ᒠᓐ 11:40 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁰ ᐊᑯ ᒋᓴᔅ ᒂ ᐃᑕᑦ ᐊᓂᔭ ᒪᕐᑕᔨᒋ, “ᓇᒪᐎᔾ ᐊ ᓴᔅ ᒋ ᐅᒋ ᐎᑎᒪᑎᓐ, ᑕᑈᑎᒥᓇ ᒐ ᐛᐸᑎᒧᑦ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ?”

ᒠᓐ 11:40 Iomraidhean Croise

ᑎᐱᑦ ᐅᓂᑭᒧᐅᓇ 63:2

ᑲᒋ ᐛᐸᑎᒪᓐ ᒋᑭᔅᒋᐅᓐ ᑭᔭ ᒋᒋᔅᑕᔨᑕᑯᓱᐅᓐ, ᑲ ᐃᓯ ᐛᐱᒥᑕᓐ ᐸᔭᒋ ᒥᒋᐛᐱᒡ᙮

ᑎᐱᑦ ᐅᓂᑭᒧᐅᓇ 90:16

ᐊᑯᔅ ᒋᑦ ᐃᑐᐅᓂᔪᐤ ᒋᑭ ᐛᐸᑎᒧᒡ ᒋᑦ ᐊᑐᔅᒐᔭᑭᓐᒡ, ᑭᔭ ᒋᒋᔅᑎᓯᐅᓂᔪᐤ ᒋᑭ ᑎᑯᓂᔪᐤ ᐊ ᑕᔨᒋ ᐅᑦ ᐊᐛᓯᒥᓱᐛᐛ᙮

ᐊᒃᓱᑕᔅ 16:7

ᒐᒋᓴᐸᔭᒐ ᒋᑭ ᐛᐸᑎᒺᓇᐛᐤ ᑎᐸᔨᒋᒐᓱᐤ ᐅᒋᔅᑕᔨᑕᑯᓱᐅᓐ, ᐛᔅ ᒋ ᐸᑎᒻ ᑲ ᐊᓏᔨᒐᔭᒄ᙮ ᐊᐛᓐ ᐅ ᓂᔭᓐ, ᒐᒋ ᐊᓏᔨᒥᔭᒡ ?”

ᒪᑎᔪᐤ 17:20

ᐊᑯ ᒋᓴᔅ ᒂ ᐃᑕᑦ, “ᑭᑈ ᐊᓐ ᐊᑲ ᐃᔅᐱᓴᒡ ᒋᑕᑈᑎᒧᐅᓄᐛᐤ᙮ ᑕᑈ ᒋᑦ ᐃᑎᓇᐛᐤ ᐊᑎ ᒥᒄ ᐊᐱᓴᓯᒐ ᒋᑕᑈᑎᒧᐅᓐ ᒧᔭᒻ ᐊ ᐃᔅᐱᔅ ᐊᐱᓯᓯᑦ ᓂᑕᐅᒋᑕᑭᓐ ᒪᔅᑎᕐᑦ ᑲ ᐃᓯᓂᐧᑲᓱᑦ ᐃᔅᐱᓴᒐ, ᐱᔅᑯᑎᓇᐤ ᒋᑭ ᒋ ᐃᑎᓱᐛᑕᓐ, ‘ᓇᑕ ᐃᓯ ᐊᒋᑲᐳᐅᐤ᙮’ ᒋᑭ ᐱᓯᒋᐃᑯᓐ ᒪᒃ᙮ ᒥᒄ ᒐᒂᓐ ᐛ ᐃᑐᑎᒥᓐ ᒋᑭ ᒋ ᐃᑐᑕᓐ ᐊᔭᔨᓇ ᑕᑈᑎᒧᐅᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:23

ᒋ ᐃᑕᐤ ᒪᒃ ᒋᓴᔅ, “ᒐᒂᓐ ᐛᒋ ᐃᔅᒋᔄᔨᓐ ‘ᒐᒋ ᐎ ᐎᒋᐃᐛᐛᒐ’ ? ᐛᔅ ᐊᐛᓐ ᑲ ᑕᑈᑕᐧᒃ ᒥᓯᐛ ᑕᓐ ᐛ ᐃᑎᑦ ᒋᑭ ᒋ ᐃᑐᑎᒻ᙮”

ᒠᓐ 1:14

ᐊᓐ ᒪᒃ ᐃᔨᒧᐅᓐ ᐃᔪᐤ ᒋ ᐃᓯᓇᑯᐊᑭᓄᐤ᙮ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᑕᑈᐅᓂᔪᐤ, ᔅᒋ ᐎᒋᒥᑯᓄᐤ ᐅᑕ ᐊᔅᒋᒡ᙮ ᔅᒋ ᐛᐱᒪᓄᐤ ᒪᒃ ᐊ ᒋᔅᑕᔨᑕᑯᓯᑦ ᒧᔭᒻ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑕᐎᔭ ᐛᔅ ᐎᔾ ᒥᒄ ᐸᐃᑯᓱᐤ ᐊ ᐅᑯᓯᑐᑕᑯᑦ ᒋᓴᒪᓂᑐᐛ᙮

ᒠᓐ 11:4

ᐃᔅᐱ ᒪᒃ ᒋᓴᔅ ᐱᔭᑕᐧᒃ ᐅᔭ ᒋ ᐃᑕᐤ, “ᐊᑎ ᐊᓂᔭ ᓇᔅᒡ ᐊ ᐊᐧᑯᓯᑦ ᓇᒪ ᒋᑭ ᐅᒋ ᐳᓂᐱᒪᑎᓯᐤ᙮ ᐃᔅᐱᔪᐤ ᐅ ᒐᒋ ᓄᑯᓂᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᑭᔭ ᐊᑯᑕ ᒐ ᐅᒋ ᒋᔅᑕᔨᑕᑯᐊᑭᓄᔨᒋ ᒋᓴᒪᓂᑐᐤ ᐅᑯᓴ᙮”

ᒠᓐ 12:41

ᐊᐃᓴᔭ ᒋ ᐃᑕᐤ ᐅᔭ ᐛᔅ ᒋ ᐛᐸᑎᒺᐤ ᒋᓴᓴ ᐅᒋᔅᑕᔨᑕᑯᓱᐅᓂᔪᐤ, ᑭᔭ ᑲ ᐊᔨᒧᒪᑦ᙮

ᒠᓐ 9:3

ᒋᓴᔅ ᒂ ᐎᑎᒧᐛᑦ, “ᓇᒪᔭᔪᐤ ᐎᔾ ᐅᒥᒋᑥᐅᓐ ᑭᔭ ᒪᒃ ᐅᓂᒋᐃᒂ ᐅᒥᒋᑐᑎᒧᐅᓂᔪᐤ ᑲ ᐃᑐᑕᑯᑦ ᐛᒋ ᐊᑲ ᒋ ᐛᐸᑕᐧᒃ᙮ ᒐᒋ ᐛᐸᑕᑭᓄᐎᔨᒡ ᒋᓴᒪᓂᑐᐤ ᐅᓱᐧᑲᑎᓯᐅᓐ ᐊᐅᑯᓐ ᐛᒋ ᐊᑲ ᒋ ᐛᐸᑕᐧᒃ ᐅ ᓇᐸᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:4

ᐊᐅᑯᓐ ᒪᒃ ᐛᒋ ᐃᓯᓇᒂᒡ ᑲ ᓯᑲᐃᑐᐛᑯᐅᔭᐧᒄ ᒧᔭᒻ ᑭᔭ ᒋᔭᓄᐤ ᐊᒋ ᓇᐃᐧᑲᑯᐅᔭᐧᒄ ᑲ ᓇᐃᐧᑯᐛᑭᓄᐅᑦ ᑭᔭ ᑲ ᓂᐸᐊᑭᓄᐅᑦ ᒋᔭᓄᐤ ᑭᔭ ᔅᒋ ᓂᐸᐃᑯᐅᓇᓄᐤ᙮ ᐅ ᒪᒃ ᐛᒋ ᐃᓯᓇᒂᒡ ᐊᐅᒄ ᓇᔅᒡ ᒐᒋ ᐅᔅᒐᔨᑕᒂᒡ ᑕᓐ ᐊ ᐃᓯ ᐱᒪᑎᓯᔭᐧᒄ ᒧᔭᒻ ᑲ ᐃᔅᐱᔅ ᓇᔅᒡ ᐅᔅᒐᔨᑕᑯᓂᔨᒡ ᙭ ᐅᐱᒪᑎᓯᐅᓐ ᑲ ᐅᓂᔅᑲᓂᑯᑦ ᐅᑕᐎᒪᐛ ᐅᒋᔅᑕᔨᑕᑯᓱᐤ ᓱᐧᑲᑎᓯᐅᓂᔨᒡ ᐅᒡ᙮

2 ᑯᕆᓐᑎᔭᓇ 3:18

ᒋᔭᓄᐤ ᒪᒃ ᐎ ᓇᒪ ᓂᑐᐛᔨᑕᑯᓐ ᒐᒋ ᐊᑯᒂᐅᓱᔭᐧᒄ ᒐᒋ ᐛᐸᑎᒪᐧᒄ ᐅᑎᐸᔨᒋᒐᐤ ᐅᒋᔅᑕᔨᑕᑯᓱᐅᓐ᙮ ᐊ ᑭᓄᐛᐸᑎᒪᐧᒄ ᐅᑎᐸᔨᒋᒐᐤ ᐅᒋᔅᑕᔨᑕᑯᓱᐅᓐ ᐊᔭᔅᒃ ᒋᒂᔅᒋᓇᑯᐃᑯᓇᓄᐤ ᐎᔾ ᒐᒋ ᓂᔅᐱᑐᐛᐧᒄ᙮ ᐊᔭᔅᒃ ᒋ ᐃᑐᑕᑯᓇᓄᐤ ᑭᔭ ᒋᔭᓄᐤ ᐊᑐᐎᔅ ᒐᒋ ᒋᔅᑕᔨᑕᑯᓯᔭᐧᒄ᙮ ᐎᔾ ᒪᒃ ᐅᑎᐸᔨᒋᒐᐤ ᐅᔭ ᒋᑦ ᐃᓯᐃᑯᓄᐤ ᐅᑦ ᐊᒐᒂ ᐅᒡ᙮

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮