ᒠᓐ 14:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᑲ ᐸᒋ ᑕᑈᔭᔨᒥᑦ ᒋᑭ ᐃᑐᑎᒻ ᑕᓐ ᐊ ᐃᓯ ᐃᑐᑎᒧᒡ ᑭᔭ ᐊᑐᐎᔅ ᒪᒥᔅᑲᒡ ᒐᒂᔪᐛ ᒋᑭ ᐃᑐᑎᒻ ᐛᔅ ᐊᓐᑕ ᓄᑕᐎᔾ ᐊ ᑕᑦ ᓂᔾ ᑭᔭ ᓂᑭ ᑕᓐ᙮

ᒠᓐ 14:12 Iomraidhean Croise

ᒪᑎᔪᐤ 21:21

ᐊᑯ ᒋᓴᔅ ᐊᑕᑦ, “ᒋ ᐎᑎᒪᑎᓇᐛᐤ, ᐊᑲ ᓇᔅᒡ ᒐ ᐅᒋ ᐊᓏᑎᒧᐛᒂ ᑭᔭ ᓇᔅᒡ ᒐ ᑕᑈᑎᒧᐛᒂ, ᒋᑭ ᒋ ᐃᑐᑐᐛᐛᐤ ᑭᔭ ᒋᔨᐛᐤ ᑕᓐ ᑲ ᐃᑐᑐᐅᒃ ᐅ ᒥᓯᓱᒥᓇᑎᒄ᙮ ᓇᒪᐎᔾ ᒥᒄ ᐊᓐ ᒐᒂᓐ ᒐᒋ ᐃᑐᑎᒪᒄ ᑭᔭ ᒋᑭ ᒋ ᐃᑎᓱᐛᑕᓐ ᐱᔅᑯᑎᓇᐤ, ‘ᐃᓯ ᐛᐱᓂᓱᐤ ᐊᓐᑕ ᐎᓂᐸᑯᒡ᙮’ ᒋᑭ ᐱᓯᒋᐃᑯᓐ ᒪᒃ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:13

ᒋ ᐛᐱᒪᐤ ᓇᑕ ᐛᔪᐎᔅ ᐊ ᒋᒥᓱᔨᒋ ᒥᓯᓱᒥᓇᑎᒂ ᐊ ᓂᐱᓱᔨᒋ᙮ ᒂ ᓇᑕᑦ ᐊ ᐎ ᓂᑐ ᒋᔅᒐᔨᒪᑦ ᐊ ᒥᓂᓱᔨᒂᓂ᙮ ᐃᔅᐱ ᒪᒃ ᐛᑎᑕᑦ ᒥᒄ ᓂᐱᔭ ᒋ ᐛᐸᑎᒻ ᐛᔅ ᑕᐸ ᐊᔅᒄ ᐅᒋ ᐅᑎᒋᐱᔪᐤ ᐊᓐᑕ ᑲᒋ ᒥᓂᓱᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:17

ᑲ ᑕᑈᑕᒡ ᒋᑭ ᒥᔭᑭᓄᐎᒡ ᓱᐧᑲᑎᓯᐅᓂᔪᐤ ᒐᒋ ᐃᑐᑕᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ᙮ ᒥᒋ ᐊᒐᒂ ᒋᑭ ᐎᐎᑎᓴᐛᐅᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᑭᔭ ᓂᓇᐧᑯᐤ ᐃᔨᒧᐅᓇ ᒋᑭ ᐃᓯ ᐃᔨᒧᐅᒡ᙮

ᒠᓐ 14:28

“ᔅᒋ ᐸᑐᐅᓇᐛᐤ ᑲ ᐃᑎᑎᑯᒡ, ‘ᒋᑭ ᓂᑭᑎᑎᓇᐛᐤ ᒥᒄ ᒪᒃ ᒥᓐ ᑲᐤ ᓂᑭ ᐸᒋ ᑎᑯᓯᓐ᙮’ ᒋ ᓴᒋᐃᔭᒄ ᒪᒃ ᒋᐸ ᒥᔽᔨᑕᓇᐛᐤ ᓄᑕᐎᔾ ᐊ ᑕᑦ ᐊ ᐃᑐᑕᔭᓐ, ᐛᔅ ᐎᔾ ᐃᐛᒃ ᓱᒐᔨᑕᑯᓱᐤ ᐃᔅᐱᔅ ᓂᔾ᙮

ᒠᓐ 16:7

ᒥᒄ ᒪᒃ ᑯᐃᔅᒄ ᐊ ᐎᑎᒪᑎᑯᒡ ᐃᐛᒃ ᐛᔅ ᐊᓐ ᒋᑭ ᐎᒋᐃᑯᓇᐛᐤ ᐊ ᔅᑐᑕᔭᓐ, ᐛᔅ ᐊᑲ ᔅᑐᑕᔭᓇ ᓇᒪ ᒋᑭ ᐅᒋ ᐸᒋ ᓂᑐᐛᐱᒥᑯᐛᐤ ᐊᓐ ᒐ ᐎᒋᐃᑕᒄ, ᔅᑐᑕᔭᓇ ᒪᒃ ᐊᐅᑯᓐ ᐊᓐ ᒐ ᐸᒋ ᐃᑎᓴᐊᒪᑎᑯᒡ᙮

ᒠᓐ 4:37

ᑕᑈᓄᐤ ᑲ ᐃᓇᓄᐅᒡ, ‘ᐸᐃᒄ ᒋᑭ ᓂᑕᐅᒋᑕᐤ ᐊᑯ ᐊᓐ ᑯᑎᒃ ᒐ ᒪᒧᓴᒋᓇᐧᒃ ᐊᓂᔭ ᓂᑕᐅᒋᑕᑭᓇ᙮’

ᒠᓐ 5:20

ᐛᔅ ᐅᑕᐎᒪᐤ ᓴᒋᐊᐤ ᐅᑯᓯᓯᒪᐛ ᑭᔭ ᐛᐸᑎᔭᐤ ᒥᓯᐛ ᑕᓐ ᐊ ᐃᑎᑦ᙮ ᒋᑭ ᐎᒋᐊᐤ ᐊᑐᐎᔅ ᒐᒋ ᒪᒥᔅᑲᒡ ᐃᑎᔨᒋ᙮ ᐊᑯ ᒪᒃ ᒐ ᒪᒥᔅᑲᑕᔨᑎᒪᒄ᙮

ᒠᓐ 7:33

ᒋᓴᔅ ᒪᒃ ᒋ ᐃᑕᐤ, “ᐊᔅᒄ ᐛᐃᐱᔅᒋᔅ ᓂᑭ ᑕᓐ ᐅᑕ ᐊ ᑕᔭᒄ᙮ ᒥᒄ ᒪᒃ ᓴᔅ ᐎᐱᒡ ᓂᑭ ᐃᑐᑕᓐ ᐊᓐᑕ ᓄᑕᐎᔾ ᐊ ᑕᑦ, ᐊᓐ ᑲ ᐸᒋ ᐃᑎᓴᐅᑦ᙮

ᒠᓐ 7:39

ᐊᔪᐅᒄ ᐅᔭ ᑲ ᐃᔅᒋᔄᑦ ᒋᓴᔅ ᐊ ᐊᔨᒧᒪᑦ ᑲ ᐸᔭᒋᓯᔨᒋ ᐊᒐᒂ, ᐊᓂᔭ ᒥᓯᐛ ᐊᐛᓐ ᑲ ᑕᑈᑕᐧᒃ ᒐ ᐊᔭᐛᑦ᙮ ᐊᓐᒡ ᑲ ᑕᑈᑕᒡ ᐊᔅᒄ ᓇᒪ ᐅᒋ ᒥᔭᑭᓄᐎᒡ ᐊᓂᔭᔪᐛ ᑲ ᐸᔭᒋᓯᔨᒋ ᐊᒐᒂ ᐛᔅ ᐊᔅᒄ ᓇᒪ ᐅᒋ ᓂᑐᐛᐱᒪᐤ ᒋᓴᔅ ᐅᑕᐎᒪᐛ ᒐᒋ ᒋᔅᑕᔨᑕᑯᐊᑭᓄᐅᑦ᙮

ᐊᑈᔅᑕᓇᒡ 10:46

ᒋ ᒋᔅᒐᔨᑎᒧᒡ ᐊᒋ ᒥᔭᑭᓄᐎᒡ ᑲ ᐸᔭᒋᓯᔨᒋ ᐊᒐᒂ, ᐛᔅ ᒋ ᐸᑐᐛᐅᒡ ᐊ ᒂᔅᒋ ᐃᔨᒥᔨᒋ ᑭᔭ ᐊ ᒪᒥᒋᒪᔨᒋ ᒋᓴᒪᓂᑐᐛ᙮ ᐊᑯ ᐱᑕᕐ ᒂ ᐃᔅᒋᔄᑦ,

ᐊᑈᔅᑕᓇᒡ 16:18

ᐊᐅᑯᓐ ᑲ ᐃᑎᑦ ᐊᓯᑯᒻ ᒋᓯᑲᐛ, ᑈᓪ ᒐᒃ ᑲ ᐱᒋᔅᑲᒋᒥᑯᑦ, ᐊᑯ ᒂ ᒂᔅᒋᑲᐳᔅᑐᐛᑦ, ᒂ ᐃᑕᑦ ᐊᓂᔭ ᒥᒋ ᐊᒐᒂ, “ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᐅᒋ ᒪᒋ ᐎᐎᔾ ᐊᓐᑕ ᐊ ᑕᑦ !” ᐊᑯ ᐊᓐ ᐊᒐᐧᒄ ᑎᐛᒡ ᒂ ᐎᐎᑦ ᐊᓐᑕ ᐊᓂᔭ ᐃᔎᓴ ᐊ ᑕᔨᒋ ᐅᒡ᙮

ᐊᑈᔅᑕᓇᒡ 19:12

ᐛᐛᒡ ᐅᑕᐱᔅᑲᑭᓐ ᑭᔭ ᑯᑎᑲ ᐅᑦ ᐊᐱᒋᑕᐅᓐ ᒋ ᐃᑐᑕᑭᓄᐅᔪᐛ ᐊᓐᑕ ᑲ ᐊᐧᑯᓯᔨᒋ ᐊᐛᔪᐛ ᐊ ᑕᔨᒋ, ᑎᐛᒡ ᒪᒃ ᒋ ᒥᓏᑎᓯᔪᐛ ᐃᔅᐱ ᑎᔭᐃᒋᓂᒥᔨᒋ᙮ ᑭᔭ ᐊᓐᒡ ᒥᒋ ᐊᒐᐧᑯᒡ ᒋ ᐎᐎᔪᒡ ᐊᓐᑕ ᐊᓂᔭ ᑲ ᐱᒋᔅᑯᐛᒡ ᐊᐛᔪᐛ᙮

ᐊᑈᔅᑕᓇᒡ 2:33

“ᒋ ᐊᔭᑭᓄᐤ ᒋᓴᔅ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊ ᒋᔅᑕᔨᑕᑯᐊᑭᓄᐅᑦ᙮ ᐊᑯ ᐅᑕᐎᔭ ᒋᓴᒪᓂᑐᐛ ᑲ ᒥᔨᑯᑦ ᐊᓂᔭᔪᐤ ᒥᔨᐛᐅᓂᔪᐤ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔨᐛᔨᒋ ᐊᐅᑯᓐ ᐊᓂᔭᔪᐛ ᑲ ᐸᔭᒋᓯᔨᒋ ᐊᒐᒂ᙮ ᐅ ᒪᒃ ᐊᓄᒡ ᑲ ᐃᓯ ᐛᐱᒥᔭᒡ ᐊ ᑎᔭᒡ ᑭᔭ ᑲ ᐃᓯ ᐸᑐᐅᔭᒡ ᐊ ᐃᓯ ᐃᔨᒥᔭᒡ ᒋᓴᔅ ᓂ ᓯᒋᓂᒪᑯᓇᓐ ᑲ ᐸᔭᒋᓯᔨᒋ ᐊᒐᒂ ᐅ ᒐᒋ ᑎᔭᒡ᙮ ᐎᔾ ᒋᓴᔅ ᐊᔭᐤ ᒋᓴᐅᒋᒪᐅᓂᔪᐤ ᐅᔭ ᒐᒋ ᐃᑎᑦ᙮

ᐊᑈᔅᑕᓇᒡ 2:41

ᒥᒐᑦ ᒪᒃ ᒋ ᑕᑈᑐᐛᐅᒡ ᐊᓂᔭᔪᐤ ᑲ ᐃᑎᑯᒡ᙮ ᐊᑯ ᒂ ᓯᑲᐃᑐᐛᑭᓄᐅᒡ᙮ ᐊᓐ ᒪᒃ ᑲ ᒋᓯᑲᒡ ᓴᓯᑲᓐ ᓂᔍᐤ ᒐᓯᐱᔪᐤ ᐊᔪᐛᒃ ᒋ ᐃᑕᑎᓱᐅᒡ ᐃᔪᒡ ᐊ ᑕᑈᔭᔨᒪᒡ ᒋᓴᓴ ᐊᓐᑕ ᐊᓂᔭᔪᐤ ᐊ ᐸᐃᑯᒪᒧᐎᒡ᙮

ᐊᑈᔅᑕᓇᒡ 4:16

ᐊᑯ ᒂ ᐃᔅᒋᔄᒡ, “ᑕᓐ ᐊᑯ ᒐ ᐃᑐᑐᐛᐧᑯᒡ ᐅᒡ ᓇᐸᐅᒡ ? ᒥᓯᐛ ᐊᐛᓐ ᐅᑕ ᒋᕈᓯᓕᒥᒡ ᒋᔅᒐᔨᑎᒧᒡ ᐊᒋ ᒥᓏᒋᐊᑭᓄᐅᑦ ᐊᓐ ᓇᐸᐤ ᐎᔨᐛᐤ ᐅᒡ᙮ ᓇᒪ ᒋᑭ ᒋ ᐊᓏᑕᓇᓄᐤ᙮

ᐊᑈᔅᑕᓇᒡ 4:33

ᒋ ᓱᒋᑕᑯᓱᐅᒡ ᑭᔭ ᒋ ᒥᔅᑎ ᒥᔪᑕᑯᓱᐅᒡ ᐊᓐᒡ ᐊᑈᔅᑕᓇᒡ ᐊ ᐛᐎᑕᒡ ᑎᐸᔨᒋᒐᓱᐛ ᒋᓴᓴ ᑲᐤ ᑲ ᐅᓂᔅᑲᔨᒋ ᓂᐳᐅᓂᒡ ᐅᒋ, ᑭᔭ ᒋᓴᒪᓂᑐᐛ ᒋ ᒥᔅᑎ ᓱᐛᔨᒥᑯᐅᒡ ᒥᓯᐛ ᐊ ᑎᓯᒡ᙮

ᐊᑈᔅᑕᓇᒡ 4:4

ᐃᔭᐱᒡ ᒪᒃ ᒥᒐᑦ ᐊᐛᓐᒋ ᒋ ᑕᑈᑎᒧᐛᐅᒡ ᑕᓐ ᑲ ᐃᓯ ᐎᑎᒥᔨᒋ ᐊᓂᔭᔪᐛ ᐊᑈᔅᑕᓇ᙮ ᓴᓯᑲᓐ ᐱᑕᑕᒡ ᒐᓯᐱᔪᐤ ᓇᐸᐅᒡ ᒋ ᑕᑎᓯᒐᓂᒋ ᐊ ᑕᑈᑕᒡ᙮

ᐊᑈᔅᑕᓇᒡ 5:15

ᐊᓐᒡ ᒪᒃ ᐃᔪᒡ ᐎᔭᐱᒪᒡ ᐊᓂᔭᔪᐛ ᐊᑈᔅᑕᓇ ᐊ ᐃᓯ ᒪᒥᔅᑲᒡ ᐃᑎᔨᒋ ᒋ ᐃᑐᑕᐊᐅᒡ ᐊᓂᔭᔪᐛ ᑲ ᐊᐧᑯᓯᔨᒋ ᐊᓐᑕ ᒪᔅᑭᓇᒡ ᐊᔅᐱᓯᒧᐅᓂᒡ ᑭᔭ ᑕᑎᔭᒋᓂᑭᓂᒡ ᐊ ᐱᒥᓯᓂᔨᒋ, ᐊ ᐃᑕᔨᑕᒡ ᐊᑎ ᒥᒄ ᑕᐅᐅᑯᑥᐛ ᐱᑕᕋ ᐊ ᑎᑲᔅᑕᓯᓂᔨᒋ ᒋᑭ ᒋ ᒥᓏᑎᓯᐅᒡ᙮

ᐊᑈᔅᑕᓇᒡ 6:7

ᒋᓴᒪᓂᑐᐤ ᒪᒃ ᐅᑦ ᐃᔨᒧᐅᓐ ᒋ ᒥᓯᑕᐱᔪᐤ᙮ ᐊᔭᔅᒃ ᒥᒐᑦ ᐃᔪᒡ ᐊᓐᑕ ᒋᕈᓯᓕᒥᒡ ᑲ ᑕᒡ ᒋ ᑕᑈᑎᒧᒡ, ᑭᔭ ᒥᒐᑦ ᐊᔭᒥᐊᐅᒋᒪᐅᒡ ᒋ ᑕᑈᑎᒧᒡ ᑭᔭ ᒋ ᓂᓇᐃᑎᒧᒡ ᒥᔽᒋᒧᐅᓂᔪᐤ᙮

ᐊᑈᔅᑕᓇᒡ 8:7

ᒥᒋ ᐊᒐᐧᑯᒡ ᓱᒃ ᐊ ᑕᑈᒡ ᒋ ᐸᒋ ᐎᐎᔪᒡ ᒥᒐᑦ ᐊᐛᔪᐛ ᐊ ᑕᔨᒋ ᐊᓂᔭ ᐊᒋ ᐱᒋᔅᑯᐛᒡ᙮ ᐊᓐᒡ ᒪᒃ ᐊᑲ ᓂᔅᑐᓯᒡ, ᑭᔭ ᐊᓐᒡ ᑲ ᒪᔅᒋᓯᒡ, ᒋ ᒥᓏᒋᐊᑭᓄᐅᒡ᙮

ᐊᑈᔅᑕᓇᒡ 9:34

ᐊᑯ ᐱᑕᕐ ᒂ ᐃᑕᑦ, “ᐊᓂᔭᔅ, ᒋᓴᔅ ᙭ ᒋ ᒥᓏᒋᐃᒄ, ᐅᓂᔾ, ᒐ ᐅᑎᓂᒥᓐ ᒋᑦ ᐊᔅᐱᓯᒧᐅᓐ᙮” ᑎᐛᒡ ᒪᒃ ᒋ ᐅᓂᐤ ᐊᓂᔭᔅ᙮

ᐊᑈᔅᑕᓇᒡ 9:40

ᐱᑕᕐ ᒥᓯᐛ ᐊᐛᔪᐛ ᒋ ᐎᐎᑎᓴᐛᐤ ᐊᓐᑕ ᐊᓂᔭᔪᐤ ᑲᒋᐸᐃᑭᓄᓯᒡ ᑲ ᑕᔨᒋ, ᐊᑯ ᒂ ᓂᐱᔅᑯᐱᑦ ᐊ ᐊᔭᒥᐊᑦ, ᐊᑯ ᒂ ᑭᓄᐛᐸᑕᐧᒃ ᐊᓂᔭ ᒥᔭᔪᐤ ᐊ ᐃᔅᒋᔄᑦ, “ᑕᐸᑕ, ᐅᓂᔾ᙮” ᒋ ᓇᓂᑐᐛᐳᐤ ᒪᒃ ᐊᓐ ᐃᔎᐤ, ᐃᔅᐱ ᒪᒃ ᐎᔭᐱᒪᑦ ᐊᓂᔭ ᐱᑕᕋ, ᒋ ᐅᒋᓯᒥᑎᐳᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:19

ᑕᓐ ᑲ ᐃᓯ ᐛᐸᑎᔭᑭᓄᐎᒡ ᐛᐸᑎᔨᐛᐅᓇ ᑭᔭ ᐊ ᒥᔅᑲᑕᔨᑕᑯᓂᔨᒋ ᒐᒂᔪᐛ ᐊ ᓱᒐᔨᑕᑯᓂᔨᒋ, ᑭᔭ ᐊᓂᔭ ᑕᓐ ᑲ ᐃᓯ ᒥᔨᑦ ᓱᐧᑲᑎᓯᐅᓂᔪᐤ ᑲ ᐸᔭᒋᓯᑦ ᐊᒐᐧᒄ ᐊᑯᑕ ᑲ ᐅᒋ ᐎᐧᑯᒋᐊᑭᓄᐎᒡ᙮ ᒥᓯᐛ ᐊᓐᑕ ᑲ ᐃᑐᑕᔭᓐ ᒋᕈᓯᓕᒥᒡ ᐊᓐᑕ ᒪᒃ ᐃᔅ ᐃᓕᕆᑲᒻ ᐊᔅᒋᒡ ᓂᒋ ᐛᐎᑎᒺᓐ ᒋᓴᔅ ᙭ ᐅᒥᔽᒋᒧᐅᓐ᙮