ᒠᓐ 12:42 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴² ᒥᒐᑦ ᒪᒃ ᐃᔭᐱᒡ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᒋ ᑕᑈᔭᔨᒪᐅᒡ ᒋᓴᓴ ᒥᒄ ᒪᒃ ᓇᒪ ᐅᒋ ᐊᔨᒧᑎᒧᒡ ᐊᓐᑕ ᐊ ᐸᑐᐛᑭᓄᐎᒡ ᐛᔅ ᒋ ᑯᔅᑕᐅᒡ ᐊᓂᔭ ᐸᕆᓯᐊ ᑭᔭ ᓇᒪ ᐅᒋ ᓂᑐᐛᔨᑎᒧᒡ ᒋᒋᐛ ᒐᒋ ᐎᐎᑎᓴᐛᑭᓄᐎᒡ ᐊᓐᑕ ᐅᑦ ᐊᔭᒥᐊᐅᒋᐛᐳᐛᒡ᙮

ᒠᓐ 12:42 Iomraidhean Croise

ᒪᑎᔪᐤ 10:32

“ᐊᐛᓐ ᐎᑎᒧᐛᒐ ᑯᑎᑲ ᐊᐛᔪᐛ ᐊ ᑕᑈᔭᔨᒥᑦ, ᑭᔭ ᓂᔾ ᓂᑭ ᐎᑎᒧᒪᐛ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ ᐊ ᒋᔅᒐᔨᒥᒃ᙮

ᓗᒃ 12:8

“ᐊᐛᓐ ᐎᑎᒧᐛᒐ ᑯᑎᑲ ᐊᐛᔪᐛ ᐊ ᑕᑈᔭᔨᒥᑦ, ᐃᔪᐤ ᐅᑯᓯᓴᓇ ᑭᔭ ᒋᑭ ᐃᔅᒋᔄᔪᐛ ᐊ ᐅᑦ ᐃᔨᒥᑐᑕᑯᑦ ᐊᓐᑕ ᒋᓴᒪᓂᑐᐤ ᐅᑦ ᐊᓐᒋᓂᒪ ᐊ ᑕᔨᒋ᙮

ᓗᒃ 23:13

ᑈᓚᑦ ᒋ ᓂᔅᑐᐅᓇᐤ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ, ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᑭᔭ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ ᒐᒋ ᐃᔨᒪᐊᑦ᙮

ᓗᒃ 6:22

ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᐛᐧᑲᑎᑯᐅᔭᒄ, ᐊᑲ ᐱᔅᑲᑎᑯᐅᔭᒄ, ᐊ ᒪᔭᔨᒥᑯᐅᔭᒄ ᑭᔭ ᐊ ᒥᒋ ᐊᔨᒧᒥᑯᐅᔭᒄ ᓂᔾ ᐅᒋ ᐊ ᓇᓴᐅᔭᒄ, ᐃᔪᐤ ᐅᑯᓯᓴᓐ᙮”

ᒠᓐ 11:45

ᒥᒐᑦ ᒪᒃ ᒍᐤ ᐃᔪᒡ ᑲ ᐸᒋ ᒧᐱᔅᑐᐛᒡ ᒪᕆᔨᒋ ᒋ ᐛᐸᑎᒧᒡ ᑕᓐ ᑲ ᐃᑎᔨᒋ ᒋᓴᓴ ᑭᔭ ᒋ ᑕᑈᔭᔨᒪᐅᒡ᙮

ᒠᓐ 12:11

ᐛᔅ ᐊᓂᔭᔪᐛ ᓚᓴᕋᓴ ᐅᒋ ᐊᐅᒄ ᐛᒋ ᓂᑭᑎᑯᒡ ᒥᒐᑦ ᒍᐤ ᐃᔪᐛ ᑭᔭ ᒋᓴᓴ ᐊᔪᑯᓐ ᑲ ᑕᑈᔭᔨᒪᔨᒋ᙮

ᒠᓐ 16:2

ᐅᒡ ᒍᐤ ᐃᔪᒡ ᒋᑭ ᐎᐎᑎᓴᐅᑯᐛᐅᒡ ᐅᑦ ᐊᔭᒥᐊᐅᒋᐛᐳᐛᒡ᙮ ᓂᐦᐃ, ᒐᒃ ᑕᑈ ᒋᑭ ᐅᑎᒋᐱᔪᐤ ᐊᐛᓐ ᓂᐸᐃᑕᒂ ᒐ ᐃᑕᔨᑕᐧᒃ ᒋᓴᒪᓂᑐᐛ ᐊ ᐎᒋᐊᑦ᙮

ᒠᓐ 19:38

ᐸᑎᒪ ᒪᒃ ᒍᓯᑉ, ᐊᕆᒪᑎᔭᒡ ᑲ ᐅᒋᑦ ᓇᐸᐤ ᒋ ᓂᑐᐛᔨᑎᒧᐛᐤ ᑈᓚᑕ ᒋᓴᓴ ᐎᔭᔪᐤ ᒐᒋ ᓇᐅᔅᑕᐛᑦ᙮ ᒍᓯᑉ ᒪᒃ ᒋᒧᑦ ᒋ ᑕᑈᔭᔨᒪᐤ ᒋᓴᓴ ᐛᔅ ᒋ ᑯᔅᑕᐤ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ᙮ ᒋ ᓂᔅᑯᒧᐤ ᒪᒃ ᑈᓚᑦ ᑕᓐ ᑲ ᐃᓯ ᓂᑐᐛᔨᑎᒥᔨᒋ ᒍᓯᐸ᙮ ᐊᑯ ᒪᒃ ᒍᓯᑉ ᒂ ᐅᑎᓂᒺᑦ ᒋᓴᓴ ᐎᔭᔪᐤ ᒂ ᔅᑐᑕᐛᑦ᙮

ᒠᓐ 3:2

ᐸᐃᒂᐤ ᒪᒃ ᐊ ᑎᐱᔅᑲᔨᒡ ᒋ ᓂᑐᐛᐱᒪᐤ ᒋᓴᓴ ᐊᑯ ᒂ ᐃᑕᑦ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᒋᔾ ᒋᔅᑯᑎᒪᒐᓱᐤ ᐊᒋ ᐸᒋ ᐃᑎᓴᐅᔅᒃ ᒋᓴᒪᓂᑐᐤ᙮ ᐛᔅ ᓇᒪ ᐊᐛᓐ ᒋᑭ ᒋ ᐃᑐᑎᒻ ᐊᓂᔭ ᒪᒥᔅᑲᒡ ᐃᑐᐅᓇ ᒋᔾ ᑲ ᐃᑐᑎᒥᓐ ᐊᑲ ᐎᒋᐃᑯᒐ ᒋᓴᒪᓂᑐᐛ᙮”

ᒠᓐ 7:13

ᓇᒪ ᒪᒃ ᐅᒋ ᒋᔄᐛᐅᒡ ᐊ ᐊᔨᒧᒪᒡ ᒋᓴᓴ ᐛᔅ ᒋ ᑯᔅᑕᐅᒡ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ᙮

ᒠᓐ 7:31

ᒥᒐᑦ ᒪᒃ ᐊᐛᔪᐛ ᒋ ᑕᑈᔭᔨᒥᑯᐤ ᐊ ᐃᔅᒋᔄᔨᒋ, “ᒥᔅᑎ ᒋ ᐃᓯ ᒪᒥᔅᑲᒡ ᐃᑐᐤ ᐅ ᓇᐸᐤ᙮ ᐸᒋ ᐃᑎᓴᐛᒐ ᒪᒃ ᒋᓴᒪᓂᑐᐤ ᐊᓂᔭᔪᐛ ᙭ᑕ, ᐊᑐᐎᔅ ᐊ ᒋᑭ ᐃᓯ ᒪᒥᔅᑲᒡ ᐃᑐᑎᒥᔪᐛ ᑕᓐ ᐊ ᐃᓯ ᐃᑐᑎᒥᔨᒋ ᐅᔭ ᓇᐸᐛ ?”

ᒠᓐ 9:22

ᒋ ᑯᔅᑕᐅᒡ ᐊᓂᔭ ᒍᐤ ᐃᔪᐛ ᐅᔭ ᐛᒋ ᐃᔅᒋᔄᒡ ᐅᒡ ᐅᓂᒋᐃᑯᒪᐅᒡ᙮ ᐛᔅ ᒋ ᒋᔅᒐᔨᒪᐅᒡ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᒐ ᐎᐎᑎᓴᐛᔨᒋ ᐊᓐᑕ ᐊᔭᒥᐊᐅᒋᐛᐱᒡ ᐊᐛᔪᐛ ᒐ ᐃᔅᒋᔄᔨᒂᓂ ᙭ᑕ ᐊ ᐊᐎᔨᒋ ᐊᓂᔭᔪᐛ ᒋᓴᓴ᙮

ᒠᓐ 9:34

ᐊᑯ ᐊᓐᒡ ᑲ ᓂᑲᓂᔅᑯᐛᒡ ᒍᐤ ᐃᔪᐛ ᑲ ᐃᓯ ᐎᑎᒧᐛᒡ ᐊᓂᔭᔪᐛ ᓇᐸᐛ ᐊ ᐃᑕᒡ, “ᒥᒐᑎᓯᐅᓂᒡ ᔅᒋ ᐅᒋ ᐱᒪᑎᓯᓐ ᑭᔭ ᐊᓐᑕ ᒥᒐᑎᓯᐅᓂᒡ ᐊᑯᑕ ᑲ ᐃᓯ ᓂᑕᐅᒋᓂᑯᔨᓐ, ᐊ ᐃᑕᔨᑎᒥᓐ ᒪᒃ ᐃᔭᐱᒡ ᒐᒋ ᒋᔅᑯᑎᒧᐅᔭᒡ᙮” ᐊᑯ ᒂ ᐎᐎᑎᓴᐛᒡ ᒋᒋᐛ ᐊᓐᑕ ᐊᔭᒥᐊᐅᒋᐛᐱᒡ ᐊᓂᔭᔪᐛ ᓇᐸᐛ᙮

ᐊᑈᔅᑕᓇᒡ 5:41

ᐊᓐᒡ ᒪᒃ ᐊᑈᔅᑕᓇᒡ ᒋ ᔅᑐᑕᐅᒡ ᐊᓐᑕ ᑲ ᒪᒧᐎᔨᒋ ᐊᓂᔭᔪᐛ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᐊ ᓯᒋᔭᓯᒡ ᐊᒋ ᑕᐱᒐᔨᒥᑯᒡ ᒋᓴᒪᓂᑐᐛ ᒐᒋ ᓂᓇᐧᑲᑕᔨᒧᒡ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:10

ᐛᔅ ᐅᑕᐃᒡ ᑕᑈᑎᒻ ᐊᐛᓐ ᙭ᑕ ᐊᒋ ᓂᐱᔨᒋ ᑭᔭ ᐊᒋ ᐅᓂᔅᑲᓂᑯᔨᒋ ᒋᓴᒪᓂᑐᐛ ᓂᐳᐅᓂᒡ ᐅᒋ᙮ ᐊᐅᒄ ᒪᒃ ᐅ ᐊᐛᓐ ᐅᔭ ᐃᓯ ᑕᑈᑕᒐ ᐅᑯᐃᔅᑯᑕᑎᓯᐤ ᒐ ᐃᓯ ᑭᓄᐛᐱᒥᑯᑦ ᒋᓴᒪᓂᑐᐛ᙮ ᒧᓴ ᐊ ᐎᑕᐧᒃ ᐊᐛᓐ ᙭ᑕ ᐊ ᐅᑎᐸᔨᒋᒐᐎᔨᒋ ᐊᑯᑕ ᐛᒋ ᐱᒪᒋᐃᑯᑦ ᒋᓴᒪᓂᑐᐛ᙮

1 ᒠᓐ 4:15

ᐊᓐ ᐊᐛᓐ ᒐ ᐎᑎᒧᒂ ᒋᓴᓴ ᐊ ᐊᐎᔨᒋ ᒋᓴᒪᓂᑐᐛ ᐅᑯᓯᔪᐛ, ᒋᓴᒪᓂᑐᐛ ᐱᒋᔅᑲᑯᐤ, ᐎᔾ ᑭᔭ ᐱᔅᑯᐛᐤ ᒋᓴᒪᓂᑐᐛ᙮

1 ᒠᓐ 4:2

ᒪᐅᑕ ᒐᒋ ᐅᒋ ᒋᔅᒐᔨᒪᒄ ᐊᐛᓐ ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᐃᔭᐱᒋᐃᑯᒂ᙮ ᐊᐛᓐ ᒧᓴ ᑲ ᐎᑕᐧᒃ ᒋᓴᔅ ᙭ᑕ ᐊᒋ ᑎᑯᓯᓂᔨᒋ ᐅᑕ ᐊᔅᒋᒡ ᒧᒡ ᓇᐸᐛ ᑲ ᐃᑕᔨᑕᑯᓯᔨᒋ ᐊᒋ ᐃᑕᔨᑕᑯᓯᔨᒋ, ᐊᐅᒄ ᐅ ᒋᓴᒪᓂᑐᐤ ᐅᑦ ᐊᒐᐧᑯᔪᐛ ᐃᔭᐱᒋᐃᑯᑦ᙮