ᒠᓐ 13:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᒂ ᑯᑎᐱᓇᐧᒃ ᓂᐱᔪᐤ ᐛᐸᑲᐎᐅᓱᔭᑭᓂᒡ ᐊᑯ ᒂ ᒋᔅᑕᐸᐅᒋᓯᑕᓇᑦ ᐅᒋᔅᒋᓄᐊᒧᐛᑭᓇ ᑭᔭ ᒂ ᐸᒂᐊᒺᑦ ᐅᓯᑎᔪᐛ ᐊᓂᔭ ᑲᓯᒂᓂᔪᐤ ᑲ ᐱᒂᑕᐛᒐᑦ ᐊ ᐊᐱᒋᐊᑦ᙮

ᒠᓐ 13:5 Iomraidhean Croise

ᒐᓂᓯᔅ 18:4

ᓂᑭ ᓂᑐᐛᔨᑕᓐ ᓂᐱᔾ ᒐ ᐸᑥᑯᐅᔭᒄ ᒐᒋ ᒋᔅᑕᐸᐅᑕᔭᒄ ᒋᓯᑐᐛᐛ, ᐊᐱᒄ ᑭᔭ ᐊ ᐊᔅᑕᔭᔅᑯᐃᑎᓱᒄ ᐊ ᐊᒋᑲᔅᑕᓯᒧᔭᒄ ᐅᑕ ᒥᔅᑎᑯᒡ᙮

ᒐᓂᓯᔅ 19:2

ᒂ ᐃᑕᑦ, “ᓂᑎᐸᔨᒋᒐᓯᒥᒡ, ᐸᑐᑕᒃ ᓂᒋᒡ ᐊᑯ ᒐᒋ ᐃᑐᑕᑎᑯᒡ᙮ ᒐ ᒋᔅᑕᐸᐅᒋᓯᑕᔭᒄ ᑭᔭ ᒐ ᑕᔭᒄ ᒐ ᑎᐱᔅᑲᒡ᙮ ᐊᑯ ᒐ ᒪᒋᔭᒄ ᐎᐱᒡ ᒐᒋᓴᐸᔭᒐ᙮” ᒥᒄ ᒂ ᐃᑎᑯᑦ, “ᓇᒪ, ᐎᐎᑎᒥᒡ ᐊᑐᐛᒡ ᓂᑭ ᓂᐸᓇᓐ ᐊᓐᑕ ᒪᒧᐤ ᓇᒋᔅᑲᑐᒡ ᐃᔪᒡ᙮”

ᒐᓂᓯᔅ 43:24

ᒋ ᒋᔅᒐᔨᑎᒧᒡ ᐎᐧᑲᓂᓯᒪᐅᒡ ᒐ ᒥᒋᓱᒡ ᒍᓯᐸ ᐎᒋᔨᒡ ᐃᔭᐱᑕᒋᓯᑲᔨᒐ᙮ ᑲᒋ ᐱᒐᒡ ᒥᒋᐛᐱᔪᐤ, ᑭᓄᐛᔨᑎᔭᑭᓐ ᒂ ᒥᔭᑦ ᐎᐧᑲᓂᓯᒪᐛ ᓂᐱᔪᐤ ᒐᒋ ᒋᔅᑕᐸᐛᓯᑕᔨᒋ ᑭᔭ ᒋᓯᒥᒪᐤ ᑲᓂᐧᑲᑎᓯᔨᒋ ᐅᑲᐸᐃᑭᔎᒥᔪᐛ᙮

ᑎᐱᑦ ᐅᓂᑭᒧᐅᓇ 51:2

ᒋᔅᑕᐸᐎ ᒥᑐᓐ ᓂᒥᒐᑎᓯᐅᓂᒡ ᐅᒡ, ᐸᔭᒋᐃ ᒪᒃ ᓂᒥᒋᑐᑎᒧᐅᓂᒡ ᐅᒡ᙮

ᐊᒃᓱᑕᔅ 29:4

ᒐ ᐸᓱᐛᑯᒡ ᐊᕋᓐ ᑭᔭ ᐅᑯᓴ ᐊᓐᑕ ᐛᒋ ᐱᒐᓄᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᑭᔭ ᒐ ᒋᔅᑕᐸᐎᑥᐤ᙮

ᓗᒃ 7:38

ᒪᒂᒡ ᒪᒃ ᒋᓴᔅ ᐊ ᐅᐱᒪᓯᐧᒃ ᐊᓐᑕ ᐊ ᒥᒋᓱᒡ, ᐊᓐ ᐃᔎᐤ ᒋ ᓂᐳᐤ ᐊᓐᑕ ᐃᑕᒐ ᒋᓴᓴ ᐅᓯᑎᔨᒡ, ᐊ ᒪᑦ᙮ ᐊᓂᔭ ᒪᒃ ᐊ ᐅᒋᐧᑯᐛᐱᑦ ᒋ ᓂᐱᐎᑕᐛᐤ ᒋᓴᓴ ᐅᓯᑎᔪᐛ᙮ ᐊᑯ ᒂ ᐅᒋᒋᐧᑯᓂᐱᑦ ᐅᐱᔎᐅᓐ ᐊ ᐊᐱᒋᑕᑦ ᐊ ᐸᒂᓯᑕᓇᑦ᙮ ᑭᔭ ᐊ ᓱᐛᔨᑎᒺᑦ ᑭᔭ ᐊ ᑐᒥᓂᒺᑦ ᐊᓂᔭ ᐊ ᐎᒋᒪᑯᓯᔨᒡ ᑐᒥᓂᑭᓂᔪᐤ᙮

ᓗᒃ 7:44

ᐊᑯ ᐊᓂᔭ ᐃᔎᐛ ᒂ ᑭᓄᐛᐱᒪᑦ ᒋᓴᔅ ᐊᑯ ᒂ ᐃᑕᑦ ᐊᓂᔭ ᓴᐃᒥᓇ, “ᒋ ᐛᐱᒪᐤ ᐊ ᐅ ᐃᔎᐤ ᑕᓐ ᐊ ᐃᑎᑦ ? ᑲ ᐸᒋ ᐱᒐᔭᓐ ᐅᑕ ᒋᒋᒡ ᓇᒪ ᐛᐛᒡ ᒋ ᐅᒋ ᐸᒋ ᒥᔨᓐ ᓂᐱᔾ ᒐᒋ ᒋᔅᑕᐸᐅᑕᔭᓐ ᓂᓯᑕ᙮ ᐎᔾ ᒪᒃ ᒋ ᒋᔅᑕᐸᐅᑕᐤ ᓂᓯᑕ ᐅᒋᑯᐛᐳᐅᓂᒡ ᐅᒋ, ᑭᔭ ᒋ ᑲᓯᐊᒻ ᓂᓯᑕ ᐅᐱᔎᐅᓐ ᐊ ᐊᐱᒋᑕᑦ᙮

ᒠᓐ 13:10

ᒋᓴᔅ ᒂ ᐃᑕᑦ, “ᐊᐛᓐ ᓴᔅ ᐊᒋ ᐱᑲᓯᒧᑦ ᓇᒪ ᓂᑐᐛᔨᑎᒻ ᒥᓐ ᒐᒋ ᐱᑲᓯᒧᑦ ᒥᒄ ᐅᓯᑕ ᒋᐸ ᒋᔅᑕᐸᐅᑕᑭᓄᐅᔪᐛ᙮ ᒥᓯᐛ ᒪᒃ ᐊ ᑎᓯᔭᒄ ᓴᔅ ᒋ ᐸᔭᒋᓯᓇᐛᐤ, ᒥᒄ ᐸᐃᒄ ᐊᓐᑕ ᐊ ᑎᓯᔭᒄ ᓇᒪ ᐸᔭᒋᓯᔪᐤ᙮”

ᒠᓐ 13:6

ᒋ ᓇᑕᐤ ᓴᐃᒥᓐ ᐱᑕᕋ ᐊᑯ ᒂ ᐃᑎᑯᑦ, “ᐅᑎᐸᔨᒋᒐᐤ, ᒋᑭ ᒋᔅᑕᐸᐅᒋᓯᑕᓐ ᐊ ?”

ᒠᓐ 13:8

ᐊᑯ ᐱᑕᕐ ᒂ ᐃᓯ ᐎᑎᒧᐛᑦ ᐊ ᐃᑕᑦ, “ᓇᒪ ᓂᑕ ᒋᑭ ᐅᒋ ᒋᔅᑕᐸᐅᑕᓐ ᓂᓯᑕ᙮” ᒋ ᐃᑎᑯᐤ ᒪᒃ ᒋᓴᓴ, “ᐊᑲ ᒋᔅᑕᐸᐅᑕᔭᓇ ᒋᓯᑕ ᓇᒪ ᒋᑭ ᐅᒋ ᐅᒋᔅᒋᓄᐊᒧᐛᑭᓂᑐᑕᑎᓐ᙮”

ᒠᓐ 19:34

ᐸᐃᒄ ᒪᒃ ᐊᓐ ᐊᓯᒪᑭᓂᔅ ᒋ ᑕᐧᑭᒪᐤ ᐊᓂᔭ ᒋᓴᓴ ᐊᓐᑕ ᐅᔅᐱᑲᔨᒡ᙮ ᑎᐛᒡ ᒂ ᐅᒋ ᐎᐎᑯᔨᒡ ᐅᒥᐧᑯᔪᐤ ᑭᔭ ᓂᐱᔪᐤ ᐊᓐᑕ ᐅᒡ᙮

ᐊᑈᔅᑕᓇᒡ 22:16

ᒪᒋ ᒪᒃ, ᐊᑲᐎᔾ ᓂᓇᐧᑲᐎᔾ᙮ ᐱᓯᑯ, ᒐ ᓯᑲᐃᑕᑯᔨᓐ, ᑭᔭ ᒐ ᐛᐸᔨᑎᒪᑯᔨᓐ ᒋᒥᒋᑥᐅᓇ ᐊ ᑕᑈᑎᑦ ᐅᑎᐸᔨᒋᒐᐤ ᒐᒋ ᐛᐸᔨᑎᒪᔅᒃ᙮’ ”

1 ᑯᕆᓐᑎᔭᓇ 6:11

ᐱᔅᒐ ᐊᓐᑕ ᐊ ᑎᓯᔭᒄ ᐊᐅᑯᓐ ᑲᒋ ᐃᓯ ᐱᒪᑎᓯᔭᒄ᙮ ᒥᒄ ᒪᒃ ᓴᔅ ᔅᒋ ᒋᔅᑕᐸᐅᐎᑯᓇᐛᐤ, ᔅᒋ ᐸᔭᒋᐃᑯᓇᐛᐤ, ᑭᔭ ᔅᒋ ᑯᐃᔅᑯᓇᑯᐃᑯᓇᐛᐤ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᑭᔭ ᒋᓴᒪᓂᑐᐤ ᐅᑦ ᐊᒐᐧᑯᒡ ᐃᔅ᙮

ᐃᐱᓯᔭᓇ 5:26

ᐊᔪᐅᒄ ᐅᔭ ᑲ ᐃᑎᑦ ᙭ ᒋᓴᒪᓂᑐᐛ ᐊ ᑕᔨᒋ ᒐᒋ ᐃᓯ ᐱᔅᑎᓇᑦ ᐅᒪᒧᐊᔭᒥᐊᐛ ᐃᔅᐱ ᑲ ᐸᔭᒋᐊᑦ, ᓂᐱᒡ ᐊᒋ ᒋᔅᑕᐸᐅᐎᔭᑦ ᐊᓂᔭ ᑕᓐ ᑲ ᐃᓯ ᐊᔨᒧᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᒡ᙮

1 ᑎᒧᑎ 5:10

ᑭᔭ ᒋᐸ ᑎᑯᓂᔪᐤ ᑕᓐ ᐊ ᐃᓯ ᒥᔽᒋᒪᑭᓄᐅᑦ ᐊ ᒪᒥᔪᑐᑎᒪᒐᑦ, ᒧᔭᒻ ᐊᒋ ᒥᔪ ᓂᑕᐅᒋᓇᑦ ᐊᐛᓴ, ᐊᒋ ᒥᔪ ᑭᓄᐛᔨᒪᑦ ᒪᓐ ᒪᓐᑕᐛ, ᑭᔭ ᒧᔅ ᐊᒋ ᒪᒥᔪᑐᑐᐛᑦ ᑲ ᑕᑈᑎᒥᔨᒋ ᑭᔭ ᒧᔅ ᐊᒋ ᓂᓇᑎᒧᐛᑦ ᐊᓂᔭᔪᐛ ᑲ ᐊᔨᒥᐅᔨᒋ ᑭᔭ ᓱᒃ ᒧᔅ ᐊᒋ ᓇᓂᑐᐤ ᒥᔅᑲᐧᒃ ᑕᓐ ᒐ ᐃᓯ ᒪᒥᔪᑐᑎᒪᒐᑦ᙮

ᐃᑉᕈᐛ 10:22

ᐊᑯ ᒪᒃ ᒐᒋ ᓇᑕᐧᒄ ᒋᓴᒪᓂᑐᐤ ᒋᓴᔅ ᐊ ᐅᒋᓴᐊᔭᒥᐊᐅᒋᒪᒥᔭᐧᒄ, ᓇᔅᒡ ᐊ ᑕᑈᑎᒪᐧᒄ ᒐ ᒥᔽᔨᑕᐧᒄ ᓇᑕᒂ, ᒐ ᐊᑲ ᐅᒋ ᐊᑐᐛᔨᒥᑕᐧᒄ᙮ ᒋᑭ ᒋ ᓇᑕᓄᐤ ᐛᔅ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ᙮ ᓇᔅᒡ ᒋ ᐸᔭᒋᑕᑭᓄᐛ ᒋᑕᐃᓄᐛ ᑭᔭ ᓇᒪ ᐊᑯ ᒋ ᒥᑯᔅᑲᑕᔨᑎᒥᐃᑯᐅᓇᓄᐤ ᑕᓐ ᑲᒋ ᐃᓯ ᒥᒋᑐᑎᒪᐧᒄ᙮ ᒋ ᐸᔭᒋᑕᑭᓄᐛ ᒋᔪᓄᐛ ᐊ ᒥᔽᑭᒥᒡ ᓂᐱᔾ ᐅᒋ᙮

1 ᒠᓐ 1:7

ᒧᔭᒻ ᐛᔅᑕᐅᓂᒡ ᐃᓯ ᐱᒪᑎᓯᔭᒂ ᒧᔭᒻ ᐎᔾ ᐛᔅᑕᐅᓂᒡ ᐊ ᐃᓯ ᑕᑦ, ᑕᑈ ᒋᑭ ᒥᔪ ᐎᒐᐅᑐᓇᓄᐤ, ᑭᔭ ᒋᓴᔅ, ᒋᓴᒪᓂᑐᐤ ᐅᑯᓴ, ᐅᒥᐧᒄ ᒋ ᐸᔭᒋᐃᑯᐛᓇᓄᐤ ᒥᓯᐛ ᒥᒋᑥᐅᓂᒡ ᐅᒡ᙮

1 ᒠᓐ 5:6

ᐎᔾ ᒋᓴᔅ ᙭ ᒋ ᑎᑯᓯᓄᐤ ᒋᓴᒪᓂᑐᐛ ᐊᒋ ᐃᑎᓱᒥᑯᑦ ᒐᒋ ᓯᑲᐃᑐᐛᑭᓄᐅᑦ ᓂᐱᒡ, ᑭᔭ ᒐᒋ ᐅᓂᑕᑦ ᐅᒥᐧᒄ ᒋᐱᔭᑎᑯᒡ ᑲ ᒋᔅᑕᔎᑕᑭᓄᐅᑦ᙮ ᓇᒪ ᐅᒋ ᑎᑯᓯᓄᐤ ᒥᒄ ᒐᒋ ᓯᑲᐃᑐᐛᑭᓄᐅᑦ ᓂᐱᒡ ᒪᒃ ᐊᔪᐤ ᒐᒋ ᐅᓂᑕᑦ ᐅᒥᐧᒄ᙮

ᒋᔅᒐᔨᑕᑯᑕᒐᐅᓐ 1:5

ᒋᓴᔅ ᙭ ᑭᔭ, ᐊᓐ ᒧᔅ ᑯᐃᔅᒄ ᑲ ᐎᑕᐧᒃ ᐊ ᑎᐸᒋᒪᑦ ᒋᓴᒪᓂᑐᐛ, ᓂ ᐱᑯᓴᔨᒪᐤ ᒐᒋ ᓱᐛᔨᒥᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋᓴᔅ ᙭ ᒪᐅᒡ ᓂᔅᑎᒻ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒋ ᑲᒋᒡ ᒐᒋ ᐱᒪᑎᓯᑦ᙮ ᐎᔾ ᒋᓴᐅᒋᒪᐅᐤ ᒥᓯᐛ ᒋᓴᐅᒋᒪᐛ ᐅᑕ ᐊᔅᒋᒡ᙮ ᒋᓴᒋᐃᑯᓄᐤ ᑭᔭ ᒋ ᐱᔅᑎᓂᓱᐤ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ ᒐ ᐊᑲ ᒋ ᑎᐸᔨᒥᑯᔭᐧᒄ ᒋᒥᒋᑥᐅᓄᐛ᙮

ᒋᔅᒐᔨᑕᑯᑕᒐᐅᓐ 7:14

ᐊᑯ ᒂ ᐃᑎᒃ, “ᓇᒪ ᓂᔾ ᓂ ᒋᔅᒐᔨᒪᐅᒡ᙮ ᒋᔾ ᐊᐅᒄ ᒐᔅᒐᔨᒥᑥᐤ᙮” ᓂᒋ ᐃᑎᒄ ᒪᒃ, “ᐊᐅᑯᓐᒡ ᐅᒡ ᑲ ᓴᐳᔅᑲᒡ ᑕᓐ ᑲ ᐃᓯ ᓂᓇᐧᑲᒋᐊᑭᓄᐎᒡ᙮ ᒋ ᒋᔅᑕᐸᐅᑕᐅᒡ ᐅᑦ ᐊᑯᐳᐛᐛ ᐊᓂᔭ ᒪᔭᑕᓂᓴ ᐅᒥᐧᑯᐃᒡ ᑭᔭ ᒂ ᐛᐸᐃᔨᒋ ᐊᓂᔭᔪᐛ ᐅᑦ ᐊᑯᐳᐛᐛ᙮