ᒠᓐ 13:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᒪᒂᒡ ᒪᒃ ᒋ ᐅᑕᑯᓯᐅᒥᒋᓱᐅᒡ ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ᙮ ᐸᐃᒄ ᒪᒃ ᐊᓐ ᒋᔅᒋᓄᐊᒧᐛᑭᓐ ᒍᑎᔅ ᑲ ᐃᓯᓂᐧᑲᓱᑦ, ᓴᐃᒥᓐ ᐃᔅᑲᕆᔭᑦ ᐅᑯᓴ, ᓴᔅ ᐊᓐᑕ ᒋ ᐃᑐᑕᑯ ᒥᒋᒥᓂᑐᐛ ᒐᒋ ᐃᑕᔨᑕᐧᒃ ᒐᒋ ᐎᔭᓯᐱᔅᑎᓇᑦ ᒋᓴᓴ ᐊᓂᔭ ᒐ ᑎᐱᔅᑲᔨᒡ᙮

ᒠᓐ 13:2 Iomraidhean Croise

ᒪᑎᔪᐤ 10:4

ᑭᔭ ᓴᐃᒥᓐ ᑲ ᐊᔭᒥᐊᐛᑎᓯᑦ ᑲ ᐃᓯᓂᐧᑲᑕᑭᓄᐅᑦ, ᑭᔭ ᒍᑎᔅ ᐃᔅᑲᕆᔭᑦ, ᐊᐅᑯᐤ ᑲ ᐎᔭᓯᐱᔅᑎᓇᑦ ᒋᓴᓴ᙮

ᓗᒃ 22:3

ᐊᑯ ᒪᒃ ᐊᓂᔭᔪᐛ ᐸᐃᒄ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ ᒋᓴᔅ, ᒍᑎᔅ ᐃᔅᑲᕆᔭᑦ ᑲ ᐃᓯᓂᐧᑲᓱᔨᒋ ᒋ ᐱᒋᔅᑲᑯᔪᐛ ᒥᒋᒥᓂᑐᐛ᙮

ᓗᒃ 22:31

ᐊᑯ ᒪᒃ ᒋᓴᔅ ᑲ ᒂᔅᒋᑲᐳᔅᑐᐛᑦ ᓴᐃᒥᓐ ᐱᑕᕋ ᒂ ᐃᑕᑦ, “ᓴᐃᒥᓐ, ᓴᐃᒥᓐ, ᒥᒋᒥᓂᑐᐤ ᓇᔅᒡ ᒋ ᐎ ᑎᐸᔨᒧᒄ᙮ ᒋ ᑯᒂᑕᔨᒧᐤ ᒐᒋ ᑯᒂᒋᐃᔅᒃ ᒧᔭᒻ ᐊ ᓴᐳᐱᔨᐃᔅᒃ ᒐᒋ ᐃᑐᑕᔅᒃ᙮ ᒋ ᐎ ᐃᑐᑕᒄ ᑕᐱᔅᑯᓐ ᑲᒋ ᐃᑐᑐᐛᑦ ᑲᓂᑕᐅᒐᐊᔨᒋ ᐸᒂᓯᑭᓇ ᐊ ᓴᐳᐱᔨᐊᑦ᙮

ᒠᓐ 13:11

ᓴᔅ ᒋ ᒋᔅᒐᔨᑎᒻ ᒋᓴᔅ ᑕᓐ ᐊᓂᔭᔪᐛ ᐊᓂᔭ ᒐ ᐎᔭᓯᐱᔅᑎᓂᑯᑦ ᐛᒋ ᐃᔅᒋᔄᑦ ᐅᔭ᙮ ᓴᔅ ᒥᓯᐛ ᒋ ᐸᔭᒋᓯᓇᐛᐤ “ᒥᒄ ᐸᐃᒄ ᐊᓐᑕ ᐊ ᑎᓯᔭᒄ ᓇᒪ ᐸᔭᒋᓯᔪᐤ᙮”

ᒠᓐ 13:4

ᐊᑯ ᒂ ᐱᓯᑯᑦ ᐊᓐᑕ ᒥᒋᓱᐛᑭᓇᑎᑯᒡ ᐅᒋ, ᒂ ᒥᓇᐧᒃ ᐊᓂᔭ ᐅᑦ ᐊᑯᑉ ᐅᔅᒡ ᑲ ᒋᔅᑲᐧᒃ ᒂ ᐅᑎᓇᐧᒃ ᑲᓯᒂᐅᓂᔪᐤ ᑲ ᐱᒂᑕᐛᒐᑦ᙮

ᐊᑈᔅᑕᓇᒡ 5:3

ᐊᑯ ᐱᑕᕐ ᒂ ᐃᑕᑦ, “ᐊᓇᓇᔭᔅ, ᒐᒂᓐ ᐛᒋ ᐱᔅᑎᓂᑦ ᒥᒋᒥᓂᑐᐤ ᒐᒋ ᐱᒐᑦ ᒋᑕᐃᒡ, ᒐᒋ ᐃᑐᑕᔅᒃ ᒐᒋ ᑭᑭᒋᔭᒥᑦ ᑲ ᐸᔭᒋᓯᑦ ᐊᒐᐧᒄ, ᒋᒧᑦ ᐊ ᑭᓄᐛᔨᑎᒪᓱᔨᓐ ᐱᔅᒐ ᐊᓐ ᓱᓇᔭᐤ ᑕᓐ ᑲ ᐃᔅᐱᔅ ᑲᓂᔪᐅᔨᓐ ᑲ ᐊᑕᐛᔨᓐ ᐊᓐ ᑲ ᐃᓯ ᑎᐱᔨᐛᐅᓯᔨᓐ ?

2 ᑯᕆᓐᑎᔭᓇ 8:16

ᓂᓇᔅᑯᒪᐤ ᒋᓴᒪᓂᑐᐤ ᐊᒋ ᒥᔭᑦ ᑕᐃᑕᓴ ᒧᔭᒻ ᓂᔾ ᐊ ᐃᓯ ᓴᒋᐃᑎᑯᒡ ᒐᒋ ᐃᓯ ᓴᒋᐃᑕᒄ᙮

ᐃᐱᓯᔭᓇ 2:3

ᐊᐅᒄ ᒪᒃ ᐸᐃᒂᐤ ᒥᓯᐛ ᑲ ᐃᓯᓇᑯᓯᔭᐧᒄ ᑭᔭ ᒋᔭᓄᐤ, ᒥᒄ ᑕᓐ ᐛ ᐃᑎᔭᐧᒄ ᔅᒋ ᐃᑎᓇᓄᐤ᙮ ᔅᒋ ᑐᑕᓇᓄᐤ ᒥᒄ ᑕᓐ ᐊ ᐃᓯ ᓂᑐᐛᔨᑎᒧᒥᑲᒋ ᒋᔭᓯᓄᐛ ᑭᔭ ᒋᒥᑐᓇᔨᒋᑭᓄᐛ᙮ ᐊᓐ ᒪᒃ ᑲ ᐃᔅᐱᔅ ᒋ ᒥᒐᑎᓯᔭᐧᒄ ᒋ ᐃᑕᔨᑕᑯᓂᑯᐱᓇ ᑕᑈ ᑭᔭ ᒋᔭᓄᐤ ᒐᒋ ᐛᐛᓯᐃᑕᐧᒄ ᒋᓴᒪᓂᑐᐤ᙮

ᒋᔅᒐᔨᑕᑯᑕᒐᐅᓐ 17:17

ᐛᔅ ᒋᓴᒪᓂᑐᐛ ᒋ ᐃᑐᑕᑯᒡ ᐅᑕᐃᐛᒡ ᒐᒋ ᐅᒋ ᐃᑕᔨᑕᒡ ᒐᒋ ᐃᑐᑎᒺᒡ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᒐᒋ ᐃᑐᑕᑭᓄᐎᒡ᙮ ᐊᑯ ᒪᒃ ᐸᐃᑯᓄᒡ ᑲ ᐃᑕᔨᑎᒥᐃᑯᒡ ᒐ ᒥᔭᒡ ᐊᓂᔭᔪᐛ ᒥᒋ ᐊᐛᓯᓴ ᑕᓐ ᐊ ᐃᓯ ᐊᔭᒡ ᒐᒋ ᐅᒋᒪᐅᒡ᙮ ᒋᑭ ᐱᔅᑕᔨᒥᑎᓱᔅᑐᐛᐅᒡ ᒪᒃ ᐸᑐᔅ ᒥᓯᐛ ᒋ ᑎᐱᐱᔨᒐ ᑕᓐ ᑲ ᐃᓯ ᓂᑲᓐ ᐎᑎᒥᔨᒋ ᒋᓴᒪᓂᑐᐛ ᒐ ᐃᔅᐱᔨᒡ᙮