ᒠᓐ 11:52 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵² ᒥᒄ ᒪᒃ ᓇᒪ ᒥᒄ ᒍᐤ ᐃᔪᐛ ᒐ ᓂᐱᔅᑎᒧᐛᔨᒋ, ᒥᓯᐛ ᑭᔭ ᐊᓂᔭᔪᐛ ᒋᓴᒪᓂᑐᐛ ᐅᑦ ᐃᔨᒥᔪᐛ ᑕᑎᐸᓐ ᑲ ᑕᔨᒋ ᒐ ᒪᒧᓇᔨᒋ, ᐸᐃᑯᑕᓇᐤ ᒐᒋ ᐃᓯᓇᑯᓯᔨᒋ᙮

ᒠᓐ 11:52 Iomraidhean Croise

ᒐᓂᓯᔅ 49:10

ᑎᐸᔨᒋᒐᐤ ᓯᔅᑲᐅᓐ ᓇᓂᑎᒻ ᒋᑭ ᑎᑯᓐ ᐊᓐᑕ ᐊ ᑕᒡ ᐊ ᐸᐃᑯᔅᑲᓇᓯᔨᓐ, ᑭᔭ ᒋᑦ ᐊᓂᔅᑯᑕᐸᓐᒡ ᓇᓂᑎᒻ ᒋᑭ ᑕᐧᑯᓂᒧᒡ ᑎᐸᔨᒋᒐᐤ ᓯᔅᑲᐅᓂᔪᐤ ᐅᑎᒋᐛᐛᒡ, ᐸᑎᒪ ᒋ ᑎᑯᓯᒐ ᐊᓐ ᒋᒋᐛ ᑕᐱᔨᐛᐅᓯᑦ ᓯᔅᑲᐅᓂᔪᐤ ᑭᔭ ᐎᔾ ᒐ ᓂᓇᐃᑕᑯᑦ ᐃᔪᐛ ᒥᓯᐛ ᐊᔅᐱᑎᔅᑭᒥᑲᔨᒡ᙮

ᑎᐱᑦ ᐅᓂᑭᒧᐅᓇ 22:15

ᓂ ᒥᔅᑯᐅᓯᐅᓐ ᐸᔅᑕᐤ ᒧᔭᒻ ᐊᒋ ᐅᒋ ᐱᓂᐱᔨᒡ ᒥᓂᒂᑭᓐ, ᑭᔭ ᓂᑕᔨᔾ ᓂᑕᐱᔅᒋᑭᓂᒡ ᒋᑭᒧᐤ; ᑭᔭ ᔅᒋ ᐸᓱᐅᓐ ᓂᐳᐅᓐ ᐊᓯᔅᒋᒡ᙮

ᑎᐱᑦ ᐅᓂᑭᒧᐅᓇ 22:27

ᒥᓯᐛᔅᑭᒥᒡ ᒋᑭ ᒋᔅᒋᑐᐛᐅᒡ ᑭᔭ ᒋᑭ ᒂᔅᒋᑲᐳᐅᔅᑐᐛᐅᒡ ᑎᐸᔨᒋᒐᓱᐛ: ᑭᔭ ᒥᓯᐛ ᑲ ᑕᑐᔅᑲᓇᓯᒡ ᐃᔪᒡ ᒋᑭ ᐅᒋᒋᑯᓂᐱᔅᑐᐛᐅᒡ᙮

ᑎᐱᑦ ᐅᓂᑭᒧᐅᓇ 72:19

ᑭᔭ ᒋᑭ ᐎ ᒪᒥᒋᒥᑕᑭᓄᐎᔪᐤ ᐅᒋᔅᑕᔨᑕᑯᓱᐅ ᐃᓯᓂᐧᑲᓱᐅᓐ ᑲᒋᒡ: ᐊᑯᔅ ᒪᒃ ᒥᓯᐛ ᐊᔅᒋᒡ ᒋᑭ ᓴᑭᔅᒋᓇᔪᐤ ᐅᒋᔅᑕᔨᑕᑯᓱᐅᓐ᙮ ᐊᒥᓐ, ᑭᔭ ᐊᒥᓐ᙮

ᓗᒃ 15:8

ᐊᑯ ᒋᓴᔅ ᒂ ᐎᑎᒧᐛᑦ ᑯᑎᒋᔪᐤ ᒋᔅᒋᓄᐊᒪᒐᐤ ᑎᐸᒋᒧᐅᓂᔪᐤ ᐊ ᐃᑕᑦ, “ᑕᓐ ᐊ ᐃᑎᑦ ᐃᔎᐤ ᐊ ᐊᔭᐛᑦ ᐸᐃᑯᔪᐤ ᓱᓇᔭᐱᔎ, ᐸᐃᒄ ᒪᒃ ᐊᓂᔭ ᐅᓇᐊᑦ ? ᓯᔅᑲᐊᒻ ᐛᔅᑕᓂᐱᒪᑭᓂᔪᐤ, ᐛᔭᓯᐃᒐᑦ ᑭᔭ ᐊᓐᑕ ᐎᒋᒡ, ᓇᔅᒡ ᓇᓂᑐᐛᐱᒪᐤ ᐸᑐᔅ ᒪᔅᑯᐛᑦ᙮

ᓗᒃ 2:32

ᐛᔅᑕᐅᓐ ᒐ ᐛᔅᑕᓂᒪᑯᒡ ᒐᓐᑕᐃᓚᒡ (ᐊᑲ ᒍᐤ ᐃᑎᔅᑲᓇᓯᒡ ᐃᔪᒡ), ᑭᔭ ᐊᓂᔭᔪᐤ ᒐ ᐅᒋ ᒋᔅᑕᔨᑕᑯᓯᒡ ᒋᑦ ᐃᔨᒥᒡ ᐃᔅᕋᐃᓪ᙮” ᐊᔪᐅᒄ ᐅᔭ ᑲ ᐃᔅᒋᔄᑦ ᓯᒥᐅᓐ᙮

ᒠᓐ 1:12

ᐊᓂᔭ ᒪᒃ ᐊᐛᔪᐛ ᑲ ᐅᑎᓂᑯᑦ ᑭᔭ ᑲ ᑕᑈᔭᔨᒥᑯᑦ ᒋ ᒥᔭᐤ ᓱᐧᑲᑎᓯᐅᓂᔪᐤ ᒐᒋ ᐅᑦ ᐊᐛᓯᒥᑐᑕᑯᔨᒋ ᒋᓴᒪᓂᑐᐛ᙮

ᒠᓐ 1:29

ᒥᓐ ᒪᒃ ᐊᓂᔭ ᐎᔭᐱᓂᔨᒡ ᒠᓐ ᒋ ᐛᐱᒪᐤ ᒋᓴᓴ ᐊ ᐸᒋ ᓇᑎᑯᑦ, ᐊᑯ ᒂ ᐃᔅᒋᔄᑦ, “ᑭᓄᐛᐱᒪᐧᒄ ᒪ ᐅ ᓇᐸᐤ, ᐊᐅᒄ ᐅᔭ ᒋᓴᒪᓂᑐᐤ ᐅᒪᔭᑕᓂᓯᒪ ᑲ ᐸᒋ ᐃᑎᓴᐛᑦ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

ᒠᓐ 10:16

ᑯᑎᑭᒡ ᒪᔭᑕᓂᓯᒡ ᓂ ᑭᓄᐛᔨᒪᐅᒡ ᐊᑲ ᐅᒋᒡ ᐅᑕ ᐅᔭ ᒪᔭᑕᓂᓯᐅᒋᐛᐱᔪᐤ᙮ ᑭᔭ ᐎᔨᐛᐤ ᒪᒃ ᔭᐃᑕᔾ ᓂᑭ ᐸᓱᐛᐅᒡ᙮ ᒋᑭ ᓂᔅᑐᑎᒧᒡ ᑭᔭ ᐎᔨᐛᐤ ᓂᐸᑕᑯᓱᐅᓂᔪᐤ ᑭᔭ ᒐ ᐸᐃᒂᒡ ᒪᔭᑕᓂᓯᐅᒋᐛᑉ ᑭᔭ ᒋᑭ ᐸᐃᑯᓱᐤ ᐊᓐ ᒪᔭᑕᓂᓯᐅ-ᐃᔪᐤ᙮”

ᒠᓐ 12:32

ᐃᔅᐱ ᐅᐱᓂᑯᐅᔭᓇ ᐅᑕ ᐊᔅᒋᒡ ᐅᒋ, ᒥᓯᐛ ᐊᐛᓐ ᓂᑭ ᐃᑐᑐᐛᐤ ᒐᒋ ᐸᒋ ᓇᓯᑦ,” ᒋ ᐃᔅᒋᔄᐤ ᒋᓴᔅ᙮

ᐊᑈᔅᑕᓇᒡ 18:10

ᐛᔅ ᒋ ᐎᒐᐅᑎᓐ᙮ ᓇᒪ ᐊᐛᓐ ᒋᑭ ᒋ ᐎᔭᔅᑐᑕᒄ ᐛᔅ ᒥᒐᑦ ᐃᔪᒡ ᐅᑕ ᐅᑕᓇᒡ ᓂᔾ ᐊᓐᒡ ᓂᑦ ᐃᔨᒥᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:29

ᒪᒃ ᐊ ᐃᑕᔨᑎᒧᒂ ᐊᐛᓐ, ᐊᑯ ᐊ ᒪᒃ ᒥᒄ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐛᒋᓴᒪᓂᑐᒥᒡ ᒋᓴᒪᓂᑐᐛ᙮ ᓇᒪᐎᔾ ᐊ ᑭᔭ ᐎᔨᐛᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐅᒋᓴᒪᓂᑐᒧᐅᒡ ᒋᓴᒪᓂᑐᐛ ? ᑭᑈ ᑭᔭ ᐎᔨᐛᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐛᒋᓴᒪᓂᑐᒥᒡ ᒋᓴᒪᓂᑐᐛ, ᓇᒪ ᒥᒄ ᐎᔨᐛᐤ ᐊᓐᒡ ᒍᐤ ᑲ ᐃᑎᔅᑲᓇᓯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:17

ᒧᔭᒻ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑉᕋᐊᒻ ᐊᒋ ᐃᑎᑯᒂ ᒋᓴᒪᓂᑐᐛ, ᔅᒋ ᐃᓯᐃᑎᓐ ᒐᒋ ᐅᑕᐎᒪᐅᑕᔅᒡ ᒥᒐᑦ ᐊ ᐃᑎᔅᑲᓇᓯᒡ ᐊᐛᓐᒋ᙮ ᐊᑉᕋᐊᒻ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᐊᐅᒄ ᐅᔭ ᐊ ᐅᑕᐎᒪᐅᑐᐛᐧᒄ ᐛᒋ ᐃᓯ ᑭᓄᐛᐱᒥᑯᑦ᙮ ᐊᐅᑯᓐ ᒪᒃ ᐅᔭ ᐊᑉᕋᐊᒻ ᑲ ᑕᑈᔭᔨᒪᑦ, ᐊᓂᔭᔪᐛ ᑲ ᐃᑐᑐᐛᔨᒋ ᐊᓂᔭᔪᐛ ᐊᑲ ᐱᒪᑎᓯᔨᒋ ᑲᐤ ᒐᒋ ᐱᒪᑎᓯᔨᒋ ᑭᔭ ᒥᒄ ᐊ ᐃᔅᒋᔄᔨᒋ ᒐᒋ ᑎᑯᓂᔨᒡ ᒐᒂᔪᐤ ᐊᑲ ᓂᑕ ᐅᒋ ᑎᑯᓂᔨᒡ ᑎᐛᒡ ᑎᑯᓂᔪᐤ᙮

ᐃᐱᓯᔭᓇ 1:5

ᐊ ᓴᒋᐃᑕᐧᒄ ᒋᓴᒪᓂᑐᐤ ᐊᔪᐅᒄ ᐅᔭ ᐛᒋ ᐃᑕᔨᒥᑕᐧᒄ ᐎᔾ ᒐᒋ ᐅᑦ ᐊᐛᓯᒥᑐᑕᑕᐧᒄ ᒋᓴᔅ ᙭ᑕ ᐊ ᑕᔨᒋ ᐅᒡ᙮ ᐊᔪᐅᒄ ᐅᔭ ᑲ ᐃᓯ ᓇᐊᔨᑎᒥᐃᑯᑦ ᒐᒋ ᐃᑎᑦ ᑭᔭ ᐊᔪᐅᒄ ᐅᔭ ᑲ ᐎ ᐃᑎᑦ᙮

ᐃᐱᓯᔭᓇ 3:11

ᒋ ᐃᑐᑎᒻ ᒋᓴᒪᓂᑐᐤ ᐅᔭ ᒧᔭᒻ ᑕᓐ ᒧᔅ ᑲ ᐸᒋ ᐃᑕᔨᑎᒥᑯᐱᓇ ᒐ ᐃᑐᑕᐧᒃ ᒋᑎᐸᔨᒋᒐᓯᒥᓄᐛ ᙭ ᒋᓴᓴ ᐅᒋ᙮

ᒋᒥᔅ ᐅᒥᓯᓇᐊᒪᒐᐅᓐ 1:1

ᒋᒥᔅ ᓂᔾ, ᒋᓴᒪᓂᑐᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐊᐱᒋᐊᑭᓄᐛᐛ᙮ ᒥᓯᐛ ᓂ ᐛᒋᔭᒪᔪᐛ ᒋᓴᒪᓂᑐᐤ ᐅᑦ ᐃᔨᒪ ᐸᐱᐛ ᐊ ᑕᔨᒋ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ᙮

1 ᐱᑕᕐ 1:1

ᓂᔾ ᐱᑕᕐ, ᒋᓴᔅ ᙭ ᓂᒋ ᐅᑎᓂᒄ ᑭᔭ ᐎᔾ ᓂᒋ ᐃᑎᓴᐅᒄ ᐊᑈᔅᑕᓐ ᒐᒋ ᐃᓯ ᐊᑐᔅᑯᐅᒃ᙮ ᒋᔨᐛᐤ ᒋᓴᒪᓂᑐᐤ ᐅᑦ ᐃᔨᒪ ᒋ ᒥᓯᓇᐊᒪᑎᓇᐛᐤ, ᒋᔨᐛᐤ ᑕᑎᐸᓐ ᐊ ᑕᔭᒄ ᐊᓐᑕ ᐊᓂᔭ ᐊᔅᒋᔭ ᑈᓐᑕᔅ, ᑲᓚᓯᔭ, ᑲᐸᑐᓯᔭ, ᐊᐃᓴ ᑭᔭ ᐱᑎᓂᔭ ᐊ ᐃᓯᓂᐧᑲᑕᒋ᙮

1 ᒠᓐ 2:2

᙭ ᔅᒋ ᓂᐱᔅᑎᒪᑭᓄᐤ ᒐᒋ ᐅᒋ ᐛᐸᔨᑎᒪᑯᔭᐧᒄ ᒋᒥᒋᑥᐅᓄᐛ᙮ ᓇᒪ ᒪᒃ ᒥᒄ ᒋᔭᓄᐤ ᒋᒥᒋᑥᐅᓄᐛ ᒋᑭ ᒋ ᐛᐸᔨᑎᒪᑯᓇᓄᐤ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᐊ ᑕᑦ ᒋᑭ ᒋ ᐛᐸᔨᑎᒧᐛᑭᓄᐤ ᐅᒥᒋᑥᐅᓇ᙮

1 ᒠᓐ 3:1

ᑭᓄᐛᐸᑎᒧᒄ ᒪ ᐊᔅᐱᔅ ᓴᒋᐃᑕᐧᒄ ᒋᓴᒪᓂᑐᐤ, ᐊ ᒥᔨᑕᐧᒄ ᒋᓴᒪᓂᑐᐤ ᐅᑦ ᐊᐛᓯᒪ ᒐᒋ ᐃᓯᓂᐧᑲᑎᑯᐅᐛᐧᒄ ! ᑕᑈ ᒪᒃ ᒋ ᐅᑦ ᐊᐛᓯᒥᑕᑯᓄᐤ ! ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ, ᓇᒪ ᒋ ᒋᔅᒐᔨᒥᑯᓄᐅᒡ ᐊᐛᓐᒋ ᒋᔭᓄᐤ ᐛᔅ ᑕᐸ ᒋᔅᒐᔨᒪᐅᒡ ᒋᓴᒪᓂᑐᐛ᙮

1 ᒠᓐ 3:10

ᐊᐛᓐ ᐊᑲ ᑯᐃᔅᑯᑕᑎᓯᑦ ᒪᒃ ᐊᑲ ᓴᒋᐊᑦ ᐎᐧᑲᓂᓴ, ᓇᒪ ᐅᑦ ᐊᐛᓯᒥᑐᑕᑯᐤ ᒋᓴᒪᓂᑐᐛ᙮ ᐊᑯᑕ ᐛᒋ ᒋᔅᒐᔨᒪᑭᓄᐅᑦ ᐊᐛᓐ ᐊᐛᔪᐛ ᐊ ᐅᑦ ᐊᐛᓯᒥᑐᑕᑯᑦ, ᒋᓴᒪᓂᑐᐛ ᑭᔭ ᒪᒃ ᒥᒋᒥᓂᑐᐛ᙮

1 ᒠᓐ 3:2

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒋ ᐅᑦ ᐊᐛᓯᒥᑕᑯᓄᐤ ᒋᓴᒪᓂᑐᐤ ᐊᓄᒡ, ᒥᒄ ᒪᒃ ᐊᔅᒄ ᓇᒪ ᓄᑯᓐ ᑕᓐ ᒐ ᐃᑕᔨᑕᑯᓯᔭᐧᒄ, ᒥᒄ ᒋ ᒋᔅᒐᔨᑕᓇᓄᐤ ᐃᔅᐱ ᑎᑯᓯᒐ ᒧᔭᒻ ᐎᔾ ᐊ ᐃᑕᔨᑕᑯᓯᑦ ᐊᐅᑯᓐ ᒐ ᐃᑕᔨᑕᑯᓯᔭᐧᒄ᙮ ᐛᔅ ᒋᑭ ᐛᐱᒪᓄᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

ᒋᔅᒐᔨᑕᑯᑕᒐᐅᓐ 5:9

ᐊᓐᒡ ᒪᒃ ᓇᐤ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ, ᒋ ᓂᑭᒧᐅᒡ ᓂᑭᒧᐅᓂᔪᐤ ᐊᑲ ᓂᑕ ᐊᔅᒄ ᐅᒋ ᓂᑭᒧᓇᓄᐎᒡ᙮ ᒪᐅ ᑲ ᐃᑕᐊᒪᓱᒡ, “ᒋᔾ, ᒪᔭᑕᓂᔅ, ᒋ ᒋᔅᑕᔨᑕᑯᓯᓐ ᒐᒋ ᐅᑎᓂᒥᓐ ᐊᓐ ᒥᓯᓇᐃᑭᓐ᙮ ᒋ ᒋᔅᑕᔨᑕᑯᓯᓐ ᒐᒋ ᒥᓂᒥᓐ ᐊ ᐃᓯ ᒋᔅᑕᐸᓱᐤ ᐱᓯᒂᐃᑭᓄᐅᒡ᙮ ᐛᔅ ᒋᔾ ᔅᒋ ᓂᐸᐃᑯᐅᓐ᙮ ᒋᒥᐧᑯᒡ ᒪᒃ ᐊᑯᑕ ᑲ ᐅᒋ ᐎᐧᑯᒋᐃᑥᐤ ᐊᐛᓐᒋ ᒥᓯᐛ ᐊ ᐃᑎᔅᑲᓇᓯᒡ ᑭᔭ ᒥᓯᐛ ᐊ ᐃᓯ ᒪᒧᑕᐅᓯᒡ ᑭᔭ ᓂᓇᐧᑯᐤ ᐊ ᐃᓯ ᐃᔨᒥᒡ, ᒋᓴᒪᓂᑐᐛ ᒐᒋ ᐅᑦ ᐃᔨᒥᑐᑕᑯᒡ᙮