ᒠᓐ 11:38 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁸ ᒋᓴᔅ ᒪᒃ ᒥᓐ ᒋ ᒧᓯᑕᐤ ᓇᔅᒡ ᐊ ᒥᓯᒥᑕᐊᑦ᙮ ᐊᑯ ᒂ ᐃᑐᑕᑦ ᐊᓐᑕ ᐊᓂᔭ ᑲ ᐛᑎᒂᐱᔅᑲᐃᑭᓄᐎᒡ ᐊᓐᑕ ᑲ ᐱᒥᓯᒪᑭᓄᔨᒋ ᓚᓴᕋᓴ, ᒋ ᒋᐱᑲᐳᐊᑭᓄᐃᑯᐱᓇᓂ ᐊ ᒥᓯᑎᔨᒋ ᐊᓯᓂᔾ ᐊᓐᑕ ᐊ ᐅᒋ ᐱᒐᓄᐎᒡ᙮

ᒠᓐ 11:38 Iomraidhean Croise

ᒐᓂᓯᔅ 23:19

ᑲᒋ ᐃᔭᑦ ᐊᔅᒋᔪᐤ ᐊᑉᕋᐊᒻ, ᐛᑎᑯᒡ ᐊᓐᑕ ᒋ ᓇᐃᐧᑯᐛᐤ ᐎᐛ ᓴᕋᔨᒋ᙮ ᑲᐃᓇᓐ ᐊᔅᒋᒡ ᑎᒂᓐ ᐊᓐ ᐃᑕᐅᓐ, ᐛᐱᓄᑕᒡ ᒪᒻᕋ ᐅᑕᓇᒡ, ᐊᓄᒡ ᐃᑉᕈᓐ ᐊ ᐃᓯᓂᐧᑲᑕᒡ᙮

ᒪᑎᔪᐤ 27:60

ᐊᓐᑕ ᒪᒃ ᐊᒋ ᐛᑎᒂᐱᔅᑲᐊᒧᑯᐱᓇ ᐊᑲ ᐛᔅᑭᒡ ᐅᒋ ᐊᐱᒋᑕᑯᐱᓇ ᐊᑯᑕ ᑲ ᐱᑎᑲᐊᑦ᙮ ᐎᔾ ᒪᒃ ᒋᐸ ᐊᔭᐊᑭᓄᐤ ᐊᓐᑕ ᐃᔅᐱ ᐳᓂᐱᒪᑎᓯᒐ᙮ ᐊᑯ ᐊ ᒥᒐᐱᔅᒋᓯᔨᒋ ᐊᓯᓂᔭ ᒂ ᑎᑎᐱᓇᑦ ᐊᓐᑕ ᐊ ᐃᔎᑕᒧᓂᔨᒡ ᐊᓂᔭ ᒋᐱᐃᒋᐛᐱᔪᐤ ᑲ ᒋᐱᒥᓯᒪᑦ᙮ ᐊᑯ ᒂ ᔅᑐᑕᑦ᙮

ᒪᑎᔪᐤ 27:66

ᐊᑯ ᒪᒃ ᒂ ᔅᑐᑕᒡ᙮ ᒋ ᒋᔅᒋᓄᐛᒋᐊᐅᒡ ᐊᓂᔭᔪᐛ ᐊᓯᓂᔭ ᑲ ᒋᐱᓯᒪᑭᓄᔨᒋ ᐊᓐᑕ ᒋᐱᐃᒋᐛᐱᒡ ᐊᑲ ᐊᐛᔪᐛ ᒐᒋ ᐱᒪᔨᒪᔨᒋ᙮ ᐊᑯ ᒂ ᐃᑕᒡ ᐊᓯᒪᑭᓂᓴ ᒐᒋ ᓂᓇᑭᑐᐛᐸᑎᒥᔨᒋ ᐊᓂᔭ ᒋᐱᐃᒋᐛᐱᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:46

ᐊᑯ ᒍᓯᑉ ᒂ ᐃᔭᑦ ᐊ ᒥᔪᐛᑭᓯᔨᒡ ᐱᒍᐎᔭᓂᓯᔪᐤ ᐊ ᐛᐸᑭᓂᔨᒡ, ᐊᑯ ᒂ ᓂᑎᓂᒺᑦ ᒋᓴᓴ ᐎᔭᔪᐤ᙮ ᐊᑯᑕ ᐊᓐᑕ ᐱᒍᐎᔭᓂᒡ ᒂ ᑎᑎᐱᔭᑎᓂᒺᑦ ᐊᓂᔭ ᐎᔭᔪᐤ, ᐊᑯ ᒋᐱᐃᒋᐛᐱᒡ ᒂ ᓇᐅᔅᑕᑦ᙮ ᐊᑯ ᒂ ᑎᑎᐱᓇᑦ ᐊᓯᓂᔭ ᐊᓐᑕ ᐊ ᐱᑯᓇᔭᔨᒡ ᐊᓂᔭ ᒋᐱᐃᒋᐛᐱᔪᐤ, ᐊᑯᑕ ᑲ ᒋᐱᓯᒪᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:12

ᒋᓴᔅ ᒪᒃ ᒋ ᔭᐧᑭᑕᒧᐤ ᐅᑦ ᐊᒐᐧᑯᒡ ᐊᑯ ᒂ ᐃᔅᒋᔄᑦ, “ᒐᒂᓐ ᐛᒋ ᓂᑐᐛᔨᑕᒡ ᐃᔪᒡ ᐊᓄᒡ ᒐᓯᑲᔨᒡ ᒐᒋ ᐛᐸᑎᔭᑭᓄᐎᒡ ᒪᒥᔅᑲᒡ ᐛᐸᑎᔨᐛᐅᓂᔪᐤ᙮ ᑯᐃᔅᒄ ᒋ ᐎᑎᒪᑎᓇᐛᐤ, ᓇᒪ ᒋᑭ ᐅᒋ ᐛᐸᑎᔨᑯᓇᐛᐤ ᒪᒥᔅᑲᒡ ᐛᐸᑎᔨᐛᐅᓐ ᒋᔨᐛᐤ ᐃᔪᒡ ᐊᓄᒡ ᑲ ᐱᒪᑎᓯᔭᒄ ?”

ᓗᒃ 24:2

ᒂ ᑎᑯᓯᒡ ᒪᒃ ᐊᓐᑕ ᑲ ᐛᑎᒂᐱᔅᑲᐃᑭᓄᐎᒡ ᓴᔅ ᒋ ᐃᒐᑎᑎᐱᓇᑭᓄᐎᓯᐱᓂ ᐊᓂᔭ ᐊᓯᓂᔭ ᐊᓐᑕ ᑲ ᒋᐱᓯᒪᑭᓄᔨᒋ ᒋᐱᔎᒡ᙮

ᒠᓐ 11:33

ᐃᔅᐱ ᒋᓴᔅ ᐎᔭᐱᒪᑦ ᒪᕆᔨᒋ ᐊ ᒪᔨᒋ ᑭᔭ ᐊᓂᔭᔪᐛ ᒍᐤ ᐃᔪᐛ ᑲ ᐸᒋ ᐎᒐᐅᑯᔨᒋ ᐊ ᒪᔨᒋ ᓇᔅᒡ ᒋ ᒋᔅᑎᒪᓯᑐᐛᐤ ᐊᔪᐤ ᒪᒃ ᓇᔅᒡ ᒋ ᒥᓯᒥᑕᐊᐤ᙮

ᒠᓐ 20:1

ᐊᓐ ᑲ ᒋᓴᐊᔭᒥᐊᐅᒋᓯᑲᒡ ᐎᐱᒡ ᒪᒃ ᒥᓐ ᐊ ᐊᑎ ᐛᐸᒡ, ᐊᔅᒄ ᐊ ᐊᒋᑲᔅᑕᔭᒡ ᐊᓐᑕ ᒋᐱᐃᒋᐛᐱᒡ ᒋ ᐃᑐᑕᐤ ᒪᕆ ᒪᒃᑕᓕᓐ ᒂ ᐛᐱᒪᑦ ᐊᓂᔭ ᐊᓯᓂᔭ ᐊᒋ ᐃᒐᑕᐊᑭᓄᐃᒂᓂ ᐊᓐᑕ ᐊ ᐅᒋ ᐱᒐᓄᐎᒡ᙮