ᒠᓐ 11:44 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁴ ᒋ ᐸᒋ ᐎᐎᔪᐤ ᐊᓐ ᓇᐸᐤ ᑲ ᓂᐱᑦ, ᐅᑎᒋᔭ ᑭᔭ ᐅᓯᑕ ᐊ ᐎᔎᔭᐸᐧᑲᑕᔨᒋ ᐱᒍᐎᔭᓂᓯᔪᐤ ᑭᔭ ᐊ ᒪᑯᐱᑕᔨᒡ ᐅᑕᔅᑎᒥᐧᒄ᙮ ᐊᑯ ᒋᓴᔅ ᒂ ᐃᑕᑦ, “ᐊᐱᐧᑯᓇᐧᒄ, ᒐ ᐱᔅᑎᓇᒄ᙮”

ᒠᓐ 11:44 Iomraidhean Croise

ᒐᓂᓯᔅ 1:3

ᒋᓴᒪᓂᑐᐤ ᒂ ᐃᔅᒋᔄᑦ, “ᓂᑐᐛᔨᑕᓐ ᒐᒋ ᒋᐧᑲᔭᔅᑐᐛᒡ ᐛᔅᑕᐅᓐ !” ᒂ ᒋᐧᑲᔭᔅᑐᐛᒡ ᐛᔅᑕᐅᓐ᙮

ᑎᐱᑦ ᐅᓂᑭᒧᐅᓇ 33:9

ᐛᔅ ᒋ ᐃᔨᒧᐤ, ᐊᑯ ᐊᑐᑕᑭᓄᐎᒡ; ᒋ ᐃᑎᓱᐛᐤ, ᐊᑯ ᐃᔭᔨᑎᔅᑕᔨᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:43

ᒋᓴᔅ ᒪᒃ ᒋ ᐃᑎᓱᒪᐤ ᒐ ᐊᑲ ᒋ ᐎᑎᒧᐛᔨᒋ ᑯᑎᑲ ᐊᐛᔪᐛ ᑕᓐ ᑲ ᐃᔅᐱᔨᒡ᙮ ᐊᑯ ᒂ ᐃᑕᑦ ᒐᒋ ᒥᔭᑭᓄᔨᒋ ᐊᓂᔭ ᐃᔎᓴ ᒐᒂᔪᐤ ᒐᒋ ᒥᒋᔨᒋ᙮

ᓗᒃ 19:20

“ᐊᑯ ᒥᓐ ᑯᑎᒃ ᐊᐱᒋᐊᑭᓐ ᒂ ᑎᑯᓯᐧᒃ ᐊᑯ ᒂ ᐃᔅᒋᔄᑦ, ‘ᒪᐅ ᒋᓱᓇᔭᐱᔅᑯᒻ, ᓂᒋ ᒪᑯᐱᑕᐤ ᐱᒍᐎᔭᓂᒡ᙮

ᓗᒃ 7:15

ᐊᑯ ᐊᓐ ᑲ ᓂᐱᑦ ᓇᐸᐤ ᒂ ᐅᒋ ᐊᓯᒥᑎᐱᑦ, ᒂ ᐅᒋ ᐃᔨᒥᑦ ᐊᑯ ᒋᓴᔅ ᑲᐤ ᒂ ᒥᔭᑦ ᐊᓂᔭ ᐃᔎᐛ ᐊᓂᔭ ᐅᑯᓯᔪᐛ᙮

ᒠᓐ 10:30

ᓂᔾ ᑭᔭ ᓄᑕᐎᔾ ᓂ ᐸᐃᑯᐅᓇᓐ᙮”

ᒠᓐ 11:39

ᒋ ᐃᔅᒋᔄᐤ ᒋᓴᔅ, “ᐃᒐᑎᑎᐱᓇᐧᒄ ᐊᓐ ᐊᓯᓂᔾ᙮” ᐊᑯ ᒂ ᐃᔅᒋᔄᑦ ᒪᕐᑕ ᐊᓂᔭ ᓚᓴᕋᔅ ᐎᐧᑲᓂᓴ, “ᐅᑎᐸᔨᒋᒐᐤ, ᓴᔅ ᒋᑭ ᒥᔭᑯᓐ, ᐛᔅ ᓴᔅ ᓇᐤ ᒋᓯᑲᐛ ᑲ ᐃᔅᐱᔅ ᓂᐱᑦ᙮”

ᒠᓐ 11:43

ᐃᔅᐱ ᒪᒃ ᐅᔭ ᑲ ᐃᔅᒋᔄᑦ ᒋᓴᔅ ᒋ ᒋᔄᐛᐤ ᐊ ᐃᔅᒋᔄᑦ, “ᓚᓴᕋᔅ, ᐸᒋ ᐎᐎᔾ !”

ᒠᓐ 19:40

ᐊᐅᑯᓐᒡ ᐅᒡ ᓂᓱ ᓇᐸᐅᒡ ᓂᑯᑎᒪᔅ ᑭᔭ ᒍᓯᑉ ᒂ ᐅᑎᓂᒺᒡ ᒋᓴᓴ ᐎᔭᔪᐤ ᒂ ᑎᑎᐸᔭᒋᓂᒺᒡ ᐱᒍᐎᔭᓂᒡ ᑭᔭ ᒋ ᐎᒋᒪᑯᑕᐛᐅᒡ ᐛᔅ ᐊᐅᑯᓐ ᑲᒋ ᐃᑎᒡ ᒍᐤ ᐃᔪᒡ᙮

ᒠᓐ 20:5

ᐃᔅᐱ ᒪᒃ ᐱᔭᐸᑕᑦ ᐊᓐᑕ ᐊᓐ ᑯᑎᒃ ᒋᔅᒋᓄᐊᒧᐛᑭᓐ ᒋ ᓄᐛᑲᐳᐤ ᐊᓐᑕ ᐊ ᐊᑯᓯᒂᔭᐸᑕᐧᒃ ᐊᓂᔭ ᒋᐱᐃᒋᐛᐱᔪᐤ᙮ ᒥᒄ ᐱᒍᐎᔭᓂᓯᔪᐤ ᒋ ᐛᐸᑎᒻ ᐊᓐᑕ ᐊ ᐊᔅᑕᔨᒡ᙮ ᓇᒪ ᐅᒋ ᐱᒐᐤ᙮

ᒠᓐ 20:7

ᐊᑯ ᐊᓂᔭ ᑯᑎᒋᔪᐤ ᐱᒍᐎᔭᓂᓯᔪᐤ ᑲ ᐊᐱᑎᓂᔨᒡ ᒋᓴᓴ ᑲ ᐱᔎᔭᒋᓇᑭᓄᐎᒡ ᐅᔅᑎᒂᓂᔪᐤ ᑎᐸᓐ ᐊᓐᑕ ᒋ ᐊᔅᑕᔪᐤ ᐊᒋ ᒥᔽᒋᓂᑭᓄᐃᑯᐱᓇ᙮

ᒠᓐ 5:21

ᐅᑕᐎᒪᐤ ᐅᓂᔅᑲᓇᐤ ᐊᐛᔪᐛ ᓂᐳᐅᓂᒡ ᐅᒡ ᑭᔭ ᒪᔭᑦ ᐱᒪᑎᓯᐅᓂᔪᐤ, ᐊᐅᑯᓐ ᑭᔭ ᐊᓐ ᐊ ᐃᑎᑦ ᐅᑯᓯᓯᒪᐤ, ᒥᔭᐤ ᐊᐛᔪᐛ ᐱᒪᑎᓯᐅᓂᔪᐤ ᐊᓂᔭ ᐛ ᒥᔭᑦ᙮

ᒠᓐ 5:25

ᑯᐃᔅᒄ ᒋ ᐎᑎᒪᑎᓇᐛᐤ ᓴᔅ ᐊ ᐅᑎᒋᐱᔨᒡ ᐊᓐ ᑎᐸᐃᑭᓐ ᐅ ᒐ ᐃᔅᐱᔨᒡ, ᓴᔅ ᒪᒃ ᐃᔅᐱᔪᐤ, ᐊᓐᒡ ᑲ ᓂᐱᒡ ᒋᑭ ᐸᑎᒺᐅᒡ ᒋᓴᒪᓂᑐᐛ ᐅᑯᓯᔪᐛ ᐅᐸᑕᑯᓱᐅᓂᔪᐤ᙮ ᐊᓐᒡ ᒪᒃ ᑲ ᐸᑎᒺᒡ ᒋᑭ ᐱᒪᑎᓯᐅᒡ᙮

ᐱᓕᐱᔭᓇ 3:21

ᐊᔪᐛᒃ ᐊ ᐃᑕᔨᑕᑯᓂᔨᒋ ᒥᔪᐛ ᒋᑭ ᒥᔨᑯᓄᐤ᙮ ᓇᒪ ᓴᐱᓯᒥᑭᓇ ᐅᔭ ᒋᔪᓄᐛ ᑭᔭ ᒋᑭ ᓂᐱᒥᑭᓇ᙮ ᒪᒃ ᐊᓂᔭᔪᐤ ᒥᔅᑯᓯᐅᓂᔪᐤ ᑲ ᐊᔭᑦ ᒥᓯᐛ ᒐᒂᔪᐤ ᒐᒋ ᑎᐸᔨᑕᐧᒃ ᐅᔭ ᒐ ᐊᐱᒋᑕᑦ ᒐᒋ ᒂᔅᒋᓇᑯᑕᑦ ᒋᔪᓄᐛ᙮ ᒧᔭᒻ ᐎᔾ ᐎᔪᐤ ᑲ ᐃᔅᐱᔅ ᒥᔪᓇᑯᓂᔨᒡ ᐃᔅᐱ ᑲ ᐅᓂᔅᑲᑦ ᓂᐳᐅᓂᒡ ᐅᒋ ᐊᐅᑯᓐ ᒐ ᐃᓯᓇᑯᑕᑦ ᐅᔭ ᒋᔪᓄᐛ᙮

ᒋᔅᒐᔨᑕᑯᑕᒐᐅᓐ 1:18

ᐊᐅᒄ ᓂᔾ ᑲ ᐱᒪᑎᓯᑦ᙮ ᓂᒋ ᓂᐱᓐ, ᒥᒄ ᒪᒃ ᐊᓄᒡ ᑲᒋᒡ ᓂ ᐱᒪᑎᓯᓐ᙮ ᓂᔾ ᓄᒋᒪᐧᑲᑕᓐ ᓂᐳᐅᓐ ᑭᔭ ᓂᔾ ᓄᒋᒪᐅᓐ ᐊᓐᑕ ᐊ ᑕᒡ ᐊᓐᒡ ᑲ ᓂᐱᒡ᙮”