ᒠᓐ 11:47 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁷ ᐊᑯ ᐊᓐᒡ ᐸᕆᓯᔨᒡ ᑭᔭ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᒋ ᒪᒧᓇᐅᒡ ᑲ ᐅᒋᒪᐎᔨᒋ ᑲ ᓂᑲᓂᔅᑯᐛᔨᒋ ᐃᔪᐛ ᐊ ᐃᑕᒡ, “ᑕᓐ ᒐ ᐃᑎᔭᐧᒄ ? ᓇᔅᒡ ᒥᒐᑦ ᒪᒥᔅᑲᒡ ᒐᒂᔪᐛ ᐊ ᐃᓯ ᐃᑐᑕᐧᒃ ᐅ ᓇᐸᐤ᙮

ᒠᓐ 11:47 Iomraidhean Croise

ᒪᑎᔪᐤ 26:3

ᐊᑯ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᐃᔪᐛ ᑲ ᒪᒧᐎᒡ ᐊᓐᑕ ᒋᓴᐊᔭᒥᐊᐅᒋᒪᐛ ᑲᔭᐸᓴ ᐅᒋᓴᐅᒋᒪᐅᒋᐛᐱᒡ᙮

ᒪᑎᔪᐤ 5:22

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᐊᐛᓐ ᐊ ᒋᔄᐱᔅᑐᐛᑦ ᐎᒡ ᐃᔪᐛ ᒋᑭ ᑎᐸᔅᑯᓇᑭᓄᐤ, ᑭᔭ ᐊᐛᓐ ᐊ ᐊᑐᐛᔨᒪᑦ ᐎᒡ ᐃᔪᐛ ᒋᑭ ᐸᓱᐛᑭᓄᐤ ᐅᑎᔅᑯᐤ ᐊᓂᔭ ᑲ ᑎᐸᔅᑯᓂᒐᔨᒋ, ᑭᔭ ᐊᐛᓐ ᑲ ᐃᑕᑦ ᐎᒡ ᐃᔪᐛ ᑕᑈ ᓇᒪ ᒐᒂᓐ ᓇᔅᒡ ᒋᑦ ᐃᑕᔨᑕᑯᓯᓐ ᑯᔅᐱᓇᑕᔨᑕᑯᓂᔪᐤ ᒐᒋ ᐃᓯ ᐛᐱᓇᑭᓄᐅᑦ ᒥᒋ ᐃᔅᑯᑕᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:1

ᓂᓱ ᒋᓯᑲᐛ ᒋ ᐃᔅᐱᓯᓇᑯᓐ ᒐ ᐎᒪᔅᑲᒐᐅ-ᒥᑯᓴᓄᐅᒡ ᑭᔭ ᒐ ᒋᒋᐱᔨᒡ ᐸᒂᓯᑭᓐ ᐊᑲ ᐅᐱᔨᑦ ᑲᒋ ᒧᐛᑭᓄᐅᑦ᙮ ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒋ ᓇᓂᑐᐤ ᒥᔅᑭᒧᒡ ᑕᓐᑕ ᒐᒋ ᐅᒋ ᒋᒧᑦ ᒪᑯᓇᒡ ᒋᓴᓴ ᒐᒋ ᓂᐸᐊᒡ᙮

ᓗᒃ 22:2

ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋᒧᑦ ᑲ ᐎ ᓇᓂᑐᐤ ᒥᔅᑲᒡ ᑕᓐᑕ ᒐᒋ ᐅᒋ ᓂᐸᐊᑭᓄᔨᒋ ᒋᓴᓴ, ᐛᔅ ᒋ ᑯᔅᑕᐅᒡ ᐃᔪᐛ ᒐᒋ ᐎᔭᔅ ᐃᑐᑕᑯᒡ ᒥᒄ ᐎ ᐃᓯ ᒪᑯᓇᑥᐛ ᐊᓂᔭ ᒋᓴᓴ᙮

ᒠᓐ 11:57

ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐸᕆᓯᔨᒡ ᒋ ᐃᑎᓱᐛᐅᒡ ᔭᐃᑕᔾ ᐊᐛᔪᐛ ᒐ ᐎᑎᒥᔨᒋ ᒋᔅᒐᔨᒪᔨᒐ ᑕᓐᑕ ᐊ ᑕᔨᒋ ᒋᓴᓴ ᒐᒋ ᒪᑯᓇᑭᓄᔨᒋ᙮

ᒠᓐ 12:19

ᐊᑯ ᐊᓐᒡ ᐸᕆᓯᔨᒡ ᑲ ᐃᔅᒋᔄᒡ, “ᓇᒪ ᔅᒋ ᐃᑐᑐᐛᓄᐤ ᒐ ᐊᑲ ᒋ ᓇᓴᐅᑯᑦ ᐊᐛᔪᐛ, ᑭᓄᐛᐱᒪᒄ ᒪ, ᒥᓯᐛ ᐊᐛᔪᐛ ᐎᔾ ᓇᓴᐅᑯᐤ᙮”

ᒠᓐ 2:11

ᐊᑯᑕ ᒪᒃ ᐊᓐᑕ ᑲᐃᓇᒡ ᐊᓐᑕ ᑲᓕᓕ ᐊᔅᒋᒡ, ᓂᔅᑎᒻ ᑲ ᒪᒥᔅᑲᒡ ᐃᑎᑦ ᒋᓴᔅ, ᐊᑯᑕ ᑲ ᓄᑯᓂᔨᒡ ᐅᒋᔅᑕᔨᑕᑯᓱᐅᓐ᙮ ᐊᑯᑕ ᒪᒃ ᑲ ᐅᒋ ᑕᑈᔭᔨᒥᑯᑦ ᐅᒋᔅᒋᓄᐊᒧᐛᑭᓇ᙮

ᒠᓐ 6:2

ᒋ ᒥᒐᑎᔪᐛ ᒪᒃ ᐊᐛᔪᐛ ᑲ ᓇᓴᐅᑯᑦ ᐛᔅ ᒋ ᐎ ᐛᐱᒥᑯᐤ ᐊ ᒪᒥᔅᑲᒡ ᐃᑎᑦ ᐊ ᒥᓏᒋᐊᑦ ᐊᐛᔪᐛ ᐊ ᐊᐧᑯᓯᔨᒋ᙮

ᒠᓐ 7:32

ᐊᑯ ᐊᓐᒡ ᐸᕆᓯᔨᒡ ᑲ ᐸᑐᐛᒡ ᐊᓂᔭᔪᐛ ᐃᔪᐛ ᑕᓐ ᑲ ᐃᓯ ᒋᒧᑦ ᐊᔨᒧᒪᔨᒋ ᒋᓴᓴ᙮ ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐸᕆᓯᔨᒡ ᒋ ᐃᑎᓴᐛᐅᒡ ᐊᓂᔭᔪᐛ ᑲᒪᑯᓄᐛᓯᔨᒋ ᑲ ᓇᑭᑐᐛᐸᑎᒥᔨᒋ ᒋᓴᐊᔭᒥᐊᐅᒋᐛᐱᔪᐤ ᒐᒋ ᒪᑯᓇᔨᒋ ᒋᓴᓴ᙮

ᒠᓐ 7:45

ᐊᓐᒡ ᒪᒃ ᑲᒪᑯᓄᐛᓯᒡ ᑲᐤ ᒋ ᓂᑐᐛᐱᒪᐅᒡ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐸᕆᓯᐊ᙮ ᒋ ᐃᑎᑯᐅᒡ ᒪᒃ, “ᒐᒂᓐ ᐛᒋ ᐊᑲ ᐅᒋ ᐸᓱᐛᒄ ?”

ᐊᑈᔅᑕᓇᒡ 5:21

ᐊᓐᒡ ᒪᒃ ᐊᑈᔅᑕᓇᒡ ᒋ ᓇᐃᑐᐛᐅᒡ ᐅᔭ ᑲ ᐃᑎᑯᒡ᙮ ᐃᔅᐱ ᒪᒃ ᐊ ᐊᑎ ᐸᑕᐱᓂᔨᒡ ᒋ ᐱᒐᐅᒡ ᒋᓴᐊᔭᒥᐊᐅᒋᐛᐱᒡ, ᐊᑯ ᒂ ᒋᒋ ᒋᔅᑯᑎᒪᒐᒡ᙮ ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᑭᔭ ᐊᓂᔭᔪᐛ ᑲ ᐎᒋᐃᑯᑦ ᒋ ᐎᓴᒪᐅᒡ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᒥᓯᐛ ᒪᒧᐤ ᒐᒋ ᒪᒧᐎᒡ᙮ ᐊᑯ ᒂ ᐃᑎᓴᐛᒡ ᐊᐛᔪᐛ ᐊᓐᑕ ᑲᒪᑯᓄᐛᓯᐅᒋᐛᐱᒡ ᒐᒋ ᐸᓱᐛᑭᓄᔨᒋ ᐊᓂᔭᔪᐛ ᐊᑈᔅᑕᓇ ᐊᓐᑕ ᐊ ᑕᒡ᙮

ᐊᑈᔅᑕᓇᒡ 5:24

ᐃᔅᐱ ᒪᒃ ᐊᓐ ᑲ ᐅᒋᒪᐅᑦ ᐊᓂᔭᔪᐤ ᐊᓯᒪᑭᓂᓴ ᐊᓂᔭᔪᐤ ᒋᓴᐊᔭᒥᐊᐅᒋᐛᐱᔪᐤ ᑲ ᓂᓇᑭᑐᐛᔨᑎᒥᔨᒋ, ᑭᔭ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᐱᔭᑕᒡ ᐅᔭ, ᒋ ᒥᔅᑲᑕᔨᑎᒥᐃᑯᐅᒡ ᑕᓐ ᑲ ᐃᔅᐱᔨᒋ ᐅᔭ ᐊᑈᔅᑕᓇ᙮