓇᒪ ᒋᑭ ᐅᒋ ᐃᔅᒋᔄᐤ ᒐᒂᔪᐤ ᐸᑐᔅ ᒋᓴᒪᓂᑐᐛ ᐃᑎᓱᒥᑯᒐ ᒐᒋ ᐃᔅᒋᔄᑦ᙮ ᐊᓂᔭ ᒪᒃ ᑕᓐ ᒐ ᐃᓯ ᐸᑐᐛᑦ ᐊ ᐃᔅᒋᔄᔨᒋ ᐊᔪᐅᒄ ᐅᔭ ᒐ ᐃᓯ ᐛᐎᑕᐧᒃ᙮ ᒋᑭ ᐛᐎᑎᒪᑯᐛᐤ ᐊᓂᔭᔪᐛ ᒐᒂᔪᐛ ᒐ ᐊᑎ ᐃᔅᐱᔨᒋ᙮

ᒠᓐ 6:40

ᐛᔅ ᐊᐅᒄ ᐅᔭ ᓄᑕᐎᔾ ᐅᑦ ᐃᑕᔨᑎᒧᐅᓐ, ᒥᓯᐛ ᐊᐛᔪᐛ ᑲ ᐛᐱᒪᔨᒋ ᑭᔭ ᑲ ᑕᑈᔭᔨᒪᔨᒋ ᐅᑯᓯᓯᒪᐛ ᑲᒋᒡ ᐱᒪᑎᓯᐅᓂᔪᐤ ᒐᒋ ᐊᔭᔨᒋ᙮ ᓂᔾ ᒪᒃ ᒐ ᐅᓂᔅᑲᓂᒥᒋ ᒪᔅᑕᔾ ᒋᓯᑲᒐ᙮”

1 ᑯᕆᓐᑎᔭᓇ 14:15

ᒪᐅ ᓂᐸ ᐃᑎᓐ᙮ ᐊ ᐊᔭᒥᐊᔭᓐ ᓂᐸ ᒂᔅᒋᐃᔨᒥᓐ ᑭᔭ ᐊ ᓂᔅᑐᑕᓱᔭᓐ ᓂᐸ ᐃᓯ ᐊᔭᒥᐊᓐ᙮ ᓂᐸ ᒂᔅᒋᐃᔨᒥᓐ ᑭᔭ ᐊ ᓂᑭᒧᔭᓐ ᑭᔭ ᓂᐸ ᓂᑭᒧᓐ ᐊ ᓂᔅᑐᑕᓱᔭᓐ᙮

1 ᑯᕆᓐᑎᔭᓇ 2:14

ᐊᓐ ᐊᐛᓐ ᐊᑲ ᐊᔭᐛᑦ ᒋᓴᒪᓂᑐᐛ ᐅᑦ ᐊᒐᐧᑯᔪᐛ, ᓇᒪ ᒋᑭ ᒋ ᐅᑎᓂᒻ ᐊᓂᔭᔪᐛ ᒥᔨᐛᐅᓇ ᑕᓐ ᐊ ᐃᓯ ᒥᔨᐛᔨᒋ ᒋᓴᒪᓂᑐᐛ ᐅᑦ ᐊᒐᐧᑯᔪᐛ᙮ ᐅ ᐊᐛᓐ ᓇᒪ ᑕᑈ ᓂᔅᑐᑎᒻ ᒐᒂᔪᐛ ᐅᔭ, ᓇᒪ ᐎᔭᔅ ᐃᑕᐱᑎᓇ ᐃᑕᔨᑎᒻ᙮ ᐛᔅ ᒥᒄ ᐊᓐᒡ ᐸᔭᒋ ᐊᒐᒂ ᑲ ᐊᔭᐛᒡ ᒋᑭ ᒋ ᓂᔅᑐᑎᒧᒡ ᑕᓐ ᐊ ᐃᓯ ᒋᒋᐛ ᐃᑕᔨᑕᑯᓂᔨᒋ ᐅᔭ ᒥᔨᐛᐅᓇ᙮

1 ᑯᕆᓐᑎᔭᓇ 3:16

ᓇᒪ ᓇ ᐊ ᒋ ᒋᔅᒐᔨᑕᓇᐛᐤ ᒧᔭᒻ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᐊ ᐃᓯᓇᑯᓯᔭᒄ, ᑭᔭ ᒋᓴᒪᓂᑐᐤ ᐅᑦ ᐊᒐᒂ ᐊ ᐱᒋᔅᑲᑎᑕᑯ᙮

1 ᑯᕆᓐᑎᔭᓇ 6:19

ᑭᔭ ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᑲ ᐸᔭᒋᓯᑦ ᐊᒐᐧᒄ ᐊ ᐅᑦ ᐊᔭᒥᐊᐅᒋᐛᐱᑦ ᒋᔪᐛᐛ᙮ ᐊᔪᐅᒄ ᐅᔭ ᐊᒐᒂ ᒋᓴᒪᓂᑐᐤ ᑲ ᒥᔨᑕᒄ᙮ ᓇᒪ ᒋᔾ ᒋ ᑎᐱᔨᐛᐅᓯᓐ ᒋᔪᐤ᙮ ᒋᓴᒪᓂᑐᐤ ᑎᐱᔨᐛᐅᓯᐤ ᒋᔭᔪᐤ᙮

2 ᑯᕆᓐᑎᔭᓇ 13:5

ᐃᔭᒂ ᓂᑐ ᒋᔅᒐᔨᒥᓱᒄ᙮ ᓂᑐ ᒋᔅᒐᔨᒥᓱᒄ ᐊᔅᒄ ᑕᑈ ᑎᔭᑈᑎᒧᐛᒂ᙮ ᒋ ᓂᔅᑐᑕᓇᐛᐤ ᐊ ᒋᓴᔅ ᙭ ᐊ ᐱᒋᔅᑲᑎᑕᒄ ? ᐊᑲ ᑎᔭᑈᑎᒧᐛᒂ ᓇᒪᐎᔾ ᑭᑈ ᑕᑈ ᒋᐱᒋᔅᑲᑯᐛᐤ᙮

2 ᑯᕆᓐᑎᔭᓇ 6:16

ᓇᒪ ᒋᑭ ᒋ ᑎᔭᑭᓄᐎᒡ ᒥᓂᑐᐧᑲᓐᒡ ᐊᓐᑕ ᒋᓴᒪᓂᑐᐤ ᐅᑦ ᐊᔭᒥᐊᐅᒋᐛᐱᒡ᙮ ᒋᔭᓄᐤ ᐛᔅ ᒋᓴᒪᓂᑐᐤ ᑲ ᐱᒪᑎᓯᑦ ᐅᑦ ᐊᔭᒥᐊᐅᒋᐛᑉ᙮ ᒧᔭᒻ ᒋᓴᒪᓂᑐᐤ ᑲ ᐃᔅᒋᔄᑦ, “ᓂᑭ ᐱᒋᔅᑯᐛᐅᒡ ᑭᔭ ᒧᔅ ᓂᑭ ᐎᒐᐛᐅᒡ᙮ ᓂᔾ ᓂᑭ ᐅᒋᓴᒪᓂᑐᒥᑐᑕᑯᒡ᙮ ᐎᔨᐛᐤ ᓂᑭ ᐅᑦ ᐃᔨᒥᑐᑐᐛᐅᒡ᙮”

ᑲᓚᓯᔭᓇ 4:6

ᐊ ᐅᑦ ᐊᐛᓯᒥᑐᑕᑕᐧᒄ ᒪᒃ ᒋᓴᒪᓂᑐᐤ, ᒋ ᐸᒋ ᐃᑎᓴᐛᐤ ᐅᑯᓴ ᐅᑦ ᐊᒐᐧᑯᔪᐛ ᒋᑕᐃᓇᒡ᙮ ᐊᓐ ᒪᒃ ᐊᒐᐧᒄ ᐊᐅᒄ ᐊ ᐃᑐᑕᑕᐧᒄ, “ᓄᑕ, ᓄᑕᐎᔾ,” ᒐᒋ ᐃᓯ ᑕᑈᑕᐧᒄ ᒋᓴᒪᓂᑐᐤ᙮

ᐃᐱᓯᔭᓇ 2:22

ᑭᔭ ᒋᔨᐛᐤ ᐊᑯᑕ ᐊ ᐊᓯᒡ ᐅᐱᑲᐳᐃᑯᐅᔭᒄ ᐊᓐᑕ ᒐ ᑕᔨᒋ ᒋᓴᒪᓂᑐᐤ ᐅᑦ ᐊᒐᒂ᙮

ᐃᐱᓯᔭᓇ 3:17

ᑭᔭ ᓂᑦ ᐊᔭᒥᐊᐤ, ᙭ ᒐᒋ ᑕᑦ ᒋᐱᒪᑎᓯᐅᓄᐛᒡ ᐊᓐ ᐅᒋ ᐊ ᑕᑈᑎᒪᒄ᙮ ᑭᔭ ᐊᓐ ᐊ ᐊᑎ ᔭᐃᒋᓂᑕᐅᒋᔭᒄ ᑭᔭ ᐊ ᐊᑎ ᐊᔨᒋᑲᐳᐅᔭᒄ ᓴᒋᐃᐛᐅᓂᒡ ᐃᔅ,

ᑯᓚᓯᔭᓇ 1:27

ᒋᓴᒪᓂᑐᐤ ᒪᒃ ᒋ ᐃᑕᔨᑎᒥᐃᑯᐤ ᒐᒋ ᒋᔅᒐᔨᑎᒥᔨᒋ ᐊᑯ ᐅᑦ ᐃᔨᒪ ᐊᓂᔭ ᐊᑲ ᐅᒋ ᒋᔅᒐᔨᑎᒪᐊᑦ ᐊᓐᑕ ᐅᑕᒡ᙮ ᐊᔪᐛᒡ ᒪᒃ ᒪᒥᔅᑲᑕᔨᑕᑯᓂᔪᐤ ᐅᔭ ᐛ ᐃᓯ ᒋᔅᒐᔨᑎᒪᐊᑦ ᒥᓯᐛ ᐊᐛᔪᐛ᙮ ᐊᓐ ᒪᒃ ᐊᑲ ᓂᑕ ᐅᒋ ᐸᒋ ᒋᔅᒐᔨᑕᑭᓄᐅᒡ ᐊᐅᒄ ᙭ ᐊ ᐱᒋᔅᑲᑕᒄ ᒋᑕᐃᐛᒡ ᐛᔅ ᐊᑯᑕ ᐛᒋ ᒐᔅᑎᓇᑕᔨᑎᒥᐃᑯᔭᒄ ᑕᑈ ᒐ ᐅᑎᑎᒪᒄ ᒥᓯᐛ ᑕᓐ ᐊ ᐃᓯ ᒥᔪ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮

2 ᑎᒧᑎ 1:14

ᑲ ᐸᔭᒋᓯᑦ ᐊᒐᐧᒄ ᒪᒃ ᐅᓱᐧᑲᑎᓯᐅᓐ ᐊ ᐃᓯ ᐱᒋᔅᑲᑯᐅᑦ, ᓱᒃ ᐃᔭᒂ ᐃᓯ ᓂᓇᑭᑐᐛᔨᑕ ᒥᔽᒋᒧᐅᓐ ᑕᑈᐅᓐ ᑕᓐ ᐊᓐ ᑲ ᐱᔅᑎᓂᒪᑯᔨᓐ ᒐ ᐛᐎᑎᒥᓐ᙮

1 ᒠᓐ 2:27

ᒥᒄ ᒪᒃ ᙭ ᔅᒋ ᑐᒥᔅᑯᓂᑯᐛᐤ ᐅᑦ ᐊᒐᒂ᙮ ᐊ ᐊᔭᐅᒪᑯ ᒪᒃ ᐅᔭ ᐅᑦ ᐊᒐᒂ, ᓇᒪ ᒋ ᓂᑐᐛᔨᒪᐛᐤ ᑯᑎᒃ ᐊᐛᓐ ᒐᒋ ᒋᔅᑯᑎᒪᑕᒄ᙮ ᐛᔅ ᐅᔭ ᙭ ᐅᑦ ᐊᒐᒂ ᐊᐅᒄ ᒐ ᒋᔅᑯᑎᒪᑕᒄ ᒥᓯᐛ ᒐᒂᔪᐤ, ᒧᔅ ᒪᒃ ᑕᑈᒥᑭᓂᔪᐤ ᐊᓂᔭ ᐊ ᐃᓯ ᒋᔅᑯᑎᒪᒐᑦ, ᓇᒪ ᑭᑭᒋᔭᒥᑭᓂᔪᐤ᙮ ᓂᓇᐃᑐᐛᐧᒄ ᑕᓐ ᐊ ᐃᓯ ᒋᔅᑯᑎᒪᑕᒄ ᐊᒐᐧᒄ ᑭᔭ ᐎᒐᐛᐧᒄ ᙭᙮

1 ᒠᓐ 3:24

ᒥᓯᐛ ᐊᓐᒡ ᑲ ᐃᑐᑎᒺᒡ ᑕᓐ ᐊ ᐃᑎᓱᒥᑯᒡ ᒋᓴᒪᓂᑐᐛ ᒧᔅ ᐎᒐᐛᐅᒡ ᒋᓴᒪᓂᑐᐛ ᑭᔭ ᐎᔨᐛᐤ ᒪᒃ ᒧᔅ ᐎᒐᐅᑯᐅᒡ᙮ ᐊᓂᔭᔪᐛ ᒪᒃ ᐅᑦ ᐊᒐᒂ ᑲ ᒥᔨᑕᐧᒄ, ᐊᑯᑕ ᐛᒋ ᒋᔅᒐᔨᑎᒪᐧᒄ ᐊ ᐎᒐᐅᑕᐧᒄ ᒋᓴᒪᓂᑐᐤ᙮

1 ᒠᓐ 4:4

ᓂᑦ ᐊᐛᓯᒥᑎᒄ, ᒋᓴᒪᓂᑐᐤ ᔅᒋ ᐱᒪᒋᐃᑯᐛᐤ᙮ ᓇᒪ ᒪᒃ ᒋ ᐅᒋ ᓴᐧᑯᒋᐃᑯᐛᐅᒡ ᐊᓐᒡ ᐊᑲ ᑯᐃᔅᒄ ᐊᓯ ᒋᔅᑯᑎᒪᒐᒡ ᒐᒋ ᑕᑈᑐᐛᑯᒡ᙮ ᐛᔅ ᐃᐛᒃ ᓱᒐᔨᑕᑯᓯᔪᐛ ᐊᓂᔭ ᑲ ᐱᒋᔅᑲᑎᔨᑕᑯ ᐃᔅᐱᔅ ᐊᓂᔭᔪᐛ ᐊᓐᒡ ᐊᔅᒋᒡ ᑲ ᐃᓯ ᐱᒪᑎᓯᒡ ᑲ ᐱᒋᔅᑲᑯᒡ᙮

1 ᒠᓐ 4:6

ᒋᔭᓄᐤ ᐎ ᒋᓴᒪᓂᑐᐤ ᔅᒋ ᐱᒪᒋᐃᑯᓄᐤ᙮ ᐊᓐ ᐊᐛᓐ ᑲ ᒋᔅᒐᔨᒪᑦ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᒋ ᓂᑐᑕᑯᓄᐤ ᑕᓐ ᐊ ᐃᔅᒋᔄᐛᐧᒄ᙮ ᐊᑯ ᐊᓐ ᐊᐛᓐ ᐊᑲ ᒋᔅᒐᔨᒪᑦ ᒋᓴᒪᓂᑐᐛ, ᓇᒪ ᒋ ᓂᑐᑕᑯᓄᐤ᙮ ᐊᑯᑕ ᐛᒋ ᒋᔅᒐᔨᒪᐧᒄ ᑕᑈᐅ-ᐊᒐᐧᒄ ᑭᔭ ᑲ ᐎᔭᓯᒧᐛᑦ ᐊᒐᐧᒄ᙮

1 ᒠᓐ 5:7

ᑲ ᐸᔭᒋᓯᑦ ᐊᒐᐧᒄ ᒪᒃ ᐊᐅᒄ ᑕᐸᑕᐧᒃ ᐅᔭ᙮ ᑕᑈᐤ ᒪᒃ ᐅ ᐊᒐᐧᒄ᙮

ᒋᔅᒐᔨᑕᑯᑕᒐᐅᓐ 2:17

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᒐ ᓴᐧᑯᒋᑕᐛᒂ ᑕᓐ ᒐ ᐃᓯ ᑯᒂᒋᐃᑯᒡ ᒥᒋ ᒐᒂᔪᐤ, ᓂᑭ ᐊᓯᒪᐅᒡ ᐊᓂᔭ ᒋᒋᒋᓯᒄ ᐸᒂᓯᑭᓇ ᑲ ᑲᔭᑭᓄᔨᒋ᙮ ᓂᑭ ᒥᔭᐅᒡ ᐊᓯᓂᔭ ᐊ ᐛᐸᐱᔅᒋᓯᔨᒋ ᐊᓐᑕ ᒪᓯᓇᑕᔨᒡ ᐊ ᐅᔅᑲᔨᒡ ᐃᓯᓂᐧᑲᓱᐅᓂᔪᐤ᙮ ᓇᒪ ᒪᒃ ᐊᐛᓐ ᒋᔅᒐᔨᑎᒻ ᐅᔭ ᐃᓯᓂᐧᑲᓱᐅᓂᔪᐤ, ᒥᒄ ᐊᓐ ᐊᐛᓐ ᒐ ᒥᔭᑭᓄᐅᒂ, ᐊᐅᑯᓐ ᒐ ᒋᔅᒐᔨᑕᐧᒃ᙮”