ᒠᓐ 13:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᒋᓴᔅ ᒂ ᐃᑕᑦ, “ᐊᐛᓐ ᓴᔅ ᐊᒋ ᐱᑲᓯᒧᑦ ᓇᒪ ᓂᑐᐛᔨᑎᒻ ᒥᓐ ᒐᒋ ᐱᑲᓯᒧᑦ ᒥᒄ ᐅᓯᑕ ᒋᐸ ᒋᔅᑕᐸᐅᑕᑭᓄᐅᔪᐛ᙮ ᒥᓯᐛ ᒪᒃ ᐊ ᑎᓯᔭᒄ ᓴᔅ ᒋ ᐸᔭᒋᓯᓇᐛᐤ, ᒥᒄ ᐸᐃᒄ ᐊᓐᑕ ᐊ ᑎᓯᔭᒄ ᓇᒪ ᐸᔭᒋᓯᔪᐤ᙮”

ᒠᓐ 13:10 Iomraidhean Croise

ᒪᑎᔪᐤ 6:12

ᐛᐸᔨᑎᒧᐅᓇᓐ ᓂᒥᒋᑥᐅᓇᓇ ᐛᔅ ᑭᔭ ᓂᔭᓐ ᓂ ᐛᐸᔨᑎᒧᐅᓇᓐ ᒥᓯᐛ ᐊᐛᓐ ᑲ ᒥᒋᑐᑐᐎᔨᒥᑦ᙮

ᒠᓐ 13:18

“ᓇᒪ ᒪᒃ ᒥᓯᐛ ᒋᑦ ᐊᔨᒧᒥᑎᓇᐛᐤ, ᓂ ᒥᔪ ᒋᔅᒐᔨᒪᐅᒡ ᐊᓐᒡ ᓂᔾ ᑲ ᐅᑎᓂᒂᐤ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐊᓐ ᓇᐸᐤ ᑲ ᐎᒋᒥᒋᓱᒥᑦ ᓂᑭ ᐎᔭᓯᐱᔅᑎᓂᒄ᙮ ᐊᐅᑯᓐ ᒪᒃ ᐅ ᓴᔅ ᐎᐱᒡ ᒋᐸ ᐃᔅᐱᔪᐤ᙮

ᒠᓐ 13:9

ᓴᐃᒥᓐ ᐱᑕᕐ ᒂ ᐃᑕᑦ, “ᐅᑎᐸᔨᒋᒐᐤ, ᐊᑲᐎᔾ ᒪ ᒥᒄ ᓂᓯᑕ ᒋᔅᑕᐸᐅᑕ, ᒋᔅᑕᐸᐅᑕ ᑭᔭ ᓂᔅᑎᒂᓐ ᑭᔭ ᓂᑎᒋᔭ᙮”

ᒠᓐ 15:3

ᒋᔨᐛᐤ ᒪᒃ ᓴᔅ ᔅᒋ ᐸᔭᒋᐃᑯᓇᐛᐤ ᐊᓐ ᑕᓐ ᑲ ᐃᓯ ᐎᑎᒪᑎᑯᒡ᙮

2 ᑯᕆᓐᑎᔭᓇ 5:17

ᐃᔅᐱ ᙭ᑕ ᐊ ᑕᔨᒋ ᐊ ᐃᓯ ᑎᐸᔨᑕᑯᓯᑦ ᐊᐛᓐ ᓇᔅᒡ ᐅᔅᒋᑕᑭᓄᐅᔪᐤ ᐅᐱᒪᑎᓯᐅᓐ᙮ ᑕᓐ ᑲ ᐃᑕᔨᑕᑯᓯᑦ ᐛᔅᑭᒡ ᓴᔅ ᐎᒪᐱᔨᔪᐤ᙮ ᒥᓯᐛ ᒋ ᐃᓯ ᐅᔅᒋᐊᑭᓄᐤ ᐅᐱᒪᑎᓯᐅᓂᒡ᙮

2 ᑯᕆᓐᑎᔭᓇ 5:21

ᐊᑎ ᒪᒃ ᙭ ᐊᑲ ᓂᑕ ᐅᒋ ᒥᒋᑐᑕᐧᒃ ᒋᓴᒪᓂᑐᐛ ᒋ ᐃᑐᑕᑯᐤ ᒧᔭᒻ ᐅᒥᒋᑥᐤ ᒐᒋ ᐃᓯᓇᑯᓯᑦ ᒋᔭᓄᐤ ᐅᒡ᙮ ᐊᑯ ᒪᒃ ᙭ ᐎᒐᐛᒂ, ᐅᑯᐃᔅᑯᑕᑎᓯᐅᒡ ᒋᑭ ᐃᓯ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮

2 ᑯᕆᓐᑎᔭᓇ 7:1

ᓂᐎᒐᐛᑭᓂᑎᒄ, ᒥᓯᐛ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒪᑕᐧᒄ ᑕᑈ ᒋᑭ ᐃᑐᑎᒻ᙮ ᐸᔭᒋᐃᓱᑕᐤ ᒪᒃ ᐊᑲ ᓇᔅᒡ ᒐᒋ ᑎᒂᒡ ᒥᒋᑥᐅᓐ ᒋᔪᓇᒡ ᑭᔭ ᒋᑦ ᐊᒐᐧᑯᓇᒡ᙮ ᐛᔅ ᐊᑯᑕ ᐊ ᓄᑯᑕᔭᐧᒄ ᐊ ᓇᓂᒋᔅᑐᐛᐧᒄ ᒋᓴᒪᓂᑐᐤ ᓇᔅᒡ ᐊ ᐱᔅᑕᔨᒥᓱᔭᐧᒄ ᒐᒋ ᐊᑐᔅᑯᐛᐧᒄ᙮

1 ᑕᓴᓗᓂᔭᓇ 5:23

ᓇᓂᑐᑎᒧᐛᐤ ᒋᓴᒪᓂᑐᐤ ᐊᓐ ᑲ ᒥᔨᐛᑦ ᒋᔭᒪᔨᑎᒧᐅᓂᔪᐤ ᓇᔅᒡ ᒐᒋ ᐸᔭᒋᐃᑕᒄ᙮ ᓇᓂᑐᑎᒧᐛᐤ ᒋᑦ ᐊᒐᐧᑯᐛᐛ, ᑭᔭ ᒋᒥᑐᓇᔨᒋᑭᓄᐛᐛ ᑭᔭ ᒋᔪᐛᐛ ᒐᒋ ᑭᓄᐛᔨᑕᒂᒋ ᐊᑲ ᓇᔅᒡ ᒐᒂᓐ ᒐᒋ ᐃᓯ ᐊᑕᒪᔨᑕᒂᒋ ᐃᔅᐱ ᑎᑯᓯᒐ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

ᐃᑉᕈᐛ 9:10

ᐅ ᐊ ᐃᑎᓇᓄᐅᒡ ᐊ ᒥᔨᐛᓄᒋ ᒥᔨᐛᐅᓇ ᑭᔭ ᒥᑐᔅᑕᐊᒪᒐᐅᓇ ᐊᑯᓐ ᐊᑎᔅᑕᒡ ᓂᔅᑯᒧᐅ ᒥᓯᓇᐃᑭᓂᒡ ᒐᒋ ᐃᑎᓇᓄᐅᒡ᙮ ᒥᒄ ᐎᑎᒧᐛᑭᓄᐎᒡ ᐊᓐᑕ ᐊᐛᓐᒋ ᒐᒂᔪᐤ ᒐᒋ ᒥᒋᒡ ᑭᔭ ᒐᒂᔪᐤ ᒐᒋ ᒥᓂᒡ ᑭᔭ ᑕᓐ ᒐ ᐃᓯ ᓂᓇᐧᑯᐤ ᐃᑎᒡ ᐊᓐᑕ ᒐᒋ ᐅᒋ ᐃᓯᓇᑯᓯᒡ ᐊ ᐸᔭᒋᓯᒡ᙮ ᐅᔭ ᒐᒂᔪᐛ ᓇᒪ ᒋ ᐎᒋᐃᑯᓇᓄᐤ ᒐᒋ ᒋᔅᒐᔨᑎᒪᐧᒄ ᑕᑈ ᒐᒋ ᐛᐸᔨᑎᒪᑯᐛᒂ᙮ ᐊᐅᒄ ᐅᔭ ᒪᒂᒡ ᒐ ᐎᒋᐃᑯᔭᐧᒄ ᒐ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐᑕ ᒐ ᐃᑐᑕᑕᐧᒄ ᒋᓴᒪᓂᑐᐤ ᓇᔅᒡ ᒐᒋ ᑯᐃᔅᑯᓇᑯᐃᑕᐧᒄ ᐊ ᐅᔅᑲᔨᒡ ᓂᔅᑯᒧᐅᓂᔪᐤ ᐅᒡ᙮

ᒋᒥᔅ ᐅᒥᓯᓇᐊᒪᒐᐅᓐ 3:2

ᒥᓯᐛ ᐊᐛᓐ ᒥᒐᑥᐤ ᐅᓂᐱᔪᐤ᙮ ᐊᓐ ᐊᐛᓐ ᐊᑲ ᓂᑕ ᐅᓂᐱᔨᑦ ᑕᓐ ᐊ ᐃᔅᒋᔄᑦ ᓇᒪ ᑎᑯᓂᔪᐤ ᒥᒐᑎᓯᐅᓂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ, ᑭᔭ ᒋ ᐃᑐᐤ ᒐᒋ ᓂᓇᑭᑐᐛᔨᑕᐧᒃ ᒥᓯᐛ ᑕᓐ ᐊ ᐃᑎᑦ᙮