ᒠᓐ 14:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᓂᑭ ᐊᔭᒥᐊᓐ ᐊ ᓂᑐᑎᒧᐅᒃ ᓄᑕᐎᔾ ᒐᒋ ᐃᑎᓴᐊᒪᑕᒄ ᒥᓐ ᑯᑎᑲ ᐊᐛᔪᐛ ᒐᒋ ᐎᒋᐃᑎᑕᑯ ᑭᔭ ᒧᔅ ᑲᒋᒡ ᒐᒋ ᑕᑦ ᐊᓐᑕ ᐊ ᑕᔭᒄ᙮

ᒠᓐ 14:16 Iomraidhean Croise

ᒪᑎᔪᐤ 28:20

ᑭᔭ ᒐ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”

ᒠᓐ 14:14

ᒥᒄ ᑕᓐ ᒐ ᐃᓯ ᓂᑐᑎᒪᔭᒄ ᓂᑦ ᐃᓯᓂᐧᑲᓱᐅᓐ ᐊ ᐊᐱᒋᑕᔭᒄ ᓂᑭ ᑐᑕᓐ᙮”

ᒠᓐ 14:18

“ᓇᒪ ᓇᐅᔅ ᒋᑭ ᐅᒋ ᓂᑭᑎᑎᓇᐛᐤ ᐅᑕ ᐊᔅᒋᒡ᙮ ᒥᓐ ᒋᑭ ᐸᒋ ᓂᑐᐛᐱᒥᑎᓇᐛᐤ᙮

ᒠᓐ 14:26

ᐊᓂᔭ ᑲ ᐸᔭᒋᓯᔨᒋ ᐊᒐᒂ ᓄᑕᐎᔾ ᒐ ᐸᒋ ᐃᑎᓴᐊᒪᑕᒄ ᓂᑦ ᐃᓯᓂᐧᑲᓱᐅᓂᒡ ᐅᒡ ᐊᐅᑯᓐ ᐊᓐ ᒥᓯᐛ ᒐᒂᔪᐤ ᒐ ᒋᔅᑯᑎᒪᑕᒄ ᑭᔭ ᒋᑭ ᒋᔅᒋᒥᑯᐛᐤ ᒥᓯᐛ ᒐᒂᔪᐤ ᑲ ᐃᓯ ᐎᑎᒪᑎᑯᒡ᙮”

ᒠᓐ 15:26

“ᒋᑭ ᐸᒋ ᑎᑯᓯᓐ ᐊᓐ ᐊᐛᓐ ᒐ ᐎᒋᐃᑕᐧᒄ, ᐊᐅᒄ ᑲ ᐸᔭᒋᓯᑦ ᐊᒐᐧᒄ᙮ ᓂᔾ ᓂᑭ ᐸᒋ ᐃᑎᓴᐛᐤ ᐊᓐᑕ ᐅᒋ ᐅᑕᐎᒪᐤ ᐊ ᑕᑦ᙮ ᒋᑭ ᐎᑎᒻ ᑕᑈᐅᓂᔪᐤ᙮ ᓂᔾ ᒪᒃ ᓂᑭ ᐊᔨᒧᒥᒄ᙮

ᒠᓐ 16:22

ᐊᐅᑯᓐ ᒪᒃ ᒧᔭᒻ ᑭᔭ ᒋᔨᐛᐤ, ᐊᓄᒡ ᒋ ᒥᓯᒪᔨᑕᓇᐛᐤ᙮ ᒥᒄ ᒪᒃ ᐃᔅᐱᔅ ᒥᓐ ᐛᐱᒥᑎᑯᒐ ᓇᔅᒡ ᑕᑈ ᒋᑭ ᒥᔽᔨᑕᓇᐛᐤ᙮ ᓇᒪ ᒪᒃ ᐊᐛᓐ ᒋᑭ ᐅᒋ ᐃᑐᑕᑯᐛᐤ ᒐᒋ ᒥᔅᑭᒥᑕᒄ ᒋᒧᒋᒐᔨᑎᒧᐅᓄᐛᔪᐤ᙮”

ᒠᓐ 17:15

ᓇᒪ ᐎ ᒋ ᓂᑐᑎᒪᑎᓐ ᒐᒋ ᐅᑎᓂᑥᐤ ᐅᑕ ᐊᔅᒋᒡ ᐅᒋ, ᒋ ᓂᑐᑎᒪᑎᓐ ᒐᒋ ᑭᓄᐛᔨᒥᑥᐤ ᒐ ᐊᑲ ᒋ ᐱᔅᒐᔨᒥᑯᒡ ᒥᒋᒥᓂᑐᐛ᙮

ᒠᓐ 17:20

“ᓇᒪ ᒥᒄ ᐅᒡ ᐅᑕ ᐊ ᑕᒡ ᓂᑦ ᐊᔭᒥᐊᔅᑎᒧᐛᐅᒡ᙮ ᓂᑦ ᐊᔭᒥᐊᔅᑎᒧᐛᐅᒡ ᑭᔭ ᐊᓐᒡ ᑲ ᑕᑈᔭᔨᒥᒡ ᐊᓂᔭ ᐅᒋ ᑕᓐ ᑲ ᐃᓯ ᐸᒋ ᐊᔨᒧᒥᔨᒋ ᐅᔭ᙮

ᒠᓐ 4:14

ᐊᐛᓐ ᒪᒃ ᒐ ᒥᓐᑦ ᐊᓂᔭ ᓂᐱᔪᐤ ᒐ ᒥᔨᒃ ᒐᒋ ᒥᓐᑦ, ᓇᒪ ᓂᑕ ᒥᓐ ᒋᑭ ᐅᒋ ᐸᐧᑯᑕᑎᒻ᙮ ᐛᔅ ᐊᓂᔭ ᓂᐱᔪᐤ ᒐ ᒥᔨᒃ ᒋᑭ ᐱᒋᔅᑲᑯᐤ ᒧᔭᒻ ᐊ ᐅᒋ ᒧᔅᒋᒍᐅᓂᔨᒡ ᒋᑭ ᐃᓯᓇᑯᓂᔪᐤ, ᐊᐅᒄ ᒪᒃ ᐅ ᑲ ᐱᒪᒋᐃᐛᒥᑲᒡ ᓂᐱᔾ ᐊᓐᑕ ᒐᒋ ᐅᒋ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ ᒥᓂᒐ᙮”

ᒠᓐ 7:39

ᐊᔪᐅᒄ ᐅᔭ ᑲ ᐃᔅᒋᔄᑦ ᒋᓴᔅ ᐊ ᐊᔨᒧᒪᑦ ᑲ ᐸᔭᒋᓯᔨᒋ ᐊᒐᒂ, ᐊᓂᔭ ᒥᓯᐛ ᐊᐛᓐ ᑲ ᑕᑈᑕᐧᒃ ᒐ ᐊᔭᐛᑦ᙮ ᐊᓐᒡ ᑲ ᑕᑈᑕᒡ ᐊᔅᒄ ᓇᒪ ᐅᒋ ᒥᔭᑭᓄᐎᒡ ᐊᓂᔭᔪᐛ ᑲ ᐸᔭᒋᓯᔨᒋ ᐊᒐᒂ ᐛᔅ ᐊᔅᒄ ᓇᒪ ᐅᒋ ᓂᑐᐛᐱᒪᐤ ᒋᓴᔅ ᐅᑕᐎᒪᐛ ᒐᒋ ᒋᔅᑕᔨᑕᑯᐊᑭᓄᐅᑦ᙮

ᐊᑈᔅᑕᓇᒡ 1:4

ᐃᔅᐱ ᒪᒃ ᑲ ᒪᒧᐎᒡ ᒋᓴᔅ ᒋ ᐃᑕᐤ ᐊᓂᔭᔪᐛ ᐊᑈᔅᑕᓇ, “ᐊᑲᐎᔾ ᓂᑭᑎᒥᒄ ᒋᕈᓯᓕᒻ᙮ ᐊᓱᐛᐸᑎᒺᐧᒄ ᐊᓂᔭᔪᐤ ᒥᔨᐛᐅᓂᔪᐤ ᓄᑕᐎᔾ ᒐᔅᑎᓇᔅ ᑲ ᐃᔅᒋᔄᑦ ᒐ ᒥᔨᑕᒄ, ᐊᐅᒄ ᐅ ᓴᔅ ᑲ ᐸᒋ ᐊᔨᒧᑎᒪᑎᑯᒡ᙮

ᐊᑈᔅᑕᓇᒡ 13:52

ᐊᓐᒡ ᒪᒃ ᑲ ᑕᑈᔭᔨᒪᒡ ᒋᓴᓴ ᐊᓐᑕ ᐊᓐᑎᔭᑭᒡ ᑲ ᑕᒡ ᓇᔅᒡ ᑕᑈ ᒋ ᒥᔽᔨᑎᒧᒡ ᑭᔭ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 9:31

ᐊᓐᒡ ᒪᒃ ᑲᒪᒧᐊᔭᒥᐊᐛᑎᓯᒡ ᒥᓯᐛ ᐊᓐᑕ ᐊᓂᔭ ᐊᔅᒋᒡ ᑲ ᑕᒡ ᒍᑎᔭ ᑭᔭ ᑲᓕᓕ ᑭᔭ ᓴᒪᕆᔭ ᑲ ᐃᓯᓂᐧᑲᑕᔨᒋ, ᐛᐃᐱᔅᒋᔅ ᓇᒪ ᐅᒋ ᓂᓇᐧᑲᒋᐊᑭᓄᐅᒡ᙮ ᒋ ᒋᔅᑕᔨᒪᐅᒡ ᐅᑎᐸᔨᒋᒐᐛ ᐅᒡ ᐃᔪᒡ ᑭᔭ ᐊᔭᔅᒃ ᒋ ᐊᑎ ᐊᔨᒋᑲᐳᐅᒡ ᑭᔭ ᐊᔭᔅᒃ ᒋ ᐊᑎ ᒥᒐᑐᐅᒡ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᐎᒋᐃᑯᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:17

ᐛᔅ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᑕᐸ ᓇᒪᔭᔪᐤ ᑕᓐ ᐊ ᐃᓯ ᒥᒋᓱᑦ ᐊᐛᓐ ᒪᒃ ᒐᒂᔪᐤ ᐊ ᒥᓐᑦ ᓇᔅᒡ ᑲᓄᐛᐸᑕᑭᓄᐅᒡ᙮ ᐊ ᑯᐃᔅᑯᑕᑎᓯᔭᐧᒄ ᑭᔭ ᐊ ᒥᔪ ᐎᒐᐛᐧᑯᒡ ᐊᐛᓐᒋ ᑭᔭ ᐊ ᒥᔽᔨᑎᒪᐧᒄ ᒋᑕᐃᓇᒡ ᐊᐅᒄ ᒋᒋᐛ ᐊ ᐃᑕᔨᑕᒂᒡ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᒥᔨᐛᐤ ᐅᔭ ᒐᒋ ᐃᓯ ᐱᒪᑎᓯᓇᓄᐎᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:13

ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᔭᒄ ᐊᔅᐸᔨᒧᐅᓐ ᐊᐅᑯᓐ ᐊᓐ ᓇᑐᑎᒧᐅᒄ ᓇᔅᒡ ᒐᒋ ᒥᔽᔨᑎᒥᐃᑕᒄ ᑭᔭ ᒐᒋ ᒋᔭᒪᔨᑎᒺᒄ ᐊ ᑕᑈᔭᔨᒪᒄ᙮ ᑭᔭ ᑲ ᐸᔭᒋᓯᑦ ᐊᒐᐧᒄ ᐅᓱᒐᔨᑕᑯᓱᐅᓐ ᒐᒋ ᑐᑕᑯᔭᒄ ᐊᑐᐎᔅ ᒐᒋ ᐊᔅᐸᔨᒧᑐᑕᐛᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:5

ᐊ ᒋᔅᒐᔨᑎᒪᐧᒄ ᒪᒃ ᐊᔅᒄ ᓇᔅᒡ ᒐ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᒋᑭ ᒋ ᒐᔅᑎᓇᑕᔨᑕᓇᓄᐤ ᑕᑈ ᐊᔅᒄ ᒐ ᐃᔅᐱᔨᒡ, ᐛᔅ ᒋᓴᒪᓂᑐᐤ ᑕᑈ ᔅᒋ ᒋᔅᒐᔨᑎᒥᐃᑯᓄᐤ ᒋᑕᐃᓇᒡ ᐅ ᐸᔭᒋ ᐊᒐᒂ ᐅᒋ, ᑕᓐ ᐊᔅᐱᔅ ᓴᒋᐃᑕᐧᒄ᙮ ᐎᔾ ᒪᒃ ᒋᓴᒪᓂᑐᐤ ᔅᒋ ᒥᔨᑯᓄᐤ ᐅᐸᔭᒋ ᐊᒐᒂ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:34

ᓇᒪ ᒪᒃ ᐊᐛᓐ ᒋᑭ ᒋ ᓂᓱᐅᓇᒋᒪᐤ ᒋᓴᒪᓂᑐᐛ ᐅᐅᑎᓇᑭᓂᔪᐛ ᒐᒋ ᐃᔅᒋᔄᑦ ᐊ ᐃᑕᔨᑕᑯᓂᔨᒡ ᒐᒋ ᐛᐛᓯᐊᑭᓄᔨᒋ ᐅᒥᒋᑥᐅᓂᔪᐤ ᐅᒡ᙮ ᐛᔅ ᓇᒪ ᒥᒄ ᒋ ᐅᒋ ᓂᐱᔅᑎᒪᑭᓄᐤ ᙭ ᐊᔪᐤ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒡ᙮ ᒪᒂᒡ ᒪᒃ ᒋᓴᒪᓂᑐᐛ ᐅᒥᔪᐅᓂᒡ ᐊᐳᐤ ᐊ ᐊᔭᒥᐊᔅᑎᒪᑕᐧᒄ᙮

ᑲᓚᓯᔭᓇ 5:22

ᐊᑯ ᒪᒃ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᐱᔅᑎᓂᒧᐛᒡ ᒐᒋ ᑎᐸᔨᑎᒥᔨᒋ ᐊ ᐃᓯ ᐱᒪᑎᓯᒡ ᑭᔭ ᐎᔨᐛᐤ ᒋᐧᑲᓇᑯᓂᔪᐤ ᑕᓐ ᐊᓐ ᐊ ᐃᓯ ᐱᒪᑎᓯᒡ᙮ ᓴᒋᐃᐛᐅᒡ, ᒧᒋᒐᔨᑎᒧᒡ, ᒋᔭᒪᔨᑕᑯᓱᐅᒡ, ᓯᐱᔪᐛᓱᐅᒡ, ᒥᔽᔨᑕᑯᓱᐅᒡ, ᒥᔪᑐᑎᒧᒡ, ᑕᑈᐅᒐᔨᑕᑯᓱᐅᒡ,

ᐱᓕᐱᔭᓇ 2:1

᙭ ᒋ ᐃᑐᑕᑯᐛᐤ ᒐᒋ ᐊᔨᒋᑲᐳᐃᑐᔭᒄ᙮ ᙭ ᒋ ᐃᑐᑕᑯᐛᐤ ᒐᒋ ᓴᒋᐃᑐᔭᒄ ᑭᔭ ᒐᒋ ᓯᒋᒥᑐᔭᒄ᙮ ᑲ ᐸᔭᒋᓯᑦ ᐊᒐᐧᒄ ᒋ ᐃᑐᑕᑯᐛᐤ ᒐᒋ ᒥᔪ ᐎᒐᐅᑐᔭᒄ᙮ ᙭ ᒋ ᐃᑐᑕᑯᐛᐤ ᒐᒋ ᒋᓴᐛᑐᑕᑐᔭᒄ ᑭᔭ ᒐ ᒋᔅᑎᒪᒐᔨᒥᑐᔭᒄ᙮

2 ᑕᓴᓗᓂᔭᓇ 2:16

ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᓴᒋᐃᑯᓄᐅᒡ ᑭᔭ ᔅᒋ ᒥᔨᑯᓄᐅᒡ ᑲᒋᒡ ᒥᔽᔨᒧᐅᓂᔪᐤ ᑭᔭ ᐊᔅᐸᔨᒧᐅᓂᔪᐤ ᓱᐛᔨᒋᒐᐅᓂᒡ ᐅᒡ᙮

ᐃᑉᕈᐛ 7:25

ᓇᔅᒡ ᒋᑭ ᒋ ᐱᒪᒋᐊᐤ ᒥᓯᐛ ᐊᐛᔪᐛ ᑲ ᑕᑈᔭᔨᒥᑯᑦ ᐊ ᓇᑕᔨᒋ ᒋᓴᒪᓂᑐᐛ᙮ ᐛᔅ ᑲᒋᒡ ᐱᒪᑎᓯᐤ ᑭᔭ ᒧᔅ ᒐᒋ ᐃᔨᒥᔅᑎᒧᐛᑦ ᐅᑦ ᐃᔨᒪ᙮

1 ᒠᓐ 2:1

ᒋ ᒥᓯᓇᐊᒪᑎᓇᐛᐤ ᓂᑦ ᐊᐛᓯᒥᑎᒄ ᒐ ᐊᑲ ᒥᒋᑐᑎᒪᒄ᙮ ᐊ ᐃᑕᒂ ᒪᒃ ᐊᐛᓐ ᐊᒋ ᒥᒋᑐᑕᐧᒃ, ᒋᓴᔅ ᙭ ᑲ ᑯᐃᔅᑯᑕᑎᓯᑦ ᐊᐅᒄ ᐅ ᐊ ᐃᔨᒥᔅᑎᒪᑕᐧᒄ ᒍᑕᐎᓄᐛ ᐊ ᑕᔨᒋ᙮

1 ᒠᓐ 2:27

ᒥᒄ ᒪᒃ ᙭ ᔅᒋ ᑐᒥᔅᑯᓂᑯᐛᐤ ᐅᑦ ᐊᒐᒂ᙮ ᐊ ᐊᔭᐅᒪᑯ ᒪᒃ ᐅᔭ ᐅᑦ ᐊᒐᒂ, ᓇᒪ ᒋ ᓂᑐᐛᔨᒪᐛᐤ ᑯᑎᒃ ᐊᐛᓐ ᒐᒋ ᒋᔅᑯᑎᒪᑕᒄ᙮ ᐛᔅ ᐅᔭ ᙭ ᐅᑦ ᐊᒐᒂ ᐊᐅᒄ ᒐ ᒋᔅᑯᑎᒪᑕᒄ ᒥᓯᐛ ᒐᒂᔪᐤ, ᒧᔅ ᒪᒃ ᑕᑈᒥᑭᓂᔪᐤ ᐊᓂᔭ ᐊ ᐃᓯ ᒋᔅᑯᑎᒪᒐᑦ, ᓇᒪ ᑭᑭᒋᔭᒥᑭᓂᔪᐤ᙮ ᓂᓇᐃᑐᐛᐧᒄ ᑕᓐ ᐊ ᐃᓯ ᒋᔅᑯᑎᒪᑕᒄ ᐊᒐᐧᒄ ᑭᔭ ᐎᒐᐛᐧᒄ ᙭᙮

2 ᒠᓐ 1:2

ᐛᔅ ᒋ ᑭᓄᐛᔨᑕᓇᓄᐤ ᑭᔭ ᒋ ᓂᓇᐃᑕᓇᓄᐤ ᑕᑈᐅᓐ ᒋᑕᐃᓇᒡ ᑭᔭ ᐊᑯᑕ ᒧᔅ ᑲᒋᒡ ᒐ ᑎᒂᒡ᙮