ᒠᓐ 13:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐊᔅᒄ ᐊᑲ ᐅᒋ ᐅᑎᒋᐱᔨᒡ ᐎᒪᔅᑲᒐᐅ-ᒥᑯᓴᐅᓂᔪᐤ, ᓴᔅ ᒋ ᒋᔅᒐᔨᑎᒻ ᒋᓴᔅ ᐊ ᐅᑎᒋᐱᔨᒡ ᒐ ᓂᑭᑕᐧᒃ ᐅᔭ ᐊᔅᒋᔪᐤ ᑭᔭ ᒐ ᓂᑐᐛᐱᒪᑦ ᐅᑕᐎᒪᐛ᙮ ᒧᔅ ᒋ ᓴᒋᐊᐤ ᒥᓯᐛ ᐊᓂᔭ ᑲ ᑕᑈᔭᔨᒥᑯᑦ ᐅᑕ ᐊᔅᒋᒡ ᑲ ᑕᔨᒋ ᑭᔭ ᒐ ᐅᑎᒋᐱᔨᒡ ᒐᒋ ᐛᐸᑎᔭᑦ ᑕᓐ ᐊᔅᐱᔅ ᓴᒋᐊᑦ᙮

ᒠᓐ 13:1 Iomraidhean Croise

ᒪᑎᔪᐤ 26:45

ᐊᑯ ᒥᓐ ᑲᐤ ᒂ ᓂᑐᐛᐱᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ, ᒂ ᐃᑕᑦ, “ᐊᔅᒄ ᐊ ᒋ ᓂᐸᓇᐛᐤ ? ᐊᔅᒄ ᐊ ᒋᑦ ᐊᔅᑕᔭᔅᑯᓯᓇᐛᐤ ? ᐃᑕᐱᒄ ᒪ, ᓴᔅ ᐅᑎᒋᐱᔪᐤ ᐊᓐ ᑎᐸᐃᑭᓐ ᐃᔪᐤ ᐅᑯᓯᓴᓐ ᒐ ᐎᔭᓯᐱᔅᑎᓇᑭᓄᐅᑦ ᐅᒥᒋᑥᐛ ᐅᑎᒋᔨᒡ᙮

ᒪᑎᔪᐤ 28:20

ᑭᔭ ᒐ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”

ᓗᒃ 22:53

ᐊᑎ ᐊᓯᑯᒻ ᒋᓯᑲᐛ ᐊᒋ ᑕᔭᓐ ᒋᓴᐊᔭᒥᐊᐅᒋᐛᐱᒡ ᓇᒪ ᓂᑕ ᒋ ᐅᒋ ᑯᒋᑕᓇᐛᐤ ᒐᒋ ᒪᑯᓂᔭᒄ᙮ ᐊᑯ ᒪᒃ ᐛᑎᒋᐱᔨᒡ ᒐᒋ ᐃᑐᑎᒪᒄ ᑕᓐ ᐛ ᐃᑐᑎᒪᒄ ᒪᒂᒡ ᐊ ᓱᒐᔨᑕᒂᒡ ᐅᓂᑎᐱᔅᒋᓯᐅᓐ᙮”

ᓗᒃ 9:51

ᐊᔭᔅᒃ ᒪᒃ ᒋ ᐊᑎ ᐸᓱᓇᑯᓂᔪᐤ ᒋᓴᔅ ᒋᒋᒋᓯᑯᒡ ᒐ ᐃᓯ ᐅᑎᓇᑭᓄᐅᑦ ᐊᑯ ᓇᔅᒡ ᑲ ᐃᑕᔨᑎᒥᐃᑯᑦ ᔭᐃᑕᔾ ᒐᒋ ᐃᑐᑕᑦ ᒋᕈᓯᓕᒥᒡ᙮ ᐊᑯ ᒪᒃ ᒂ ᔅᑐᑕᑦ᙮

ᒠᓐ 11:55

ᒋ ᐸᓱᓇᑯᓐ ᒪᒃ ᐊᓐ ᒍᐤ ᐎᒪᔅᑲᒐᐅ-ᒥᑯᓴᐅᓐ᙮ ᒥᒐᑦ ᐊᐛᓐᒋ ᒋ ᐸᒋ ᐃᑐᑕᐅᒡ ᒋᕈᓯᓕᒥᒡ ᓂᓇᐧᑯᐤ ᐅᑕᓇᒡ ᐊ ᐅᑐᑕᒡ ᐊ ᐸᒋ ᑎᑯᓯᒡ ᒐᒋ ᐃᑐᑕᒡ ᑕᓐ ᑲ ᐃᓯ ᐎᔅᑕᔨᒡ ᐊᔭᒥᐊᐅ ᐎᓱᐛᐅᓂᒡ ᒋᐸ ᐃᑐᐅᒡ ᒐᒋ ᐸᔭᒋᓯᒡ᙮

ᒠᓐ 12:23

ᐊᑯ ᒋᓴᔅ ᒂ ᐃᑕᑦ, “ᓴᔅ ᐅᑎᒋᐱᔪᐤ ᒋᓴᒪᓂᑐᐤ ᒐᒋ ᐛᐸᑎᔨᐛᑦ ᐊ ᒋᔅᑕᔨᑕᑯᓯᔨᒋ ᐃᔪᐤ ᐅᑯᓯᓴᓇ᙮

ᒠᓐ 13:29

ᒋ ᐃᑕᔨᑎᒧᒡ ᐊ ᐃᑕᑭᓄᔨᒋ ᒐᒋ ᐅᑎᓂᒥᔨᒋ ᒥᑯᓴᓂᔪᐤ ᒪᒃ ᒐᒋ ᐅᑎᓂᒺᔨᒋ ᒐᒂᔪᐤ ᐊᓂᔭ ᑲ ᒋᔅᑎᒪᑎᓯᔨᒋ, ᐛᔅ ᐎᔾ ᒍᑎᔅ ᒋ ᓂᓇᑭᑐᐛᔨᑎᒻ ᐊᓂᔭ ᓱᓇᔭᐅᑎᔪᐤ᙮

ᒠᓐ 13:3

ᒋᓴᔅ ᒋ ᒋᔅᒐᔨᑎᒻ ᐅᑕᐎᒪᐛ ᐊᒋ ᒥᔨᑯᑦ ᓱᐧᑲᑎᓯᐅᓂᔪᐤ ᒥᓯᐛ ᒐᒂᔪᐤ ᒐᒋ ᐃᑐᑕᐧᒃ, ᑭᔭ ᒋ ᒋᔅᒐᔨᑎᒻ ᒋᓴᒪᓂᑐᐛ ᐊ ᑕᔨᒋ ᐊ ᐅᒋᑦ ᑭᔭ ᒥᓐ ᑲᐤ ᐊᓐᑕ ᒋᓴᒪᓂᑐᐛ ᐊ ᑕᔨᒋ ᒐ ᐃᑐᑕᑦ᙮

ᒠᓐ 13:34

“ᐊ ᐅᔅᑲᒡ ᐃᑎᓱᐛᐅᓐ ᒋ ᒥᔨᑎᓇᐛᐤ ᐊᐅᒄ ᐅ ᒐᒋ ᓴᒋᐃᑐᔭᒄ᙮ ᒧᔭᒻ ᑕᓐ ᐊᔅᐱᔅ ᓴᒋᐃᑎᑯᒡ ᐊᐅᑯᓐ ᒋᐸ ᐃᔅᐱᔅ ᓴᒋᐃᑐᓇᐛᐤ᙮

ᒠᓐ 14:28

“ᔅᒋ ᐸᑐᐅᓇᐛᐤ ᑲ ᐃᑎᑎᑯᒡ, ‘ᒋᑭ ᓂᑭᑎᑎᓇᐛᐤ ᒥᒄ ᒪᒃ ᒥᓐ ᑲᐤ ᓂᑭ ᐸᒋ ᑎᑯᓯᓐ᙮’ ᒋ ᓴᒋᐃᔭᒄ ᒪᒃ ᒋᐸ ᒥᔽᔨᑕᓇᐛᐤ ᓄᑕᐎᔾ ᐊ ᑕᑦ ᐊ ᐃᑐᑕᔭᓐ, ᐛᔅ ᐎᔾ ᐃᐛᒃ ᓱᒐᔨᑕᑯᓱᐤ ᐃᔅᐱᔅ ᓂᔾ᙮

ᒠᓐ 14:31

ᒥᒄ ᒪᒃ ᐃᔪᒡ ᐅᑕ ᐊᔅᒋᒡ ᒋᐸ ᒋᔅᒐᔨᑎᒧᒡ ᐊ ᓴᒋᐃᒥᒋ ᐅᑕᐎᒪᐛ ᐊᐅᑯᓐ ᒪᒃ ᒧᔅ ᐛᒋ ᓂᓇᐃᑐᐅᒃ ᒥᓯᐛ ᑕᓐ ᐊ ᐃᑎᓱᒥᑦ᙮ ᐊᔅᑎᒧᒄ ᒪᒃ ᔅᑐᑕᑕᐤ᙮”

ᒠᓐ 16:28

ᑕᑈ ᒪᒃ ᐅᑕᐎᒪᐤ ᐊ ᑕᑦ ᓂᒋ ᐅᑐᑕᓐ ᑲ ᐸᒋ ᑎᑯᓯᓂᔭᓐ ᐅᑕ ᐊᔅᒋᒡ ᒥᓐ ᒪᒃ ᑲᐤ ᓂᑭ ᔅᑐᑕᓐ ᓄᑕᐎᔾ ᐊ ᑕᑦ ᓂᑭ ᐃᑐᑕᓐ᙮”

ᒠᓐ 17:1

ᐃᔅᐱ ᒪᒃ ᒋᓴᔅ ᑲᒋ ᐃᓯ ᐃᔭᒥᑦ, ᒋ ᑎᔅᑎᓴᐳᐤ ᒋᒋᒋᓯᑯᒡ ᐃᔅ ᐊᑯ ᒂ ᐃᔅᒋᔄᑦ, “ᓄᑕ, ᐊᑯ ᐛᑎᒋᐱᔨᒡ ᑎᐸᐃᑭᓐ᙮ ᐛᐸᑎᔨᐛ ᑕᓐ ᐊᔅᐱᔅ ᒋᔅᑕᔨᑕᑯᓯᑦ ᒋᑯᔅ ᐊᑯ ᒪᒃ ᒐ ᐛᐸᑎᔨᐛᑦ ᒋᔾ ᑕᓐ ᐊᔅᐱᔅ ᒋᔅᑕᔨᑕᑯᓱᐅᑦ᙮

ᒠᓐ 17:16

ᒧᔭᒻ ᐊ ᐃᓯ ᐊᑲ ᑎᐸᔨᑕᑯᓱᐅᒡ ᐅᑕ ᐊᔅᒋᒡ ᐊᑯᓐ ᒧᔭᒻ ᑭᔭ ᐎᔨᐛᐤ ᐊ ᐃᓯᓇᑯᓯᒡ᙮ ᓇᒪ ᑭᔭ ᐎᔨᐛᐤ ᐅᑕ ᐊᔅᒋᒡ ᑎᐸᔨᑕᑯᓱᐅᒡ᙮

ᒠᓐ 17:26

ᓂᒋ ᐃᑐᑐᐛᐅᒡ ᒐᒋ ᒋᔅᒐᔨᒥᔅᒡ ᑭᔭ ᓇᒪ ᓂᑭ ᐅᒋ ᐳᓂᐛᓐ ᐊᓂᔭ ᐊ ᐃᑐᑐᐅᒂᐤ᙮ ᐊᑯ ᐊᓐ ᑕᓐ ᐊᔅᐱᔅ ᓴᒋᐃᔨᓐ ᑭᔭ ᐎᔨᐛᐤ ᒐᒋ ᐱᒋᔅᑲᑯᒡ᙮ ᐊᑯ ᒪᒃ ᑭᔭ ᓂᔾ ᒐ ᐱᒋᔅᑯᐅᒂᐤ᙮”

ᒠᓐ 17:5

ᓄᑕ, ᒋᔅᑕᔨᑕᑯᐃ ᒧᔭᒻ ᐊᓐ ᑲ ᐃᔅᐱᔅ ᒋᔅᑕᔨᑕᑯᓯᔭᓐ ᐊᔅᒄ ᐊᒋ ᑕᔭᓐ ᐊᓐᑕ ᐊ ᑕᔨᓐ, ᐊᔅᒄ ᐊᑲ ᐅᒋ ᐅᓯᑕᔨᓐ ᐅ ᐊᔅᒋᔾ᙮”

ᒠᓐ 18:4

ᒋ ᒋᔅᒐᔨᑎᒻ ᒪᒃ ᒋᓴᔅ ᒥᓯᐛ ᑕᓐ ᒐ ᐃᔅᐱᔨᑦ ᐊᑯ ᒂ ᐸᒋ ᓂᒥᑕᐛᑲᐳᑦ ᒂ ᐃᑕᑦ, “ᐊᐛᓐ ᑲ ᓇᓂᑐᐛᐱᒪᒄ ?”

ᒠᓐ 19:28

ᐸᑎᒪ ᒪᒃ ᒋᓴᔅ ᒋ ᒋᔅᒐᔨᑎᒻ ᓴᔅ ᒥᓯᐛ ᒐᒂᔪᐤ ᐊᒋ ᒋᔅᑕᐱᔨᒡ ᐊᑯ ᒂ ᐃᔅᒋᔄᑦ, “ᓂᐎ ᒥᓐ᙮” ᐊᐅᑯᐤ ᐅᔭ ᑲ ᐃᔅᒋᔄᑦ ᒐᒋ ᑎᐱᐱᔨᒡ ᑕᓐ ᑲ ᐃᓯ ᓂᑲᓐ ᐎᑕᑭᓄᐎᒡ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ ᒐ ᐃᔅᒋᔄᑯᐱᓇ᙮

ᒠᓐ 2:13

ᓴᔅ ᒪᒃ ᒋ ᐸᓱᓇᑯᓂᔪᐤ ᒍᐤ ᐃᔪᒡ ᑲᒋ ᒥᑯᓴᒡ, ᐎᒪᔅᑲᒐᐅ-ᒥᑯᓴᐅᓐ ᑲ ᐃᓯᓂᐧᑲᑕᔨᒡ, ᐊᑯ ᐊᓐᑕ ᒋᕈᓯᓕᒥᒡ ᒂ ᐃᑐᑕᑦ ᒋᓴᔅ᙮

ᒠᓐ 6:4

ᓴᔅ ᒋ ᐸᓱᓇᑯᓂᔪᐤ ᐊᓂᔭ ᒍᐤ ᐃᔪᒡ ᑲᒋ ᒥᑯᓴᒡ ᐎᒪᔅᑲᒐᐅ-ᒥᑯᓴᐅᓐ ᑲ ᐃᓯᓂᐧᑲᑕᔨᒡ᙮

ᒠᓐ 7:30

ᐊᑯᑕ ᑲ ᐎ ᒪᑯᓇᒡ ᒋᓴᓴ ᒥᒄ ᒪᒃ ᓇᒪ ᐅᒋ ᐱᐃᔨᒪᐅᒡ, ᐛᔅ ᐊᔅᒄ ᓇᒪ ᐅᒋ ᐅᑎᒋᐱᔪᐤ ᐊᓐᑕ ᒋᐸ ᒪᑯᓇᑭᓄᐤ᙮

ᒠᓐ 7:6

ᐊᑯ ᒋᓴᔅ ᒂ ᐃᑕᑦ, “ᑕᐸ ᐊᔅᒄ ᐅᑎᒋᐱᔪᐤ ᒐᒋ ᔅᑐᑕᔭᓐ, ᒋᔨᐛᐤ ᒪᒃ ᒥᒄ ᐛ ᐃᔅᐱᔅ ᐃᑐᑕᔭᒄ ᒋᑭ ᒋ ᐃᑐᑕᓇᐛᐤ᙮

ᒠᓐ 8:20

ᐊᐅᒄ ᐅᔭ ᑲ ᐃᔅᒋᔄᑦ ᒋᓴᔅ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ᒋᔅᑯᑎᒪᒐᑦ ᐊᓐᑕ ᑲᒋ ᑭᓄᐛᔨᑕᑭᓄᔨᒋ ᐱᔅᑎᓂᒐᐅᓇ᙮ ᓇᒪ ᒪᒃ ᐊᐛᔪᐛ ᐅᒋ ᒪᑯᓂᑯᐤ ᐛᔅ ᓇᒪ ᐊᔅᒄ ᐅᒋ ᐅᑎᒋᐱᔪᐤ ᐊᓐᑕ ᒋᐸ ᒪᑯᓇᑭᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:37

ᐊᑎ ᒪᒃ ᒥᓯᐛ ᐅ ᐊ ᐃᓯ ᓂᓇᐧᑯᐤ ᐃᔅᐱᔨᒡ ᐊᓐᑕ ᐊ ᑕᔭᐧᒄ ᒋ ᑭᓄᐛᔨᑕᓇᓄᐤ ᐱᔅᒋᔭᒐᐅᓐ ᙭ ᐅᒋ, ᐊᓐ ᑲ ᓴᒋᐃᑕᐧᒄ ᐛᔅ ᐎᔾ ᒋ ᐎᒋᐃᑯᓄᐤ᙮

1 ᑯᕆᓐᑎᔭᓇ 1:8

ᐎᔾ ᒋᑭ ᐎᒋᐃᑯᐛᐤ ᒧᔅ ᒐᒋ ᓱᒋᑲᐳᐅᐛᒄ ᑕᑈᑎᒧᐅᓂᒡ ᑭᔭ ᓇᒪ ᒋᑭ ᐅᒋ ᑎᑯᓐ ᑕᓐ ᒐ ᐃᓯ ᐊᑕᒪᔨᑕᑯᓯᔭᒄ ᐃᔅᐱ ᐅᑎᒋᐱᔨᒐ ᐊᓂᔭ ᐊ ᒋᓯᑲᔨᒡ ᒐ ᑎᑯᓯᐧᒃ ᐅᑎᐸᔨᒋᒐᐤ ᒋᓴᔅ ᙭᙮

ᐃᑉᕈᐛ 3:14

ᒋᐸ ᓱᒋᑲᐳᐅᓇᓄᐤ ᒋᑕᑈᑎᒧᐅᓂᒡ ᒐ ᐃᔅᐱᔅ ᐱᒪᑎᓯᐛᐅᒂ, ᒧᔭᒻ ᑕᓐ ᑲ ᐃᔅᐱᔅ ᓱᒋᑲᐳᐅᔭᐧᒄ ᐅᔅᑭᒡ ᑲ ᑕᑈᔭᔨᒪᐧᒄ᙮ ᐅ ᒪᒃ ᑎᔭᒂ ᙭ ᒥᓯᐛ ᑕᓐ ᐊ ᐃᓯ ᐊᔭᑦ ᒋᑭ ᒥᔨᑯᓄᐤ ᑭᔭ ᒋᔭᓄᐤ ᒐᒋ ᐊᔭᐛᐧᒄ ᑕᓐ ᐊ ᐃᓯ ᐊᔭᑦ᙮

ᐃᑉᕈᐛ 3:6

ᐊᓂᔭ ᒪᒃ ᒋᓴᒪᓂᑐᐛ ᐊ ᐅᑯᓯᑐᑕᑯᑦ ᒋᓴᔅ, ᑯᐃᔅᒄ ᐃᓯ ᐊᑐᔅᑯᐛᐤ ᒋᓴᒪᓂᑐᐛ ᐊ ᓂᑲᓂᔅᑯᐅᒪᑦ ᐅᑦ ᐃᔨᒥᔪᐛ᙮ ᙭ ᐊᐅᒄ ᒋᓴᒪᓂᑐᐤ ᐅᑯᓯᓴ᙮ ᒋᔭᓄᐤ ᒪᒃ ᒋᑭ ᐅᑦ ᐃᔨᒥᑐᑕᑭᓄᐤ ᒋᓴᒪᓂᑐᐤ, ᒧᔭᒻ ᓱᒋᑕᐊᔭᒂ ᑕᑈᑎᒧᐅᓂᒡ ᑭᔭ ᓱᒃ ᒥᒪᒋᒥᓂᒪᒂ ᑕᓐ ᐊ ᐃᓯ ᐊᔅᐸᔨᒧᔭᐧᒄ᙮

ᐃᑉᕈᐛ 6:11

ᒋ ᐱᑯᓴᔨᒥᑎᓇᓐ ᒥᓯᐛ ᒧᓯᓇᐤ ᒐᒋ ᒥᔪᑐᑎᒪᒄ ᐱᐃᒻ ᐊᑎ ᐃᔎᐱᔨᒂᐛ ᒋᐱᒪᑎᓯᐅᓄᐛᐛ᙮ ᐊᑯ ᒪᒃ ᒐ ᒐᔅᑎᓇᐅᔭᒄ ᑕᑈ ᒐ ᒥᔨᑕᒄ ᒋᓴᒪᓂᑐᐤ ᒥᓯᐛ ᑕᓐ ᐛ ᐃᓯ ᒥᔨᑕᒄ᙮

1 ᐱᑕᕐ 1:13

ᓱᒃ ᒪᒃ ᒧᔅ ᐎ ᐊᔭᔅᑯᐛᔨᑎᒧᒄ ᑕᓐ ᒥᒄ ᒐ ᐊᑎ ᐃᔅᐱᔨᒂ ᒐᒂᓐ ᑭᔭ ᓱᒃ ᓂᓇᑭᑐᐛᔨᒥᓱᒄ ᑕᓐ ᐊ ᐃᑎᔭᒄ᙮ ᓇᔅᒡ ᐊᔅᐸᔨᒧᑐᑎᒧᒄ ᐊᓐ ᒋᓴᐛᑎᓯᐅᓐ ᒐ ᒥᔨᑯᐅᔭᒄ ᐃᔅᐱᔅ ᒥᓐ ᑎᑯᓯᒐ ᒋᓴᔅ ᙭᙮

1 ᒠᓐ 4:19

ᒋ ᓴᒋᐃᐛᓇᓄᐤ ᐎᔾ ᓂᔅᑎᒻ ᐊᒋ ᓴᒋᐃᑕᐧᒄ᙮

ᒋᔅᒐᔨᑕᑯᑕᒐᐅᓐ 1:5

ᒋᓴᔅ ᙭ ᑭᔭ, ᐊᓐ ᒧᔅ ᑯᐃᔅᒄ ᑲ ᐎᑕᐧᒃ ᐊ ᑎᐸᒋᒪᑦ ᒋᓴᒪᓂᑐᐛ, ᓂ ᐱᑯᓴᔨᒪᐤ ᒐᒋ ᓱᐛᔨᒥᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋᓴᔅ ᙭ ᒪᐅᒡ ᓂᔅᑎᒻ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒋ ᑲᒋᒡ ᒐᒋ ᐱᒪᑎᓯᑦ᙮ ᐎᔾ ᒋᓴᐅᒋᒪᐅᐤ ᒥᓯᐛ ᒋᓴᐅᒋᒪᐛ ᐅᑕ ᐊᔅᒋᒡ᙮ ᒋᓴᒋᐃᑯᓄᐤ ᑭᔭ ᒋ ᐱᔅᑎᓂᓱᐤ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ ᒐ ᐊᑲ ᒋ ᑎᐸᔨᒥᑯᔭᐧᒄ ᒋᒥᒋᑥᐅᓄᐛ᙮