ᒠᓐ 12:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ “ᓇᔅᒡ ᒥᓯᒪᔨᑎᒻ ᓂᑦ ᐊᒐᐧᒄ, ᑕᓐ ᒪᒃ ᒐᒋ ᐃᑎᒃ ᓄᑕᐎᔾ᙮ ᓂᑭ ᐃᑕᐤ ᐊ, ᓄᑕ, ᐊᑲᐎᔾ ᐸᒋ ᐱᔅᑎᓂᒧᐎ ᒐᒋ ᓂᓇᐧᑲᑕᔨᒧᔭᓐ ? ᓇᒪ, ᓇᒪ ᓂᑭ ᐅᒋ ᐃᑕᐤ ᐅᔭ ᐛᔅ ᐊᐅᑯᓐ ᐛᒋ ᑎᑯᓯᓂᔭᓐ ᐅᑕ ᐊᔅᒋᒡ ᒐᒋ ᓂᓇᐧᑲᑕᔨᒧᔭᓐ᙮”

ᒠᓐ 12:27 Iomraidhean Croise

ᑎᐱᑦ ᐅᓂᑭᒧᐅᓇ 6:3

ᓂᑦ ᐊᒐᐧᒄ ᓇᔅᒡ ᐅᔅᑕᐱᔪᐤ: ᒪᒃ ᒋᔾ, ᐅ ᑎᐸᔨᒋᒐᓱᐤ, ᑕᓐ ᒐ ᐃᔅᐱᔅ ᐊᔅᒄ ᐊᓱᐛᐸᑎᒥᓐ ᒐᒋ ᐎᒋᔨᓐ ?

ᑎᐱᑦ ᐅᓂᑭᒧᐅᓇ 88:3

ᐛᔅ ᓂᑦ ᐊᒐᐧᒄ ᓴᑭᔅᒋᓇᔅᑲᑯᐤ ᐊᔨᒥᓯᐅᓂᔪᐤ, ᑭᔭ ᓂᐱᒪᑎᓯᐅᓐ ᐸᒋ ᐃᔅᐱᔪᐤ ᒋᐱᐃᒋᐛᐱᒡ ᐃᓯ᙮

ᒪᑎᔪᐤ 11:25

ᐊᑯᑕ ᒪᒃ ᒋᓴᔅ ᑲ ᐊᔭᒥᐊᑦ ᐊ ᐃᔅᒋᔄᑦ, “ᓄᑕ, ᒋ ᓂᓇᔅᑯᒥᑎᓐ ᐊᒋ ᐛᐸᑎᔨᑥᐤ ᐊᓐᒡ ᐊᐛᓐᒋ ᐊᑲ ᐅᒋ ᒋᔅᑯᑎᒧᐛᑭᓄᐎᒡ ᐊᓂᔭᔪᐛ ᒐᒂᔪᐛ ᑲ ᑲᑐᐅᑥᐤ ᑲ ᑭᒐᑕᐛᔨᑕᒡ᙮

ᒪᑎᔪᐤ 11:26

ᓂᐦᐃ, ᓄᑕ ᒋ ᓂᓇᔅᑯᒥᑎᓐ ᐛᔅ ᐊᐅᑯᓐ ᐅ ᑲ ᐃᓯ ᓇᐊᔨᑎᒥᓐ᙮”

ᒪᑎᔪᐤ 26:42

ᐊᑯ ᒥᓐ ᒂ ᐊᔭᒥᐊᑦ ᒋᓴᔅ ᒂ ᐃᔅᒋᔄᑦ, “ᓄᑕ ᒐ ᐊᑲ ᒋ ᐃᒐᓂᑭᓄᐅᒂ ᐅ ᒐ ᐃᓯ ᐎᓯᒐᔨᑎᒪᓐ ᐊᐅᑯᓐ ᑭᑈ ᒐ ᐃᓯ ᐃᑐᑎᒪᓐ, ᒋᔾ ᒋᑦ ᐃᑕᔨᑎᒧᐅᓐ ᒐᒋ ᐃᑐᑕᑭᓄᐅᒡ᙮”

ᒪᑎᔪᐤ 26:45

ᐊᑯ ᒥᓐ ᑲᐤ ᒂ ᓂᑐᐛᐱᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ, ᒂ ᐃᑕᑦ, “ᐊᔅᒄ ᐊ ᒋ ᓂᐸᓇᐛᐤ ? ᐊᔅᒄ ᐊ ᒋᑦ ᐊᔅᑕᔭᔅᑯᓯᓇᐛᐤ ? ᐃᑕᐱᒄ ᒪ, ᓴᔅ ᐅᑎᒋᐱᔪᐤ ᐊᓐ ᑎᐸᐃᑭᓐ ᐃᔪᐤ ᐅᑯᓯᓴᓐ ᒐ ᐎᔭᓯᐱᔅᑎᓇᑭᓄᐅᑦ ᐅᒥᒋᑥᐛ ᐅᑎᒋᔨᒡ᙮

ᓗᒃ 22:44

ᓇᔅᒡ ᑕᑈ ᒋ ᑯᓯᑯᑕᐊᔅᑲᑯᐤ ᒐ ᐃᓯ ᓂᒋᔅᑲᐧᒃ᙮ ᐊᑯ ᒪᒃ ᐊᑐᐎᔅ ᓱᒃ ᑲ ᐊᔭᒥᐊᑦ᙮ ᐊᓂᔭ ᒪᒃ ᐊ ᐃᔅᐱᔅ ᓱᒃ ᐊᔭᒥᐊᑦ ᒐᒃ ᒋ ᑈᓱᐤ᙮ ᒐᒃ ᒧᔭᒻ ᒥᐧᑯᔪᐤ ᐊ ᐸ ᐱᒋᑯᐎᔨᒡ ᐊᓐᑕ ᐃᔅ ᐊᔅᒋᒡ ᐊᑯᓐ ᑲ ᐃᓯᓇᑯᓂᔨᒡ ᐊᓂᔭ ᐊ ᑈᓯᑦ᙮

ᓗᒃ 22:53

ᐊᑎ ᐊᓯᑯᒻ ᒋᓯᑲᐛ ᐊᒋ ᑕᔭᓐ ᒋᓴᐊᔭᒥᐊᐅᒋᐛᐱᒡ ᓇᒪ ᓂᑕ ᒋ ᐅᒋ ᑯᒋᑕᓇᐛᐤ ᒐᒋ ᒪᑯᓂᔭᒄ᙮ ᐊᑯ ᒪᒃ ᐛᑎᒋᐱᔨᒡ ᒐᒋ ᐃᑐᑎᒪᒄ ᑕᓐ ᐛ ᐃᑐᑎᒪᒄ ᒪᒂᒡ ᐊ ᓱᒐᔨᑕᒂᒡ ᐅᓂᑎᐱᔅᒋᓯᐅᓐ᙮”

ᒠᓐ 11:41

ᐊᑯ ᒂ ᐃᒐᑕᐊᒡ ᐊᓂᔭ ᐊᓯᓂᔭ᙮ ᒋᓴᔅ ᒪᒃ ᐊ ᑎᔅᑎᓴᐱᑦ ᒋ ᐃᔅᒋᔄᐤ, “ᓄᑕ, ᒋ ᓂᓇᔅᑯᒥᑎᓐ ᐊ ᐸᒋ ᓂᑐᑐᔨᓐ᙮

ᒠᓐ 12:23

ᐊᑯ ᒋᓴᔅ ᒂ ᐃᑕᑦ, “ᓴᔅ ᐅᑎᒋᐱᔪᐤ ᒋᓴᒪᓂᑐᐤ ᒐᒋ ᐛᐸᑎᔨᐛᑦ ᐊ ᒋᔅᑕᔨᑕᑯᓯᔨᒋ ᐃᔪᐤ ᐅᑯᓯᓴᓇ᙮

ᒠᓐ 13:21

ᐃᔅᐱ ᒋᓴᔅ ᑲ ᐃᔅᒋᔄᑦ ᐅᔭ, ᓇᔅᒡ ᒋ ᒥᓯᒥᑕᐊᐤ ᐊᑯ ᑯᐃᔅᒄ ᒂ ᐎᑎᒧᐛᑦ ᐊ ᐃᑕᑦ, “ᑕᑈ ᒋᑦ ᐃᑎᓇᐛᐤ, ᐸᐃᒄ ᐅᑕ ᐊ ᑎᓯᔭᒄ ᓂᑭ ᐎᔭᓯᐱᔅᑎᓂᒄ᙮”

ᒠᓐ 18:37

ᐊᑯ ᑈᓚᑦ ᒂ ᐃᑕᑦ, “ᑕᑈ ᑭᑈ ᒋᒋᓴᐅᒋᒪᐅᓇᒐ᙮” ᒋᓴᔅ ᒪᒃ ᒋ ᐃᑕᐤ, “ᒋᑦ ᐃᔅᒋᔄᓐ ᐊ ᒋᓴᐅᒋᒪᐎᔭᓐ᙮ ᐊᐅᒄ ᐛᒋ ᐱᒪᑎᓯᔭᓐ ᑭᔭ ᐊᐅᒄ ᐛᒋ ᐸᒋ ᑎᑯᓯᓂᔭᓐ ᐅᑕ ᐊᔅᒋᒡ ᒐᒋ ᑎᐸᑐᑎᒪᓐ ᐊᓐ ᑕᑈᐅᓐ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒡ᙮ ᑕᑐᐤ ᐊᐛᓐ ᑕᑈᐅᓂᒡ ᑲ ᑕᑦ ᐊᐅᒄ ᐊᓐ ᐱᔭᒋ ᓂᑐᑐᐅᑦ᙮”

1 ᑎᒧᑎ 1:15

ᐊᐅᒄ ᒪᒃ ᐅ ᑎᔭᑈᒥᑲᒡ ᐃᔅᒋᔄᐅᓐ, ᙭ ᒋᓴᔅ ᐊᒋ ᐸᒋ ᑎᑯᓯᐧᒃ ᐅᑕ ᐊᔅᒋᒡ ᒐᒋ ᐱᒪᒋᐊᑦ ᐅᒥᒋᑥᐛ᙮ ᒪᐅᒡ ᒪᒃ ᑲ ᒥᒐᑎᓯᑦ ᓂᔾ ᓂᒋ ᐃᑕᔨᑕᑯᓯᓐ᙮

ᐃᑉᕈᐛ 2:14

ᐃᔪᐛ ᐊᓂᔭᔪᐛ ᑲ ᐃᑕᑦ ᐊᓂᔭ ᑲ ᐃᔅᒋᔄᑦ ᓂᑦ ᐊᐛᓯᒥᒡ᙮ ᒋᓴᔅ ᑭᔭ ᐎᔾ ᒋᒋᐛ ᓇᔅᒡ ᐃᔪᐛ ᒋ ᐃᓯᓇᑯᓱᐤ ᑭᔭ ᓇᔅᒡ ᐃᔪᐛ ᒋ ᐃᑕᔨᑕᑯᓱᐤ᙮ ᐊᐅᒄ ᐅᔭ ᐃᔪᐛ ᐛᒋ ᑕᑦ ᒐᒋ ᓂᐱᑦ, ᒐᒋ ᐅᒋ ᓴᐧᑯᒋᐊᑦ ᒥᒋᒥᓂᑐᐛ, ᐊᓂᔭ ᑲ ᑎᐸᔨᑎᒥᔨᒋ ᓂᐳᐅᓂᔪᐤ᙮

ᐃᑉᕈᐛ 5:7

ᒪᒂᒡ ᐅᑕ ᐊᔅᒋᒡ ᑲ ᐱᐸᒧᑕᑦ ᒋᓴᔅ ᒥᒐᑥᐤ ᒋ ᐃᓯᓇᑯᓱᐤ ᓱᒃ ᐊ ᓂᑐᑎᒧᐛᑦ ᐊᓂᔭᔪᐛ ᑲ ᒋᔅᒐᔨᒪᑦ ᒐᒋ ᐎᒋᐃᑯᑦ ᒐ ᐊᑲ ᒋ ᓂᐸᐊᑭᓄᐅᑦ᙮ ᒋ ᐸᑕᑯᐤ ᒪᒃ ᐛᔅ ᒋ ᓂᓇᐃᑐᐛᐤ᙮