ᒠᓐ 11:33 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³³ ᐃᔅᐱ ᒋᓴᔅ ᐎᔭᐱᒪᑦ ᒪᕆᔨᒋ ᐊ ᒪᔨᒋ ᑭᔭ ᐊᓂᔭᔪᐛ ᒍᐤ ᐃᔪᐛ ᑲ ᐸᒋ ᐎᒐᐅᑯᔨᒋ ᐊ ᒪᔨᒋ ᓇᔅᒡ ᒋ ᒋᔅᑎᒪᓯᑐᐛᐤ ᐊᔪᐤ ᒪᒃ ᓇᔅᒡ ᒋ ᒥᓯᒥᑕᐊᐤ᙮

ᒠᓐ 11:33 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:5

ᒋᓴᔅ ᒋ ᒋᔄᓱᐤ ᐊ ᑭᓄᐛᐱᒪᑦ ᑭᔭ ᒋ ᒥᓯᒥᑕᐃᔅᑲᑯᐤ ᐊᓂᔭ ᐊ ᓯᐱᑎᒥᔨᒋ᙮ ᐊᑯ ᒂ ᐃᑕᑦ ᐊᓂᔭ ᓇᐸᐛ ᑲ ᒪᔅᑲᔨᒡ ᐅᑎᒋᔪᐤ, “ᓴᑐᐱᔨᑕ ᔅᑎᒋᔾ᙮” ᒋ ᓴᑐᐱᔨᑕᐤ ᒪᒃ ᐊᓐ ᓇᐸᐤ ᐊᓂᔭ ᐅᑎᒋᔾ, ᑭᔭ ᑲ ᒥᓏᒋᑕᑭᓄᐎᒡ ᐊᓂᔭ ᐅᑎᒋᔾ, ᒧᔭᒻ ᐊᓂᔭ ᑯᑎᒋᔪᐤ ᐅᑎᒋᔾ ᑲ ᐃᓯ ᒥᔽᔨᒡ ᐊᐅᑯᓐ ᑲ ᐃᓯᓇᑯᓂᔨᒡ ᐊᓂᔭ ᐅᑎᒋᔾ ᑲ ᒪᔅᑲᔨᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:19

ᒋᓴᔅ ᒪᒃ ᒋ ᐃᑕᐤ ᐊᓂᔭᔪᐛ ᐊᓐᑕ ᑲ ᑕᔨᒋ, “ᒋᔨᐛᐤ ᐃᔪᒡ ᐊᓄᒡ ᑲ ᐱᒪᑎᓯᔭᒄ ᐊᑲ ᐊᔭᔭᒄ ᑕᑈᑎᒧᐅᓐ, ᑕᓐ ᒐ ᐃᔅᐱᔅ ᑕᔭᓐ ᐅᑕ ᐊ ᑕᔭᒄ ᐃᔭᒄ ᒐᒋ ᓂᔅᑐᑎᒪᒄ ? ᑕᓐ ᒐ ᐃᔅᐱᔅ ᐊᓱᐛᐱᒥᑎᑯᒡ ᐊᑯ ᒐᒋ ᐊᔭᔭᒄ ᑕᑈᑎᒧᐅᓐ᙮ ᐸᓱᐛᐧᒄ ᐊᓐ ᓇᐸᔅ ?”

ᒠᓐ 11:19

ᒥᒐᑦ ᒪᒃ ᒍᐤ ᐃᔪᒡ ᒋ ᐸᒋ ᓂᑐᐛᐱᒪᐅᒡ ᒪᕐᑕᔨᒋ ᑭᔭ ᒪᕆᔨᒋ ᐊ ᐸᒋ ᒥᔽᔨᒧᐛᐊᒡ ᐊᓂᔭ ᐎᐧᑲᓂᓯᔪᐛ ᐊᒋ ᐳᓂᐱᒪᑎᓯᔨᒋ᙮

ᒠᓐ 11:31

ᐊᓐᒡ ᒪᒃ ᒍᐤ ᐃᔪᒡ ᑲ ᐎᑎᐱᒪᒡ ᒪᕆᔨᒋ ᐊ ᐎ ᒥᔽᔨᒧᐛᐊᒡ ᒋ ᓇᓴᐛᐅᒡ ᐃᔅᐱ ᐎᔭᐱᒪᒡ ᓇᔅᒡ ᐊ ᔭᓯᒋᐱᔪᐅᔨᒋ ᐊ ᐊᑎ ᐎᐎᔨᒋ ᐛᔅ ᒋ ᐃᑕᔨᑎᒧᒡ ᐊᓐᑕ ᐊᓂᔭ ᑲ ᐱᒥᓯᒪᑭᓄᔨᒋ ᐎᐧᑲᓂᓯᔪᐛ ᐊᑯᑕ ᐊ ᐃᑐᑕᔨᒋ ᒐᒋ ᒪᔨᒋ᙮

ᒠᓐ 11:34

ᐊᑯ ᒂ ᐃᔅᒋᔄᑦ, “ᑕᓐᑕ ᑲ ᓇᐃᐧᑯᐛᑭᓄᐅᑦ ?” “ᐊᔅᑎᒻ ᐅᑎᐸᔨᒋᒐᐤ ᐸᒋ ᐛᐸᑕ,” ᒋ ᐃᑎᑯᐤ᙮

ᒠᓐ 11:35

ᒋ ᒪᐤ ᒋᓴᔅ᙮

ᒠᓐ 11:38

ᒋᓴᔅ ᒪᒃ ᒥᓐ ᒋ ᒧᓯᑕᐤ ᓇᔅᒡ ᐊ ᒥᓯᒥᑕᐊᑦ᙮ ᐊᑯ ᒂ ᐃᑐᑕᑦ ᐊᓐᑕ ᐊᓂᔭ ᑲ ᐛᑎᒂᐱᔅᑲᐃᑭᓄᐎᒡ ᐊᓐᑕ ᑲ ᐱᒥᓯᒪᑭᓄᔨᒋ ᓚᓴᕋᓴ, ᒋ ᒋᐱᑲᐳᐊᑭᓄᐃᑯᐱᓇᓂ ᐊ ᒥᓯᑎᔨᒋ ᐊᓯᓂᔾ ᐊᓐᑕ ᐊ ᐅᒋ ᐱᒐᓄᐎᒡ᙮

ᒠᓐ 12:27

“ᓇᔅᒡ ᒥᓯᒪᔨᑎᒻ ᓂᑦ ᐊᒐᐧᒄ, ᑕᓐ ᒪᒃ ᒐᒋ ᐃᑎᒃ ᓄᑕᐎᔾ᙮ ᓂᑭ ᐃᑕᐤ ᐊ, ᓄᑕ, ᐊᑲᐎᔾ ᐸᒋ ᐱᔅᑎᓂᒧᐎ ᒐᒋ ᓂᓇᐧᑲᑕᔨᒧᔭᓐ ? ᓇᒪ, ᓇᒪ ᓂᑭ ᐅᒋ ᐃᑕᐤ ᐅᔭ ᐛᔅ ᐊᐅᑯᓐ ᐛᒋ ᑎᑯᓯᓂᔭᓐ ᐅᑕ ᐊᔅᒋᒡ ᒐᒋ ᓂᓇᐧᑲᑕᔨᒧᔭᓐ᙮”

ᒠᓐ 13:21

ᐃᔅᐱ ᒋᓴᔅ ᑲ ᐃᔅᒋᔄᑦ ᐅᔭ, ᓇᔅᒡ ᒋ ᒥᓯᒥᑕᐊᐤ ᐊᑯ ᑯᐃᔅᒄ ᒂ ᐎᑎᒧᐛᑦ ᐊ ᐃᑕᑦ, “ᑕᑈ ᒋᑦ ᐃᑎᓇᐛᐤ, ᐸᐃᒄ ᐅᑕ ᐊ ᑎᓯᔭᒄ ᓂᑭ ᐎᔭᓯᐱᔅᑎᓂᒄ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:15

ᐎᒋ ᒥᔽᔨᑎᒧᒪᐧᑯᒡ ᐊᓐᒡ ᑲ ᒥᔽᔨᑕᒡ᙮ ᐎᒋ ᒥᓯᒪᔨᑎᒧᒪᐧᑯᒡ ᐊᓐᒡ ᑲ ᒥᓯᒪᔨᑕᒡ᙮

ᐃᑉᕈᐛ 4:15

ᐛᔅ ᐊᓐ ᒋᒋᓴᐊᔭᒥᐊᐅᒋᒪᒥᓄᐤ ᒋᔅᑎᒪᒐᔨᒥᑯᓄᐤ᙮ ᓇᔅᒡ ᒋ ᒋᔅᒐᔨᒥᑯᓄᐤ ᐊᑲ ᓇᔅᒡ ᓱᒋᑲᐳᐅᔭᐧᒄ ᐃᔅᐱ ᐊ ᑯᒂᒋᐃᑯᔭᐧᑯ ᒐᒋ ᒥᒋᑐᑎᒪᐧᒄ᙮ ᐛᔅ ᑭᔭ ᐎᔾ ᒋ ᑯᒂᒋᐊᑭᓄᐤ ᒐᒋ ᒥᒋᑐᑕᐧᒄ ᒧᔭᒻ ᒋᔭᓄᐤ ᐊ ᐃᑐᑕᑯᐅᔭᐧᒄ, ᒥᒄ ᒪᒃ ᐎᔾ ᓇᒪ ᐅᒋ ᒥᒋᑐᑎᒻ᙮