ᒠᓐ 12:40 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁰ ᒋᓴᒪᓂᑐᐛ ᒋ ᐃᑐᑕᑯᐅᒡ ᒐ ᐊᑲ ᒋ ᐛᐸᑕᒡ ᑭᔭ ᒐ ᐊᑲ ᒋ ᓂᔅᑐᑕᒡ, ᑭᔭ ᓇᒪ ᐛᐸᑎᒧᒡ ᑭᔭ ᓇᒪ ᓂᔅᑐᑎᒧᒡ᙮ ᓇᒪ ᒪᒃ ᓂ ᐎ ᐸᒋ ᓂᑐᐛᐱᒥᑯᒡ ᒐᒋ ᒥᓏᒋᐃᒂᐤ, ᐃᑕᐤ ᒋᓴᒪᓂᑐᐤ᙮

ᒠᓐ 12:40 Iomraidhean Croise

ᑎᐱᑦ ᐅᓂᑭᒧᐅᓇ 147:3

ᒥᓏᒋᐊᐤ ᑲ ᐱᑯᑕᐊᔨᒋ, ᑭᔭ ᒪᑯᐱᑎᒺᐤ ᐊ ᒥᔄᑭᓂᐧᑲᑕᑭᓄᔨᒋ᙮

ᑎᐱᑦ ᐅᓂᑭᒧᐅᓇ 41:4

ᓂᒋ ᐃᔅᒋᔄᓐ, “ᒋᔅᑎᒪᒐᔨᒥ; ᒥᓏᒋ ᓂᑦ ᐊᒐᐧᒄ, ᐛᔅ ᔅᒋ ᒥᒋᑐᑕᑎᓐ᙮”

ᑎᐱᑦ ᐅᓂᑭᒧᐅᓇ 6:2

ᒋᔅᑎᒪᒐᔨᒥ, ᐅ ᑎᐸᔨᒋᒐᓱᐤ, ᐛᔅ ᓂ ᐃᔨᔨᒥᓯᓐ: ᐅ ᑎᐸᔨᒋᒐᓱᐤ, ᒥᓏᒋᐃ, ᐛᔅ ᓂᐅᔅᑕᒪᒋᐅᓐ ᓂᔅᑭᓂᒡ᙮

ᐊᒃᓱᑕᔅ 10:1

ᐊᑯ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒐ ᓇᑎᑦ ᒋᓴᐅᒋᒪᐤ, ᐛᔅ ᓂᒋ ᐃᑐᑐᐛᐅᒡ ᒐᒋ ᒥᔅᑯᔅᑎᒂᓇᒡ ᐎᔾ ᑭᔭ ᐅᑯᐸᓇᒪ, ᐊᑯ ᒪᒃ ᒐ ᐃᑐᑎᒧᒡ ᑲ ᓱᐧᑲᑎᓯᒥᑭᓂᔨᒋ ᒪᒥᔅᑲᒡ ᐃᑐᐅᓇ ᐊᓐᑕ ᐊ ᐃᑕᒡ᙮

ᐊᒃᓱᑕᔅ 11:10

ᒧᓱᔅ ᑭᔭ ᐊᕋᓐ ᒂ ᐃᑐᑎᒺᒡ ᒋᓴᒪᓂᑐᐛ ᐅᒪᒥᔅᑲᒡ ᐃᑐᐅᓂᔪᐤ ᐊ ᐛᐱᒥᑯᒡ ᐊᓂᔭ ᒋᓴᐅᒋᒪᐛ, ᒥᒄ ᑎᐸᔨᒋᒐᓱᐤ ᒋ ᐃᑐᑐᐛᐤ ᒋᓴᐅᒋᒪᐛ ᒐᒋ ᒥᔅᑯᔅᑎᒂᓇᔨᒋ, ᑭᔭ ᓇᒪ ᐅᒋ ᐎ ᐱᔅᑎᓇᐤ ᐃᔅᕋᐃᓪ ᐃᔪᐛ ᒐᒋ ᓂᑭᑎᒥᔨᒋ ᐅᑦ ᐊᔅᒋᔾ᙮

ᐊᒃᓱᑕᔅ 14:17

ᓂᑭ ᐃᑐᑐᐛᐅᒡ ᐃᒋᑉᑦ ᐃᔪᒡ ᓇᔅᒡ ᒐᒋ ᒥᔅᑯᔅᑎᒂᓇᒡ, ᐊᑯ ᒐ ᓇᓴᐛᒡ ᐃᔅᕋᐃᓪ ᐃᔪᐛ᙮ ᐊᑯ ᒐᔅᑕᔨᑕᑯᐃᑯᐅᔭᓐ ᒋ ᓴᐧᑯᒋᐃᒂᐛ ᒋᓴᐅᒋᒪᐤ ᑭᔭ ᐅᓂᑐᐱᔪᐅ-ᐃᔨᒪ᙮

ᐊᒃᓱᑕᔅ 14:4

ᑭᔭ ᓂᑭ ᐃᑐᑐᐛᐤ ᒋᓴᐅᒋᒪᐤ ᒥᓐ ᒐᒋ ᒥᔅᑯᔅᑎᒂᓇᑦ, ᑭᔭ ᒋᑭ ᓇᓴᐛᐤ ᐃᔪᐛ ᑭᔭ ᓂᑭ ᓴᐧᑯᒋᐊᐤ ᒋᓴᐅᒋᒪᐤ ᑭᔭ ᐅᓂᑐᐱᔪᐅ-ᐃᔨᒪ ᑭᔭ ᓂᑭ ᒋᔅᑕᔨᑕᑯᐃᑯᐅᓐ᙮ ᐊᑯ ᐃᒋᑉᑦ ᐃᔪᒡ ᒐᔅᒐᔨᑕᒡ ᓂᔾ ᐊᐅᔭᓐ ᑎᐸᔨᒋᒐᓱᐤ᙮” ᐊᑯ ᐃᔅᕋᐃᓪ ᐃᔪᒡ ᒂ ᓂᓇᐃᑐᐛᒡ ᑎᐸᔨᒋᒐᓱᐛ ᑭᔭ ᒂ ᒪᓂᑲᓱᒡ ᐊᓐᑕ ᑲ ᐃᑎᑯᒡ ᒐᒋ ᒪᓂᑲᓱᒡ᙮

ᐊᒃᓱᑕᔅ 14:8

ᑎᐸᔨᒋᒐᓱᐤ ᒋ ᐃᑐᑐᐛᐤ ᒋᓴᐅᒋᒪᐛ ᒐᒋ ᒥᔅᑯᔅᑎᒂᓇᔨᒋ, ᐊᑯ ᒋᓴᐅᒋᒪᐤ ᒂ ᓇᓴᐛᑦ ᐊᓂᔭ ᐃᔅᕋᐃᓪ ᐃᔪᐛ, ᑲ ᔅᑐᑕᔨᒋ ᐊ ᓱᒋᑕᐊᔨᒋ᙮

ᐊᒃᓱᑕᔅ 4:21

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒋ ᑎᑯᓯᓂᔭᒂ ᐊᓐᑕ ᐃᒋᑉᑎᒡ, ᒐ ᓂᑐᐛᐱᒥᑦ ᒋᓴᐅᒋᒪᐤ, ᒐ ᐃᑐᑎᒥᓐ ᐅᔭ ᐊᒥᔅᑲᑕᔨᑕᒂᒋ ᒐᒂᔪᐛ ᑲ ᒥᔨᑕᓐ ᓱᐧᑲᑎᓯᐅᓐ ᒐᒋ ᐃᑐᑎᒥᓐ᙮ ᓂᑭ ᐃᑐᑐᐛᐤ ᒐᒋ ᒥᔅᑯᔅᑎᒂᓇᑦ ᑭᔭ ᓇᒪ ᒋᑭ ᐎ ᐱᔅᑎᓇᐤ ᐃᔪᐛ᙮

ᐊᒃᓱᑕᔅ 7:13

ᒋᓴᐅᒋᒪᐤ ᐊᔅᒄ ᐃᔭᐱᒡ ᒋ ᒥᔅᑯᔅᑎᒂᓇᐤ ᑭᔭ ᓇᒪ ᐅᒋ ᐎᓂᑐᑎᒻ ᐃᔭᐱᒡ, ᒧᔭᒻ ᑎᐸᔨᒋᒐᓱᐛ ᑲ ᐃᔅᒋᔄᔨᒋ᙮

ᐊᒃᓱᑕᔅ 7:3

ᑭᔭ ᓂᑭ ᐃᑐᑐᐛᐤ ᒐᒋ ᒥᔅᑯᔅᑎᒂᓇᑦ᙮ ᓇᒪ ᒋᑭ ᓂᑐᑕᒃ ᐊᑎᓱᐧᒄ ᒥᔅᑎ ᐊᓏᔨᒥᑲ ᑭᔭ ᐅᑦ ᐃᔨᒪ᙮

ᐊᒃᓱᑕᔅ 9:12

ᐊᑯ ᑎᐸᔨᒋᒐᓱᐤ ᒂ ᐃᑐᑐᐛᑦ ᒋᓴᐅᒋᒪᐛ ᒐᒋ ᒥᔅᑯᔅᑎᒂᓇᔨᒋ᙮ ᑭᔭ ᒋᓴᐅᒋᒪᐤ ᓇᒪ ᐅᒋ ᓂᑐᑐᐛᐤ ᒧᓱᓴ ᑭᔭ ᐊᕋᓇ, ᒧᔭᒻ ᑎᐸᔨᒋᒐᓱᐤ ᑲ ᐃᑕᑦ ᒧᓱᓴ᙮

ᒪᑎᔪᐤ 15:14

ᐊᑯᔅ ᐊᑲ ᐊᔨᒪᔨᒪᐧᑯᒡ ᐊᓐᒡ ᐸᕆᓯᔨᒡ᙮ ᐛᔅ ᒧᔭᒻ ᐊᐛᓐᒋ ᐊᑲ ᐛᐸᑕᒡ ᐃᔭᐱᒡ ᒪᒃ ᑲ ᐎ ᒋᔅᒋᓄᑕᐊᒡ ᐊᐛᔪᐛ ᐊᑲ ᐛᐸᑎᒥᔨᒋ ᐊᑯᓐ ᐊ ᐃᑕᔨᑕᑯᓯᒡ᙮ ᑕᐱᔅᑯᓐ ᒪᒃ ᐊᑲ ᐛᐸᑕᒡ ᐛᑎᓂᔪᐤ ᒐᒋ ᐳᑎᓱᐛᐱᔨᒡ ᐊᓐᑕ ᐊ ᐱᑯᓇᔭᔨᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:12

ᐊᑎ ᐊ ᐛᐸᑕᒡ ᓇᒪ ᒋ ᓂᔅᑐᓂᒧᒡ ᑭᔭ ᓱᒃ ᐊ ᓂᑐᑐᐛᒡ ᓇᒪ ᒋ ᓂᔅᑐᑎᒧᒡ᙮ ᐛᔅ ᒋ ᓂᔅᑐᓂᒧᐛᐛᒂ ᑭᔭ ᒋ ᓂᔅᑐᑎᒧᐛᐛᒂ, ᓂᐸ ᐸᒋ ᒋᐛ ᓇᑎᑯᒡ ᒐᒋ ᐛᐸᔨᑎᒧᐅᒂᐤ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:52

ᐛᔅ ᑕᐸ ᐅᒋ ᓂᔅᑐᑎᒧᒡ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᐊᓂᔭ ᐸᒂᓯᑭᓇ ᑲ ᐊᓯᒪᑭᓄᔨᒋ ᐱᑕᑕᒡ ᒐᓯᐱᔪᐤ ᐃᔪᐛ᙮ ᓇᒪ ᐅᒋ ᓂᔅᑐᑎᒧᒡ ᐛᓴ ᐊᒋ ᒥᔅᑯᑕᐊᒡ᙮

ᓗᒃ 4:18

“ᐅᑎᐸᔨᒋᒐᐤ ᐅᑦ ᐊᒐᒂ ᓂ ᐱᒋᔅᑲᑯᔪᐛ, ᐛᔅ ᐎᔾ ᓂᒋ ᐅᑎᓂᒄ ᒐᒋ ᐎᑎᒧᐅᒂᐤ ᑲ ᒋᔅᑎᒪᑎᓯᒡ ᒥᔽᒋᒧᐅᓂᔪᐤ᙮ ᓂᒋ ᐸᒋ ᐃᑎᓴᐅᒄ ᒐᒋ ᐎᑎᒧᐅᒂᐤ ᑲ ᒪᒋᒂᐱᐧᑲᓱᒡ ᒐᒋ ᐊᐱᐧᑯᓇᑭᓄᐎᒡ ᑭᔭ ᐊᓐᒡ ᐊᑲ ᐛᐸᑕᒡ ᒐ ᐛᐸᑕᒡ᙮ ᑭᔭ ᐊᓐᒡ ᑲ ᓂᓇᐧᑲᑕᔨᒧᐊᑭᓄᒡ ᒐᒋ ᐱᔅᑎᓇᑭᓄᐅᒡ᙮

ᓗᒃ 8:10

ᐊᑯ ᒂ ᐃᑕᑦ, “ᔅᒋ ᒥᔨᑯᓇᐛᐤ ᒋᔨᐛᐤ ᒐᒋ ᒋᔅᒐᔨᑎᒪᒄ ᐊᓐ ᒐᒂᓐ ᑯᑎᑭᒡ ᐊᐛᓐᒋ ᐊᑲ ᒪᔭᑭᓄᐎᒡ ᒐᒋ ᒋᔅᒐᔨᑕᒡ, ᐊᐅᒄ ᒐᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᐅᒡ ᐊᐛᓐᒋ, ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊᐱᑎᓂᔪᐤ ᐊ ᐊᔨᒧᑎᒧᐛᑭᓄᐎᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᐊᑎ ᐊ ᐛᐸᑕᒡ ᓇᒪ ᒋ ᓂᔅᑐᓂᒧᒡ, ᑭᔭ ᐊ ᐸᑕᒡ ᓇᒪ ᒋ ᓂᔅᑐᑎᒧᒡ᙮”

ᒠᓐ 12:39

ᐊᓂᔭ ᒪᒃ ᐊᐃᓴᔭ ᒋ ᓂᑲᓐ ᐎᑎᒧᑯᐱᓐ ᒐᒂᔪᐤ ᒐ ᐅᒋ ᐊᑲ ᑕᑈᑎᒥᔨᒋ ᐊᒋ ᐃᔅᒋᔄᑯᐱᓇ,

ᒠᓐ 9:39

ᒋᓴᔅ ᒂ ᐃᑕᑦ, “ᓂᒋ ᐸᒋ ᑎᑯᓯᓐ ᐅᑕ ᐊᔅᒋᒡ ᒐᒋ ᑎᐸᔅᑯᓂᒐᔭᓐ ᐊᓐᑕ ᒐᒋ ᐅᒋ ᐛᐸᑕᒡ ᐊᓐᒡ ᐊᑲ ᐛᐸᑕᒡ, ᐊᑯ ᐊᓐᒡ ᑲ ᐛᐸᑕᒡ ᒐ ᐊᑲ ᒋ ᐛᐸᑕᒡ᙮”

ᐊᑈᔅᑕᓇᒡ 15:3

ᐊᑯ ᒂ ᐃᑐᑕᒡ ᐊᓐᑕ ᑲ ᐃᑎᓴᐅᑯᒡ ᐊᓂᔭ ᐅᒪᒧᐊᔭᒥᐊᐛ᙮ ᐳᓂᓯᔭ ᑭᔭ ᓴᒪᕆᔭ ᒋ ᓴᐳᐛᔅᑭᒧᒡ ᐊ ᐛᐎᑎᒧᐛᒡ ᐊᓂᔭ ᐅᒪᒧᐊᔭᒥᐊᐤ ᐊᓐᑕ ᑲ ᑕᔨᒋ ᐊ ᑕᑈᔭᔨᒪᔨᒋ ᒋᓴᓴ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ᙮ ᓇᔅᒡ ᑕᑈ ᒋ ᒥᔽᔨᑎᒥᔪᐛ ᐊᓂᔭᔪᐛ ᐎᐧᑲᓂᓯᒪᐛ ᐃᔅᐱ ᐱᔭᑎᒥᔨᒋ ᐅᔭ᙮

ᐊᑈᔅᑕᓇᒡ 28:26

ᐃᔅᒋᔄᐤ ᒋᓴᒪᓂᑐᐤ, ‘ᐃᓯᒡ ᐊᓐᒡ ᐃᔪᒡ, ᒧᔅ ᒋᑭ ᐸᑕᓇᐛᐤ ᒥᒄ ᓇᒪ ᒋᑭ ᐅᒋ ᓂᔅᑐᑕᓇᐛᐤ ᑭᔭ ᐊᑎ ᐃᑕᐱᔭᒂ ᓇᒪ ᒋᑭ ᐅᒋ ᓂᔅᑐᓇᓇᐛᐤ᙮

ᐊᑈᔅᑕᓇᒡ 3:19

ᒂᔅᑲᑎᓯᒄ, ᒥᑕᒋᔨᐛᔨᑎᒧᒄ ᑕᓐ ᑲ ᐃᓯ ᒥᒋᑐᑎᒪᒄ᙮ ᓇᑎᐧᒄ ᒋᓴᒪᓂᑐᐤ ᒐᒋ ᐛᐸᔨᑎᒪᑕᒄ ᒋᒥᒋᑥᐅᓄᐛᐛ᙮ ᐊᑯ ᒪᒃ ᐅᑎᐸᔨᒋᒐᐤ ᒐ ᐃᑐᑕᑕᒄ ᒥᓐ ᒐᒋ ᓯᑭᒪᒋᐅᔭᒄ ᒋᑦ ᐊᒐᐧᑯᐛᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:18

ᐊᑯ ᒪᒃ ᒋᓴᒪᓂᑐᐤ ᒐᔅᑎᒪᒐᔨᒪᑦ ᐊᓂᔭᔪᐛ ᐊᐛᔪᐛ ᐛ ᒋᔅᑎᒪᒐᔨᒪᑦ, ᑭᔭ ᑕᓐ ᐊᓂᔭᔪᐛ ᐛ ᐃᑐᑐᐛᑦ ᒐᒋ ᒥᔅᑯᐅᑕᐊᔨᒋ ᐊᐅᑯᓂ ᐊᓂᔭᔪᐛ ᒪᔅᑯᐅᑕᐊᑦ᙮